Tag: امریکا

موسم سرد امریکا اور کینیڈا میں خون جما دینے والی شدید ترین سردی کا راج ہے، یخ بستہ ہواوں نے نیاگرا فال کو بھی جما دیا۔

امریکا اور کینیڈا میں سخت سردی نے کئی عشروں کے ریکارڈ توڑ دیئے، شدید سردی کے باعث جہاں معمولات زندگی مفلوج ہوکر رہ گئے، امریکا کی مشرقی اور جنوبی ریاستیں بدستور برفانی طوفان کی لپیٹ میں ہیں۔

کئی ریاستوں میں ایمرجنسی نافذ کرکے لوگوں کو گھروں میں رہنے کی ہدایت کی گئی ہے۔ تعلیمی ادارے اور دفاتر بند ہیں۔توانائی کے وسائل کی قیمتوں میں بھی اضافہ ہوگیا، خراب موسم کے باعث ہزاروں پروازیں منسوخ کردی گئیں اور ٹرین اور روڈ ٹریفک بھی معطل ہے۔

مسلسل گرتے ہوئے درجہ حرارت نے نیا گرا فال کو بھی منجمد کرکے رکھ دیا ہے، قومی موسمیاتی ادارے کے مطابق نیو یارک کے سینٹرل پارک کا درجہ حرارت گِر کر منفی سولہ درجے سینٹی گریڈ پر آگیا ہے اور بتیس میل فی گھنٹہ کی رفتار سے چلنے والی یخ بستہ ہواؤں نے موسم کی شدت میں کئی گنا اضافہ کردیا ہے، محکمہ موسمیات کے مطابق سردی کی لہر کے مزید جاری رہنے کا امکان ہے

امریکا کا بھارت سے اپنا ایک سفیر واپس بلانے کا فیصلہ کرلیا، بھارت اور امریکی سفارتی تعلقات میں شدید اختلافات پیدا ہوگئے ہیں۔

امریکا اور بھارت کے درمیان سفارتی تنازع شدت اختیار کرگیا، جس کے باعث امریکا کا کہنا ہے کہ وہ اپنا ایک سفیر بھارت سے واپس بلائے گا، بھارت نے امریکا سے سفیر کی واپسی کا مطالبہ کیا تھا۔

یاد رہے گزشتہ روز نیویارک کی عدالت نے بھارتی سفارتکار پر فرد جرم عائد کی تھی، بھارتی میڈیا کے مطابق بھارت کے سفارتکار دیوانی کھوبرا گڑے پر فراڈ اور گھریلوملازمہ سے ناروا سلوک کے الزامات تھے اور نوکرانی کو انتہائی کم اجرت دینے پر گرفتار کیا گیا تھا۔

بھارتی میڈیا کے مطابق بھارت نے سفارتکار کی گرفتاری اور مقدمے میں ملوث کرنے پر امریکا سے معافی مانگنے کا مطالبہ کیا ہے۔

امریکا کی مشرقی اور جنوبی ریاستوں میں شدید سردی کی لہر جاری ہے، رگوں میں خون جما دینے والی سردی نے لوگوں کا گھروں سے نکلنا مشکل کردیا۔

شدید دھند، طوفانی ہوائیں اور برف کی سفید چادر امریکا کی مشرقی اور جنوبی ریاستیں آج کل شدید دھند، طوفانی ہوائیں اور برف کی سفید چادر جیسے مناظر کی لپیٹ میں ہیں۔

نیویارک اور واشنگٹن ڈی سی میں درجہ حرارت منفی پندرہ ڈگری تک گرگیا، نیویارک کی کچھ شاہراہوں کوشدید موسم کی وجہ سے بند کردیا گیا، برفباری سے ملک کے زرعی علاقے بری طرح متاثر ہوئے ہیں۔

سڑکوں سے برف ہٹانے کا کام جاری ہے تاہم مسلسل جاری برفباری سے امدادی کارکنوں کو مشکلات کا سامنا ہے، کئی ریاستوں میں تعلیمی ادارے بند کردئیے گئے ہیں، پروازیں منسوخ اور ٹرین اور روڈ ٹریفک معطل ہے۔

حکام نے لوگوں کو گھروں میں رہنے کی ہدایت کی ہے، دوسری جانب کینیڈا میں بھی سرد موسم کی شدتیں جاری ہیں، برفانی موسم میں لوگ معمول کی زندگی جاری رکھنے پر مجبور ہیں۔

کینیڈا کے صوبے انٹاریو میں درجہ حرارت منفی چالیس ڈگری تک پہنچ گیا ہے، محکمہ موسمیات نے سردی کی لہر جاری رہنے کی پیش گوئی کی ہے۔
       

امریکا میں خاتون بھارتی سفارتکار پر جعلی دستاویزات پیش کرنے پر فرد جرم عائد کردی گئی، جرم ثابت ہونے پر دس سال کی سزا سنائی جاسکتی ہے۔

غیرملکی میڈیا کے مطابق نیو یارک کی ایک عدالت نے گھریلو ملازمہ کے حوالے سے جعلی دستاویزات پیش کرنے پر بھارتی سفارت کار دیویانی كھوبرا گڑے پر فرد جرم عائد کر دیا، پراسیکیوٹر نے عدالت کو آگاہ کیا کہ سفارت کار کوعدالتی کارروائی سے استثنیٰ حاصل ہے تاہم وہ اس وقت امریکا سے روانہ ہوچکی ہیں۔

گذشتہ ماہ دیوانی کھوبرا گڑے کو گرفتار کرکے ان پر الزام عائد کیا گیا کہ انہوں نے اپنی گھریلو ملازمہ کے ویزے کے حصول کے لیے غلط بیانی کی اور اسے کم تنخواہ ادا کی تاہم دیوانی ان تمام الزامات سے انکار کرتی ہیں اور وہ اسوقت ضمانت پر رہا ہیں۔

اگر بھارتی سفارت کار پر جرم ثابت ہو جاتا ہے تو انھیں ویزا دستاویزات میں فراڈ کےجرم میں دس سال کی سزا سنائی جاسکتی ہے جبکہ جھوٹ بولنے پر ان کو مزید پانچ سال کی سزا ہوسکتی ہے۔

بھارت اور امریکا کے درمیان سفارتی تنازعے میں شدت آتی جا رہی ہے۔ امریکی وزیر توانائی نے دورہ بھارت ملتوی کردیا تو دوسری جانب بھارت نے امریکا سے معافی مانگنے اور کیس واپس لینے کا مطالبہ کردیا۔

امریکا اور بھارت کے درمیان سفارتی تنازع مزید شدت اختیار کر گیا ہے، امریکی وزیر توانائی ارنسٹ مونیز نے بھارت کا طے شدہ دورہ ملتوی کردیا، انہیں اگلے ہفتے سے بھارت کا دورہ کرنا تھا، وزیر توانائی کا دورہ ملتوی ہونے کو سفارتی تنازعے میں امریکا کا سخت ترین ردعمل قرار دیا جا رہا ہے۔

دوسری جانب امریکی عدالت نے دیویانی کی جانب سے کیس کی سماعت ملتوی کرنے کی درخواست مسترد کر دی ہے، عدالت تیرہ جنوری کو دیویانی کے خلاف فرد جرم عائد کرے گی، نیویارک میں پچھلے ماہ بھارتی نائب قونصلر دیویانی کھوبرا گاڑے کو اپنے گھریلو ملازم کے لیے غلط دستاویزات اور غلط بیانی کے ذریعے ویزا حاصل کرنے کے الزام میں گرفتار کیا گیا تھا جس کے بعد دونوں ممالک کے درمیان تعلقات کشیدہ ہیں۔

بھارتی حکومت نے امریکا سے معافی مانگنے اور سفارتکار کے خلاف مقدمہ واپس لینے کا مطالبہ کیا ہے اور نئی دلی میں امریکی سفارت خانے کو تجارتی سرگرمیاں روکنے کا حکم دیا ہے، پاکستان نے بھارت کی حمایت کرتے ہوئے کہا ہے کہ سفارتکاروں کو جینوا کنونشن کے تحت استثنیٰ دیا جانا چاہئیے۔
   

امریکا میں انتہائی سرد موسم نے معمول کی زندگی کو مفلوج کردیا، برفانی ہواؤں اور برفباری لوگوں کی مشکلات میں اضافہ کردیا ہے۔

امریکا کی نصف آبادی ان دنوں برفانی طوفان کی لپیٹ میں ہے، رگوں میں خون جما دینے والی سردی نے لوگوں کا گھروں سے نکلنا مشکل کردیا ہے، الاباما، جارجیا، مشی گن، نیویارک اور اوہایو سمیت پچاس ریاستوں میں درجہ حرارت نقطہ انجماد سے کئی درجے نیچے گرگیا۔

مختلف یاستوں میں تعلیمی ادارے اور دفاتربند کردئیے گئے ہیں، ایمرجنسی نافذ کرکے لوگوں کو گھروں میں رہنے کی ہدایت کی گئی ہے، طوفانی ہواؤں اور برفباری سے چار ہزار سے زائد پروازیں منسوخ کردی گئیں، ریلوے ٹریک پر بھی برف جمنے کی وجہ سے ٹرینوں کی آمدورفت معطل ہوگئی۔

محکمہ موسمیات کا کہنا ہے کہ سردی کی شدت میں آئندہ ہفتے سے کمی آنا شروع ہوگی، کینیڈا کے مختلف شہروں میں بھی منفی درجہ حرارت نے لوگوں کے لئے معمولات زندگی جاری رکھنا مشکل بنا دیا، انٹاریو میں درجہ حرارت منفی تیس تک ریکارڈ کیا گیا۔

امریکا کی شمال مشرقی ریاستوں میں سرد موسم نے بیس سال کے تمام ریکارڈ توڑ دیئے ہیں، شدید ترین سردی کے باعث منفی چالیس سینٹی گریڈ تک گرگیا۔

امریکا میں کڑاکے کے سردی پڑ رہی ہے، کئی ریاستوں میں درجہ حرارت  منفی چالیس سینٹی گریڈ تک گر گیا ہے، زمینی راستے بند اور فضائی سفر کا نظام درہم برہم ہوگیا ہے، ایک ہزار سے زائد پروازیں منسوخ ، چھ ہزار سے زائد تاخیر کا شکار ہوئی ہیں، برف باری اور یخ بستہ ہواؤں کے باعث انتظامیہ نے اسکول بند کردئیے ہیں۔

امریکی محکمہ موسمیات کا کہنا ہے کہ امریکی شمال مشرقی ریاستوں میں شدید ترین سرد موسم نے گزشتہ بیس سال کے تمام ریکارڈ توڑ دئیے ہیں، اوہائیو، وسکونسن، شکاگو، شمالی اور جنوبی ڈکوٹا سمیت دیگر ریاستوں میں شدید برف باری نے لوگوں کو جما دیا ہے۔

امریکا کے پڑوس کینیڈا میں بھی صورت حال مختلف نہیں، ہر جانب برف باری کے ساتھ سردی اپنے جوبن پر ہے ، ٹورنٹو میں درجہ حرارت منفی چونتیس تک گرچکا ہے، برطانوی دارالحکومت لندن میں شہری سیلاب کے بعد کی صورت حال سے پریشان ہے۔

امریکا کے شمال مشرقی علاقوں میں برفانی طوفان سے نظام زندگی مفلوج ہوگیا ۔ شدید سرد موسم کے باعث تیرہ افراد ہلاک ہو گئے۔ امریکا کی مختلف ریاستیں سرد موسم اوربرفانی طوفان کی زد میں ہیں۔ فلاڈیلفیا،مشرقی نیویارک اور بوسٹن سمیت کئی ریاستوں میں شدید برفباری اور طوفانی ہواؤں سے معمول کی زندگی منجمد ہوگئی۔

خراب موسم کے باعث چارہزارپروازیں منسوخ کردی گئیں اور سیکڑوں مسافر ائیرپورٹ پر پھنس کر رہ گئے۔ ۔حکام کی جانب سے تعلیمی اورمتعدد سرکاری ادارے بند رکھنے کا حکم دیا گیا ہے اور لوگوں کو گھروں میں رہنے کی ہدایت کی گئی ہے۔نیویارک میں ہائی وے کو جزوی طور پر بحال کیا گیاہے۔

محکمہ موسمیات کا کہنا ہے سرد ہواؤں کے ساتھ درجہ حرارت مزید کم ہونے کا امکان ہے۔ کینیڈا میں بھی شدید سردی کا راج ہے۔ ٹورنٹو میں درجہ حرارت منفی اٹھائیس اور کیوبک میں منفی اڑتیس درجہ حرارت نے گذشتہ دو دہائیوں کا ریکارڈ توڑ دیا۔ برطانیہ اور دیگر یورپی ملکوں میں بھی انتہائی شدید سردی سے لوگوں کو مشکلات کا سامنا ہے۔

امریکا نے ڈرون طیاروں کو کیمیائی ہتھیاروں سے لیس کرنے کا منصوبہ تیار کرلیا، ڈرون ایسی ٹیکنالوجی سے تیار کئے جائیں گے جو جام نہ ہوسکے۔

برطانوی اخبار کی رپورٹ میں انکشاف کیا گیا ہے کہ امریکا نے ڈرون طیاروں کو مزید موثر بنانے کا منصوبہ تیار کرلیا ہے، امریکی محکمہ دفاع کے منصوبے میں آئندہ پچیس سالوں کے دوران ڈرون طیاروں کو انتہائی مہلک بنانے کے لئے کیمیائی ہتھیاروں سے لیس کیا جائے گا۔

اس کے ساتھ ہی ساتھ جدید ٹیکنالوجی کے ذریعے انسانی رہنمائی کے بجائے موقع پر خود ہی ہدف کو نشانہ بنانے کی صلاحیت پیدا کی جائے گی، رپورٹ میں بتایا گیا ہے کہ موجودہ ڈرون جی پی ایس نظام کے تحت کام کرتے ہیں جو باآسانی جام کیے جاسکتے ہیں۔

آئندہ تیار کیے جانے والے ڈرون کو جی پی ایس کے علاوہ دوسری ٹیکنالوجی سے اڑانے کی تیاری کی جارہی ہے، جنہیں جام نہیں کیا جاسکے گا، ڈرون میں انتہائی جدید اور حساس کیمرے نصب کئے جائیں گے اور ہدف کو نشانہ بنانے کے علاقے کو بھی وسعت دی جائے گی۔
       

امریکی ریاست کیلی فورنیا میں سالانہ روز پریڈ کی تیاریاں جوش وخروش کیساتھ جاری ہیں۔نئے سال کی رنگینیوں میں اضافہ کرنے والی یہ پریڈ یکم جنوری کو ہوگی جس میں ہزاروں لوگ شرکت کرینگے۔

کیلیفورنیا میں ایک سو پچسیویں سالانہ روز پریڈ کی تیاریاں عروج پر ہیں، نئے سال کی رنگینیوں میں اضافہ کرنے والی پریڈ میں ہزاروں ٹن پھولوں اور پتیوں سے دیو ہیکل شاہکار تیار کئے جارہے ہیں ۔

پھولوں سے بنے مجسمے بھی پریڈ کا حصہ ہونگے.پھولوں سے بنی سیکڑوں دلفریب اشیاء کو بنانے کیلئے دنیا بھر سے لاکھوں نایاب پھول درآمد کئے گئے ہیں، پریڈ میں لوگوں کیساتھ جانور بھی حصہ لینگے، یکم جنوری کو ہونے والی اس پریڈ میں شرکت کیلئے مقامی افراد کے ساتھ ساتھ سیاحوں کی بڑی تعداد بھی شریک ہوگی۔