ARYNews.tv | Urdu – Har Lamha Bakhabar

Tag: امریکہ

  • سمندری طوفان ارما کا فلوریڈا کےساحل سے ٹکرانے کا امکان

    سمندری طوفان ارما کا فلوریڈا کےساحل سے ٹکرانے کا امکان

    واشنگتٹن : سمندری طوفان ارما کا آج فلوریڈا کے ساحل سے ٹکرانے کا امکان ہے، طوفان کے باعث دو سو نو کلو میٹر فی گھنٹہ سے زیادہ رفتار کی تیزہوائیں کا خدشہ ہے۔

    تفصیلات کے مطابق جزائرکیریبین اور کیوبا میں تباہی مچانے کے بعد تاریخ کے بد ترین طوفان ارما کا آج فلوریڈا کے ساحل سےٹکرانے کا امکان ہے جس کے پیش نظر فلوریڈا میں ایمرجنسی نافذ کردی گئی ہے۔

    امریکہ کے محکمہ موسمیات کا کہنا ہے کہ طوفان کے باعث دو سو نو کلو میٹر فی گھنٹہ سے زیادہ رفتار کی تیزہوائیں چلنے اور 15 فٹ تک اٹھنے والی طوفانی لہروں سے علاقے میں سیلاب کا خدشہ ہے۔

    محکمہ موسمیات کے مطابق اگلے چند گھنٹوں تک کیوبا کے ساحل سے گزرنے کے بعد سمندری طوفان ارما کا فلوریڈا کے ساحل سے ٹکرانے کا امکان ہے۔

    فلوریڈا کے گورنر نے سمندری طوفان کے پیش نظرلاکھوں رہائشی افراد سے محفوظ مقامات پر منتقلی اور غیر ضروری سفر سے گریز کرنے کی اپیل کی ہے۔

    سمندری طوفان کیوبا کے ساحل سے ٹکرا گیا

    واضح رہے کہ گزشتہ روز سمندری طوفان ارما کیوبا کے ساحل سے ٹکرایا تھا جس کے بعد مختلف حادثات میں 20 افراد ہلاک ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • روہنگیا میں بستیاں جلانے اورفورسزکےتشدد پرتشویش ہے‘ امریکہ

    روہنگیا میں بستیاں جلانے اورفورسزکےتشدد پرتشویش ہے‘ امریکہ

    واشنگٹن : امریکہ نے برما میں روہنگیا مسلمانوں کی گاؤں جلانے اور فورسز کی جانب سے تشدد پر سخت تشویش کا اظہار کیا ہے۔

    تفصیلات کے مطابق امریکی محکمہ خارجہ کی ترجمان نے پریس کانفرنس کرتے ہوئے برما میں روہنگیا مسلمانوں کی صورت حال پرتشویش کا اظہارکیا ہے۔

    ہیدرنوئیرٹ نے کہا کہ برما میں سیکورٹی فورسز پر روہنگیا دیہات کو نذر آتش کرنے اور تشدد کے واقعات سمیت انسانی حقوق کی خلاف ورزی کے سنگین الزامات عائد کیے گئے ہیں۔

    ترجمان امریکی محکمہ خارجہ نے کہا کہ برمی حکام حالات مزید کشیدہ ہونےسے روکے اور متاثرہونے والی کمیونٹی کی مدد کریں۔

    انہوں نے کہا کہ بنگلہ دیش جانے والوں کی مدد کے لیے اقوام متحدہ کے ساتھ کام کررہے ہیں اور روہنگیا کمیونٹی کی مدد کے لیے برما کے پڑوسی ممالک سے رابطے کررہے ہیں۔

    امریکی محکمہ خارجہ کی ترجمان نے میانمار کی حکومت پر زور دیا ہے کہ صوبہ رکھائن تک انسانی رسائی کی اجازت دی جائے۔

    ترجمان امریکی محکمہ خارجہ کا کہنا ہے کہ برماکے مہاجرین کے لیےاس سال 55 ملین ڈالر کی امداد جاری کی ہے۔

    خیال رہے کہ اقوام متحدہ کے مطابق ڈھائی لاکھ سے زائد روہنگیا مسلمان گزشتہ سال اکتوبر میں تشدد شروع ہونے کے بعد بنگلہ دیش کی جانب نقل مکانی کرچکے ہیں۔

    مسلم نسل کشی کی ذمہ دار کیا آنگ سان سوچی کوبے حسی کاانعام ملنا چاہیے، یانگ ہی لی

    واضح رہے کہ 3 روز قبل میانمارکے لیے اقوام متحدہ کی نمائندہ خاص کا کہنا تھا کہ نوبل انعام یافتہ خاتون مسلم نسل کشی کی ذمہ دار کیا آنگ سان سوچی کوبے حسی کاانعام ملنا چاہیے؟۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • اسلام آباد : پاکستانی سفیروں کی 3 روزہ کانفرس جاری

    اسلام آباد : پاکستانی سفیروں کی 3 روزہ کانفرس جاری

    اسلام آباد: وفاقی دارالحکومت اسلام آباد میں پاکستانی سفیروں کی تین روزہ کانفرس شروع ہوگئی، وزیرخارجہ خواجہ آصف نے کانفرنس کا افتتاح کیا۔

    تفصیلات کے مطابق اسلام آباد میں پاکستانی سفیروں کی تین روزہ کانفرس جاری ہے، وزیرخارجہ خواجہ آصف نے کانفرنس کا آغاز کیا۔

    پاکستانی سفیروں کی تین روزہ کانفرنس میں سعودی عرب، متحدہ عرب امارات، قطر، امریکہ، چین، روس سمیت مختلف ملکوں میں تعینات پاکستانی سفیرشریک ہیں۔

    تین روزہ کانفرنس میں افغانستان کی صورت حال اور امریکہ کی خطے سے متعلق پالیسی بھی زیر غور آئے گی اس کے علاوہ خطے میں رونما ہونے والی تبدیلیوں پر بھی تبادلہ خیال ہوگا۔

    وزیراعظم پاکستان پاکستانی سفیروں کی کانفرنس سے خطاب بھی کریں اور کانفرنس کے اختتامی نشست کی صدارت کریں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امریکہ نے شمالی کوریا کو ایٹمی حملے کی دھمکی دے دی

    امریکہ نے شمالی کوریا کو ایٹمی حملے کی دھمکی دے دی

    واشنگٹن : امریکہ کا کہنا ہے کہ امریکہ یا اتحادیوں کو شمالی کوریا سے خطرہ ہوا توا ایٹمی آپشن استعمال کریں گے۔

    تفصیلات کے مطابق وائٹ ہاؤس کی جانب سے جاری بیان میں کہا گیا ہے کہ شمالی کوریا امریکہ اور اس کے اتحادیوں کو دھمکیاں دینے سے باز نہ آیا تو اس کے خلاف بھرپور طاقت کا استعمال کیا جائے۔

    امریکی وزیردفاع جیمز میٹس نے بھی دھمکی دیتے ہوئے کہا کہ اگر شمالی کوریا کی جانب سے جارحیت کا سلسلہ جاری رہا تو امریکہ فوجی طاقت سےاس کا جواب دے گا۔

    جمیزمیٹس کا کہنا ہے کہ شمالی کوریا کے سربراہ کم جونگ ان کو سلامتی کونسل کی قراردادوں پر توجہ دینی چاہیے جبکہ تمام ممالک کو شمالی کوریا کو جوہری ہتھیاروں سے دور رکھنے پراتفاق کرچکے ہیں۔

    شمالی کوریا کا ہائیڈروجن بم کے کامیاب تجربے کا دعویٰ

    واضح رہے کہ گزشتہ روز شمالی کوریا نے ہائیڈروجن بم کا کامیاب تجربہ کیا تھا جس کے بعد شمالی کوریا میں زلزلے کے جھٹکے محسوس کیے گئے تھے جن کی شدت ریکٹر اسکیل پر 6.3 ریکارڈ کی گئی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امریکی ریاسٹ ٹیکسس میں ہاروی کی تباہ کاریاں‘ 9 افراد ہلاک

    امریکی ریاسٹ ٹیکسس میں ہاروی کی تباہ کاریاں‘ 9 افراد ہلاک

    ٹیکسس : امریکی ریاست ٹیکسس میں سمندری طوفان ہاروی کی وجہ سے مختلف حادثات میں 9 افراد ہلاک جبکہ ایک ہزار سے زائد افراد کو بچالیا گیا ہے۔

    تفصیلات کے مطابق امریکی ریاست ٹیکسس کے شہرہیوسٹن میں سمندری طوفان ہاروی کے باعث ہونے والی طوفانی بارشوں کے بعد شہر میں پھنسے اب تک 1000 سے زائد افراد کو بچالیا گیا ہے۔

    نیشنل ویدر سروس کے مطابق اب تک 9 افراد ہلاک ہونے کی خبرآئی ہے لیکن صرف ایک شخص کی موت کی تصدیق ہوسکی ہے جبکہ سمندری طوفان کی وجہ سے ہیوسٹن اور دیگرعلاقوں میں ایمرجنسی نافذ کردی گئی ہے۔

    گورنزٹیکسس گریگ ایبٹ کا کہنا ہے کہ سیلاب کی وجہ سے انہیں سخت پریشانی کا سامنا ہے جبکہ ہیوسٹن اور کارپس سٹی میں اب تک 20 انچ بارش ریکارڈ کی گئی ہے۔

    یاد رہے کہ گزشتہ روز امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پر اپنے پیغام میں کہا تھا کہ وہ بہت جلد ٹیکسس کا دورہ کریں گے۔

    ڈونلڈ ٹرمپ نے اپنی ایک اور ٹویٹ میں کہا تھا کہ ماہرین کے مطابق یہ طوفان 500 سالوں میں سب سے شدید طوفان ہے اور اس سے نمٹنے کے ہرممکن کوشش کی جارہی ہے۔

    واضح رہے کہ امریکی ریاست ٹیکسس میں سیلاب کے باعث امدادی کارروائیوں میں 1800 امریکی فوجیوں کی خدمات لی گئی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بھارت سی پیک کو اپنے لیے خطرہ سمجھتا ہے‘ شیخ رشید

    بھارت سی پیک کو اپنے لیے خطرہ سمجھتا ہے‘ شیخ رشید

    اسلام آباد : عوامی مسلم لیگ کے سربراہ شیخ رشید احمد کا کہنا ہے کہ ’بھارتی آرمی چیف نے پاک چین اقتصادی راہداری منصوبے کو اپنی سالیمت کے لیے خطرہ قرار دیا ہے‘۔

    تفصیلات کے مطابق اسلام آباد میں سپریم کورٹ کے باہر میڈیا سے گفتگو کرتے ہوئے شیخ رشید احمد نے کہا کہ نیب نے 7 روز میں سپریم کورٹ میں اپیل دائر کرنے کا کہنا تھا۔

    عوامی مسلم لیگ کے سربراہ کا کہنا تھا کہ سپریم کورٹ کے فیصلے پر عملدرآمد کے لیے پٹیشن دائرکی ہے۔ انہوں نے کہا کہ نیب سے استدعا کی ہے کہ اپنے فیصلے پرعمل کریں۔

    شیخ رشید کا کہنا تھا کہ افواہیں گردش کررہی ہیں کہ این آراو پر کام ہورہا ہے اور اپنی جائیدادیں بچانے کی کوششیں کی جارہی ہیں۔

    انہوں نے کہا کہ فیصلہ دینےوالے5 ججز کے بینچ میں نظرثانی اپیل کی ہے نیب نے عملدرآمد نہ کیا تو توہین عدالت کی درخواست دائرکریں گے۔

    عوامی مسلم لیگ کے سربراہ کا کہنا تھا کہ آرٹیکل 63،62 پر کیس صرف نوازشریف کے خلاف کیا تھا۔

    حدیبیہ پیپرملز ریفرنس دائر کرنے میں تاخیر، شیخ رشید نے سپریم کورٹ سے رجوع کرلیا

    ایل این جی ٹرمینل کےحوالے سے شیخ رشید احمد کا کہنا تھا کہ وزیراعظم شاہد خاقان عباسی نے ایل این جی ٹرمینل کا افتتاح کیا اس میں ان کی پارٹنرشپ ہے۔ انہوں نے کہا کہ ایل این جی کا کیس سب سے بڑی کرپشن پر مبنی ہے۔

    شیخ رشید احمد کا کہنا تھا کہ نوازدور میں جتنے لوگ وزارت خارجہ میں لگائے گئے وہ میرٹ پر نہیں جبکہ افغان پالیس سے متعلق انہوں نے کہا کہ امریکہ کو اپنے فیصلے پر نظرثانی کرنا ہوگی۔

    انہوں نے کہا کہ امریکہ کے معاملے پر پوری قوم ایک ہے جبکہ چین اور روس نے بھی پاکستان کی حمایت کی ہے۔

    عوامی مسلم لیگ کے سربراہ کا کہنا تھا کہ ڈونلڈ ٹرمپ کی مقبولیت47 فیصد کم ہوئی ہےجبکہ نوازشریف اور ڈونلڈ ٹرمپ کی مقبولیت ایک جیسی ہے۔

    واضح رہے کہ شیخ رشید احمد کا کہنا تھا کہ جب تک یہ اسمبلی موجود ہے 63،62 زندہ رہے گا۔ انہوں نے کہا کہ مولانا فضل الرحمان نے بھی مجھے کہا کہ آرٹیکل 63،62 کےخلاف نہیں ہوں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • شمالی کوریا کا تین بیلسٹک میزائلوں کا تجربہ

    شمالی کوریا کا تین بیلسٹک میزائلوں کا تجربہ

    سیئول : شمالی کوریا نےامریکہ اور جنوبی کوریا کی فوجی مشقوں کے جواب میں کم فاصلے تک مارکرنے والے تین بلیسٹک میزائل کا تجربہ کیا ہے۔

    جنوبی کوریا کے مطابق شمالی کوریا کی جانب سے صوبہ گانگ وون سے 3 بیلسٹک میزائل فائرکیے گئےجو250 کلو میٹر فاصلہ طےکرنے کے بعد جاپان کے قریب سمندر میں جاگرے۔

    دوسری جانب امریکہ کی جانب سے جاری بیان میں کہا گیا کہ شمالی کوریا کی جانب سے فائر کیے گئے2 میزائل کچھ دیر بعد ناکارہ ہوگئے جبکہ تیسرا میزائل فائر ہونے کےفوراً ناکارہ ہوگیا تھا۔

    امریکی حکام کا کہنا تھا کہ شمالی کوریا کی جانب سے داغے جانے والے میزائل گوام یا امریکہ کے لیے خطرہ نہیں ہے۔

    خیال رہے کہ شمالی کوریا نے امریکہ اور جنوبی کوریا کی فوجی مشقوں کو اشتعال انگیزی قرار دیا تھا اور ان میزائلوں کے ذریعے امریکہ کو پیغام دیا گیا ہے کہ وہ خطے میں کشیدگی بڑھانے سے باز رکھے۔

    امریکا کو اپنے کیے کی قیمت چکانی پڑے گی، شمالی کوریا

    واضح رہےکہ رواں ماہ شمالی کوریا کے وزیرِ خارجہ کا کہنا تھا کہ امریکہ کو اپنے کیے کی قیمت چکانی پڑے گی اور اقوام متحدہ کی پابندیاں شمالی کوریا کو جوہری ہتھیاروں کی تیاری سے نہیں روک سکتیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کروڑوں ڈالرکی لاٹری جیتنے والی خاتون نےنوکری چھوڑدی

    کروڑوں ڈالرکی لاٹری جیتنے والی خاتون نےنوکری چھوڑدی

    نیویارک : امریکہ میں 53 سالہ خاتون نے 75 کروڑ 80 لاکھ ڈالر کی پاور بال جیک پاٹ لاٹری جیت کر نوکری چھوڑ دی۔

    تفصیلات کے مطابق امریکہ میں 53 سالہ خاتون میوس ونسزیک نے75 کروڑ 80 لاکھ ڈالر کی پاور بال جیک پاٹ لاٹری جیت لی۔ امریکی تاریخ میں انعامی رقم کی مناسب سے یہ اب تک کی سب سے بڑی لاٹری ہے۔

    میوس ونسزیک نے لاٹری کا ٹکٹ امریکی شہر چیکوپی کے ایک پٹرول پمپ سے خریدا اور ان کی اس لاٹری کے ٹکٹ کا نمبر6،7،16،23،26،4 تھا۔

    میڈیا سے بات کرتے ہوئے لاٹری جیتنے والی خاتون نے کہا کہ وہ گزشتہ 32 سال سے ایک میڈیکل سینٹر میں کام کررہی تھیں۔ انہوں نے کہا کہ میں نے اب ملازمت چھوڑ دی ہے اور صرف آرام کرنا چاہتی ہوں۔

    میوس ونسزیک کا کہنا تھا کہ انہوں نے لاٹری کے نمبر مختلف برتھ ڈے کی تاریخوں کی مناسب سے خریدے تھے۔

    پاور بال جیک پاٹ لاٹری کی انعامی رقم میں سے 50 ہزار ڈالرلاٹری فروخت کرنے والے کو دیے جائیں گے۔

    پٹرول اسٹیشن کے مالک باب بالبک کا کہنا ہے کہ وہ 50 ہزار ڈالر کی انعامی رقم کو خیراتی ادارے کو دیں گے۔

    یاد رہے کہ گزشتہ سال جنوری میں پاور بال لاٹری کا انعام ایک ارب چھپن کروڑ ڈالر تھا جسے جیتنے والے تین لوگوں میں تقسیم کیا گیا تھا۔

    واضح رہے کہ ٹیکس اور دیگر اخراجات نکالنے کےبعد میوس ونسزیک کو 44 کروڑ 33 لاکھ ڈالر دیے جائیں گے۔

  • سابق سی آئی اے سربراہ نےڈونلڈ ٹرمپ کو ذہنی مریض قرار دے دیا

    سابق سی آئی اے سربراہ نےڈونلڈ ٹرمپ کو ذہنی مریض قرار دے دیا

    نیویارک : سی آئی اے کے سابق سربراہ جیمز کلپر نے ڈونلڈ ٹرمپ کو ذہنی مریض قرار دیتے ہوئےصدارت کے عہدے کے لیے نااہل قرار دے دیا۔

    تفصیلات کے مطابق سابق سی آئی اے سربراہ جیمز کلپر نے امریکی نشریاتی ادارے کو انٹرویو دیتے ہوئے امریکی صدر ڈونلڈ ٹرمپ کو ذہنی مریض قرار دے دیا۔

    جیمز کلپر نے امریکی صدر ڈونلڈ ٹرمپ کی نئی افغان پالیسی پر ردعمل دیتے ہوئے کہا کہ ان کی نئی پالیسی جنوبی ایشیا کے لیے خوفناک ہے۔

    امریکی انٹیلی جنس ایجنسی کے سابق سربراہ کا کہنا تھا کہ وہ امریکی صدر کو جوہری کوڈز تک رسائی دینے کے حوالے سے تشویش کا شکار ہیں۔

    امریکہ نے پاکستان کو اربوں ڈالر دیئے ہیں، نتائج چاہئیں، ڈونلڈ ٹرمپ کا مطالبہ

    یاد رہے کہ گزشتہ روز امریکی صدر نے الزام لگایا تھا کہ پاکستان دہشت گردوں کو پناہ فراہم کرتارہاہے اور پاکستان میں دہشت گردوں کے محفوظ ٹھکانے ہیں۔

    ڈونلڈٹرمپ نے دھمکی دی کہ افغانستان میں ہماراساتھ دینے پر پاکستان کوفائدہ ہوگا، دوسری صورت میں اسے نقصان کا سامنا کرنا پڑے گا۔

    امریکا کا ہماری قربانیوں کو نظر انداز کرنا مایوس کن ہے، دفتر خارجہ

    واضح رہے کہ گزشتہ روزامریکہ کی نئی افغان پالیسی پردفتر خارجہ کے ترجمان کا رد عمل دیتے ہوئے کہنا تھا کہ امریکہ کا پاکستانی قوم کی قربانیوں کو نظراندازکرنا مایوس کن ہے، پاکستان دہشت گردی سے سب سے زیادہ متاثر ہونے والا ملک ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پاکستان میں دہشت گردوں کی کوئی پناہ گاہ نہیں ‘اعزازچوہدری

    پاکستان میں دہشت گردوں کی کوئی پناہ گاہ نہیں ‘اعزازچوہدری

    نیویارک : امریکہ میں پاکستانی سفیر اعزازچوہدری کا کہنا ہے کہ پاکستان نے ہمیشہ پرامن افغانستان کے لیے کوششیں کیں۔

    تفصیلات کے مطابق امریکہ کی نئی افغان پالیسی پر پاکستانی سیفر اعزاز چوہدری کا ردعمل دیتے ہوئے کہا کہ امن کے لیے امریکہ سمیت دیگر ملکوں سے تعاون جاری رکھیں گے۔

    اعزاز چوہدری کا کہنا ہے کہ 38برس سےغیرمستحکم افغانستان سے پاکستان کونقصان اٹھانا پڑا۔ انہوں نے کہا کہ پاکستان دہشت گردوں کےمحفوظ ٹھکانےنہ ہونےکا کئی باربتا چکا ہے۔

    پاکستانی سفیر کا کہنا تھا کہ دہشت گردی کے خلاف پاکستان کےعزم کو متنازع نہیں بنایا جاسکتا۔ انہوں نے کہا کہ افغان قیادت ہی مفاہمتی عمل کوکامیاب بنا سکتی ہے۔

    اعزازچوہدری کا کہنا ہے کہ امریکہ کی نئی پالیسی پرپاکستانی کابینہ میں بحث ہوئی ہے اس پالیسی پرنیشنل سیکیورٹی کمیٹی پرمزید بحث کی جائے گی۔

    انہوں نے کہا کہ نیشنل سیکیورٹی کمیٹی امریکی پالیسی کامکمل جواب تیارکرے گی۔

    امریکا کا ہماری قربانیوں کو نظر انداز کرنا مایوس کن ہے، دفتر خارجہ

    واضح رہے کہ گزشتہ روزامریکہ کی نئی افغان پالیسی پردفتر خارجہ کے ترجمان کا رد عمل دیتے ہوئے کہنا تھا کہ امریکہ کا پاکستانی قوم کی قربانیوں کو نظراندازکرنا مایوس کن ہے، پاکستان دہشت گردی سے سب سے زیادہ متاثر ہونے والا ملک ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔