Tag: امریکہ

اسلام آباد : وزیراعظم شاہد خاقان عباسی کا کہنا ہے کہ پاکستان دہشت گردی کے خلاف جنگ میں ہراول دستے کا کردار ادا کررہا ہے، اور اپنی سرزمین پریہ جنگ جیت چکا ہے۔

تفصیلات کے مطابق برطانوی اخبار کو دیے گئے انٹرویو میں وزیراعظم شاہد خاقان عباسی نے کہا کہ دہشت گردی کے خلاف جنگ میں پاکستان نے ہزاروں جانوں کی قربانیاں دی ہیں۔

وزیراعظم پاکستان نے امریکہ کی جانب سے سیکورٹی تعاون کی مد میں پاکستان کی 2 ارب ڈالر تک کی امداد روکنے کے حوالے سے رپورٹس پر کہا کہ یہ رپورٹس حیران کن ہیں۔

انہوں نے کہا کہ پاکستان کوسول وملٹری امداد کی مد میں مجموعی طور پرجو رقم ملی تو وہ اس رقم کا بہت معمولی حصہ ہے۔

امریکہ نے پاکستان کی سیکورٹی امداد روک دی

شاہدخاقان عباسی نے کہا کہ امریکہ نے سول اور ملٹری امداد کے نام پراب تک جو رقم دی وہ نہ ہونے کے برابر تھی جبکہ پچھلے پانچ سالوں میں سالانہ ایک کروڑ ڈالر کی امریکی امداد ملی جو بہت ہی کم ہے۔

وزیراعظم پاکستان نے کہا کہ امریکی صدر کی جانب سے پاکستان پر دہشت گردی کے خلاف جنگ میں ڈبل گیم کھیلنے کے الزام کو مسترد کرتے ہوئے دہشت گردوں کو پناہ دینے کے الزام کو گمراہ کن قرار دیا۔

پاکستان کےساتھ خراب تعلقات امریکہ کےمفاد میں نہیں‘ نیویارک ٹائمز

انہوں نے کہا کہ پاکستان ایک خودمختار ملک ہے اور اس نے ہمیشہ بین الاقوامی کنونشنزکی پابندی کی ہے اور آج ہم دہشت گردی کے خلاف سب سے بڑی جنگ لڑ رہے ہیں۔

وزیراعظم شاہد خاقان عباسی نے کہا کہ ہم دہشت گردی کے خلاف دنیا کی جنگ اپنے وسائل سے لڑرہے ہیں اور اس پرعالمی برادری کو ہمیں سراہنا چاہیے۔

مزید پڑھیں : ہم نے امداد دی، پاکستان نے دھوکا دیا، اب ایسا نہیں ہوگا: امریکی صدر

یاد رہے کہ نئے سال کے آغازپر امریکی صدر کا کہنا تھا کہ پاکستان ان دہشت گردوں کو محفوظ پناہ گاہیں فراہم کرتا ہے جنہیں ہم افغانستان میں تلاش کررہے ہیں، امداد وصول کرنے کے باوجود پاکستان نے امریکہ سے جھوٹ بولا لیکن اب ایسا نہیں ہوگا۔

اسلام آباد: امیر جماعت اسلامی سراج الحق کا کہنا ہے کہ امریکہ چاہتاہے پاکستان افغانستان میں اس کی ہارکو فتح میں بدلے۔

تفصیلات کے مطابق امیر جماعت اسلامی سراج الحق کا کہنا ہے کہ امریکی رویہ مجرمانہ ہے، وہ دنیا کو انتہا پسندی کی طرف لے کرجا رہا ہے۔

سراج الحق نے کہا کہ امریکہ افغانستان میں اپنی شکست کا الزام پاکستان پر تھوپ رہا ہے۔

انہوں نے کہا کہ امریکہ خود بخود دنیا میں تنہا ہوجائے گا، امریکہ کے اس اعلان سے ہماری طاقت میں اضافہ ہوگا۔

مذہبی آزادی، امریکہ نے پاکستان سمیت 11 ممالک کو واچ لسٹ میں شامل کرلیا

امیرجماعت اسلامی کا کہنا ہے کہ ہمیں کرپشن کا خاتمہ کرکے پاکستان کومزید طاقتوربنانا چاہیے، انہوں نے کہا کہ امریکی اعلان سے ہمیں اپنے پیروں پرکھڑا ہونے کا موقع ملا ہے۔

سراج الحق کا کہنا ہے کہ امریکہ کا رویہ متعصبانہ ہے، امریکہ چاہتا ہے پاکستان افغانستان میں اس کی ہارکو فتح میں بدلے۔

امریکہ نے پاکستان کی سیکورٹی امداد روک دی

واضح رہے کہ امریکی محکمہ خارجہ کی ترجمان ہیدرنورٹ کا کہنا ہے کہ پاکستان جب تک دہشت گردوں کے خلاف کارروائی نہیں کرتا امداد کی فراہمی کا سلسلہ منجمد رہے گا۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔

اسلام آباد : ترک صدر رجب طیب اردگان کا کہنا ہے کہ دہشت گردی کے خلاف جنگ میں پاکستان کی قربانیاں تاریخی اور شاندار ہیں۔

تفصیلات کے مطابق ترک صدر رجب طیب اردگان نے صدر مملکت ممنون حسین کو ٹیلیفون کیا اور پاک امریکہ موجودہ صورت حال پر تبادلہ خیال کیا۔

ترک صدر نے پاکستانی ہم منصب سے ٹیلی فونک گفتگو میں کہا کہ امریکی صدر ڈونلڈ ٹرمپ کا پاکستان سے متعلق ٹویٹ ناپسندیدہ ہے جبکہ پاکستانی قربانیاں ناقابل فراموش ہیں۔

رجب طیب اردگان کا کہنا تھا کہ دہشت گردی کے خلاف جنگ میں پاکستان کی قربانیاں تاریخی اور شاندارہیں، پاکستان ترکی برادر ملک ہیں اور ہرطرح کی صورت حال میں ایک دوسرے کے شانہ بشانہ کھڑے ہیں۔

اس موقع پر صدرممنون حسین نے ترک صدر کے اظہار یکجہتی پر ان کا شکریہ ادا کیا اور کہا کہ ترک بھائیوں کے محبت بھرے پیغام سے فخرمحسوس ہوا۔

صدرممنون حسین نے مزید کہا کہ نامناسب امریکی پیغام کا مناسب جواب دیا جائے گا جبکہ پاکستان رابطے اور تعاون کی پالیسی پریقین رکھتا ہے لیکن اس کے جذبات کی قدر نہیں کی گئی۔

ہم نے امداد دی، پاکستان نے دھوکا دیا، اب ایسا نہیں ہوگا: امریکی صدر

یاد رہے کہ تین روز قبل امریکی صدر کا کہنا تھا کہ پاکستان ان دہشت گردوں کو محفوظ پناہ گاہیں فراہم کرتا ہے جنہیں ہم افغانستان میں تلاش کررہے ہیں، امداد وصول کرنے کے باوجود پاکستان نے امریکہ سے جھوٹ بولا لیکن اب ایسا نہیں ہوگا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔