Tag: امریکہ

نیویارک: امریکہ کے شہر نیویارک میں امام مسجد اور ان کےنائب کو قتل کرنےوالےہسپانوی نژاد امریکی شہری کوگرفتارکرلیاگیا.

تفصیلات کےمطابق نیویارک پولیس ڈپارٹمنٹ کاکہناہےکہ امام مسجدپر حملہ کرنےوالا شخص ہسپانوی نژاد امریکی شہری ہے. پولیس نے بتایاکہ گرفتارشخص سےتفتیش کی جارہی ہے تاہم پولیس نے واقعے کو نفرت پر مبنی جرم قراردینےسےانکارکردیاہے.

نیویارک پولیس ڈپارٹمنٹ کاکہناہےکہ چند روز سے مسلم اورہسپانوی کمیونٹی میں جھگڑاچلاآرہاتھا.

*امریکا میں مسلح حملہ آور کی فائرنگ سے امام مسجد جاں بحق

یاد رہے کہ ہفتے کے روز نیویارک کےعلاقے کوئینز میں امام مسجد مولانااخون جی اوران کےنائب طاہرالدین کو نامعلوم افراد نے نماز ظہر کی ادائیگی کےبعد مسجد سے باہر آتے ہوئے نشانہ بنایاتھا.

واضح رہے کہ 55 سالہ امام مولانا اخون جی دو برس قبل بنگلہ دیش سے نیویارک منتقل ہوئے تھے.

واشنگٹن : امریکہ کا کہنا ہے کہ اس نے گوانتاناموبے جیل سے 15 قیدیوں کو متحدہ عرب امارات کے حوالے کردیاجو صدر براک اوباما کے دورِ اقتدار کے دوران سب سے بڑی منتقلی ہے.

تفصیلات کے مطابق امریکی محکمہ دفاع کی جانب سے پیر کو جاری ہونے والے بیان کے مطابق متحدہ عرب امارات کے حوالے کیے جانے والے 15 قیدیوں میں سے 12 کا تعلق یمن سے،جبکہ تین کا تعلق افغانستان سے ہے.

پینٹاگون کے مطابق گوانتاناموبے جیل سے ان 15 قیدیوں کی رہائی کے بعد اب وہاں قیدیوں کی تعداد کم ہو کر 61 رہ گئی ہے.

گوانتاناموبے جیل کے قیدیوں میں سے متعدد کو ایک دہائی سے زائد عرصے تک بغیر کسی جرم یا مقدمے کے قید رکھا گیا.

امریکی صدر براک اوباما سنہ 2002 میں قائم کی جانے والی گوانتاناموبے جیل کو اپنے عہدہ صدارت چھوڑنے سے قبل بند کرنا چاہتے ہیں.

وائٹ ہاؤس کا کہنا ہے کہ حکومت گوانتاناموبے جیل میں باقی رہ جانے والے قیدیوں کو امریکہ منتقل کرنا چاہتی ہے تاہم کانگریس نے اس کی مخالفت کی ہے.

پینٹاگون کی جانب سے پیر کو جاری ہونے والے بیان کے مطابق ’امریکی حکومت انسانی بنیادوں پر گوانتانامو بے کے حراستی مرکز کو بند کرنے کی حالیہ امریکی کوششوں کی حمایت کرنے پر متحدہ عرب امارات کی حکومت کی شکر گزار ہے۔‘

یاد رہے کہ اپریل میں نو یمنی قیدیوں کو گوانتاناموبے جیل سے سعودی عرب منتقل کیا گیا تھا.

واضح رہے کہ گوانتاناموبے جیل پر سالانہ چار کروڑ 45 لاکھ ڈالر کی لاگت آتی ہے اور ایک موقعے پر یہاں 700 قیدیوں کو رکھا گیا تھا.

اوہائیو : امریکہ میں ریپبلکن پارٹی کے صدارتی امیدوار ڈونلڈ ٹرمپ نے کہا کہ منتخب ہونے پر وہ تارکین وطن کی جانچ پڑتال کے عمل کو انتہائی سخت کر دیں گے.

تفصیلات کے مطابق امریکی ریاست اوہائیو‌ میں خطاب کرتے ہوئے ڈونلڈ ٹرمپ نے اسلامی انتہا پسندی سے نمٹنے کے لیے اپنی منصوبہ بندی پیش کی جس میں امریکہ آنے والوں کے لیے سخت اسکریننگ کا ذکر بھی کیا گیا.

ڈونلڈ ٹرمپ کے مطابق امریکہ آنے کے لیے درخواست دینے والوں کی اسکریننگ کے عمل کے تحت پتہ لگایا جائے گا کہ وہ اعتدال پسند ہیں یا نہیں اور دوسرے مذاہب کے بارے میں کہیں وہ کٹر خیالات تو نہیں رکھتے.

ٹرمپ کی منصوبہ بندی کے مطابق کچھ ممالک کے شہریوں کو امریکی ویزا نہیں ملے گا تاہم وہ کون سے ملک ہوں گے ابھی یہ واضح نہیں ہے.

*امریکی صدر اوباما اور ہیلری کلنٹن داعش کے بانی ہیں،ڈونلڈ ٹرمپ

امریکی ریاست اوہائیو میں تقریر میں ٹرمپ نے اپنا یہ متنازع بیان نہیں دہرایا جس میں انہوں نے ڈیموکریٹک امیدوار ہلیری کلنٹن کو شدت پسند تنظیم دولت اسلامیہ کا ’بانی‘ قرار دیا تھا اور نہ ہی انہوں نے اس شدت پسند گروہ کے خاتمے کے لیے اپنی عسکری اسٹریٹجی بیان کی.

*واشنگٹن : ڈونلڈ ٹرمپ صدر بننے کے لیےاہل نہیں،براک اوباما

ڈونلڈ نٹرمپ نے کہا وہ کسی بھی ایسے ملک کے ساتھ مل کر کام کرنے کو تیار ہیں جو دولت اسلامیہ کا خاتمہ کرنے میں امریکہ کی مدد کرے گا.

واضح رہے کہ ٹرمپ نے یہ بھی کہا کہ عراق میں تیل کے وسیع ذخائر پر دولت اسلامیہ کا قبضہ ہونے سے پہلے ہی امریکہ کو انھیں اپنے ہاتھ میں لے لینا چاہیے تھا

واشنگٹن : امریکی صدر براک اوباما کی بیٹی ساشا اوباما نے وائٹ ہاؤس کی آسائشوں کو چھوڑ کر ایک سی فوڈ ریسٹورنٹ میں کام شروع کر دیا ہے.

تفصیلات کےمطابق امریکی صدر براک اوباما کی پندرہ سالہ بیٹی ساشا اوباما گرمیوں کی چھٹیوں کے دوران میسی چیوسٹ میں مارتھا وائن لینڈ میں کھانا پیش کر رہی ہیں.

امریکی اخبار بوسٹن ہیرلڈ کی رپورٹ کے مطابق ساشا جن کا پورا نام نتاشا ہے،ان کے ساتھ ریستوارن میں خفیہ اداروں کے چھ ارکان بھی موجود ہوتے ہیں،یہ علاقہ اوباما فیملی کا گرمیوں کی چھٹیوں میں پسندیدہ مقام ہے.

جاری ہونے والی تصویر میں صدر باراک اوباما کی چھوٹی بیٹی کو ریستوارن کا یونیفارم پہنے کھانا پیش کرتے دیکھا جا سکتا ہے.

ان کے ساتھ کام کرنے والے والے ایک شخص نے بتایا کہ ’ساشا نیچے کام کر رہی تھیں اور ہم حیران ہو رہے تھے کہ یہ چھ لوگ ان کی مدد کیوں کر رہے ہیں،لیکن بعد میں ہمیں معلوم ہوا کہ یہ کون ہیں۔‘

اس حوالے سے وائٹ ہاؤس نے کوئی تبصرہ نہیں کیا ہے لیکن امریکی خاتون اول مشیل اوباما نے بات کرتے ہوئے کہا تھا کہ وہ اپنی دونوں بیٹیوں کی جتنی حد تک ہو سکے ایک عام انسان جیسی پرورش کر رہی ہیں۔

ٹیک اوے کاؤنٹر پر کام کرنے کے علاوہ اطلاعات کے مطابق ساشا اوباما کی دیگر ذمہ داریوں میں میزوں پر انتظار کرنا اور ریستوران کے کھانے کے وقت سے قبل تیاریاں مکمل کرنا بھی شامل ہیں.

ان کی سکیورٹی پر معمور ٹیم کو اکثر قریب ہی گاڑیوں یا پھر بینچوں پر بیٹھے دیکھا گیا ہے جبکہ امریکی صدر کی بیٹی گاہکوں کو کھانا پیش کرنے میں مصروف ہوتی ہیں.

واشنگٹن : امریکی محکمہ خارجہ کے نائب ترجمان کا کہنا ہے کہ پیٹاگون نے پاکستان کو فوجی امداد جاری نہ کرنے کا فیصلہ امریکی وزیر خارجہ جان کیری سے مشاورت کے بعد کیا.

تفصیلات کے مطابق واشنگٹن میں پریس بریفنگ کے دوران مارک ٹونر کا کہنا تھاکہ پاکستان کو فوجی امداد جاری نہ کرنے کے فیصلے پر ان کے پاس مزید کہنے کو کچھ نہیں،ایک سوال پر ترجمان کا کہنا تھا کہ پاکستان نے دہشت گردوں کےخلاف کامیابیاں حاصل کیں اور کئی دہشت زدہ علاقوں میں حکومت کی رٹ بحال کی ہے.

ان کا مزید کہنا تھا کہ پاکستان میں اب بھی دہشت گردوں کی خفیہ پناہ گاہیں موجود ہیں جنہیں ختم کرنے کےلیے پاکستان کو مزید اقدامات کے ساتھ تمام دہشت گرد گروہوں کےخلاف بلا تفریق کاروائی کرنا ہوگی،تاہم افغان سرحد پر اب بھی کئی دہشت گرد گروہ سرگرم ہیں جو افغانستان میں پر تشدد کاروائیوں کے ذمہ دار ہیں.

مارک ٹونر کا کہنا تھا کہ امریکا انسداد دہشت گردی کےخلاف کاروائیوں میں پاکستان اور بھارت میں تعاون دیکھنا چاہتا ہے،دہشت گردی پاکستان اور بھارت کےلیے مشترکہ چیلنج ہے.

ترکی کے حوالے سے سوال کا جواب دیتے ہوئے نائب ترجمان کا کہنا تھا کہ ترکی نے فتح اللہ گولن کی باضابطہ حوالگی کامطالبہ کیا ہے تاہم اس حوالے سے ترکی کی جانب سے دی گئی دستاویزات کو تفصیلی جائزہ لیا جارہا ہے،دستاویزات اور الزامات کی مکمل جانچ کے بعد گولن کی ترکی کو حوالگی کے حوالے سے کوئی فیصلہ کیا جائے گا.

*امریکا نے پاکستان کی 30کروڑ ڈالرکی امداد روک دی

یاد رہے کہ گزشتہ روز امریکا نے پاکستان کی تیس کروڑ ڈالرکی امداد روک دی،پینٹاگون نے امداد کے لئے سرٹیفیکیٹ جاری نہ کرنے کا فیصلہ کیا تھا.

واضح رہے کہ سال 2015 میں کانگریس نے پاکستان کو امداد جاری کرنے سے پہلے ایک شرط رکھی تھی کہ جب امریکی سیکریٹری دفاع حقانی نیٹ ورک کے خلاف پاکستان کی کارروائی سے مطمئن ہوں اور اس کا سرٹیفیکیٹ دیں گے،صرف اسی صورت میں پاکستان کو امداد دی جائے گئی.