Tag: امریکہ

وزیراعظم بن گیا توامریکی صدرسےملاقات ضرورکروں گا‘ عمران خان

اسلام آباد : چیئرمین پاکستان تحریک انصاف عمران خان کا کہنا ہے کہ امریکی صدر ڈونلڈٹرمپ سے ملاقات کڑوی گولی ہوگی مگرنگلنا پڑے گی۔

تفصیلات کے مطابق امریکی خبررساں ادارے کو دیے گئے انٹرویو میں پاکستان تحریک انصاف کے سربراہ عمران خان نے کہا کہ اگر وزیراعظم بن گیا توامریکی صدر سے ملاقات ضرور کروں گا۔

چیئرمین پی ٹی آئی نے کہا کہ امریکی صدر ڈونلڈٹرمپ سے ملاقات کڑوی گولی ہوگی مگرنگلنا پڑے گی۔

عمران خان نے کہا کہ ڈونلڈ ٹرمپ کا ٹویٹ انتہائی توہین آمیز تھا، جس طرح امریکہ نے پاکستان سے برتاؤ کیا وہ درست نہیں حالانکہ دہشت گردی کے خلاف جنگ میں پاکستان کو کوئی لینا دینا نہیں تھا۔

انہوں نے کہا امریکی صدرنے پاکستان کو قربانی کا بکرا بنایا جبکہ پاکستان کسی دہشت گردی میں ملوث نہیں تھا، پاکستان نے دہشت گردی کے خاتمے کے لیے بہت کچھ کیا۔

مزید پڑھیں : ہم نے امداد دی، پاکستان نے دھوکا دیا، اب ایسا نہیں ہوگا: امریکی صدر

یاد رہے رواں سال کے آغاز پر امریکی صدر ڈونلڈ ٹرمپ کا کہنا تھا کہ امریکہ نے گزشتہ 15 سال میں 33 ارب ڈالرز پاکستان کو دے کربے وقوفی کی، پاکستان امریکہ کو ہمیشہ دھوکہ دیتا آیا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جنوری 14, 2018
خوش قسمت امریکی نوجوان کی 45 کروڑ ڈالرکی لاٹری نکل آئی

واشنگٹن : فلوریڈا کے 20 سالہ نوجوان نے 45 کروڑ دس لاکھ امریکی ڈالر کی لاٹری جیت لی، یہ امریکی تاریخ کی چوتھی سب سے بڑی لاٹری ہے۔

تفصیلات کے مطابق امریکی ریاست فلوریڈا کے 20 سالہ نوجوان شین مسلر نے 45 کروڑ دس لاکھ امریکی ڈالر کی لاٹری جیتی ہے۔

شین مسلر امریکہ کی لاٹری کی تاریخ میں چوتھی سب سے بڑی رقم جیتنے والے بن گئے ہیں۔ امریکی نوجوان کا کہنا ہے کہ میگا میلیئنز کی قرعہ اندازی کے وقت اس کا دل کہہ رہا تھا کہ وہ جیت سکتا ہے۔

شین مسلر نے اپنے بیان میں کہا کہ میں ابھی صرف 20 سال کا ہوں اورمجھے امید ہے کہ اس رقم سے میں اپنی بہت سی خواہشات پوری کرسکوں گا اور اپنے گھر والوں کی مدد اور انسانیت کے لیے بھلائی کے کام کرسکوں گا۔

امریکی نوجوان نے لاٹری جیتنے والے ٹکٹ ٹیمپا سے 40 کلومیٹرشمال میں اپنے شہرپورٹ ریچی کے سیون – الیون سے کوئک پک آپشن کے ذریعے خریدا تھا، اس آپشن کے تحت کوئی بھی نمبر آسکتا تھا، شین مسلر کے لاٹری ٹکٹ کا نمبر 28، 30، 39، 59، اور 70 اور میگا بال 10 تھا۔

خیال رہے کہ 45 کروڑ 10 لاکھ ڈالر کی رقم پاکستانی روپے میں 49 ارب 51 کروڑ 80 لاکھ روپے بنتی ہے۔

کروڑوں ڈالرکی لاٹری جیتنے والی خاتون نےنوکری چھوڑدی

یاد رہے کہ گزشتہ سال 25 اگست 2017 کو امریکہ میں 53 سالہ خاتون نے 75 کروڑ 80 لاکھ ڈالر کی پاور بال جیک پاٹ لاٹری جیت کر نوکری چھوڑ دی تھی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جنوری 14, 2018
ڈونلڈٹرمپ کا افریقی ممالک سےمتعلق بیان نسل پرستانہ ہے‘ اقوام متحدہ

نیویارک : اقوام متحدہ نے امریکی صدر ڈونلڈ ٹرمپ کے افریقی ممالک سے متعلق بیان کو شرمناک اور نسل پرستانہ قراردیا ہے۔

تفصیلات کے مطابق اقوام متحدہ نے امریکی صدر ڈونلڈ ٹرمپ کے تارکین وطن کے خلاف نازیبا الفاظ استعمال کرنے پر شدید مذمت کرتے ہوئے ان کے الفاظ کو تکلیف دہ، شرمناک اورنسل پرستانہ قرار دیا ہے۔

اقوام متحدہ کے انسانی حقوق کے ترجمان روپرٹ کولوائل نے کہا کہ افریقی ممالک کے متعلق اھر یہ حیران کن اور شرمناک بیان امریکی صدر کی جانب سے دیا گیا ہے تو معاف کیجیے گا یہ سراسرنسل پرستی ہے۔

دوسری جانب افریقی ممالک نے ڈونلڈٹرمپ کے متنازع بیان پرشدید احتجاج کرتے ہوئے اسے نسل پرستانہ اور نفرت انگیزکہا ہے۔

افریقی ممالک نے امریکی صدر کے بیان پر ردعمل دیتے ہوئے کہا کہ ڈونلڈ ٹرمپ کے بیان سے سیاہ فام لوگوں کی توہین ہوئی۔ افریقی ممالک نے ٹرمپ سے بیان واپس لینے اور معافی مانگنے کا مطالبہ کیا ہے۔

ہمارے ملک میں گھٹیا ممالک سےلوگ کیوں آرہے ہیں‘ ڈونلڈ ٹرمپ

واضح رہے کہ امریکی صدر ڈونلڈ ٹرمپ نے تارکین وطن کے خلاف نازیبا الفاظ استعمال کرتے ہوئے کہا کہ ہمارے ملک میں گھٹیا ممالک سے لوگ کیوں آرہے ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جنوری 13, 2018
ڈونلڈ ٹرمپ نےایران کاجوہری معاہدہ ختم کرنےکا فیصلہ مؤخرکردیا

واشنگٹن : امریکی صدر ڈونلڈٹرمپ نے ایران کا جوہری معاہدہ ختم کرنے کا فیصلہ موخر کرتے ہوئے کہا کہ آخری بار ایرانی جوہری معاہدے کی توثیق کررہے ہیں۔

تفصیلات کے مطابق امریکی صدر ڈونلڈ ٹرمپ نے کہا کہ وہ آخری مرتبہ ایران کے جوہری معاہدے کی توثیق کررہے ہیں تاکہ یورپ اور امریکہ معاہدے میں پائے جانے سنگین نقائص کو دور کرسکیں۔

امریکی صدر نے کہا کہ اگر کسی بھی وقت انہیں اندازہ ہوا کہ اس طرح کا معاہدہ نہیں ہوسکتا تو وہ معاہدے سے فوری طور پر دستبردار ہوجائیں گے۔

ڈونلڈ ٹرمپ کی جانب سے ایران پر پابندیوں میں نرمی کی توثیق ہونے پرنرمی میں مزید 120 دن کا اضافہ ہوجائے گا۔

دوسری جانب ایران کے وزیرخارجہ جواد ظریف نے کہا کہ یہ ایک ٹھوس معاہدے کو خراب کرنے کی مایوسی پر مبنی ایک کوشش ہے

انہوں نے کہا کہ امریکہ چاہتا ہے کہ معاہدے میں موجود یورپی ممالک ایران پر یورینیئم کی افزدوگی پرمستقل پابندی عائد کریں جبکہ موجودہ معاہدے کے تحت یہ پابندی 2025 تک ہے۔

امریکی صدرایران پرنئی پابندیاں عائد کریں گے‘ اسٹیومنچن

یاد رہے کہ گزشتہ روزامریکی وزیرخزانہ اسٹیو منچن کا کہنا تھا کہ انہیں توقع ہے کہ امریکی صدر ڈونلڈ ٹرمپ ایران پرنئی پابندیاں عائد کریں گے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

جنوری 13, 2018
ہمارے ملک میں گھٹیا ممالک سےلوگ کیوں آرہے ہیں‘ ڈونلڈ ٹرمپ

واشنگٹن : امریکی صدر ڈونلڈٹرمپ نے تارکین وطن کے حوالے سے ہونے والے مذاکرات کے دوران کانگریس ممبران سے کہا کہ ہمارے ملک میں گھٹیا ممالک سےلوگ کیوں آرہے ہیں۔

تفصیلات کے مطابق امریکی صدر ڈونلڈ ٹرمپ نے تارکین وطن کے خلاف نازیبا الفاظ استعمال کرتے ہوئے کہا کہ ہمارے ملک میں گھٹیا ممالک سےلوگ کیوں آرہے ہیں۔

امریکی اخبار کے مطابق صدر ٹرمپ نے کہا کہ ہمیں ہیٹی سے مزید افراد کی کیوں ضروت ہےِ؟ انہیں باہر نکالو۔

دوسری جانب ڈیموکریٹک سینیٹر ڈک ڈربن نے کہا کہ صدر ڈونلڈ ٹرمپ نے نسل پرستانہ زبان استعمال کی ہے اور انہوں نے کچھ افریقی ممالک کو گھٹیا کہا تھا۔

انہوں نے کہا کہ میں نے خود صدرٹرمپ کو کہتے سنا ہے وہ نہیں سمجھتے کہ اس سے پہلے کسی امریکی صدر نے ایسی زبان استعمال کی ہو۔

امریکی انتظامیہ نے حالیہ عرصے میں ملک میں آنے والے تارکین وطن کی تعداد کم کرنے اور پہلے سے ملک میں موجود تارکین وطن کے حقوق محدود کرنے کے حوالے سے اقدامات کیے ہیں۔

خیال رہے کہ تارکین وطن کے حوالے سے معاہدے پربات چیت کے لیے دو روز قبل ڈیموکریٹ اور ریپبلکن ارکان کانگریس نے صدر ٹرمپ کے دفترمیں ان سے ملاقات کی تھی جس دوران ڈونلڈ ٹرمپ نے یہ متنازع بیان دیا۔

امریکہ کا ایل سلواڈورکے2 لاکھ شہریوں کوملک سےنکالنےکا اعلان

یاد رہے کہ رواں ہفتے 9 جنوری کو ٹرمپ انتظامیہ نےاعلان کیا تھا کہ امریکہ میں رہنے اور کام کرنے والے 2 لاکھ ایل سلواڈور کے شہریوں کے پرمٹ منسوخ کردیے جائیں گے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جنوری 13, 2018
امریکی صدرایران پرنئی پابندیاں عائد کریں گے‘ اسٹیومنچن

واشنگٹن : امریکی وزیرخزانہ اسٹیو منچن کا کہنا ہے کہ انہیں توقع ہے کہ امریکی صدر ڈونلڈ ٹرمپ ایران پرنئی پابندیاں عائد کریں گے۔

تفصیلات کے مطابق امریکی وزیرخزانہ کا کہنا ہے انہیں توقع ہے کہ ایران پرنئی پابندیوں کا اعلان کیا جائے گا، انہوں نے کہا کہ ہماری ان پرنظررہے گی۔

اسٹیو منچن نے صحافیوں سے گفتگو کرتے ہوئے کہا کہ میرے خیال میں آپ توقع رکھیں کہ مزید پابندیاں لگائی جا رہی ہیں۔

خیال رہے کہ توقع ہے کہ امریکی صدر ڈونلڈٹرمپ جمعے کو اس بات کا فیصلہ کریں گے کہ آیا سابق امریکی صدر براک اوباما کی طرف سے ایران پرلگائی گئی امریکی اقتصادی پابندیوں میں نرمی جاری رکھیں یا نہیں۔

امریکی صدر ڈونلڈ ٹرمپ کے مطابق وہ ایران سے جوہری معاہدے میں ترمیم کرنا چاہتے ہیں یا اس سے مکمل طور پر دستبردار ہونا چاہتے ہیں۔

ایران کےساتھ ایٹمی معاہدہ ختم کرنا ٹرمپ کی سیاسی خودکشی ہو گی‘ حسن روحانی

یاد رہے کہ گزشتہ سال 6 اگست کو ایرانی صدر حسن روحانی کا کہنا تھا کہ امریکی صدر ڈونلڈ ٹرمپ نےاگر ایران کے ساتھ ایٹمی معاہدہ ختم کیا تو یہ ان کی سیاسی خودکشی ہو گی۔

بعدازاں 24 ستمبر کو امریکی صدر ڈونلڈ ٹرمپ کا کہنا تھا کہ ایران شمالی کوریا کے ساتھ کام کررہا ہے۔ انہوں نے ایران کے میزائل تجربے پر سخت بیان دیتے ہوئے کہا تھا کہ ایران کے ساتھ جوہری معاہدہ باقی نہیں رہا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

جنوری 12, 2018
داعش کوبیلچےسےاکھیڑدیا جائے گا‘ امریکی کمانڈر

واشنگٹن : امریکی کمانڈر جون ٹروکسل نے اپنے ٹویٹرپیغام میں کہا ہے کہ عالمی دہشت گرد تنظیم دولت اسلامیہ ہتھیار ڈال دے نہٰن تو ان کوبیلچےسے اکھیڑدیا جائے گا۔

تفصیلات کے مطابق امریکی کمانڈر نے سماجی رابطے کی ویب سائٹ ٹویٹر پر اپنے پیغام میں دہشت گرد تنظیم داعش کوتنبیہہ کرتے ہوئے کہا ہے کہ داعش سوشل میڈیا پر جاری اپنی سرگرمیاں بند کرے۔

امریکی کمانڈر جون ٹروکسل نے کہا کہ اگر داعش نے اپنی سرگرمیاں بند نہ کیں تو دہشت گرد تنظیم کو اس کے جنگجوؤں سمیت ختم کردیا جائے گا۔

جون ٹروکسل نے مزید کہا کہ دہشت گرد تنظیم داعش کے پاس دو راستے ہیں یا تو وہ امریکہ کے سامنے ہتھیار ڈال دے یا پھر لڑنے کے لیے تیار ہوجائے۔

امریکہ افغانستان میں داعش کواسلحہ فراہم کررہا ہے‘ حامد کرزئی

خیال رہے کہ گزشتہ سال 8 اکتوبرکو افغانستان کے سابق صدر حامد کرزئی کا کہنا تھا کہ امریکہ افغانستان میں داعش کو اسلحہ فراہم کرتا ہے اور امریکی فوجی اڈوں سے داعش کو مدد دی جاتی ہے۔

یاد رہے کہ گزشتہ ماہ 28 دسمبرکوترکی کے صدر رجب طیب اردگان کا کہنا تھا کہ امریکی اتحادی افواج شام میں داعش اور دہشتگرد گروپوں کی حمایتی ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

جنوری 11, 2018
امریکہ کا ایل سلواڈورکے2 لاکھ شہریوں کوملک سےنکالنےکا اعلان

واشنگٹن : ٹرمپ انتظامیہ نےاعلان کیا ہے کہ امریکہ میں رہنے اور کام کرنے والے 2 لاکھ ایل سلواڈور کے شہریوں کے پرمٹ منسوخ کردیے جائیں گے۔

تفصیلات کے مطابق امریکہ نے 2001 میں وسطی امریکہ کے ملک ایل سلواڈور میں زلزلہ آنے کا بعد انسانی بنیادوں پر بنائے گئے پروگرام عارضی پروٹیکٹڈ اسٹیٹس (ٹی پی ایس) کے تحت لوگوں کو یہ پرمٹ دیے تھے۔

ڈیپارٹمنٹ آف ہوم لینڈ سیکورٹی کا منصوبہ ہے کہ وہ ایل سلوا ڈور کے شہریوں کو 9 ستمبر2019 تک کی اجازت دے کہ وہ امریکہ سے نکلنے یا یہاں رہنے کے لیے کوئی قانونی راستہ تلاش کرسکیں۔

ٹی پی ایس کے بغیرایل سلواڈور کے باشندوں کو بہت مشکلات کا سامنا ہوگا انہیں گرفتار اور ملک بدر کیا جاسکتا ہے۔

خیال رہے کہ ٹی پی ایس پروگرام 1990 میں تشکیل دیا گیا تھا اور اس کے تحت متعدد ممالک سے آئے ہوئے پناہ گزین ملک میں قانونی طور پر رہ اور کام کرسکتے تھے۔

یاد رہے کہ ٹرمپ انتظامیہ نے پہلے ہی ہیٹی اور نکاراگوا کے ہزاروں شہریوں پر سے ٹی پی ایس کا تحفظ اٹھا لیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جنوری 9, 2018
پاکستان سےسیکورٹی تعاون معطل کیا ہے، ختم نہیں ‘ پینٹاگون

واشنگٹن : امریکی محکمہ دفاع پینٹاگون کا کہنا ہے کہ پاکستان سے چاہتے ہیں کہ وہ دہشت گردی کے خلاف فیصلہ کن کارروائی کرے۔

تفصیلات کے مطابق پینٹاگون کے ترجمان کرنل راب ماننگ نے صحافیوں سے گفتگومیں کہا کہ پاکستان کو دہشت گردی کے خلاف کارروائیوں کے عوض کولیشن سپورٹ فنڈز کی مد میں 2017 کی 90 کروڑ ڈالر کی امداد معطل کردی گئی ہے۔

کرنل راب ماننگ نے وضاحت کرتے ہوئے کہا کہ یہ امداد منسوخ نہیں کی گئی اور نہ ہی اس کا نیا شیڈول دیا گیا ہے بلکہ اسے معطل کیا گیا ہے۔

ترجمان پینٹاگون نے کہا کہ دہشت گردی کے خلاف پاکستان کی فیصلہ کن کارروائی دیکھناچاہتے ہیں جبکہ تمام معاملات میں پاکستان کے ساتھ کام کرنے کے لیے تیارہیں۔

کرنل راب ماننگ نے کہا کہ پاکستان میں دہشت گردوں کومحفوظ پناہ گاہیں نہیں ملنی چاہئیں، امید ہے کہ پاکستان دہشت گرد گروپوں کےخلاف کارروائی کرے گا۔

ترجمان پینٹاگون نے کہا کہ پاکستان کوہتھیاروں کی ترسیل عارضی طورپرروک دی ہے، پاکستان کے ساتھ تمام معاملات پر بات چیت جاری رکھیں گے۔

امریکی امداد نہ ملنےسےکوئی فرق نہیں پڑے گا‘ وزیراعظم

وزیراعظم شاہد خاقان عباسی کا دو روز قبل کہنا تھا کہ پاکستان دہشت گردی کے خلاف جنگ میں ہراول دستے کا کردار ادا کررہا ہے، اور اپنی سرزمین پریہ جنگ جیت چکا ہے۔

خیال رہے کہ گزشتہ امریکی محکمہ خارجہ کی ترجمان ہیدرنورٹ کا کہنا تھا کہ پاکستان جب تک دہشت گردوں کے خلاف کارروائی نہیں کرتا امداد کی فراہمی کا سلسلہ منجمد رہے گا۔

ہم نے امداد دی، پاکستان نے دھوکا دیا، اب ایسا نہیں ہوگا: امریکی صدر

یاد رہے کہ نئے سال کے آغاز پرامریکی صدرڈونلڈ ٹرمپ کا کہنا تھا کہ 15 سالوں میں 33 ارب ڈالر امداد دینے کے باوجود پاکستان نے امریکہ کو سوائے جھوٹ اور دھوکے کے کچھ نہیں دیا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

جنوری 9, 2018
کم جونگ ان سےبات چیت کےلیےتیار ہوں‘ ڈونلڈ ٹرمپ

واشنگٹن : امریکی صدر ڈونلڈ ٹرمپ کا کہنا ہے کہ وہ شمالی کوریا کی حکومت سے بات چیت کے لیے تیار ہیں اور اس کے لیے وہ کم جونگ ان کو فون بھی کرسکتے ہیں۔

تفصیلات کے مطابق کیمپ ڈیوڈ میں نیوزکانفرنس کے دوران امریکی صدر نے صحافی نے سوال کیا کہ ایٹمی پروگرام کے حوالے آپ شمالی کوریا کی حکومت سے بات چیت کرسکتے ہیں؟ ۔

امریکی صدر ڈونلڈٹرمپ نے صحافی کے سوال پر جواب دیا کہ میں ہمیشہ بات چیت پریقین رکھتا ہوں۔

ڈونلڈٹرمپ نے کہا کہ مذاکرات کے لیے شمالی کوریا کے سربراہ کم جونگ ان سے بھی بات کرسکتا ہوں، انہوں نے کہا کہ اگر ہم مذاکرات سے پرامن حل کی طرف چلے جائیں تو یہ پوری دنیا کے لیے بہتراقدام ہوگا۔

خیال رہے کہ یکم جنوری کو سالِ نو کے موقع پر شمالی کوریا کے رہنما کم جونگ نے ٹرمپ دھمکی دیتے ہوئے کہا تھا کہ جوہری ہتھیاروں کا بٹن ہروقت میری میزپررہتا ہے، امریکہ کوپتا ہونا چاہیے یہ صرف دھمکی نہیں حقیقت ہے۔

شمالی کوریا سے بڑا،طاقتور نیو کلیئر بٹن میرے پاس ہے،ٹرمپ

بعدازاں امریکی صدر ڈونلڈ ٹرمپ نے شمالی کوریا کو دھمکی دیتے ہوئے کہا تھا کہ میرے پاس ان سے بڑا، طاقتورنیو کلیئر بٹن ہے اور بٹن وقت پڑنے پر کام بھی کرے گا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جنوری 7, 2018

Tag: امریکہ

اسلام آباد : چیئرمین پاکستان تحریک انصاف عمران خان کا کہنا ہے کہ امریکی صدر ڈونلڈٹرمپ سے ملاقات کڑوی گولی ہوگی مگرنگلنا پڑے گی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

واشنگٹن : فلوریڈا کے 20 سالہ نوجوان نے 45 کروڑ دس لاکھ امریکی ڈالر کی لاٹری جیت لی، یہ امریکی تاریخ کی چوتھی سب سے بڑی لاٹری ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

نیویارک : اقوام متحدہ نے امریکی صدر ڈونلڈ ٹرمپ کے افریقی ممالک سے متعلق بیان کو شرمناک اور نسل پرستانہ قراردیا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

واشنگٹن : امریکی صدر ڈونلڈٹرمپ نے ایران کا جوہری معاہدہ ختم کرنے کا فیصلہ موخر کرتے ہوئے کہا کہ آخری بار ایرانی جوہری معاہدے کی توثیق کررہے ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

واشنگٹن : امریکی صدر ڈونلڈٹرمپ نے تارکین وطن کے حوالے سے ہونے والے مذاکرات کے دوران کانگریس ممبران سے کہا کہ ہمارے ملک میں گھٹیا ممالک سےلوگ کیوں آرہے ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

واشنگٹن : امریکی وزیرخزانہ اسٹیو منچن کا کہنا ہے کہ انہیں توقع ہے کہ امریکی صدر ڈونلڈ ٹرمپ ایران پرنئی پابندیاں عائد کریں گے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

واشنگٹن : امریکی کمانڈر جون ٹروکسل نے اپنے ٹویٹرپیغام میں کہا ہے کہ عالمی دہشت گرد تنظیم دولت اسلامیہ ہتھیار ڈال دے نہٰن تو ان کوبیلچےسے اکھیڑدیا جائے گا۔

واشنگٹن : ٹرمپ انتظامیہ نےاعلان کیا ہے کہ امریکہ میں رہنے اور کام کرنے والے 2 لاکھ ایل سلواڈور کے شہریوں کے پرمٹ منسوخ کردیے جائیں گے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

واشنگٹن : امریکی محکمہ دفاع پینٹاگون کا کہنا ہے کہ پاکستان سے چاہتے ہیں کہ وہ دہشت گردی کے خلاف فیصلہ کن کارروائی کرے۔

واشنگٹن : امریکی صدر ڈونلڈ ٹرمپ کا کہنا ہے کہ وہ شمالی کوریا کی حکومت سے بات چیت کے لیے تیار ہیں اور اس کے لیے وہ کم جونگ ان کو فون بھی کرسکتے ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔