Tag: امریکہ

واشنگٹن : امریکہ میں پاکستان کے سفیراعزازچوہدری کا کہنا ہے کہ پاکستان کا یقین ہے کہ مسئلہ افغانستان کا فوجی حل نہیں ہے، افغانستان کے مسئلے کا واحد حل پرامن مذاکرات ہیں۔

تفصیلات کے مطابق جارج واشنگٹن یونیوسٹی میں اپنے خطاب میں پاکستانی سفیراعزاز چوہدری کا کہنا تھا مسئلہ افغانستان کا سیاسی حل صرف افغان قوم کے پاس ہے، افغانستان میں استحکام کے لیے مل کرکام کرنا ضروری ہے۔

اعزازچوہدری کا کہنا تھا کہ خیال رکھنا ہوگا کہ پاکستان وامریکہ کے مفادات مشترک ہیں، افغانستان میں امن کا حصول دونوں ملکوں کےمفاد میں ہے۔

پاکستانی سفیراعزاز چوہدری کا کہنا تھا کہ پاکستان بھارت مذاکرات کے لیے امریکہ اہم کردارادا کرسکتا ہے۔ ان کا کہنا تھا کہ مسئلہ جموں کشمیر سمیت دیگر مسائل کا واحد حل مذاکرات ہیں، پرامن ماحول کے لیے پاکستان، بھارت کومذاکرات کا آغازکرنا ہوگا۔

طالبان افغانستان میں جنگ نہیں جیت سکتے،امریکہ جیتنےنہیں دے گا‘ ایلس ویلز

اعزازچوہدری کا کہنا تھا کہ مذاکرات سے ہی خطے میں امن واستحکام اورخوشحالی آئے گی، پاکستان میں دہشت گردی کو ختم کردیا گیا ہے۔

پاکستانی سفیر کا کہنا تھا کہ پاکستان کےقبائلی علاقوں میں امن لوٹ رہا ہے، امن کےبعد نقل مکانی کرنے والے اپنے گھروں کو لوٹ رہے ہیں۔

اعزازچوہدری کا کہنا تھا کہ پاکستان نے نہ صرف دہشت گردوں کے خلاف کارروائی کی بلکہ انہیں مارچکا ہے۔ ان کا کہنا تھا کہ پاکستان اب بھی خطے میں دہشت گردی سےنمٹنے کے لیے تیار ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اسلام آباد : وزیرخارجہ خواجہ آصف کا کہنا ہے کہ افغانستان میں امریکی وزیرخارجہ 16 سال بعد بھی بیس سے باہرنہ نکل سکا، ملاقات کے لیے افغان صدر کو بنکر میں مدعو کیا جاتا ہے۔

قومی اسمبلی کی قائمہ کمیٹی برائے خارجہ امورکےاجلاس میں وزیرخارجہ خواجہ آصف نے کہا کہ امریکہ کے ساتھ شفاف تعلقات چاہتے ہیں، پاک امریکہ تعلقات پرپارلیمنٹ سے رہنمائی لیں گے۔

وزیرخارجہ نے کہا کہ مشرف دور میں جو کچھ ہوا وہ ہماری تاریخ کا سیاہ باب ہے، پارلیمنٹ کو باہر رکھ کر تعلقات رکھنے کے نتائج بہت بھیانک ہیں۔

انہوں نے کہا کہ پاکستان میں سیکورٹی صورت حال بہت بہتر ہے اور ڈرون حملے اب ختم ہوچکے ہیں۔

وزیرخارجہ نے کہا کہ امریکہ کو بتا دیا کہ بھارت کا کردار انتشار پر مبی ہے، بھارت این ڈی ایس کےساتھ مغربی سرحد بھی غیرمحفوظ کررہا ہے۔

انہوں نے کہا کہ امریکہ سمجھتا ہے ہم طالبان کو ان کے خلاف استعمال کرتے ہیں۔ انہوں نے کہا کہ پاکستان کا افغان طالبان پر اثرورسوخ کم ہوگیا ہے کئی علاقوں میں طالبان اور داعش کی لڑائی ہے۔

وزیرخارجہ خواجہ آصف نے کہا کہ ہم خلوص کے ساتھ خطے میں امن چاہتے ہیں، قومی مفاد پر کسی صورت سمجھوتا نہیں کیا جائے گا۔ انہوں نے کہا کہ پورا تعاون کریں گے لیکن کسی کی ناکامی کا ملبہ قبول نہیں کریں گے۔

پاکستان سے تعلقات کو اہمیت کی نگاہ سے دیکھتے ہیں، امریکی وزیرخارجہ

یاد رہے کہ دو روز قبل امریکی وزیرخارجہ ریکس ٹلرسن کا کہنا تھا کہ پاکستان سے تعلقات کو اہمیت کی نگاہ سے دیکھتے ہیں، دہشت گردی کےخلاف جنگ میں پاکستان کی قربانیاں قابل قدر ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

واشنگٹن: امریکی وزیرخارجہ ریکس ٹلرسن آج سے پاکستان سمیت 5 ملکوں کے دورے پرروانہ ہورہے ہیں۔

تفصیلات کے مطابق امریکی محکمہ خارجہ کے مطابق وزیرخارجہ ریکس ٹلرسن آج سے پاکستان، بھارت، قطر، سعودی عرب سمیت سوئٹزرلینڈ کے دورہ کریں گے۔

امریکی محکمہ خارجہ کی ترجمان ہیتھر ناؤوٹ نے واشنگٹن میں صحافیوں کو بریفنگ دیتے ہوئے بتایا کہ وزیر خارجہ ریکس ٹلرسن اپنے دورہ پاکستان کے دوران سینئررہنماؤں سے ملاقات کریں گے۔

ترجمان امریکی محکمہ خارجہ کا کہنا ہے کہ ریکس ٹلرسن جنوبی ایشیا کے بارے میں حکمت عملی کی کامیابی میں پاکستان کے اہم کردار اور دونوں ملکوں کے درمیان معاشی تعلقات کو وسعت دینے پرتبادلہ خیال کریں گے۔

امریکی وزیر خارجہ دورہ پاکستان کے دوران وزیراعظم شاہد خاقان عباسی سے ملاقات کریں گے۔

وزیراعظم کی امریکی نائب صدر سے اہم ملاقات

یاد رہے کہ گزشتہ ماہ نیویارک میں وزیراعظم شاہدخاقان عباسی اورامریکی نائب صدرمائیک پنس کے درمیان اہم ملاقات ہوئی تھی، جس میں دوطرفہ تعلقات، جنوبی ایشیا سے متعلق امریکی پالیسی اور افغان عمل پر تبادلہ خیال کیا گیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔