نیو یارک: امریکہ نے دیامر بھاشا ڈیم پروجیکٹ کے لئے تعاون کا اعلان کرتے ہوئے کہا ہے کہ یہ ڈیم پاکستان کیلئے سب سے بہتر ین انتخاب ہے۔ امریکا نےساڑھےچار ہزار میگا واٹ کے دیامر بھاشا ڈیم پروجیکٹ کیلیے تعاون کا اعلان کیا ہے جس پرچودہ ارب ڈالر لاگت آئے گی۔
وزیرخزانہ اسحاق ڈار نے دورہ امریکا کے موقع پراعلیٰ امریکی حکام اور ممتاز کاروباری شخصیات کے ساتھ ملاقاتیں کیں،امریکی نمائندہ خصوصی ڈان فلڈ مین کا کہنا تھا امریکا اور پاکستان کی جامع اسٹرٹجیک پارٹنر شپ ہے اور امریکا بالخصوص توانائی کے شعبے میں پاکستان کے ساتھ دیرینہ اقتصادی اور سرمایہ کاری کے تعاون کا خواہاں ہے۔
دیامر بھاشا ڈیم میں سرمایہ کاری پاکستان کا بہترین انتخاب ہے۔ اسحاق ڈار نے کہا کہ دیامر بھاشا ڈیم کی تعمیر حکومت کی اولین قومی ترجیحات میں شامل ہے۔ توانائی کی پیداوار کیلیے ملک کو داسو اور بھاشا ڈیموں کی ضرورت ہے۔
