Tag: امریکا کی خبریں

نیویارک: ایک امریکی خاتون کو کھرب پتی خاندان کی لفٹ میں پھنس کر تین دن گزارنے پڑ گئے، فائر فائٹرز نے تین دن بعد انھیں زندہ نکال لیا۔

تفصیلات کے مطابق نیویارک کے علاقے مین ہٹن میں ایک خاتون پانچ منزلہ گھر کی لفٹ میں دوسری اور تیسری منزل کے درمیان تین دن تک بھوکی پیاسی پھنسی رہیں۔

[bs-quote quote=”لفٹ اچانک کیسے خراب ہو گئی؟ کچھ پتا نہیں چل سکا۔” style=”style-7″ align=”left” color=”#dd3333″][/bs-quote]

53 سالہ میریٹیز فورٹالیزا جمعے کے روز لفٹ میں داخل ہوئیں اور انھیں پیر کے دن نکالا گیا۔

محکمہ فائر فائٹر کے مطابق جب وہ گھر میں داخل ہوئے تو لفٹ ٹوٹی ہوئی تھی، اور فورٹالیزا ہوش میں تھیں۔

پولیس کے بیان کے مطابق لفٹ میں خاتون کے پھنسنے کا پتا اس وقت چلا جب ایک شخص نے عمارت میں کچھ پہنچانے کے لیے گھر مالکان سے رابطہ کیا، مالکان نے خاندان کا ایک فرد بھیجا جس نے لفٹ میں فورٹالیزا کو پھنسا ہوا پایا، جس پر اس نے ایمرجنسی کال کی۔

فورٹالیزا کے بارے میں کہا جا رہا ہے کہ وہ 18 سال سے اسٹیفنز خاندان کے ساتھ منسلک ہیں اور گھر کے کام کاج کرتی ہیں، وقوعے کے روز گھر والے ویک اینڈ کی چھٹیاں منانے گئے ہوئے تھے اور گھر خالی تھا۔

یہ بھی پڑھیں:  خطروں کے کھلاڑیوں کے لیے لاس ویگاس میں 114 فٹ بلند زپ لائن کھول دی گئی

ویرن اسٹیفنز ایک کھرب پتی بینکار ہیں، اور ریاست آرکنسا میں ایک بینک کے سربراہ ہیں۔

لفٹ کی خرابی کے بارے میں کچھ معلوم نہیں ہو سکا ہے، تاہم محکمہ تعمیرات اور لفٹ بنانے والی کمپنی لفٹ کی خرابی سے متعلق تحقیقات کر رہی ہے۔

الباما: امریکی ریاست الباما میں ہوا کے بگولے نے تباہی مچا دی، بگولے کی زد میں آنے والے متعدد مکانات تباہ ہو گئے۔

تفصیلات کے مطابق ہوا کے بگولے نے امریکی ریاست الباما کو اپنی لپیٹ میں لے کر متعدد مکانات تباہ کر دیے، گاڑیوں کو بھی نقصان پہنچا۔

[bs-quote quote=”بگولے سے بچنے کے لیے مقامی لوگوں نے گھروں کے تہ خانوں میں پناہ حاصل کی۔” style=”style-7″ align=”left” color=”#dd3333″][/bs-quote]

غیر ملکی میڈیا رپورٹس کے مطابق تباہ کن ٹورنیڈو کے بعد قوسِ قزح کے رنگ نمایاں ہو گئے، تاہم متعدد علاقوں میں بجلی منقطع ہو گئی۔

رپورٹس کے مطابق بگولے نے وسطی الباما کو نشانہ بنایا، بگولے سے بچنے کے لیے مقامی لوگوں نے گھروں کے تہ خانوں میں پناہ حاصل کی۔

پولیس کا کہنا تھا کہ بگولے کی زد میں آنے والے سات گھروں کے علاوہ سو سالہ قدیم چرچ بھی تباہ ہو گیا، جب کہ دوسرے چرچ کو جزوی نقصان پہنچا۔

پولیس کے مطابق متعدد لوگوں کو گھروں کے تہ خانوں سے بچایا گیا، جو معمولی زخمی ہوئے۔ خیال رہے کہ ہوا کے بگولے کی آمد سے قبل علاقے میں وارننگ سائرن بھی بجایا گیا تھا۔

یہ بھی پڑھیں:  میکسیکو: تیل کی پائپ لائن میں ہولناک آتشزدگی، 21 افراد ہلاک

دریں اثنا میکسیکو میں آئل پائپ لائن میں دھماکے میں ہلاکتوں کی تعداد 73 ہوگئی ہے، دھماکا جمعے کو اس وقت ہوا جب مقامی افراد کی بڑی تعداد پائپ لائن سے خارج ہونے والے فیول کو جمع کرنے میں مصروف تھی۔

واشنگٹن: امریکی نمائندہ خصوصی برائے افغانستان زلمے خیل زاد نے ٹویٹ کرتے ہوئے کہا ہے کہ امریکا صرف امن چاہتا ہے۔

تفصیلات کے مطابق زلمے خلیل زاد نے سماجی رابطوں کی ویب سائٹ ٹویٹر پر اپنے پیغام میں افغانستان کے حوالے سے امریکی طرزِ عمل پر اٹھنے والے سوال پر لوگوں کو اطمینان دلانے کی کوشش کی ہے کہ امریکا امن چاہتا ہے۔

[bs-quote quote=”افغانستان کی آزادی اور خود مختاری اور خطے کی ریاستوں کے مفادات کا خیال رکھا جائے گا۔” style=”style-7″ align=”left” color=”#dd3333″ author_name=”زلمے خلیل زاد”][/bs-quote]

زلمے خلیل زاد نے لکھا کہ لوگوں کے اس حوالے سے تحفظات ہیں کہ امریکا ایک طرف افغانستان میں لڑنا بھی چاہتا ہے اور دوسری طرف مذاکرات بھی کرنا چاہتا ہے۔

امریکی نمائندہ خصوصی نے کہا کہ میں واضح کرنا چاہتا ہوں کہ امریکا صرف امن چاہتا ہے، امن کے قیام کے لیے تمام افغانیوں کے تحفظات دیکھیں گے۔

زلمےخلیل زاد نے لکھا کہ افغانستان میں تمام فریقین، افغانستان کی آزادی اور خود مختاری اور خطے کی ریاستوں کے مفادات کا خیال رکھا جائے گا۔

انھوں نے مزید کہا کہ ہم چاہتے ہیں کہ افغانستان میں لڑائی فوری ختم ہو، لیکن امن کی تلاش کا مطلب ہے کہ ہمیں ضرورت کے مطابق لڑنا بھی پڑے گا۔

2/2 To acheive peace, we are ready to address legitimate concerns of all #Afghan sides in a process that ensures #Afghan independence&sovereignty, and accounts for legitimate interests of regional states. Urgent that fighting end. But pursuing peace still means we fight as needed

— U.S. Special Representative Zalmay Khalilzad (@US4AfghanPeace) January 19, 2019

یہ بھی پڑھیں:  وزیراعظم عمران خان سے امریکی نمائندہ خصوصی زلمےخلیل زاد کی ملاقات

یاد رہے کہ گزشتہ روز زلمے خلیل زاد نے وزیرِ اعظم عمران خان سے ملاقات کی، اس موقع پر افغان امن عمل میں پیش رفت اور دیگر موضوعات پر تبادلہ خیال کیا گیا۔