Tag: امریکا

لندن : برطانوی اخبار  اور امریکا کے جوائنٹ چیفس آف اسٹاف جنرل ڈین کین  نے امریکا کی جانب سے ایران پر حملہ کی منصوبہ بندی کے حوالے سے سب بتادیا۔

تفصیلات کے مطابق برطانوی اخبار نے امریکا کے ایران پر حملہ کیا اور منصوبہ بندی کے حوالے سے تفصیلات جاری کردیں۔

برطانوی اخبار نے بتایا کہ تاریخ کی سب سے بھاری روایتی بم گرانے کا فیصلہ واشنگٹن کے وقت مطابق شام 7 بجے کیا گیا، بی 2 بمبار طیاروں کے گروپ نے آپریشن میں شرکت کی۔

برطانوی اخبار کا مزید کہنا تھا کہ بی 2 بمبار طیاروں کے جھنڈ نے امریکا میں میزوری کے وائٹمین ایئرفورس بیس سے اڑانیں بھریں ، بی 2 بمبار طیاروں کی راستےمیں کئی بار فضا میں ری فیولنگ کی گئی، بمبار طیارے ہدف کی قریب پہنچے تومددکےلیے آبدوز بھی موجود تھی۔

اخبار نے بتایا کہ بمبار طیارے ہدف کے نزدیک پہنچے تو مدد کےلیے گائیڈڈمیزائلوں سے لیس امریکی بحریہ کی آبدوز میں پوزیشن لیے ہوئی تھی۔

برطانوی اخبار کے مطابق بحیرہ عرب میں متعدد جنگی بحری جہازوں کا فلیٹ بی 2 بمبار طیاروں کی مدد کے لیے تیار تھے ، بحیرہ عرب میں موجود امریکی بحری جہازوں میں ہر ایک جہاز پر 154 وار ہیڈز لدے تھے، حملے کا فیصلہ سچویشن روم میں کیاگیا،وہاں ڈائریکٹر انٹیلی جنس تلسی گبارڈ کو نہیں بلوایا گیا، تلی حالیہ بیان میں کہہ چکی ہیں کہ ایران جوہری ہتھیار بنانے نہیں جارہا۔

دوسری جانب اس حوالے سے امریکا کے جوائنٹ چیفس آف اسٹاف جنرل ڈین کین نے بریفنگ میں بتایا تھا کہ بی 2 بمبار طیاروں کے 2 اسٹرائیک پیکیجز امریکا سے اڑے، بحر الکاہل کی جانب بھیجے بی 2 بمبار سے دشمن کو دھوکا دیا، اصل اسٹرائیک پیکیج 7بی2بمبارطیاروں پرمشتمل تھا۔

امریکی جنرل کا کہنا تھا کہ بی 2 طیارے 18 گھنٹے پرواز کرکے ایران پہنچے، جہاں فردو،نطنز میں ایٹمی تنصیبات کو نشانہ بنایا۔

امریکی ٹی وی چینل فاکس نیوز نے ایک رپورٹ میں کہا ہے کہ امریکا نے ایران پر حملے میں فردو ایٹمی تنصیب پر 6 بڑے بنکر شکن بم گرائے ہیں۔

فاکس نیوز رپورٹر نے حملوں کے فوری بعد صدر ڈونلڈ ٹرمپ سے گفتگو کرنے کا دعویٰ کیا ہے، رپورٹر شان ہینٹی نے کہا کہ امریکی صدر نے بتایا کہ فردو ایٹمی تنصیب پر چھ بڑے بنکر شکن بم مارے گئے ہیں۔

صحافی شان ہینٹی کے مطابق بنکر بسٹر بم بی 52 بمبار طیاروں کے ذریعے گرائے گئے، جب کہ نطنز اور اصفہان میں واقع تنصیبات پر 30 ٹام ہاک میزائل داغے گئے، ٹرمپ کے مطابق نطنز اور اصفہان کی ایٹمی تنصیبات کو صفحہ ہستی سے مٹا دیا گیا۔

ایران نے اسرائیل پر حملے کے لیے پہلی بار تباہ کن خیبر شکن میزائل استعمال کیا

رپورٹر کے مطابق ٹرمپ نے انکشاف کیا کہ میزائل آب دوزوں سے 400 کلو میٹر دوری سے فائر کیے گئے ہیں۔

دوسری طرف ایرانی وزیر خارجہ نے کہا ہے کہ امریکا کے ساتھ بات چیت کر رہے تھے تو اسرائیل نے سفارت کاری کو اڑانے کا فیصلہ کیا، اس ہفتے یورپی وزرائے خارجہ سے مذاکرات کیے تو امریکا نے سفارت کاری پر حملہ کر دیا، اس سب سے آپ کیا نتیجہ اخذ کریں گے؟

ایرانی وزیر خارجہ نے کہا کیا برطانیہ اور یورپی یونین کے اعلیٰ نمائندے سمجھتے ہیں کہ ایران کو میز پر واپس آنا چاہیے، ایران اس چیز پر کیسے واپس آ سکتا ہے، جہاں کچھ نہیں چھوڑا گیا۔