ARYNews.tv | Urdu – Har Lamha Bakhabar

Tag: امریکہ

  • نیویارک : رہائشی عمارت میں خوفناک آتشزدگی‘ 12 افراد ہلاک

    نیویارک : رہائشی عمارت میں خوفناک آتشزدگی‘ 12 افراد ہلاک

    نیویارک : نیویارک میں واقع رہائشی عمارت میں آگ لگنے سے بچے سمیت 12 افراد ہلاک جبکہ متعدد زخمی ہوگئے۔

    تفصیلات کے مطابق نیویارک کے علاقے برانکس میں واقع رہائشی عمارت میں اچانک آگ بھڑک اٹھی جس نے عمارت کو اپنی لپیٹ میں لے لیا۔

    آتشزدگی کے واقعے میں بچے سمیت 12 افراد ہلاک جبکہ متعدد زخمی ہوگئے جنہیں طبی امداد کے لیے اسپتال منتقل کردیا گیا۔

    نیویارک حکام کے مطابق آگ لگنے کی وجہ تاحال معلوم نہیں ہوسکی، حادثے کی تفتیش کا آغاز کردیا گیا ہے۔

    دوسری جانب نیویارک کے میئر بل دی بلیزیو نے سماجی رابطے کی ویب سائٹ ٹویٹر پراپنے پیغام میں کہا کہ افسوس ناک واقعے میں بچے سمیت 12 افراد ہلاک ہوگئے جبکہ زخمیوں میں سے 4 افراد کی حالت تشویش ناک ہے۔

    بل دی بلیزیو نے حادثے میں ہلاک ہونے والے افراد کے لواحقین سے اظہارافسوس کرتے ہوئے کہا کہ وہ ان کے غم میں برابر کے شریک ہیں۔

    انہوں نے نیویارک میں رہنے والے افراد سے مرنے والے افراد کے لیے دعا کرنے کی بھی درخواست کی۔

    امریکہ میں کنسرٹ کےدوران آگ لگنےسے33افراد ہلاک

    یاد رہے کہ گزشتہ سال امریکی ریاست کیلفورنیا کےشہراوکلینڈ میں کنسرٹ کے دوران بلڈنگ میں آگ لگنےکے نتیجے میں 33 افراد ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امریکہ میں خاتون کو313 کھرب روپےکا بل آگیا

    امریکہ میں خاتون کو313 کھرب روپےکا بل آگیا

    ہیرسبرک: امریکی خاتون کو کرسمس لائٹس جلانا اس قدر مہنگا پڑا کہ ان کو 284 ارب ڈالر کا بل آگیا جسے دیکھ کر انہیں اربوں واٹ کر جھٹکا لگا۔

    تفصیلات کے مطابق امریکی ریاست پنسلوانیا کی رہائشی میری ہورومنسکی کی آنکھیں اس وقت چہرے سے باہر نکل آئیں جب انہوں نے 284 ارب ڈالر یعنی پاکستانی 313 کھرب روپے کا بجلی کا بل دیکھا۔

    میری ہورومنسکی کے مطابق جب انہوں نے بل دیکھا تو انہیں اربوں واٹ کا جھٹکا لگا اور وہ سوچنے لگیں کہ آخر انہوں نے ایسا کیا غلط کیا صرف کرسمس لائٹس سے گھر ہی سجایا تھا۔

    انہوں نے کہا کہ اگر ہم اپنا سب کچھ بھی فروخت کردیں تب بھی 100 سال میں شاید ہی اس رقم کو ادا کر پائیں۔

    بجلی کمپنی نے خاتون کو بل کی مکمل ادائیگی کے لیے ایک سال کی مہلت دیتے ہوئے کہا کہ انہیں اس ماہ 28 ہزار ڈالرز کی قسط جمع کرانا ہوگی۔

    میری ہورومنسکی کے بیٹے نے جب بجلی کمپنی سے رابطہ کیا تو پتہ چلا کہ اصل رقم صرف 284 ڈالرز ہے۔

    بجلی کی کمپنی نےغلطی تسلیم کرتے ہوئے کہا کہ ہم نے کبھی اربوں ڈالر کا بل نہیں دیکھا اورانہوں بل میں ہونے والی غلطی کے حوالے سے کمپنی کو آگاہ کرنے پر خاتون کا شکریہ ادا کیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امریکہ نےاقوام متحدہ کےبجٹ میں 28 کروڑڈالرکی کٹوتی کردی

    امریکہ نےاقوام متحدہ کےبجٹ میں 28 کروڑڈالرکی کٹوتی کردی

    نیویارک: امریکہ نے اقوام متحدہ کے بجٹ میں 28 کروڑ50 لاکھ ڈالر کی کٹوتی کرتے ہوئے کہا کہ کسی کو امریکی عوام کی سخاوت کا ناجائزفائدہ اٹھانے نہیں دیں گے۔

    تفصیلات کے مطابق امریکہ نے اقوام متحدہ کے بجٹ میں 28 کروڑ50 لاکھ ڈالر کی کٹوتی کردی، اقوام متحدہ کے نئے بجٹ برائے سال 19-2018ء میں یہ کٹوتی کی گئی ہے۔

    اقوام متحدہ کے اجلاس میں اگلے دو سال کے لیے 5 ارب 39 کروڑ 60 لاکھ روپے کا بجٹ پیش کیا گیا تھا۔

    امریکی سفیر نکی ہیلی کا کہنا ہے کہ اقوام متحدہ کے بجٹ میں کٹوتی درست سمت میں ایک بڑا قدم ہے، کسی کو امریکی عوام کی سخاوت کا ناجائزفائدہ اٹھانے نہیں دیں گے۔

    امریکی سفیر کا کہنا تھا کہ اقوام متحدہ کی ناکامیاں اور شاہ خرچیاں سب جانتے ہیں اس لیے اقوام متحدہ کے بجٹ میں 285 ملین ڈالرز کم کیے جا رہے ہیں۔

    یروشلم سے متعلق امریکی فیصلے کو اقوام متحدہ نے مسترد کردیا

    خیال رہے کہ گزشتہ ہفتے اقوام متحدہ کی جنرل اسمبلی نے قرارداد منظور کی تھی جس میں امریکہ سے کہا گیا تھا کہ وہ یروشلم کواسرائیل کا دارالحکومت تسلیم کرنے کا فیصلہ واپس لے۔

    امریکی فیصلے کے خلاف قرارداد کے حق میں 128 جبکہ 9 ممالک نے مخالف کی تھی اور35 ممالک نے رائے شماری میں حصہ نہیں لیا تھا۔

    امریکی صدر ڈونلڈ ٹرمپ نے اقوام متحدہ میں امریکی فیصلے کی مخالفت کرنے والے ممالک کو امداد بند کرنے کی دھمکی دی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ’پاکستان کوکسی دوسرےملک سےنوٹس لینےکی ضرورت نہیں‘ چیئرمین سینیٹ

    ’پاکستان کوکسی دوسرےملک سےنوٹس لینےکی ضرورت نہیں‘ چیئرمین سینیٹ

    اسلام آباد : چیئرمین سینیٹ رضار ربانی کا کہنا ہے کہ ’آزاد ریاست پاکستان کو کسی دوسرے ملک سے نوٹس لینے کی ضرورت نہیں ہے‘۔

    تفصیلات کے مطابق وفاقی دارالحکومت اسلام آباد میں 6 ملکی اسپیکرز کانفرنس سے خطاب کرتے ہوئے چیئرمین سینیٹ رضا ربانی نے کہا کہ امریکہ دہشت گردی کے خلاف جنگ میں پاکستان کی قربانیوں کو نظرانداز کررہا ہے۔

    چیئرمین سینیٹ نے کہا کہ امریکی صدر ڈونلڈٹرمپ نے جنوبی ایشیا کے لیے نئی پالیسی کا اعلان کرتے ہوئے افغانستان میں اپنی ناکامی کا الزام پاکستان پرعائد کیا تھا۔

    رضا ربانی نے کہا کہ امریکہ، اسرائیل اور بھارت کا نیا گٹھ جوڑ بن گیا ہے جبکہ امریکہ بھارت کو خطے کا تھانیدار بنا رہا ہے۔

    چیئرمین سینیٹ نے کہا کہ وقت آگیا ہے کہ ایشیا اپنی قسمت کے فیصلے خود کرے ورنہ تاریخ ہمیں معاف نہیں کرے گی۔

    انہوں نے کہا کہ مقبوضہ بیت المقدس سے متعلق امریکی فیصلہ سمجھ سے بالاترہے جبکہ دنیا نے بیت المقدس سے متعلق امریکی فیصلہ قبقل نہیں کیا اور جنرل اسمبلی میں امریکہ کو اس حوالے سے جواب مل گیا ہے۔

    چیئرمین سینیٹ نے کانفرنس سے خطاب کرتے ہوئے کہ امریکہ پرواضح کرنا چاہتے ہیں ’پاکستان ایک آزاد ملک ہے اور اسے کسی دوسرے ملک سے نوٹس لینے کی ضرورت نہیں ہے‘۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امریکہ میں مسلم طالبہ پربدترین تشدد کی ویڈیو وائرل

    امریکہ میں مسلم طالبہ پربدترین تشدد کی ویڈیو وائرل

    فلوریڈا: امریکی ریاست فلوریڈا میں مسلم طالبہ کو ہم جماعت لڑکیوں کی جانب سے بدترین تشدد کا نشانہ بنایا گیا جس کی ویڈیو دنیا بھر میں وائرل ہوگئی۔

    تفصیلات کے مطابق امریکی ریاست فلوریڈا میں واقع ویسٹ بوکا ہائی اسکول کی نویں جماعت کی طالبہ منال کو اسکول میں طالبات کے گروہ نے بدترین تشدد کا نشانہ بنایا۔

    منال کے والد شکیل منشی نے واقعے کی ویڈیو سوشل میڈیا پر شیئر کی اور بتایا کی ان کی بیٹی کے ساتھ ظلم ہوا ہے۔

    مسلم طالبہ پر تشدد کی ویڈیو دنیا بھر میں وائرل ہوگئی اور لوگوں نے اس کے واقعے کی مذمت کرتے ہوئے تشدد کرنے والی لڑکیوں کے خلاف سخت کارروائی کا مطالبہ کیا۔

    شکیل منشی کا کہنا ہے کہ دو طالبات ان کی بیٹی کو مسلمان ہونے پرہراساں کرتی آرہی تھیں اور اسے دہشت گرد بھی کہتی تھیں۔

    امریکہ میں مسلم خواتین پرتشدد،حجاب اتارنے کی کوشش

    انہوں نے بتایا کہ 21 دسمبر کو ان کی بیٹی نے ان طالبات سے بات چیت کرنے کی کوشش کی لیکن جواب میں لڑکیوں کے ایک گروہ نے منال پرحملہ کردیا اور اسے تشدد کا نشانہ بنایا۔

    امریکی ریاست ورجینیا میں مسلمان لڑکی کا قتل

    ویڈیو میں دیکھا جاسکتا ہے کہ لڑکیاں منال کو مار رہی ہیں اوراور نفرت انگیز الفاظ بھی کہہ رہی ہیں اس دوران دیگر طلبہ بے حسی کا مظاہرہ کرتے ہوئے ویڈیو بنارہے ہیں۔

    مقامی پولیس کا کہنا ہے کہ وہ واقعے کی تحقیقات کر رہی ہے اور تشدد کرنے والی لڑکیوں کے خلاف سخت کارروائی کی جائے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • اقوام متحدہ کی شمالی کوریا پر نئی اقتصادی پابندیاں

    اقوام متحدہ کی شمالی کوریا پر نئی اقتصادی پابندیاں

    نیویارک : اقوام متحدہ کی سلامتی کونسل نے شمالی کوریا کے حالیہ بیلسٹک میزائل تجربے کے جواب میں اس پرنئی پابندیاں عائد کردیں۔

    تفصیلات کے مطابق امریکہ نے شمالی کوریا پراقتصادی پابندیاں عائد کرنے کی قرارداد کو سلا متی کونسل میں پیش کیا، جسے متفقہ طورپرمنظورکرلیا گیا۔

    سلامتی کونسل میں شمالی کوریا کے خلاف قراداد کے حق میں15 اور مخالفت میں کوئی ووٹ نہیں ڈالا گیا۔

    قرارداد کے متن کے مطابق شمالی کوریا کوبیلسٹک میزائل تجربات سے روکنے کے لیے پٹرولیم مصنوعات کی برآمد پر نوے فیصد پابندی عائد کردی گئی ہے۔

    امریکی قرارداد کے مسودے کے مطابق دنیا بھر میں کام کرنے والے شمالی کوریائی باشندوں کو واپس اپنے ملک جانا ہوگا۔

    امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پر اپنے پیغام میں شمالی کوریا پر پابندیوں کے فیصلے کا خیرمقدم کیا ہے۔

    دوسری جانب اقوام متحدہ میں امریکی سفیر کا کہنا ہے کہ اگرشمالی کوریا اب بھی ہٹ دھرمی سے باز نہ آیا توعالمی برداری میں تنہا رہ جائےگا۔

    شمالی کوریا نے بین البراعظمی میزائل فائرکیا‘ جنوبی کوریا

    یاد رہے کہ رواں برس 15 ستمبر کو شمالی کوریا نے بین البراعظمی بیلسٹک میزائل کا کامیاب تجربہ کیا تھا اور کہا تھا کہ امریکہ اب اس کے میزائل کی رینج میں ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • دہشت گردوں کو پناہ دینےسےپاکستان کوبہت کچھ کھونا پڑے گا‘ مائیک پنس

    دہشت گردوں کو پناہ دینےسےپاکستان کوبہت کچھ کھونا پڑے گا‘ مائیک پنس

    کابل: امریکی نائب صدرمائیک پنس کا کہنا ہے کہ امریکہ کی شراکت داری سے پاکستان کو بہت کچھ حاصل ہوگا جبکہ دہشت گردوں کو پناہ دینے سے پاکستان کو بہت کچھ کھونا پڑے گا۔

    غیرملکی خبررساں ادارے کے مطابق نائب امریکی صدر مائیک پنس نے افغانستان کا غیراعلانیہ دورہ کیا اور افغان صدر اشرف غنی سے ملاقات کی۔

    امریکی نائب صدر مائیک پنس نے افغان صدر سے ملاقات سے متعلق کہا کہ افغان الیکشن کمیشن 2018 کے پارلیمانی انتخابات کی تیاری کررہا ہے۔

    مائیک پنس کا کہنا تھا کہ یقین ہے کہ ہم افغانستان میں فتح سے زیادہ قریب ہوگئے ہیں۔ ان کا کہنا تھا کہ امریکہ کو درپیش خطرے کے خاتمے تک امریکی فورسز افغانستان میں رہیں گی۔

    امریکہ نے پاکستان کو اربوں ڈالر دیئے ہیں، نتائج چاہئیں، ڈونلڈ ٹرمپ کا مطالبہ

    اس موقع پر امریکی نائب صدر مائیک پنس کا کہنا تھا دہشت گردوں کو پناہ دینے کے دن ختم ہوگئے، پاکستان کو امریکہ کی شراکت داری سے بہت کچھ حاصل ہوگا لیکن پاکستان کو دہشت گردوں کو پناہ دینے سے بہت کچھ کھونا پڑے گا۔

    پاکستان کوبتادیادہشتگردوں کےخلاف فیصلہ کن کارروائی کرناہوگی،ٹرمپ

    خیال رہے کہ 3 روز قبل امریکی صدر کا کہنا تھا کہ پاکستان کو سالانہ کروڑوں ڈالر امداد دیتے ہیں، پاکستان کو بتا دیا دہشت گردوں کے خلاف فیصلہ کن کارروائی کرنا ہوگی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • غزہ میں اسرائیلی فوج کی فائرنگ‘ 80 فلسطینی زخمی

    غزہ میں اسرائیلی فوج کی فائرنگ‘ 80 فلسطینی زخمی

    غزہ : اسرائیلی فوج نے غزہ میں نہتے فلسطینیوں پرفائرنگ کردی جس کے نتیجے میں بچوں سمیت 80 افراد زخمی ہوگئے۔

    تفصیلات کے مطابق غزہ میں فلسطینی عوام امریکہ کی جانب سے مقبوضہ بیت المقدس کو اسرائیل کا دارالحکومت تسلیم کرنے کے خلاف احتجاج کررہے تھے کہ اسرائیلی فوج نے فائرنگ کر دی۔

    اسرائیلی فوج کی فائرنگ سے احتجاج کرنے والے مظاہرین میں بھگدڑ مچ گئی جس کے نتیجے میں 80 افراد زخمی ہو گئے، زخمیوں میں بوڑھے اور بچے بھی شامل ہیں۔

    عرب ٹی وی کے مطابق اسرائیلی فوجیوں نے نہتے مظاہرین پرربڑ کی جگہ اصلی گولیوں سےفائرنگ کی۔

    اسرائیلی فورسزکی فائرنگ‘ 4 فلسطینی شہید‘ 160زخمی

    خیال رہے کہ 5 روز قبل امریکہ کی جانب سے یروشلم کو اسرائیل کا دارالحکومت تسلیم کرنے کے خلاف احتجاجی مظاہرین پراسرائیلی فورسز کی فائرنگ سے 4 فلسطینی جاں بحق جبکہ 160 افراد زخمی ہوگئے تھے۔

    یاد رہے کہ 31 اکتوبرکو اسرائیلی فوج نے آپریشن کے دوران فائرنگ کرکے 7 فلسطینیوں کو شہید جبکہ 14 کو زخمی کردیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • مسئلہ کشمیراورفلسطین کواب حل ہونا چاہیے‘ ملیحہ لودھی

    مسئلہ کشمیراورفلسطین کواب حل ہونا چاہیے‘ ملیحہ لودھی

    نیویارک : اقوام متحدہ میں پاکستان کی مستقل مندوب ڈاکٹرملیحہ لودھی کا کہنا ہے بیت المقدس کواسرائیلی دارالحکومت تسلیم کرنے سے مشرق وسطٰی میں انتشار مزید پھیلےگا۔

    تفصیلات کے مطابق نیویارک میں ایک تقریب سے خطاب میں ڈاکٹرملیحہ لودھی نے کہا کہ کشمیراورفلسطین اقوام متحدہ کےچارٹرپرحل طلب مسئلےہیں ، انہیں اب حل ہوجانا چاہیے۔

    پاکستانی سفیر نے کہا کہ مقبوضہ کشمیراورفلسطین کی عوام شدید انسانی حقو ق کی خلاف ورزیوں کاشکارہیں، قابض افواج کشمیری اور فلسطینی عوام پر مسلسل ظلم وجبرکررہی ہیں۔

    ڈاکٹر ملیحہ لودھی کا کہنا تھا کہ بیت المقدس کا درجہ تبدیل کرنے سے مشرق وسطیٰ میں مزید بدامنی بڑھے گی، ان کا کہنا تھا کہ سیکیورٹی کونسل کی تمام قراردادوں پربلاا متیاز عمل درآمد ہونا چاہیئے۔

    خیال رہے کہ دو روز قبل مقبوضہ کشمیر کے ضلع شوپیاں میں بھارتی فوج کی فائرنگ سے ایک خاتون سمیت 3 کشمیری شہید جبکہ 12 افراد زخمی ہوگئے تھے۔

    امریکہ نے یروشلم کو اسرائیلی دارالحکومت تسلیم کرلیا

    یاد رہے کہ 6 دسمبر کو امریکی صدر ڈونلڈ ٹرمپ نے متنازعہ علاقے یروشلم کو اسرائیل کا دارالخلافہ تسلیم کرتے ہوئے امریکی سفارت خانے کی تل ابیب سے یروشلم منتقل کرنے کا اعلان کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امریکی شہراٹلانٹا کےایئرپورٹ پربجلی منقطع

    امریکی شہراٹلانٹا کےایئرپورٹ پربجلی منقطع

    واشنگٹن: امریکی شہراٹلانٹا کا بین الاقوامی ایئرپورٹ بجلی منقطع ہونے کے باعث جزوی طور پر بند ہے، بجلی نہ ہونے سے تقریباً ایک ہزار پروازیں منسوخ ہوئی ہیں۔

    تفصیلات کے مطابق امریکی شہر اٹلانٹا کے ہرٹس فیلڈ جیکس بین الاقوامی ایئرپورٹ پربجلی کی سپلائی معطل ہونے سے ہزاروں پروازیں مثاتر ہوئی ہیں۔

    اٹلانٹا کا اس ایئرپورٹ کا شمار دنیا کے مصروف ترین ایئرپورٹس میں ہوتا ہے جہاں سے روزانہ ڈھائی لاکھ سے زیادہ لوگ سفر کرتے ہیں اور تقریباََ ڈھائی ہزار پروازیں آتی جاتی ہیں۔

    ایئرپورٹ حکام کے مطابق اتوار کو مقامی وقت کے مطابق 1 بجے بجلی چلے گئی جس کے بعد اس ایئرپورٹ پر اترنے والی بہت سی پروازوں کو دوسری طرف موڑ دیا گیا ہے۔

    ایئرپورٹ کو بجلی فراہم کرنے والی کمپنی کا کہنا ہے کہ زیر زمین کہیں بجلی کی لائن میں آگ لگ گئی ہے جس کی وجہ سے بجلی کی فراہمی متاثرہوئی ہے۔

    واضح رہے کہ اٹلانٹا 80 فیصد امریکی آبادی سے دو گھنٹے کی پرواز کے فاصلے پر ہے اور یہ شہرامریکہ میں داخل ہونے کا اہم مقام ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں ۔