Tag: امریکا

امریکا میں بے روزگار افراد کو مالی اعانت کا پروگرام ختم ہونے کا خدشہ پیدا ہوگیا ہے، مستفیض ہونے والے دس لاکھ سے زائد افراد کا مستقبل داؤ پر لگ گیا ہے، دوسری جانب امریکی صدر اوباما نے ڈیموکریٹس اور ری پبلکن رہنماؤں سے اپیل کی ہےکہ پروگرام کو ہرصورت میں جاری رکھا جائے۔

امریکا میں خراب معاشی صورتحال کے باعث بے روزگار افراد کی مالی مدد کا پروگرام ختم ہونے کا خطرہ پیدا ہوگیا ہے، مالی اعانت کے اس پروگرام کے ختم ہونے سے امریکا بھر میں دس لاکھ سے زائد افراد متاثر ہوں گے۔

یاد رہے کہ امریکی شہریت کے حامل ہر بے روزگار فرد کو حکومت کی جانب سے مالی اعانت کے طور پر ایک ہزار ایک سو چھیاسٹھ ڈالر ماہانہ ادا کئے جاتے ہیں جو کہ اسے برسر روزگار ہونے تک ملتے رہتے ہیں۔

تاہم امریکی صدر باراک اوباما اس پروگرام کو ہر حال میں جاری رکھنے کے خواہش مند ہیں اور اس مقصد کے لئے انہوں نے ری پبلکن اور ڈیموکریٹس دونوں جماعتوں کے رہ نماؤں سے اپیل کی ہے کہ بے روزگاری سے متاثرہ افراد کے مالی اعانت کے پروگرام کو جاری رکھنے کی ہر ممکن کوشش کی جائے۔
   

امریکا نے اسنوڈن کو معاف کرنے کے امکانات کو مسترد کر دیا، قومی سلامتی کی مشیر سوزن رائس کہتی ہیں ایڈورڈ سنوڈن عدالتوں کا سامنا کرنا پڑے گا۔

غیر ملکی خبر رساں ادارے کے مطابق امریکی قومی سلامتی کی مشیر سوزن رائس نے اپنے ایک بیان میں کہا ہے کہ ایڈورڈ سنوڈن کو کسی صورت معافی نہیں دی جاسکتی۔

سنوڈن کی جانب سے امریکہ کے قومی سلامتی سے متعلق راز افشا ں کئے گئے جن سے امریکہ کو ناقابل تلافی نقصان پہنچا ہے، سوزن رائس کا مزید کہنا تھا کہ سنوڈن کو واپس آکر عدالتوں میں اپنے اوپر لگے الزامات کا دفاع کرنا چاہیے۔

امریکا میں موسم کی سختیاں جاری ہیں۔۔ شدید برف باری سے سینکڑوں پروازیں منسوخ ہو گئیں جبکہ کئی ریاستوں میں بجلی کی فراہمی بھی منقطع ہے۔۔۔کینیڈا میں بھی شدید برفانی طوفان سے نظام زندگی معطل ہو کر رہ گیا ہے۔

امریکہ کی کئی ریاستوں میں تیز ہواؤں اور برفانی طوفان سے زندگی مفلوج ہو کر رہ گئی ہے سڑکوں پر کئی کئی انچ برف پڑنے کی وجہ سے شہریوں کو آمدورفت میں بھی شدید مشکلات کا سامنا ہے۔

شدید برف باری کی وجہ سے پروازوں کا شیڈول بھی بری طرح متاثرہوا ہے، شدید برفباری سے کئی علاقوں میں بجلی بھی منقطع ہوگئی ہے۔

جبکہ کینیڈا میں شدید برفانی طوفان سے لوگوں کو شدید مشکلات کا سامنا ہے، ٹورنٹو میں ڈھائی لاکھ اور اونٹاریو میں ساڑھے تین لاکھ گھروں کو بجلی کی فراہمی منقطع ہے، برفباری کے باعث ٹورنٹو کی سڑکیں بند ہیں جبکہ متعدد پروازیں تاخیرکاشکارہوئیں یامنسوخ کردی گئیں۔

امریکا کے جاسوسی پروگرام میں بین القوامی تنظیمیں ایک ہزار افراد اور ساٹھ ممالک نشانے پر ہیں، امریکی اور برطانوی اخبارات نے مزید تفصیلات شائع کردیں۔

اخبارات میں شائع ہونے والی نئی رپورٹ کے مطابق امریکا نے اسرائیل سمیت اپنے قریبی اتحادی ممالک کے سربراہان کو بھی جاسوسی پروگرام کا ہدف بنایا، اقوام متحدہ، یورپی یونین کے سربراہ اورامدادی پروگراموں کی نگرانی بھی مسلسل جاری رہی۔

افریقی ممالک کے سربراہان اوران کی گھریلوں فون کالز بھی ریکارڈ کی گئیں، اس رپورٹ کی اشاعت کے بعد یورپی کمیشن نے ناراضگی کا اظہار کرتے ہوئے جواز طلب کیا ہے۔

وائٹ ہاوس پالیسی کا تجزیہ کرنے والے پینل کے رکن نے بھی پروگرام کی مخالفت کرتے ہوئے کہا ہے کہ خفیہ نگرانی دہشت گردی کے حملوں سے بچنے میں مددگار ثابت نہیں رہی، اخبارات میں شائع کی جانے والی معلومات سابق امریکی اہلکار اسنوڈن کی جانب سے فراہم کی گئیں۔
   

ہالی ووڈ کی دنیا میں ان دنوں گلوکارائوں کا بول بالا ہے، گلوکار جسٹن بیبر کے بارے میں یہ کہاوت بالکل درست ثابت ہوئی تھی اور وہ سولہ برس کی عمر سے ہی سر لگائےجارہے ہیں، مقبولیت کا یہ عالم دیکھ کر فلم پروڈیوسر نے میوزیکل فلم بیلیو بنائی۔

جسٹن بیبر نے فلم کے پریمیئر میں شرکت کرتے ہوئے خوب رونقیں تو لوٹیں مگر مداحوں کو ایک دھچکا بھی لگا دیا, جسٹن نے اپنے انٹرویو میں کہا کہ ہوسکتا ہے کہ اس فلم کے بعد وہ ریٹائر ہوجائیں, مداح پریشان ہیں کہ یہ کوئی عمر ریٹائرمنٹ کی ہیں؟

برطانیہ میں گلوکارہ ایڈلی کے گانے زبان زد عام ہیں، انھوں نے اپنا البم ٹوئنٹی ون کیا لائنچ کیا، ہر جگہ واہ واہ ہوگئی، ایڈلی اس البم سے اتنی مقبول ہوئیں کہ ان کا نام بیسٹ سیلز آل ٹائن سنگرز میں شامل ہوگیا، صرف یہی نہیں ملکہ برطانیہ بھی انہیں ایوارڈ سے نوازیں گی۔

ادھر امریکا میں گلوکارہ بیونسے کےچرچے ہیں، انھوں نے اچانک ہی اپنا نیا البم  سرپرائز انٹرنیٹ پر ریلیز کرکے ہم عصر گلوکاروں کو ہکا بکا کردیا، لیڈی گاگا اور برٹنی اسپیئرز کافی عرصے سے اپنے البمز کی تشہیر میں مصروف تھیں۔

مگر بیونسے نے سرپرائز البم مارکیٹ میں پھینک کر سب کی محنت پر پانی پھیر دیا اوردیکھتے ہی دیکھتے ہٹ ہوگئیں، یوں ہر طرف گلوکاروں نے سر بکھرائے ہیں۔
   

امریکا میں صدر اوباما کی پالیسیوں نے عوام کو ناخوش کر دیا، گذشتہ سال کی نسبت کارکردگی کی شرح میں مزید گیارہ پوائنٹ کی کمی آ گئی۔

امریکا میں ایک جریدے کی سروے رپورٹ کے مطابق صدر اوباما کو کارکردگی کے حوالے سے منفی تاثرات کا سامنا ہے، صدر اوباما کی پالیسیوں پر اکتالیس فیصد عوام نے رضامندی ظاہر کی جبکہ تریپن فیصد نے اختلاف کیا۔

واضح رہے کہ سابق صدر جارج بش سینئر اور صدر رچرڈ نکسن کے بعد صدر اوباما کاکردگی کے حوالے سے سب سے کم سطح پر آگئے ہیں، حالیہ سروے کے مطابق اوباما کو خفیہ نگرانی پروگرام، شٹ ڈاؤن اور ہیلتھ کئیر پروگرام کے باعث منفی ریٹنگ کا سامنا کرنا پڑا۔