Tag: امریکہ

نیویارک : امریکہ میں پاکستان کے سفیر اعزازچوہدری کا کہنا ہے کہ افغانستان میں تمام اسٹیک ہولڈرز کو مذاکرات میں شامل ہونا ہوگا۔

تفصیلات کے مطابق امریکہ میں پاکستان کے سفیر اعزاز چوہدری نے کہا ہے کہ افغانستان میں بدامنی سے پاکستان متاثرہورہا ہے، دہشت گردی اورشدت پسندی کسی صورت قبول نہیں ہے۔

پاکستانی سفیر نے کہا کہ افغانستان میں امن کے خواہاں ہیں، پاکستان افغانستان میں حملوں کی مذمت کرتا ہے۔

اعزازچوہدری نے کہا کہ پاکستان اورامریکہ نے جب بھی مل کرکام کیا فائدہ ہوا، امریکہ سے برابری اوراحترام کی سطح پرتعلقات چاہتے ہیں۔

انہوں نے کہا کہ سیکیورٹی فورسزنے دہشت گردوں کے خلاف گھیرا تنگ کردیا، دہشت گرد پاکستان سے فرارہورہے ہیں۔

پاکستانی سفیر نے کہا کہ پاک امریکہ تعلقات میں تعطل بڑی غلطی ہوگی جبکہ طالبان کوبھی یہ ہی پیغام ہے مذاکرات کی میزپربیٹھیں۔

اعزازچوہدری نے کہا کہ افغانستان میں گورنس کا مسئلہ ہے، کرپشن اورمنشیات کی بھرمارہے۔

اب امریکی دباؤ قبول نہیں کیا جائے گا: اعزاز چوہدری

یاد رہے کہ گزشتہ ماہ امریکہ میں پاکستان کے سفیر اعزاز چوہدری کا کہنا تھا کہ پاکستان نے امریکہ پر واضح کردیا کہ ہم کسی دباؤ میں نہیں آئیں گے، پاکستان کو کوئی طاقت دنیا میں تنہا نہیں کرسکتی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

واشنگٹن : امریکی محکمہ خارجہ کی ترجمان کا کہنا ہے ایل او سی پر کشیدگی ختم کرنے کے لیے پاکستان اور بھارت کو مل کر کام کرنا ہوگا۔

تفصیلات کے مطابق امریکی محکمہ خارجہ کی ترجمان ہیدرنوئیرٹ کا کہنا ہے کہ پاک بھارت کشیدگی خطے کے مفاد میں نہیں ہے۔

ترجمان امریکی محکمہ خارجہ نے کہا کہ پاک بھارت کشیدگی ختم کرنے کے لیے اقدامات کرنے کی ضرورت ہے، پاک بھارت کشیدگی کا بغورجائزہ لے رہے ہیں۔

ہیدرنوئیرٹ نے کہا کہ لائن آف کنٹرول پرکشیدگی ختم کرنے کے لیے پاکستان اور بھارت کومل کر کام کرنا ہوگا۔

انہوں نے کہا کہ دہشت گردی کے مسئلےکوپاکستان سے زیادہ کوئی نہیں سمجھتا، یقین ہے پاکستان دہشت گردی کے خلاف مزید اقدامات کرسکتا ہے۔

ترجمان امریکی محکمہ خارجہ نے ایک سوال کے جواب میں کہا کہ امریکی وزیردفاع جیمز میٹس پاکستانی ہم منصب کومطالبات سے آگاہ کرچکے ہیں۔

خیال رہے کہ گزشتہ روز سوئٹزرلینڈ کے شہرڈیووس میں وزیر اعظم شاہد خاقان عباسی کا کہنا تھا کہ لائن آف کنٹرول پر سیز فائر کی خلاف ورزیوں کا جواب دینے کی صلاحیت ہے۔

ایل او سی پربھارتی فوج کی فائرنگ‘ 2 شہری شہید

یاد رہے کہ 21 جنوری کو بھارتی فوج کی جانب سے نکیال سیکٹرپر بلا اشتعال فائرنگ کی گئی تھی جس سے خاتون سمیت 2 افراد شہید جبکہ 6 ماہ کی بچی اور 2 خواتین شدید زخمی ہوگئیں تھیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔