ARYNews.tv | Urdu – Har Lamha Bakhabar

Tag: امریکا کی خبریں

  • سی آئی اے سربراہ آج کانگریس کوسعودی صحافی کے قتل پربریفنگ دیں گی

    سی آئی اے سربراہ آج کانگریس کوسعودی صحافی کے قتل پربریفنگ دیں گی

    واشنگٹن : سعودی صحافی جمال خاشقجی کے قتل پرسی آئی اے کی سربراہ جینا ہیسپل امریکی کانگریس کو بریفنگ دیں گی۔

    تفصیلات کے مطابق امریکی خفیہ ادارے کی سربراہ جینا ہیسپل آج کانگریس کو سعودی صحافی جمال خاشقجی کے قتل سے متعلق بریفنگ دیں گی۔

    سی آئی اے سربراہ جینا ہیسپل گزشتہ بفتے وزارت خارجہ اور دفاع کو دی جانے والی بریفنگ میں موجود نہیں تھیں جس پر کانگریس کے اراکین نے ناراضی ظاہر کی تھی۔

    امریکی میڈیا کے مطابق سی آئی اے کے پاس سعودی ولی عہد محمد بن سلمان کے سعود القحطانی سے رابطے کے شواہد موجود ہیں۔

    جمال خاشقجی قتل کے وقت سعودی ولی عہد نے پیغامات بھیجے، سی آئی اے کا دعویٰ

    خیال رہے کہ تین روز قبل امریکی خفیہ ادارے سی آئی اے نے دعویٰ کیا تھا کہ سعودی ولی عہد شہزادہ محمد بن سلمان نے جمال خاشقجی قتل کے وقت اسکواڈ اور اپنے مشیر کو 11 میسجز کیے۔

    جمال خاشقجی کے قتل میں محمد بن سلمان ملوث نہیں، امریکی وزیر خارجہ

    یاد رہے کہ گزشتہ ہفتےامریکی وزیر خارجہ مائیک پومپیوکا کہنا تھا کہ سعودی صحافی جمال خاشقجی کے قتل میں سعودی ولی عہد محمد بن سلمان ملوث نہیں ہیں، ایسے ثبوت نہیں ملے کہ سعودی ولی عہد واقعے میں براہ راست ملوث ہوں۔

  • منگنی کے فوراً بعد کھوئی انگوٹھی پولیس نے ڈھونڈ نکالی

    منگنی کے فوراً بعد کھوئی انگوٹھی پولیس نے ڈھونڈ نکالی

    نیویارک: امریکی شہر نیویارک میں ایک جوڑے کی خوشی اس وقت ماند پڑگئی جب منگنی کے فوراً بعد منگنی کی انگوٹھی کھو گئی جسے ڈھونڈنے کی ناکام کوشش کے بعد جوڑا واپس لوٹ گیا، تاہم بعد ازاں پولیس نے انگوٹھی تلاش کرلی۔

    نیویارک پولیس ڈپارٹمنٹ کے مطابق جوڑے کو ان کی انگوٹھی لوٹانے کے انتظامات کرلیے گئے ہیں، جوڑے کا تعلق برطانیہ سے ہے۔

    برطانوی خبر رساں ادارے کے مطابق برطانوی علاقے پیٹرز برگ کا رہائشی جوڑا نیویارک کے ٹائمز اسکوائر پر آیا تھا جہاں مرد نے گھٹنوں کے بل بیٹھ کر اپنی دوست کو پروپوز کیا اور انگوٹھی پیش کی۔

    لڑکی نے خوشی سے ہاں کرتے ہوئے انگوٹھی پہنی لیکن اچانک وہ نیچے گر گئی جس کے بعد دونوں نیچے جھک کر انگوٹھی ڈھونڈنے لگے۔

    سی سی ٹی وی فوٹیج کے مطابق انگوٹھی اسٹیشن پر لگی جالیوں کے اندر گر گئی جسے کافی دیر ڈھونڈنے کے بعد جوڑا ناکام واپس لوٹ گیا۔

    بعد ازاں پولیس نے انگوٹھی ڈھونڈ لی لیکن وہ اندھیرے میں تھے کہ اس کا مالک کون ہے، تاہم سماجی رابطے کی ویب سائٹ ٹویٹر پر انگوٹھی کی تصویر پوسٹ کرنے کے بعد جلد ہی مالکان کا پتہ چلا گیا۔

    اپنی زندگی کے ایک اہم موقع کی یادگار واپس ملنے پر جوڑا بھی بے حد خوش ہے جس نے نیویارک پولیس کا شکریہ ادا کیا ہے۔

    پولیس کا کہنا ہے کہ واقعے کے بعد جوڑا واپس اپنے شہر جا چکا تھا، انگوٹھی کو ان تک پہنچانے کے انتظامات مکمل کرلیے گئے ہیں اور جلد ہی انگوٹھی انہیں مل جائے گی۔

  • بحرین : امریکی وائس ایڈمرل کی لاش رہائش گاہ سے برآمد

    بحرین : امریکی وائس ایڈمرل کی لاش رہائش گاہ سے برآمد

    منامہ : مشرق وسطیٰ میں امریکی بحریہ کے سربراہ وائس ایڈمرل اسکاٹ اسٹرنی گھر میں مردہ حالت میں پائے گئے۔

    تفصیلات کے مطابق بحرین میں امریکی وائس ایڈمرل اسکاٹ اسٹرنی کی لاش رہائش گاہ سے برآمد ہوئی ہے، وہ گھر میں مردہ حالت میں پائے گئے۔

    وائس ایڈمرل اسکاٹ اسٹرنی مشرق وسطیٰ میں امریکی بحریہ کے سربراہ تھے۔

    امریکی نیوی کے مطابق وائس ایڈمرل اسکاٹ اسٹرنی کی موت سے متعلق تحقیقات جاری ہے، تاحال کوئی مشتبہ چیزسامنے نہیں آئی۔

    وائس ایڈمرل اسکاٹ اسٹرنی کا تعلق امریکی ریاست شکاکو سے تھا اور وہ بحرین میں امریکی پانچویں فلیٹ کے کمانڈر تھے۔

    امریکہ کی پہلی مسلم خاتون جج کی لاش دریائے ہڈسن سے برآمد

    یاد رہے کہ گزشتہ سال اپریل میں امریکی حکام کے مطابق نیویارک کی اعلیٰ عدالت کی مسلمان خاتون جج شیلا عبدالسلام کی لاش مین ہٹن میں دریائے ہڈسن کے مغربی کنارے پر تیرتی ہوئی پائی گئی تھی۔

    شیلا عبدالسلام پہلی مسلمان خاتون جج ہونے کے ساتھ ساتھ کورٹ آف اپیل میں منتخب ہونے والی پہلی سیاہ فام خاتون جج بھی تھیں۔

  • مشل اوباما کی کتاب نے فروخت کا نیا ریکارڈ قائم کر دیا

    مشل اوباما کی کتاب نے فروخت کا نیا ریکارڈ قائم کر دیا

    واشنگٹن: سابق امریکی صدر بارک اوباما کی اہلیہ مشل اوباما کی بائیو گرافی ’بی کمنگ‘ نے امریکا میں فروخت کا نیا ریکارڈ قائم کر دیا۔

    تفصیلات کے مطابق مشل اوباما کی خود نوشت ’Becoming‘ نے دو ہفتوں کے اندر رواں سال امریکا میں شائع شدہ کتابوں کی فروخت کا ریکارڈ توڑ دیا ہے۔

    [bs-quote quote=”سابق خاتونِ اوّل کی کتاب بی کمنگ کی 20 لاکھ سے زائد کاپیاں فروخت ہوئیں۔” style=”style-7″ align=”left” color=”#dd3333″][/bs-quote]

    ابتدائی پندرہ دن میں سابق خاتونِ اوّل کی کتاب بی کمنگ کی 20 لاکھ سے زائد کاپیاں فروخت ہوئیں۔

    امریکا میں ڈیٹا جمع کرنے والے ایک ادارے کا کہنا ہے کہ اس سال شائع ہونے والی کتابوں میں کسی بھی کتاب کی فروخت بیس لاکھ تک نہیں پہنچی۔

    مشل اوباما کی سوانحِ حیات نہ صرف امریکا بلکہ آسٹریلیا، برطانیہ، فرانس، جرمنی، کوریا اور جنوبی افریقا میں بھی بیسٹ سیلر رہی۔

    یہ بھی پڑھیں:  دبئی کی سڑکوں پر اسٹاف کے بغیر کتابوں کے حیرت انگیز اسٹالز

    اس کتاب کا ترجمہ اکتیس زبانوں میں کیا گیا ہے، کتاب میں مشل اوباما نے اپنے شوہر کے ساتھ گزارے دنوں کی روداد بیان کی ہے بالخصوص صدارتی محل میں گزرے دنوں کا احوال مذکور کیا گیا ہے۔

    خیال رہے کہ اس سوانحِ حیات کو اس وقت شہرت حاصل ہوئی تھی جب اس کے ایک اقتباس میں مشل اوباما نے انکشاف کیا کہ ان کے بچے آئی وی ایف کے ذریعے پیدا ہوئے۔

    مشل اوباما کے مطابق بار بار حمل ضائع ہو جانے کے باعث انھوں نے آئی وی ایف کا طریقہ استعمال کرنے کا فیصلہ کیا تھا۔

  • صدر ٹرمپ کے سابق وکیل نے کانگریس سے غلط بیانی کا جرم تسلیم کر لیا

    صدر ٹرمپ کے سابق وکیل نے کانگریس سے غلط بیانی کا جرم تسلیم کر لیا

    مین ہٹن: امریکی صدر ڈونلڈ ٹرمپ کے سابق نجی وکیل مائیکل کوہن نے عدالت کے سامنے کانگریس سے غلط بیانی کا جرم تسلیم کر لیا۔

    تفصیلات کے مطابق امریکی صدر ڈونلڈ ٹرمپ کے سابق وکیل مائیکل کوہن نے تسلیم کر لیا ہے کہ انھوں نے 2016 کے امریکی صدارتی انتخابات میں روسی کردار کے حوالے سے کانگریس کو غلط معلومات فراہم کی تھیں۔

    [bs-quote quote=”میرا سابقہ وکیل ایک کمزور ارادے والا شخص ہے اور وہ ذہین بھی نہیں۔” style=”style-7″ align=”left” color=”#dd3333″ author_name=”ڈونلڈ ٹرمپ” author_job=”امریکی صدر”][/bs-quote]

    مائیکل کوہن پر اس حوالے سے مقدمہ مین ہیٹن کی ایک وفاقی عدالت میں زیرِ سماعت ہے، کوہن نے عدالت کو بتایا کہ انھوں نے ٹرمپ آرگنائزیشن کی ماسکو میں جائیدادوں سے متعلق جھوٹا تحریری بیان دیا تھا۔

    کوہن کو اس سے قبل اگست میں بینک فراڈ، مالیاتی بے ضابطگیوں اور ٹیکس چھپانے جیسے جرائم کا مجرم بھی قرار دیا گیا تھا۔

    امریکی صدر ٹرمپ کا کہنا تھا کہ ان کا سابقہ وکیل ایک کمزور ارادے والا شخص ہے اور وہ ذہین بھی نہیں، وہ محض اپنی سزا کم کرنے کے لیے جھوٹ بول رہا تھا۔

    یہ بھی پڑھیں:  روس یوکرائن کشیدگی، ٹرمپ اور پیوٹن کی ملاقات یکم دسمبر کو ہوگی

    ڈونلڈ ٹرمپ کا ماسکو رئیل اسٹیٹ پروجیکٹ سے متعلق کہنا تھا کہ اس پروجیکٹ کے بارے میں سبھی کو معلوم ہے کہ یہ عمل میں نہیں آ سکا تھا، اور صدر ہونے کا یہ مطلب نہیں کہ مجھے اب کاروبار کی اجازت نہیں۔

    واضح رہے کہ آج ماسکو حکومت نے تصدیق کی ہے کہ امریکی صدر ڈونلڈ ٹرمپ کی اپنے روسی ہم منصب ولادی میر پیوٹن کے ساتھ ملاقات یکم دسمبر کو جی 20 سربراہ اجلاس کے دوران بیونس آئرس میں طے ہے۔

  • کیلی فورنیا کے جنگلات میں لگی آگ پر17 روز بعد قابو پالیا گیا

    کیلی فورنیا کے جنگلات میں لگی آگ پر17 روز بعد قابو پالیا گیا

    کیلی فورنیا : امریکی ریاست کیلی فورنیا میں لگنے والی آگ سے 87 افراد ہلاک ہوگئے، حکام نے بارش کے بعد بدترین آگ پرقابو پالیا۔

    تفصیلات کے مطابق امریکی ریاست کیلی فورنیا کے جنگلات میں لگنے والی آگ پر 17 روز بعد قابو پا لیا گیا، آتشزدگی سے 87 افراد جان کی بازی ہار گئے۔

    آتشزدگی سے 14 ہزار سے زائد مکانات جل کرراکھ کا ڈھیر بن گئے جن میں ہالی ووڈ ستاروں کے عالیشان گھر بھی شامل ہیں، آگ کے شعلوں کی لپیٹ میں آکرایک لاکھ 53 ہزارایکڑرقبہ متاثر ہوا۔

    جنگلات میں لگنے والی آگ پر قابو پانے کے لیے ایک ہزار سے زائد فائر فائٹرز2 ہفتے تک مصروف رہے، ہیلی کاپٹرز نے بھی آپریشن میں حصہ لیا۔

    امریکی میڈیا کے مطابق آتشزدگی سے 87 افراد ہلاک ہوئے جبکہ 474 افراد لاپتہ ہیں جن میں سے بیشتر کے زندہ بچنے کے امکانات کم ہیں۔

    کیلی فورنیا کے شمالی اور جنوبی علاقوں کے جنگلات میں 8 نومبر کو آگ لگی تھی جسے کیلی فورنیا کی تاریخ کی سب سے بڑی آگ قرار دیا گیا ہے۔

    یاد رہے کہ گزشتہ ہفتے 17 نومبرکو امریکی صدر ڈونلڈ ٹرمپ نے ریاست کیلی فورنیا کا دورہ کیا تھا اور آگ کی تباہ کاریوں کا بھی جائزہ لیا تھا۔

    واضح رہے کہ 2012 سے کیلی فورنیا کے جنگلات میں آگ لگنے کا مسئلہ درپیش ہے، موسم گرما اور خشک سالی کی وجہ سے جنگلات میں آگ لگنے کے واقعات میں اضافہ ہوا ہے۔

  • امریکا: شاپنگ مال میں فائرنگ، 2 افراد زخمی، حملہ آور ہلاک

    امریکا: شاپنگ مال میں فائرنگ، 2 افراد زخمی، حملہ آور ہلاک

    واشنگٹن: امریکی ریاست الاباما کے شاپنگ مال میں فائرنگ کا واقعہ پیش آیا جس کے نتیجے میں 2 افراد زخمی ہوئے جبکہ پولیس اہلکار نے بروقت کارروائی کرتے ہوئے 18 سالہ حملہ آور کو ہلاک کردیا۔

    امریکی میڈیا کی رپورٹ کے مطابق حملہ آور الاباما کے علاقے ہوور میں واقع ریوچیس گیلیرا شاپنگ مال میں داخل ہوا اور اُس نے اندھا دھند فائرنگ شروع کردی۔

    رپورٹ کے مطابق شاپنگ سینٹر میں بلیک فرائیڈے کی وجہ سے خریداروں کا کافی زیادہ رش تھا اسی وجہ سے فائرنگ کے بعد بھگدڑ بھی مچی جس کے نتیجے میں متعدد لوگ زخمی ہوئے جبکہ حملہ آور کی گولیاں لگنے سے 2 افراد زخمی ہوئے جنہیں اسپتال منتقل کردیا۔

    مزید پڑھیں: امریکی شہرشکاگو میں فائرنگ‘ حملہ آور سمیت 2 افراد ہلاک

    شاپنگ مال میں ڈیوٹی پر تعینات سیکیورٹی محافظ اور پولیس اہلکار نے جوابی فائرنگ کی جس کے نتیجے میں حملہ آور ہلاک ہوگیا۔

    انتظامیہ نے سیکیورٹی خدشات کے پیش نظر شاپنگ مال کو تاحکم ثانی بند رکھنے کا اعلان کردیا۔

    پولیس افسر گریک ریکٹر کا کہنا تھا کہ ’حملے کا آغاز کس طریقے سے ہوا اور حملہ آور کیسے شاپنگ مال میں داخل ہوا اس حوالے سے تحقیقات جاری ہیں، ہلاک ہونے والے دہشت گرد کی عمر 18 برس تھی جس کی شناخت ابھی خفیہ رکھی گئی ہے‘۔

    یہ بھی پڑھیں: ’تم دہشت گرد ہو‘ 10 سالہ مسلمان طالبہ کو دھمکی آمیز نوٹ

    یاد رہے کہ امریکا کی مختلف ریاستوں میں گزشتہ کئی ماہ سے پرتشدد واقعات میں اضافہ دیکھا گیا ہے، گزشتہ دنوں ایک سفید فام امریکی شہری نے ہی یہودی عبادت گاہ پر حملہ کیا تھا جس کے نتیجے میں متعدد لوگ ہلاک ہوگئے تھے۔

  • پیرو کا خوبصورت پہاڑ آنکھوں میں قوس قزح بھر دے

    پیرو کا خوبصورت پہاڑ آنکھوں میں قوس قزح بھر دے

    بارشوں کے بعد دھنک یا قوس قزح کا نکلنا نہایت خوبصورت منظر ہوتا ہے جو کم ہی نظر آتا ہے۔ بارش کے بعد فضا میں موجود قطروں سے جب سورج کی شعاعیں گزرتی ہیں تو یہ سات رنگوں میں بدل جاتی ہیں جسے دھنک کہتے ہیں۔

    جنوبی امریکی ملک پیرو میں واقع ایک پہاڑ بھی قوس قزح جیسا منظر پیش کرتا ہے جسے دیکھنے کے لیے سیاح کھنچے چلے آتے ہیں۔

    پیرو کا یہ پہاڑ جسے 7 رنگوں کا پہاڑ بھی کہا جاتا ہے، سطح سمندر سے 5 ہزار 200 میٹر بلند ہے۔

    اس پہاڑ کے رنگین ہونے کی وجہ یہ ہے کہ جب یہاں پر جمنے والی برف پگھلتی ہے تو اس پانی کی آمیزش زمین کے اندر موجود معدنیات کے ساتھ ہوجاتی ہے جس کے بعد مختلف رنگ ظاہر ہوجاتے ہیں۔

    سرخ رنگ زمین کے اندر موجود زنگ آلود آمیزوں کی وجہ سے، زرد رنگ آئرن سلفائیڈ، ارغوانی یا جامنی رنگ آکسیڈائزڈ لیمونائٹ اور سبز رنگ کلورائٹ کی وجہ سے پیدا ہوتا ہے۔

    کیا آپ اس رنگ برنگے پہاڑ کا دورہ کرنا چاہیں گے؟

  • سعودی صحافی کا قتل: امریکی صدر کا سعودی عرب کی حمایت جاری رکھنے کا اعلان

    سعودی صحافی کا قتل: امریکی صدر کا سعودی عرب کی حمایت جاری رکھنے کا اعلان

    واشنگٹن: سعودی صحافی جمال خاشقجی کے قتل کے معاملے پر امریکی صدر ڈونلڈ ٹرمپ نے سعودی عرب کی حمایت جاری رکھنے کا اعلان کر دیا۔

    تفصیلات کے مطابق امریکی صدر نے سعودی عرب کی حمایت جاری رکھنے کا اعلان کرتے ہوئے کہا ہے کہ سعودی عرب کے خلاف سخت مؤقف اپنا کر عالمی معیشت کو تباہ کرنا نہیں چاہتے، تعلقات معمول پر رہیں گے۔

    [bs-quote quote=”ہو سکتا ہے سعودی ولیٔ عہد خاشقجی کے قتل سے متعلق کچھ نہ جانتے ہوں۔” style=”style-7″ align=”left” color=”#dd3333″ author_name=”ڈونلڈ ٹرمپ”][/bs-quote]

    دوسری طرف امریکی سینیٹرز نے صدر ٹرمپ سے مطالبہ کیا ہے کہ جمال خاشقجی کے قتل میں سعودی ولیٔ عہد محمد بن سلمان کے کردار کی تحقیقات کرائیں۔

    جب کہ امریکی صدر ٹرمپ نے اپنے سابقہ بیان سے یو ٹرن لیتے ہوئے کہا کہ ہو سکتا ہے سعودی ولیٔ عہد خاشقجی کے قتل سے متعلق کچھ نہ جانتے ہوں۔ تاہم کسی بھی صورتِ حال میں سعودی عرب سے تعلقات معمول کے مطابق رہیں گے۔

    امریکی صدر نے بتایا کہ انٹیلی جنس ادارے خاشقجی قتل سے متعلق تمام معلومات کا جائزہ لے رہے ہیں۔ امریکی وزیرِ خارجہ نے بھی ڈونلڈ ٹرمپ کے بیان کا دفاع کیا۔

    یہ بھی پڑھیں:  ایسا ہوسکتا ہے  جمال خاشقجی کے قتل کا حکم سعودی ولی عہد نے دیا ہو، ڈونلڈ ٹرمپ

    یاد رہے کہ گزشتہ ہفتے امریکی میڈیا نے دعویٰ کیا تھا کہ سی آئی اے نے تحقیقات سے اخذ کیا ہے کہ سعودی صحافی کے قتل کا حکم سعودی ولیٔ عہد نے دیا تھا۔

    جس پر امریکی صدر ڈونلڈ ٹرمپ نے کہا تھا کہ ایسا ہو سکتا ہے کہ سعودی صحافی جمال خاشقجی کے قتل کا حکم سعودی ولیٔ عہد نے دیا ہو۔

  • امریکی شہرشکاگو میں فائرنگ‘ حملہ آور سمیت 2 افراد ہلاک

    امریکی شہرشکاگو میں فائرنگ‘ حملہ آور سمیت 2 افراد ہلاک

    شکاگو: امریکی شہر شکاگو میں اسپتال کے قریب فائرنگ سے ایک شخص ہلاک اور چھ زخمی ہوگئے، پولیس کی فائرنگ سے حملہ آور بھی مارا گیا۔

    تفصیلات کے مطابق امریکی شہر شکاگو میں مسلح شخص نے پہلے اسپتال کی پارکنگ لاٹ میں فائرنگ کی اور اس کے بعد عمارت کے اندر گھس کراندھا دھند فائرنگ کی جس سے ایک شخص ہلاک اور6 افراد زخمی ہوگئے۔ پولیس کی جوابی فائرنگ سے حملہ آور بھی ہلاک ہوگیا۔

    امریکی میڈیا نے بتایا کہ زخمی ہونے والوں میں ایک پولیس اہل کار بھی شامل ہے، جس کی حالت تشویش ناک ہے۔

    امریکا میں فائرنگ کے واقعات میں بڑے پیمانے پر لوگوں کی ہلاکت کی خبریں معمول بنتی جا رہی ہیں۔ اس کی ایک بڑی وجہ یہ ہے کہ امریکا میں کسی بھی دوسرے ملک کے مقابلے پر سب سے زیادہ بندوقیں اور پستول پائے جاتے ہیں۔

    امریکا:‌یوگا اسٹودیو میں فائرنگ، دو افراد ہلاک

    اس سے قبل رواں ماہ 3 نومبر کو امریکی شہر تہلسی کے یوگا اسٹودیو میں مسلح شخص کی فائرنگ سے دو افراد ہلاک جبکہ 5 زخمی ہوگئے تھے، حملہ آور نے خود کو گولی مارکر خودکشی کرلی تھی۔

    امریکا: یہودی عبادت گاہ میں فائرنگ، 3 پولیس اہلکاروں سمیت 11 افراد ہلاک

    یاد رہے کہ گزشتہ ماہ 28 اکتوبرکو امریکی شہر پٹس برگ میں واقع یہودی عبادت گاہ میں نامعلوم حملہ آور نے فائرنگ کر کے تین پولیس اہلکاروں سمیت 11 افراد کو قتل کر دیا تھا۔