ARYNews.tv | Urdu – Har Lamha Bakhabar

Tag: امریکہ

  • امریکی طلبہ نے نکی ہیلی کو قاتل قرار دے دیا

    امریکی طلبہ نے نکی ہیلی کو قاتل قرار دے دیا

    ہیوسٹن : اقوام متحدہ میں امریکی سفیر نکی ہیلی کے خلاف امریکی طلبہ نے نعرے لگاتے ہوئے کہا کہ نکی تمہارے ہاتھ خون سے رنگے ہیں، تم نسل کشی کی ذمہ دار ہو۔

    تفصیلات کے مطابق امریکی ریاست ٹیکساس کی ہیوسٹن یونیورسٹی میں امریکی سفیر نکی ہیلی اسٹیج پر تقریر کرنے کے لیے پہنچی تو طلبہ کی جانب سے ان کے خلاف مظاہرہ کیا گیا۔

    امریکی سفیر نے طلبہ کو خاموش کرانے کی کوشش کی جس پر طلبہ وطالبات نے ہم آواز ہوکر نعرے بازی شروع کردی جس سے پورا آڈیٹوریم گونج اٹھا۔

    یونیورسٹی کے طلبہ نے نکی ہیلی کے خلاف نعرے لگائے اور کہا کہ تمہارے ہاتھ خون سے رنگے ہیں اور تم نے فلسطینیوں کے قتل عام پردستخط کیے ہیں۔

    مظاہرین کا کہنا تھا کہ نکی ہیلی اقوام متحدہ میں اسرائیل کے جنگی جرائم پرپردہ ڈالنے کی پوری کوشش کرتی رہتی ہے۔

    یونیورسٹی کے طلبہ نے فلسطینی پرچم بھی نکال کر لہرایا اور احتجاج کرنے والے طلبہ احتجاج ریکارڈ کرانے کے بعد آڈیٹوریم سے واک آؤٹ کرگئے۔

    فلسطین: اسرائیلی فوج نے حملہ کرکے امدادی کشتی تباہ کردی

    خیال رہے کہ گزشتہ روز فلسطین میں قابض اسرائیلی فوج نے معصوم اور نہتے فلسطینیوں کے لیے بھیجی گئی امدادی کشتی کو حملہ کرکے مکمل طور تباہ کر دیا تھا۔

    اسرائیلی فوج کی فائرنگ سے 58 فلسطینی شہید

    یاد رہے کہ گزشتہ ہفتے اسرائیلی فوج کی فائرنگ سے درجنوں فلسطینی شہید ہوگئے تھے اور اس معاملے پراقوام متحدہ کی سلامتی کونسل کا اجلاس ہوا تھا۔

    اجلاس میں جب فلسطینی سفیر ریاض منصورنے تقریر شروع کی تو امریکی سفیر نکی ہیلی اٹھ کرواک آؤٹ کرگئی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پاکستان میں سفارتی اہلکاروں کےساتھ اچھا سلوک نہیں کیا جا رہا‘ مائیک پومپیو

    پاکستان میں سفارتی اہلکاروں کےساتھ اچھا سلوک نہیں کیا جا رہا‘ مائیک پومپیو

    واشنگٹن : امریکی وزیرخارجہ مائیک پومپیو نے الزام عائد کرتے ہوئے کہا ہے کہ پاکستان میں سفارتی اہلکاروں کے ساتھ اچھا سلوک نہیں کیا جا رہا۔

    تفصیلات کے مطابق امریکہ کی خارجہ امور کمیٹی کو بریفنگ دیتے ہوئے وزیرخارجہ مائیک پومپیو نے کہا کہ 2018ء کے دوران پاکستان کو بہت کم فنڈ جاری کیے گئے۔

    امریکی وزیرخارجہ مائیک پومپیو نے کہا کہ پاکستان کی اقتصادی امداد کا جائزہ لے رہے ہیں۔

    انہوں نے خارجہ امورکمیٹی کو بریفنگ دیتے ہوئے الزام عائد کیا کہ پاکستان میں امریکی سفارت کاروں کے ساتھ اچھا سلوک نہیں کیا جا رہا۔

    امریکی وزیرخارجہ نے ڈو مور کا مطالبہ کرتے ہوئے کہا کہ پاکستان پناہ گاہوں اور دہشت گردی پراکسانے والوں کے خلاف کارروائی کرے۔

    مائیک پومپیوخارجہ امورکمیٹی کو بریفنگ میں مزید کہا کہ ڈاکٹرشکیل آفرید کا معاملہ میرے دل کے قریب ہے۔

    سفارتی پابندیوں کے بعد پاکستان کا سپر پاؤر کو کرارا جواب

    خیال رہے کہ رواں ماہ امریکہ نے پاکستان کے سفارت کاروں پر پابندیاں عائد کی تھیں جس کی تصدیق دفتر خارجہ کے ترجمان نے کی تھی۔

    ترجمان دفتر خارجہ ڈاکٹر فیصل کا کہنا تھا کہ 11 مئی سے امریکہ میں تعینات سفارتی عملے پر پابندیاں عائد ہوں گی جس کے بعد عملہ سفارت خانے سے 40 کلومیٹر کی حدود میں رہیں گے۔

    پاکستان نے بھی امریکی سفارت کاروں پرجوابی پابندیاں عائد کردیں

    بعدازاں پاکستانی وزرات خارجہ نے امریکہ میں پاکستانی سفارت کاروں کی نقل وحرکت محدود کرنے کے امریکی اقدام کے جواب میں پاکستان میں امریکی سفارت کاروں پرپابندیاں عائد کیں تھیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پاکستانی طالبہ سبیکا شیخ کی میت کل پاکستان پہنچے گی

    پاکستانی طالبہ سبیکا شیخ کی میت کل پاکستان پہنچے گی

    ہوسٹن : امریکی ریاسٹ ٹیکساس کے سانٹا فے ہائی اسکول میں طالبعلم کی فائرنگ سے جاں بحق ہونے والی پاکستانی طالبہ سبیکا شیخ کی میت کل پاکستان پہنچے گی۔

    تفصیلات کے مطابق امریکی ریاست ٹیکساس میں شہرہوسٹن کے نزدیک سانٹا فے ہائی اسکول میں طالبعلم کی فائرنگ سے جاں بحق ہونے والی پاکستانی طالبہ سبیکا شیخ کی میت نجی ایئرلائن کی ذریعے کل کراچی پہنچے گی۔

    سبیکا شیخ کی میت امریکہ سے کراچی لانے والی پرواز خراب موسم کے باعث دو گھنٹے تاخیر کا شکار ہوئی۔ پاکستانی طالبہ کی میت لانے والی پرواز براستہ استنبول کراچی پہنچے گی۔

    ہوسٹن میں پاکستانی قونصل جنرل عائشہ فاروقی نے بتایا کہ طالبہ کی میت وطن واپس لانے کے سلسلے میں تمام اخراجات پاکستانی قونصل خانہ ادا کررہا ہے۔

    عائشہ فاروقی نے کہا کہ پاکستانی طالبہ سبیکا شیخ کی میت منگل کی صبح کراچی پہنچے گی۔

    ہیوسٹن میں پاکستانی طالبہ سبیکا شیخ کی نمازجنازہ کی ادائیگی

    خیال رہے کہ اس سے قبل سبیکا شیخ کی نماز جنازہ ہوسٹن کے علاقے شوگرلینڈ کی مسجد صابرین میں نماز ظہرکے بعد ادا کی گئی جس میں پاکستانی کمیونٹی سمیت بڑی تعداد میں لوگوں نے شرکت کی۔

    دعائیہ تقریب میں پاکستانی قونصل جنرل عائشہ فاروقی، میئرہوسٹن سلویسٹرٹنر، رکن کانگریس آل گرین، ٹیکساس سے رکن کانگریس شیلا جیکسن نے بھی شرکت کی۔

    میئرہوسٹن نے اس حوالے سے اپنے ٹویٹرپراپنے پیغام میں کہا سبیکا ایک شیچ فیملی کی بچی تھی لیکن وہ ہماری بھی بچی تھی، بالکل ان بچوں کی طرح جو اس واقعے میں اپنی جان سے ہاتھ دھوبیٹھے۔

    امریکا، اسکول میں فائرنگ 10 افراد ہلاک، حملہ آور گرفتار

    یاد رہے کہ 19 مئی کو امریکی ریاست ٹیکساس میں شہرہوسٹن کے سانٹا فے ہائی اسکول میں طالبعلم کی فائرنگ سے پاکستانی طالبہ سبیکا شیخ سمیت 10 طالبعلم جاں بحق ہوگئے تھے۔

    فائرنگ کرنے والے ہائی اسکول کے 17 سالہ حملہ آور طالبعلم دیمیتریوس پاگورٹزس کو پولیس نے گرفتارکرلیا تھا۔

    بعدازاں امریکی صدر ڈونلڈ ٹرمپ نے ٹیکساس فائرنگ واقعے میں قیمتی جانوں کے ضیاع پرافسوس کا اظہار کرتے ہوئے کہا تھا کہ ہماری ہمدردیاں متاثرہ خاندانوں کے ساتھ ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • بیٹی کی 9 جون 2018 کو وطن واپسی تھی‘ والد سبیکا شیخ

    بیٹی کی 9 جون 2018 کو وطن واپسی تھی‘ والد سبیکا شیخ

    کراچی : امریکی ریاست ٹیکساس کے ہائی اسکول میں فائرنگ سے جاں بحق ہونے والی پاکستانی طالبہ سبیکا شیخ کو9 جون 2018 کو وطن واپس پہنچنا تھا۔

    سبیکا شیخ امریکی ریاست ٹیکساس کے شہرہوسٹن کے نزدیک سانٹافے ہائی اسکول میں گزشتہ روز طالبعلم کی فائرنگ سے چل بسیں۔

    سبیکا شیخ کے اہلِ خانہ بیٹی کی المناک موت پرغم سے نڈھال ہیں اور کراچی میں واقع ان کی رہائش گاہ پرتعزیت کے لیے آنے والوں کا سلسلہ جاری ہے۔

    سبیکا کے والد عبدالعزیز کو یقین ہی نہیں آ رہا ہے کہ ان کی ذہین اور فرماں بردار بیٹی سبیکا اس دنیا سے چلی گئی۔

    کراچی میں اپنی رہائش گاہ کے باہرسبیکا شیخ کے والد نے میڈیا سے گفتگو کرتے ہوئے کہا کہ بیٹی 21 اگست2017 کو امریکہ گئی تھی۔

    سبیکا کے والد نے کہا کہ سبیکا شیخ 75طلبہ کے گروپ میں پڑھائی کے لیے امریکہ گئی تھی، امریکی پروگرام کے لیے 6 ہزارطلبہ میں سے 75 کومنتخب کیا گیا تھا۔

    عبدالعزیز نے کہا کہ سبیکا شیخ اولیول کی طالبہ تھی اور اس کی دو بہنیں اور ایک بھائی ہے، سبیکا شیخ بہن بھائیوں میں سب سے بڑی تھی۔

    سبیکا کے والد نے بتایا کہ بیٹی کی 9 جون 2018 کو وطن واپسی تھی، فائرنگ کے واقعے کی اطلاع گزشتہ روز افطارکے بعد میڈیا سے ملی، انہوں نے رابطہ کرنے کی کوشش کی لیکن سبیکا نے فون نہیں اٹھایا۔

    انہوں نے کہا کہ سبیکا کی میت جلد پاکستان لانے کی کوشش کررہے ہیں اور اس حوالے سے امریکہ میں پاکستانی سفارت خانے سے رابطےمیں ہیں۔

    دوسری جانب امریکن کونسلزفار انٹرنیشنل ایجوکیشن کی ویب سائٹ پرجاری پیغام کے مطابق کراچی سے تعلق رکھنے والی طالبہ سبیکا عزیز شیخ امریکی وزارت خارجہ کے کینیڈی لوگریوتھ ایکسچینج پروگرام کے تحت امریکہ میں 2017-18 میں پڑھائی کرنے گئی تھی۔

    امریکا، اسکول میں فائرنگ 10 افراد ہلاک، حملہ آور گرفتار

    خیال رہے کہ گزشتہ روز امریکی ریاست ٹیکساس میں شہرہوسٹن کے سانٹا فے ہائی اسکول میں طالبعلم کی فائرنگ سے پاکستانی طالبہ سبیکا شیخ سمیت 10 طالبعلم جاں بحق ہوگئے تھے۔

    پولیس کےمطابق ہائی اسکول کے 17 سالہ حملہ آور طالبعلم دیمیتریوس پاگورٹزس کو گرفتارکرلیا گیا ہے۔

    امریکی صدر ڈونلڈ ٹرمپ نے سماجی رابطے کی ویب سائٹ ٹویٹرپر اپنے پیغام میں کہا تھا کہ ٹیکساس کے اسکول میں فائرنگ ہوئی جس کی ابتدائی رپورٹس اچھی نہیں۔

    ڈونلڈ ٹرمپ نے ٹیکساس فائرنگ واقعے میں قیمتی جانوں کے ضیاع پرافسوس کا اظہار کرتے ہوئے کہا کہ ہماری ہمدردیاں متاثرہ خاندانوں کے ساتھ ہیں۔

    یاد رہے کہ رواں ماہ کے آغاز میں امریکی صدر ڈونلڈ ٹرمپ نے نیشنل رائفل ایسوسی ایشن کی تقریب سے خطاب کرتے ہوئے مطالبہ کیا تھا کہ اسکولوں میں اساتذہ کو اپنے ساتھ ہتھیار رکھنے چاہیے۔

    فلوریڈا کے ہائی اسکول میں فائرنگ، 17 افراد ہلاک

    واضح رہے کہ رواں سال 15 فروری کوفلوریڈا کے ہائی اسکول میں 19 سالہ حملہ آور نے اسکول کے اندر گھستے ہی فائرنگ کردی تھی جس کے نتیجے میں 17 افراد ہلاک جبکہ متعدد زخمی ہوگئے تھے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • جینا ہیسپل امریکی خفیہ ایجنسی کی پہلی خاتون سربراہ مقرر

    جینا ہیسپل امریکی خفیہ ایجنسی کی پہلی خاتون سربراہ مقرر

    واشنگٹن : جینا ہیسپل کو امریکی خفیہ ایجنسی سی آئی اے کا نیا سربراہ مقرر کردیا گیا وہ سی آئی اے کی پہلی خاتون سربراہ ہیں۔

    تفصیلات کے مطابق امریکی خفیہ ایجنسی سی آئی اے کی ڈپٹی ڈائریکٹرجینا ہیسپل کو سی آئی اے کا سربراہ مقرر کردیا گیا، وہ اس عہدے پر براجمان ہونے والی پہلی خاتون ہیں۔

    امریکی سینیٹ کی جانب سے 45 کے مقابلے میں 54 ووٹ سے جینا ہیسپل کی بطور سی آئی اے ڈائریکٹر تقرری کی منظوری دی گئی۔

    دوسری جانب امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پراپنے پیغام میں جینا ہیسپل کو امریکی خفیہ ایجنسی سی آئی اے کا سربراہ بننے پر مبارکباد دی۔

    امریکی خفیہ ایجنسی کی سربراہی کے لیے پہلی بار خاتون نامزد

    خیال رہے کہ رواں سال مارچ میں امریکی صدر ڈونلڈ ٹرمپ نے امریکی خفیہ ادارے سی آئی اے کی سربراہی کے لیے ڈپٹی ڈائریکٹرجینا ہیسپل کو نامزد کیا تھا۔

    واضح رہے کہ جینا ہیسپل گزشتہ 30 برس سے سی آئی اے سے وابستہ ہیں۔ 61 سالہ جینا ہیسپل کا بیرون ملک کام کرنے کا وسیع تجربہ ہے اور وہ کئی اہم ممالک میں سی آئی اے کی اسٹیشن چیف رہ چکی ہیں۔

    جینا ہیسپل نیشنل کلینڈ یسٹائن سروس کی ڈپٹی ڈائریکٹر اور نیشنل کلینڈیسٹائن سروس کے داٹریکٹر کی چیف آف اسٹاف کے عہدے کے علاوہ واشنگٹن ڈی سی میں بھی اہم پوزیشنزپرکام کرچکی ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • امریکہ نے ہمیشہ پاکستان کودھوکہ دیا ہے‘ سراج الحق

    امریکہ نے ہمیشہ پاکستان کودھوکہ دیا ہے‘ سراج الحق

    کوئٹہ: امیرجماعت اسلامی سراج الحق نے امریکی سفارت کاروں پر پابندی کے اقدام کو سراہتے ہوئے کہا کہ امریکہ نے ہمیشہ پاکستان کو دھوکہ دیا ہے۔

    تفصیلات کے مطابق کوئٹہ میں میڈیا سے گفگتو کرتے ہوئے جماعت اسلامی کے سربراہ سراج الحق نے کہا کہ بے روزگاری بڑھ رہی ہے لوگ پریشان ہیں۔

    امیرجماعت اسلامی سراج الحق کا کہنا تھا کہ کرپشن ترقی ایک ساتھ نہیں چل سکتی، مجرم پکڑاجاتا ہے اورپیسے دے کرپھرباہرآ جاتا ہے۔

    سراج الحق کا کہنا تھا کہ ملکی مسائل پرکسی نے توجہ نہیں دی، ہرکوئی اپنے مفاد کودیکھ رہا ہے ملک کی کسی کو فکرنہیں ہے۔

    جماعت اسلامی کے سربراہ کا کہنا تھا کہ وفاق سمیت صوبائی حکومت کوچاہیے تھا مسائل حل کرتی، بلوچستان میں کم ازکم پانی کے مسائل توحل کیے جاتے۔

    امیرجماعت اسلامی نے امریکی سفارت کاروں پر پابندی کے اقدام کو سراہتے ہوئے کہا کہ امریکہ نے ہمیشہ پاکستان کو دھوکہ دیا ہے۔ ان کا مزید کہنا تھا کہ ہماری خارجہ پالیسی میں ناکامیاں ہیں جنہیں ٹھیک کرنا چاہیے۔

    سراج الحق کا کہنا تھا کہ 13مئی کومینارپاکستان پرجلسہ عام ہورہا ہے، جلسے میں آئندہ کالائحہ عمل اورالیکشن مہم کا اعلان کریں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • صدر آزاد کشمیرنےمسئلہ کشمیرکےحل کےلیے6 نکاتی ایجنڈا پیش کردیا

    صدر آزاد کشمیرنےمسئلہ کشمیرکےحل کےلیے6 نکاتی ایجنڈا پیش کردیا

    واشنگٹن : صدرآزاد جموں و کشمیرسردار مسعود خان کا کہنا ہے کہ مسئلہ کشمیر کے حل میں تمام اسٹیک ہولڈرز کو مذاکرات میں شامل کیا جائے۔

    تفصیلات کے مطابق صدرآزا د کشمیر مسعود خان نے پاک امریکی کانگرس سے خطاب کے دوران مسئلہ کشمیرکے حل کے لیے 6 نکاتی ایجنڈا پیش کردیا۔

    صدرآزاد جموں و کشمیرسردار مسعود خان کا کہنا ہے کہ سیکیورٹی کونسل جموں وکشمیرمیں استصواب رائے یا ریفرنڈم کرائے۔

    مسعود خان نے کہا کہ یواین آبزورگروپ ایل اوسی پرانسانی حقوق کی خلاف ورزیاں روکے، بھارت مقبوضہ کشمیر کو متنازعہ علاقہ تسلیم کرے۔

    انہوں نے کہا کہ بھارت مقبوضہ کشمیر سے اپنی فوجیں واپس بلائے اور مقبوضہ کشمیر سے کالے قوانین ختم کرے۔

    صدرآزاد جموں و کشمیرسردار مسعود خان کا کہنا ہے کہ بھارت اقوام متحدہ انسانی حقوق کونسل کو مقبوضہ وادی میں رسائی دے، مسئلہ کشمیر کے حل میں تمام اسٹیک ہولڈرز کو مذاکرات میں شامل کیا جائے۔

    کشمیریوں کی تحریک آزادی کو بھارت کمزورنہیں کرسکتا‘ مسعود خان

    خیال رہے کہ گزشتہ روز واشنگٹن میں امریکی اور پاکستانی صحافیوں سے گفتگو کرتے ہوئے کہا تھا کہ مقبوضہ کشمیر میں انسانی حقوق کی خلاف ورزیاں روکنے کے لیے امریکہ کردارادا کرے۔

    مسعود خان کا کہنا تھا کہ 70سال سے جاری کشمیریوں کی تحریک آزادی کو بھارت کمزور نہیں کرسکتا، کشمیریوں کی جدوجہد کو دہشت گردی کا رنگ دے کربھارت عالمی برادری کوگمراہ نہیں کرسکتا۔

    بھارت کشمیریوں کی پرامن اورغیرمسلح جدوجہد آزادی کودبانا چاہتا ہے‘ مسعود خان

    یاد رہے کہ گزشتہ ماہ صدر آزاد جموں و کشمیرسردار مسعود خان کا کہنا تھا کہ بھارتی قابض افواج کی جانب سے قتل وغارت اورظلم و بربریت کے باوجود کشمیری اپنے پیدائشی حق، حق خودارادیت حاصل کرنے سے کبھی پیچھے نہیں ہٹیں گے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کم جونگ اُن سے ملاقات سنگاپور میں ہوگی، امریکی صدر کا ٹوئٹ

    کم جونگ اُن سے ملاقات سنگاپور میں ہوگی، امریکی صدر کا ٹوئٹ

    واشنگٹن: امریکی صدر ڈونلڈ ٹرمپ نے اپنے ٹوئٹ میں سربراہ شمالی کوریا سے ملاقات کی تاریخ و مقام کا اعلان کردیا، انھوں نے کہا ہے کہ ہم سنگاپور میں ملیں گے۔

    تفصیلات کے مطابق ڈونلڈ ٹرمپ نے کہا ہے کہ کم جونگ اُن سے ملاقات 12 جون کو ہوگی۔ ہم دونوں کوشش کریں گے کہ اس ملاقات کو عالمی امن کے لیے ایک خصوصی لمحہ بنادیں۔

    خیال رہے کہ پانچ مئی کو امریکی صدر نے وائٹ ہاؤس میں صحافیوں سے گفتگو کرتے ہوئے کہا تھا کہ شمالی کوریا کے رہنما کے ساتھ ملاقات کی تاریخ طے ہوگئی ہے، یہ خیال کیا جارہا تھا کہ ملاقات سنگاپور میں ہوگی۔

    امریکی صدر ڈونلڈ ٹرمپ ملاقات میں شمالی کوریا پر ایٹمی ہتھیار ختم کرنے کے لیے دباؤ ڈالیں گے، دوسری طرف آج ہی انھوں نے ٹوئٹ کے ذریعے شمالی کوریا میں قید تین امریکیوں کی رہائی کی خبر بھی دی ہے جس سے دونوں ممالک کے درمیان مزید برف پگھلنے کا اشارہ ملتا ہے۔

    واضح رہے امریکی وزیر دفاع مائک پومپیو پہلے سے طے شدہ مذکرات کے سلسلے میں شمالی کوریا میں موجود ہیں جو دونوں ممالک کے درمیان جوہری ہتھیاروں کے حوالے سے ممکنہ معاہدے میں اپنا کردار ادا کر رہے ہیں۔

    یہ بھی پڑھیں:  شمالی کوریا کے سربراہ کا دورہ چین، شی جن پنگ سے ملاقات

    دوسری طرف شمالی کوریا کے سربراہ کم جونگ اُن نے چین کا دورہ کرتے ہوئے چینی صدر شی جن پنگ سے ملاقات کی، جس میں دونوں رہنماؤں نے دوطرفہ تعلقات کو مزید مضبوط بنانے پر روز دیا، امریکی صدر سے ملاقات سے قبل اس دورے کو اہم قرار دیا جا رہا ہے۔

    یہ بھی پڑھیں:  امریکی صدر ٹرمپ کا ایران سے جوہری معاہدہ ختم کرنے کا اعلان

    دریں اثنا امریکی صدر نے ایران کے ساتھ جوہری معاہدہ یک طرفہ قرار دیتے ہوئے ایک روز قبل ختم کردیا ہے، ان کا کہنا تھا کہ ایران نے معاہدے کے باوجود جوہری پروگرام جاری رکھا، ایران اور اس کے ساتھ جوہری تعاون کرنے والی ریاست پر پابندیاں لگائی جائیں گی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • 70سال سے جاری کشمیریوں کی تحریک آزادی کو بھارت کمزورنہیں کرسکتا‘ مسعود خان

    70سال سے جاری کشمیریوں کی تحریک آزادی کو بھارت کمزورنہیں کرسکتا‘ مسعود خان

    واشنگٹن : صدر آزاد جموں و کشمیرسردار مسعود خان کا کہنا ہے کہ مسئلہ کشمیر کے حل کے لیے پاکستان ، بھارت مذاکرات ناگزیر ہیں۔

    تفصیلات کے مطابق واشنگٹن میں امریکی اور پاکستانی صحافیوں سے گفتگو کرتے ہوئے کہا کہ مقبوضہ کشمیر میں انسانی حقوق کی خلاف ورزیاں روکنے کے لیے امریکہ کردارادا کرے۔

    مسعود خان نے کہا کہ مقبوضہ کشمیر میں جاری بھارتی فوجی بربریت قابل مذمت ہے، تشدد کی نئی لہر میں گزشتہ 4 روز کے دوران 14 نہتے کشمیری شہید ہوئے۔

    صدر آزاد جموں و کشمیرکا کہنا ہے کہ غیرمسلح کشمیری نوجوان حق خود ارادیت کے لیے پرامن مظاہرے کررہے ہیں، مظاہرے جموں وکشمیرپرغیرقانونی بھارتی تسلط کےخلاف کیے جا رہے ہیں۔

    مسعود خان کا کہنا تھا کہ 70سال سے جاری کشمیریوں کی تحریک آزادی کو بھارت کمزور نہیں کرسکتا، کشمیریوں کی جدوجہد کو دہشت گردی کا رنگ دے کربھارت عالمی برادری کوگمراہ نہیں کرسکتا۔

    بھارت کشمیریوں کی پرامن اورغیرمسلح جدوجہد آزادی کودبانا چاہتا ہے‘ مسعود خان

    خیال رہے کہ گزشتہ ماہ صدر آزاد جموں و کشمیرسردار مسعود خان کا کہنا تھا کہ بھارتی قابض افواج کی جانب سے قتل وغارت اورظلم و بربریت کے باوجود کشمیری اپنے پیدائشی حق، حق خودارادیت حاصل کرنے سے کبھی پیچھے نہیں ہٹیں گے۔

    پاکستانی مشن اقوام متحدہ میں کشمیریوں کی آواز ہے‘ ملیحہ لودھی

    یاد رہے کہ تین روز قبل اقوام متحدہ میں پاکستانی سفیر ملیحہ لودھی کا کہنا تھا کہ پاکستانی مشن اقوام متحدہ میں کشمیریوں کی آواز ہے، پاکستان اقوام متحدہ میں کشمیریوں کا مقدمہ اخلاقی اور قانونی بنیاد پرلڑرہا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پاکستان امریکہ کےساتھ اعتماد پرمبنی تعلقات چاہتا ہے‘ اعزاز چوہدری

    پاکستان امریکہ کےساتھ اعتماد پرمبنی تعلقات چاہتا ہے‘ اعزاز چوہدری

    واشنگٹن : امریکہ میں تعینات پاکستانی سفیر اعزازچوہدری کا کہنا ہے کہ قلیل مدتی مفادات کی خاطر سترسال سے قائم دو طرفہ تعلقات کو پس پشت نہیں ڈالا جانا چاہیے۔

    تفصیلات کے مطابق امریکی ریاست ٹیکساس میں اعلیٰ حکام سے ملاقات کے دوران پاکستانی سفیراعزازچوہدری نے کہا کہ پاکستان امریکہ کے ساتھ اعتماد پر مبنی گہرے تعلقات چاہتا ہے اور وہ امریکہ سے اسی جذبے کی امید رکھتا ہے۔

    اعزازچوہدری کا کہنا تھا کہ قلیل مدتی مفادات کی خاطر سترسال سے قائم دو طرفہ تعلقات کو پس پشت نہیں ڈالا جانا چاہیے۔

    جس دن اچھی قیادت ملی پاکستان کوآگےبڑھنےسےکوئی نہیں روک سکتا‘ اعزاز چوہدری

    خیال رہے کہ دوروز قبل امریکہ میں پاکستانی سفیراعزاز چوہدری نے ڈیلس میں پاکستان بزنس فورم کی تقریب سے خطاب کرتے ہوئے کہا تھا کہ عالمی برادری پاکستان کی دہشت گردی کے خلاف قربانیوں کا اعتراف کرے۔

    اعزازچوہدری کا کہنا تھا کہ پاکستان اورامریکہ کے تعلقات قدرے کم درجے پرہیں، دنیا تبدیلی کےعمل سے گزر رہی ہے جس کا اثرپاک امریکہ تعلقات پربھی پڑا۔

    پاکستانی سفیر کا کہنا تھا کہ جس دن اچھی قیادت ملی پاکستان کوآگے بڑھنے سے کوئی نہیں روک سکتا۔ ان کا مزید کہنا تھا کہ میڈیا پاکستان کی جو تصویر دکھا رہا ہے وہ درست نہیں، پاکستان میں بہت کچھ اچھا بھی ہے۔

    امریکہ اور پاکستان کومسائل کا حل مل کر نکالنا ہوگا‘ اعزاز چوہدری

    یاد رہے کہ گزشتہ ہفتے شکاگو یونیورسٹی میں پاک امریکہ تعلقات پرپاکستانی سفیراعزاز چوہدری کا کہنا تھا کہ پاکستان اور امریکہ کےدرمیان تعلقات اہم ہیں، دونوں ممالک کومل کرمسائل کاحل نکالنا ہوگا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔