Tag: امریکا یوکرین

واشنگٹن: امریکا یوکرین کو ڈرون حملوں سے بچاؤ کے لیے جدید ایئر ڈیفنس سسٹم فراہم کر رہا ہے۔

تفصیلات کے مطابق یوکرین پر روسی ڈرونز کی بارش نے ملک میں تباہی مچا دی ہے، امریکی حکام کا کہنا ہے کہ پینٹاگون یوکرین کو 2 جدید ایئر ڈیفنس سسٹمز فرام کر رہا ہے۔

خیال رہے کہ امریکا یوکرین کو 8 جدید ایئر ڈیفنس سسٹم فراہم کرنے کا اعلان چکا ہے۔

گزشتہ روز یوکرین پر 43 ڈرونز داغے گئے تھے، یوکرین کے دعوے کے مطابق جن میں سے 37 کو مار گرایا گیا تھا۔ یوکرین نے یہ دعویٰ بھی کیا ہے کہ ڈرون ایران نے روس کو دیے۔

امریکی حکام کا کہنا تھا کہ ایران کی طرف سے روس کو ڈرونز کی فراہمی کی تصدیق نہیں کر سکتے۔

To protect Ukrainian people and infrastructure from Iranian drones we need air defense systems like the C-RAM.

They won’t leave the drones a chance to reach their targets. https://t.co/x0daYD5gSr

Ukraine needs air defense systems – yesterday! pic.twitter.com/MwCE6ddhXL

— Anton Gerashchenko (@Gerashchenko_en) October 17, 2022

واضح رہے کہ روس کے میزائل اور ڈرون حملوں نے یوکرین میں تباہی مچا دی ہے، روسی حملوں میں یوکرین کے 30 فی صد پاور اسٹیشنز تباہ ہو گئے، دارالحکومت کیف میں توانائی تنصیبات پر روس کے دو میزائل حملوں کے نتیجے میں 2 افراد بھی ہلاک ہو گئے۔

میزائل حملے کے بعد تھرمل پاور اسٹیشن سے دھواں اٹھتا دکھائی دیا، حملوں کے بعد شہر کے کچھ حصوں میں بجلی کی فراہمی معطل ہو گئی، یوکرینی صدر زیلنسکی کا کہنا ہے کہ یوکرین روسی میزائل حملوں کی زد میں ہے، روس نے یوکرینی شہریوں کو دہشت زدہ اور ہلاک کرنے کا سلسلہ جاری رکھا ہوا ہے۔

انھوں نے کہا دس اکتوبر سے اب تک روس یوکرین کے تیس پاور اسٹیشنز کو تباہ کر چکا ہے، روس کو ان اقدمت کا جواب دینا پڑے گا۔