واشنگٹن : امریکی صدر ڈونلڈ ٹرمپ نے ایران کے میزائل تجربے پرردعمل دیتے ہوئے کہا کہ ایران کے ساتھ جوہری معاہدہ باقی نہیں رہا۔

تفصیلات کے مطابق امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پر اپنے پیغام میں کہا کہ ایران نے اسرائیل تک مار کرنے والے بیلسٹک میزائل کا تجربہ کیا ہے۔

امریکی صدر ڈونلڈ ٹرمپ نے کہا کہ ایران شمالی کوریا کے ساتھ کام کررہا ہے۔ انہوں نے ایران کے میزائل تجربے پر سخت بیان دیتے ہوئے کہا کہ ایران کے ساتھ جوہری معاہدہ باقی نہیں رہا۔

Iran just test-fired a Ballistic Missile capable of reaching Israel.They are also working with North Korea.Not much of an agreement we have!

— Donald J. Trump (@realDonaldTrump) September 23, 2017

خیال رہے کہ گزشتہ روز ایران کے سرکاری میڈیا پر’خرمشہر‘ نامی میزائل تجربے کی تصاویر نشر کی گئی تھیں تاہم یہ تجربہ کب کیا گیا اس حوالے سے تفصیلات فراہم نہیں کی گئیں۔

یاد رہے کہ امریکی صدر ڈونلڈ ٹرمپ نے اقوام متحدہ کی جنرل اسمبلی میں خطاب کرتے ہوئے ڈونلڈ ٹرمپ کا کہنا تھا کہ ایران کے ساتھ ہونے والا معاہدہ شرمناک اور عالمی طور پر بدترین معاہدہ تھا۔

امریکی صدر نے جنرل اسمبلی میں خطاب کے دوران ایران کو تنقید کا نشانی بناتے ہوئے اس پر دہشت گردوں کی حمایت کا الزام بھی لگایا تھا۔

واضح رہے کہ ڈونلڈ ٹرمپ کے بیان کے بعد ایرانی صدر حسن روحانی نے کہا تھا کہ ایران کو حق ہے کہ وہ دفاعی مقاصد کے لیے میزائل پروگرام کو فروغ دے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

واشنگٹن : امریکی مشیر قومی سلامتی ایچ آر مٰک ماسٹرکا کہنا ہے کہ شمالی کوریا پرلگائی گئی پابندیوں پرسختی سےعمل درآمد کرانا ہوگا۔

تفصیلات کے مطابق وائٹ ہاؤس میں پریس بریفنگ کے دوران نیشنل سیکیورٹی ایڈوائزرجنرل ایچ آرمیک ماسٹرنے کہا کہ کوریائی خطے سے جوہری ہتھیاروں کا خاتمہ ہی مسئلےکا حل ہے۔

جنرل میک ماسٹر کا کہنا تھا کہ شمالی کوریاکےاقدامات سےوقت ہاتھ سےنکلتا جا رہا ہے،پوری دنیا شمالی کوریا کا مسئلہ سلجھانے کے لیے کردار ادا کرے۔

امریکی مشیر قومی سلامتی کا کہنا تھا کہ شمالی کوریا کے خلاف فوجی کارروائی ترجیحات میں شامل نہیں،عالمی برادری مل کراس مسئلےکا حل نکال سکتی ہے۔

جنرل میک ماسٹر کا کہنا تھا کہ دیکھنا ہوگا سفارتی کوششیں کس حد تک کارآمد ثابت ہوتی ہیں۔

شمالی کوریا نے بین البراعظمی میزائل فائرکیا‘ جنوبی کوریا

یاد رہے کہ گزشتہ روز شمالی کوریا نے سلامتی کونسل کی پابندیوں کے باوجود میزائل فائر کیا تھا جوجاپانی جزیرے ہوکائیدو کے 2ہزار کلو میٹر مشرق میں بحرالکاہل میں گرا تھا۔

جاپان کوغرق امریکا کو راکھ اور تاریکی میں بدل دیں گے،شمالی کوریا کی دھمکی

واضح رہے کہ دو روز قبل شمالی کوریا نے دھمکی دیتے ہوئے کہا تھا کہ جاپان کو غرق اور امریکہ کو راکھ و تاریکی میں بدل دیں گے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

سیئول : جنوبی کوریا کی فوج کا کہنا ہے کہ شمالی کوریا نے پیانگ یانگ سے بین البراعظمی میزائل فائر کیا ہے۔

تفصیلات کے مطابق شمالی کوریا نے سلامتی کونسل کی پابندیوں کے باوجود میزائل فائر کیا ہے جوجاپانی جزیرے ہوکائیدوکے2ہزارکلومیٹرمشرق میں بحرالکاہل میں گرا۔

جنوبی کوریا کی فوج کا کہنا ہے کہ یہ میزائل 770 کلو میٹر کی بلندی پر گیا اور اس نے 3700 کلومیٹر کا فاصلہ طے کیا۔

شمالی کوریا کی جانب سے یہ میزائل اقوام متحدہ کی جانب سے نئی پابندیوں کے اطلاق کے بعد فائرکیا گیا ہے،امریکہ اور جنوبی کوریا اس میزائل کے بارے میں تفصیلات کا جائزہ لے رہے ہیں۔

شمالی کوریا کے خلاف اقوام متحدہ کی نئی پابندیاں

خیال رہے کہ تین روز قبل اقوام متحدہ نے شمالی کوریا کے خلاف نئی پابندیاں عائد کرنے کی منظوری دی تھی، نئی پابندیوں کے ذریعے شمالی کوریا کی دآمدات کا محدود کیا گیا ہے۔

جاپان کوغرق امریکہ کو راکھ اور تاریکی میں بدل دیں گے،شمالی کوریا کی دھمکی

یاد رہے کہ گزشتہ روز شمالی کوریا نے دھمکی دیتے ہوئے کہا تھا کہ جاپان کو غرق اور امریکہ کو راکھ و تاریکی میں بدل دیں گے۔

شمالی کوریا کا ایک اوربیلسٹک میزائل کا تجربہ

واضح رہے کہ گزشتہ ماہ شمالی کوریا کی جانب سے میزائل فائر کیا گیا تھا کہ جو جاپان کے شمالی جزیرے ہوکائیڈو پر سے گزرتا ہوا سمندر میں جاگرا تھا اور اس کےبعد جاپانی حکومت نے شہریوں کو محتاط رہنے کی ہدایت کی تھی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

لاس اینجلس: امریکی ریاست واشنگٹن میں ہائی اسکول میں فائرنگ کے نتیجے میں ایک طالب علم ہلاک جبکہ 3 زخمی ہوگئے۔

تفصیلات کے مطابق امریکی ریاست واشنگٹن کے علاقے اسپوکین میں واقع فری مین ہائی اسکول میں فائرنگ کا واقعہ پیش آیا جس میں ایک طالب علم ہلاک جبکہ 3 زخمی ہوگئے۔

امریکی پولیس حکام کا کہنا ہے کہ فائرنگ کرنے والے شخص کو گرفتار کرلیا گیا ہے جبکہ زخمیوں کو طبی امداد کے لیے اسپتال منتقل کردیا گیا ہے۔

اسپوکین کے شیرف کے مطابق فائرنگ کے واقعے کے بعد علاقے کے دیگر اسکولوں کو بند کردیا گیا ہے۔

امریکی ریاست ٹیکساس میں فائرنگ‘ 8 افراد ہلاک

خیال رہے کہ تین روز قبل امریکی ریاست ٹیکساس کے شمالی علاقے پلانوں میں واقع مکان میں فائرنگ کے نتیجے میں 8 افراد ہلاک جبکہ 2 زخمی ہوگئے تھے۔

یاد رہے کہ رواں برس 2 جولائی کو امریکی ریاست آرکنساس کے نائٹ کلب میں فائرنگ کے نتیجے میں 28 افراد زخمی ہوگئے تھے۔

امریکی شہراورلینڈو کےنائٹ کلب میں فائرنگ، 49 افراد ہلاک

واضح رہے کہ یاد رہےکہ گزشتہ سال 12 جون کو امریکی ریاست فلوریڈا کے شہر اورلینڈو کے نائٹ کلب میں فائرنگ سے 49 افراد ہلاک اور 53 سے زخمی ہوگئےتھے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

نیویارک : اقوام متحدہ نے شمالی کوریا کے خلاف نئی پابندیاں عائد کرنے کی منظوری دی ہے، نئی پابندیوں کے ذریعے شمالی کوریا کی دآمدات کا محدود کیا گیا ہے۔

تفصیلات کے مطابق اقوام متحدہ کی سلامتی کونسل نے متفقہ طور پرشمالی کوریا کے خلاف نئی پابندیاں عائد کی ہیں جس میں شمالی کوریا کی درآمدات کو محدود اور ٹیکسٹائل کی مصنوعات کی برآمدات پر پابندی لگائی گئی ہے۔

اقوام متحدہ کی جانب سے شمالی کوریا پر نئی پابندیاں ہائیڈروجن بم کے تجربے کے بعد لگائی گئی ہیں۔

خیال رہے کہ شمالی کوریا پر اقوام متحدہ کی جانب سے پہلے ہی اقتصادی پابندیاں عائد ہیں اور اب ان پابندیوں میں مزید اضافہ کیا گیا ہے۔

امریکہ نے شمالی کوریا کو ایٹمی حملے کی دھمکی دے دی

یاد رہے کہ 2006 کے بعد سے شمالی کوریا کے خلاف یہ اقوام متحدہ کی جانب سے نویں قرارداد ہے جسے متقفہ طور پر منظورکیا گیا ہے۔

شمالی کوریا کا ہائیڈروجن بم کے کامیاب تجربے کا دعویٰ

واضح رہے کہ گزشتہ روز شمالی کوریا نے ہائیڈروجن بم کا کامیاب تجربہ کیا تھا جس کے بعد شمالی کوریا میں زلزلے کے جھٹکے محسوس کیے گئے تھے جن کی شدت ریکٹر اسکیل پر 6.3 ریکارڈ کی گئی تھی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔