واشنگٹن : امریکی حکام نے دنیا کی سب سے بڑی آن لائن پائریسی کی ویب سائٹ چلانے کے الزام میں یوکرینی شخص پر فرد جرم عائد کر دی.
تفصیلات کے مطابق یوکرینی شہری آڑٹم ویلن فائل شیئرنگ ویب سائٹ کسکاس ٹورینٹ کے مالک ہیں اور اُن پر منی لانڈنگ اور کاپی رائٹس کی خلاف ورزی کا الزام ہے کہ انہوں نےگذشتہ آٹھ برسوں میں ایک ارب ڈالر سے زائد مالیت کی موسیقی اور فلم کو آن لائن غیر قانونی طریقے سے جاری کیا ہے.
امریکی حکام کا کہنا ہے کہ کسکاس ٹورینٹ دنیا کی 28 زبانوں میں مواد فراہم کرتا ہے اور اسے کی مجموعی مالیت پانچ کروڑ 40 لاکھ ڈالر سے زائد ہے.
امریکہ کی اٹارنی زیکری فردون نے اپنے بیان میں کہا ہے کہ ’اتنے بڑے پیمانے پر کاپی رائٹس کی خلاف ورزی ہے،انسان،کوئی فنکار،یا کاروباری شخص جس کا گزر بسر اُس کی تخلیقی ایجادات پر ہوتا ہو،انہوں نے کہا کہ ’ویلن مبینہ طور پر انٹرنیٹ کے استعمال سے ان آرٹسٹوں کو نقصان پہنچاتے تھا.
کیٹ ٹورینٹ خود اپنے سرور پر غیر قانونی مواد نہیں رکھتا لیکن انٹرنیٹ کے ذریعے وہ لنک فراہم کرتا ہے جس سے صارف بغیر اجازت کے خود ڈاؤن لوڈ کر سکتے ہیں.
امریکہ کے محکمہ انصاف ان دنوں انٹرنیٹ پر فائل شیئر کرنے والے مقدمات پر غور کر رہا ہے،ایسی ہی ایک ویب سائٹ ’میگا اپ لوڈ‘ کے بنی کم ڈاٹکام کے بانی کو بھی امریکہ منتقل کرنے کی کوشش کی جا رہی ہے.
امریکی حکام کا کا کہنا ہے کہ میگا ڈاٹ کام کی وجہ سے کمپنیوں کو 50 کروڑ ڈالر کا نقصان ہوا ہے.
واضح رہے کہ ایک ویب مانیٹرنگ فرم کے مطابق کسکاس ٹورینٹ کی ایک ڈومین کا شمار دنیا کی 70 مقبول ترین ویب سائٹس میں ہوتا ہے.
واشنگٹن : امریکہ میں ڈیموکریٹ پارٹی کی جانب سے صدارتی امیدوار ہیلری کلنٹن نے ریاست ورجینیا سے تعلق رکھنے والے سینیٹر ٹم کین کو اپنا نائب صدارتی امیدوار منتخب کرلیا.
تفصیلات کے مطابق ڈیموکریٹ پارٹی کی صدارتی امیدوار ہیلری کلنٹن نے سینیٹر ٹم کین کا نائب صدارتی امیدوار کے لیے انتخاب کرلیا،ہیلری کلنٹن نے سماجی رابطے کی ویب سائٹ ٹویٹر پر پیغام میں اپنے فیصلے کا اعلان کیا وہ ہفتے کو اس کا باضابطہ اعلان کریں گی.
58 سالہ ٹم کین معتدل رہنما ہیں اور ہیلری نے انھیں ایسے امیدواروں پر ترجیح دی ہے جن کا جھکاؤ بائیں بازو کی جانب زیادہ ہے،ٹم کین اسقاطِ حمل کے خلاف ہیں اور وہ آزادانہ تجارت کے معاہدوں کے حامی ہیں.
یاد رہے کہ نومبر میں ہونے والے صدارتی انتخابات میں ورجینیا کو اہم میدانِ جنگ قرار دیا جا رہا ہے.
واضح رہے کہ کین ہسپانوی زبان روانی سے بولتے ہیں اور وہ ڈونلڈ ٹرمپ کے خلاف انتخابی مہم کے دوران ہسپانوی امریکی ووٹروں کی حمایت حاصل کر سکتے ہیں.
واشنگٹن : سعودی عرب میں امریکی سفارتخانے نے جمعرات کے روز کہا کہ انہیں اطلاعات موصول ہوئی ہیں کہ جدہ میں امریکی شہریوں پر حملے کا خطرہ ہے.
تفصیلات کے مطابق امریکی محکمہ خارجہ کی جانب سے جاری کیے جانے والے سفری انتباہ میں امریکی شہریوں کو محتاط رہنے کی ہدایت کی گئی ہے،امریکا کا کہنا ہے کہ جدہ میں امریکی شہریوں پر حملےکا خطرہ ہے.
امریکی شہری خاص کر ہجوم والی جگہوں پر جانے سے پرہیز کریں،محکمہ خارجہ نےسعودی عرب کا سفر کرنےوالے امریکیوں اورجدہ میں مقیم اپنے شہریوں کواضافی احتیاط برتنے کی ہدایت کی ہے.
امریکی محکمہ خارجہ کی جانب سے سفری انتباہ میں امریکی حکام اوران کےاہلخانہ کو کہاگیاہےکہ وہ یمنی سرحدی علاقوں سےدور رہیں.
رواں ماہ چار جولائی کو سعودی عرب کے شہر جدہ میں خودکش حملہ آور نے خود کو امریکی قونصل خانے کے پاس دھماکے سے اڑادیا تھا،جس کے نتیجے میں حملہ ہلاک اور دو افراد زخمی ہوگئے تھے.
یاد رہے کہ جدہ میں امریکی قونصل خانے کے قریب دھماکہ امریکہ کے یوم آزادی کے موقع پرہوا تھا،اس سے قبل2004 میں جدہ ہی کے امریکی قونصل خانے کو حملے میں نشانہ بنایا گیا تھا،جس میں نو افراد جان کی بازی ہار گئے تھے.
لاس اینجلس : ہالی ووڈ کی نئی سائنس فکشن فلم ایکولز کالاس اینجلس میں رنگارنگ پریمئیر ہوا،ریڈ کارپیٹ پر فلمی ستاروں کی آمد نے تقریب کو چار چاند لگادیئے.
تفصیلات کلے مطابق ہالی ووڈ فلم ایکولز کا لاس اینجلس میں رنگا رنگ پریمئیر ہوا،ہالی ووڈ کے ستاروں کی آمد نے تقریب کو چار چاند لگادیے،فلم ایکولزکی کہانی ایک ایسی دنیا کے گردگھومتی ہے جہاں انسان احسا سات سے محروم ہوتے ہیں ، نہ محبت ہوتی ہے نہ ہی نفرت ہوتی ہے.
ایسے میں احساسات سے محروم اس دنیا میں اس وقت بدلتا ہے جب سیلاس اور نیا ایک دوسرے کی محبت میں گرفتار ہوجاتے ہیں.
فلم کے پریمیئر سے قبل فلمی ستاروں نے ریڈ کارپیٹ پر جلوے بکھیرے اور اپنے مداحوں کو آٹوگراف دیئے.
ہالی ووڈ فلم میں سیلاس کا کردار ہالی ووڈ اداکار نکولس ہالٹ اور نیا کا کردار کرسٹین اسٹیورٹ نبھارہی ہیں.
لوزیانا: امریکی ریاست لوزيانا میں پولیس کی جانب سے فائرنگ میں ایک سیاہ فام شخص ہلاک، سیاہ فام کی ہلاکت پر مظاہرین کی جانب سے احتجاج کیا گیا.
تفصیلات کے مطابق امریکی ریاست لوزيانا میں پولیس کی جانب سے فائرنگ میں ایک سیاہ فام شخص ہلاک،سیاہ فام شخص کی ہلاکت کا یہ واقعہ منگل کو ریاست لوزیانا کے دارالحکومت بیٹن روگ میں پیش آیا.
اس واقع کے خلاف مظاہرین نے قریبی سٹرکوں کو بند کر دیا جس کے بعد پولیس نے مظاہرین جن کی تعداد دو سو کے قریب تھی انہیں وہاں سے ہٹا دیا تاہم منتظمین کا کہنا ہے کہ وہ بعد میں سٹی ہال کے سامنے اکھٹا ہوں گے.
یاد رہے کہ یہ واقعہ امریکہ میں افریقی امریکیوں کی پولیس کی جانب سے ہونے والی ہلاکتوں کے بعد بڑھتی ہوئے تناؤ کے بعد سامنے آیا ہے.
امریکہ میں پولیس کی جانب سے ایک اندازے کے مطابق ہر سال ایک ہزار افراد ہلاک ہو جاتے ہیں جن میں زیادہ تر سیاہ فام امریکی ہوتے ہیں.
واضح رہے کہ اس واقعہ میں ملوث دو پولیس افسران کو انتظامی رخصت پر بھیج دیا گیا.
واشنگٹن :امریکی صدر اوباما نےشمالی کیرولینا میں جلسے کےدوران ہلیری کلنٹن پرمکمل اعتماد کااظہار کردیا.
تفصیلات کے مطابق امریکی صدر اوباما نے شمالی کیرولینا میں جلسےکے دوران خطاب کرتے ہوئے کہا کہ ہیلری تجربے کار،باشعور اور با صلاحیت صدر ثابت ہوں گی.
امریکی صدر اوباما کا مزید کہنا تھا کہ وہ اور ہیلری امریکا کے بارے میں مشترکہ نصب العین کے حامی ہیں.
انہوں نے امریکی وزیرخارجہ کے طور پر اوباما نے ہیلری کلنٹن کے ریکارڈ کو سراہتے ہوئے کہا کہ ملک کی اعلیٰ ترین سفارت کار کی حیثیت سے اُنھوں نے عمدہ کام کیا،انہوں نے ہیلری کووائٹ ہاؤس پہنچانےکےلیےصدراوبامانےووٹرزسےتعاون بھی طلب کیا.
ہلیری کلنٹن نے جلسے سےخطاب میں صدراباماکاشکریہ اداکیا اورکہاکے دونوں رہنماامریکا کےمستقبل سےمتعلق پرامید ہیں.
عید الفطر مسلمانوں کا ایک اہم مذہبی تہوار ہے جسے پوری دنیا میں بسنے والے مسلمان رمضان المبارک کا مہینہ ختم ہونے پر مناتے ہیں۔ عید الفطر اللہ کی طرف سے روزہ داروں کے لیے ایک انعام ہے۔ پورا مہینہ روزہ رکھنے کے بعد یکم شوال کو عید خوشیوں کا دن ہے۔
عید الفطر کو میٹھی عید بھی کہا جاتا ہے جو دنیا بھر کے مسلمان بڑے جوش و خروش کے ساتھ مناتے ہیں۔
قرآن میں حکم دیا گیا ہے کہ، ’رمضان کے آخری دن تک روزے رکھو اور زکواۃ ادا کرو اور عید کی نماز سے پہلے صدقہ فطر ادا کرو‘۔
دنیا بھر کے مسلمان عید الفطر سمیت مختلف مذہبی تہواروں کو اپنی ثقافتی روایات کے ساتھ مناتے ہیں جس سے ان تہواروں کی رنگینیت میں اضافہ ہوجاتا ہے۔ آئیے دنیا بھر میں عید کے موقع پر مختلف روایات پر ایک نظر ڈالتے ہیں۔
:تاریخی پس منظر
عید کے تہوار کو ترقی دینے میں مغل بادشاہ اورنگ زیب عالمگیر نے اہم کردار ادا کیا۔ اورنگ زیب عالمگیر انتہائی مذہبی اور شریعت کا پابند تھا۔ اس نے تخت سنبھالتے ہی غیر اسلامی رسوم کا خاتمہ کیا جو برصغیر میں رائج ہوگئی تھیں۔
تیمور کے دور میں جشن نوروز اتنی شان و شوکت سے منایا جاتا تھا کہ اس کے آگے عید پھیکی پڑ جاتی تھی۔ عالمگیر نے تخت نشین ہوتے ہی سب سے پہلے جو فرمان جاری کیا تھا وہ یہی تھا کہ نوروز منانے کا سلسلہ ختم کردیا جائے اور اس کی جگہ عید الفطر بھرپور طریقے سے منائی جائے۔
عالمگیر کا جشن جلوس بھی عموماً انہی ایام میں پڑتا تھا۔ لہٰذا اس کے سبب عید کی رونقیں دوبالا ہوجایا کرتی تھیں۔ یوں برصغیر میں جشن نوروز کے بجائے عید کا تہوار ذوق و شوق اور جوش و خروش سے منایا جانے لگا۔ آنے والے دیگر بادشاہوں نے بھی اس روایت کو برقرار رکھا اور آگے بڑھایا۔
تمام ممالک میں جہاں مسلمان بستے ہیں یہ تہوار بھرپور انداز میں منایا جاتا ہے۔ شمالی افریقہ، ایران اور مشرق وسطیٰ کے ملکوں میں یہ دن زیادہ تر ’فیملی ڈے‘ کے طور پر منایا جاتا ہے۔
:پاکستان
پاکستان میں عید کے موقع پر لوگ صبح ہی نئے کپڑے پہن کر نماز عید کے لیے تیار ہوتے ہیں اور غریب افراد کی مدد کے لیے نماز سے قبل صدقہ فطر کی ادائیگی کرتے ہیں۔ عید کے موقع پر کئی روز تک تعطیلات ہوتی ہیں۔ پاکستان میں ابھی تک عید کارڈز دینے کی خوبصورت روایت نے مکمل طور پر دم نہیں توڑا ہے۔
پاکستان میں عید پر بچوں کو بڑوں کی جانب سے پیسوں کی شکل میں عیدی کا تحفہ دیا جاتا ہے اور انہیں اپنی یہ رقم مرضی سے خرچ کرنے کی اجازت ہوتی ہے۔
:ترکی
ترک صدر احمد داؤد اوغلو نماز عید کے بعد ۔ فائل فوٹو
ترکی میں عید کے موقع پر بزرگوں کے دائیں ہاتھ کو بوسہ دے کر ان کی تکریم کی جاتی ہے۔ بچے اپنے رشتہ داروں کے ہاں جاتے ہیں اور عید کی مبارکباد دیتے ہیں جہاں انہیں تحائف ملتے ہیں۔ عید کے موقع پر ترک ’بکلاوا‘ نامی مٹھائی تقسیم کرتے ہیں۔
:سعودی عرب
نماز عید کے بعد سعودی نوجوان جشن مناتے ہوئے
عرب قدیم دور میں عید کے پکوانوں میں کھجوریں، شوربے میں بھیگی ہوئی روٹی، شہد، اونٹنی، بکری کا دودھ اور روغن زیتون میں بھنا ہوا گوشت استعمال کرتے تھے مگر وقت گزرنے کے ساتھ ساتھ ان کے کھانوں میں تبدیلی آتی گئی۔ اب عرب ممالک میں قدیم روایات کے ساتھ جدید کھانے بھی رواج پاگئے ہیں۔ عید کے روز عربوں کی سب سے پختہ روایت اعلیٰ اور قیمتی لباس زیب تن کر کے رشتے داروں اور دوستوں کے گھر جا کر ملنا ہے۔
عید پر بچوں کو تحفوں سے بھرے بیگ دیے جاتے ہیں۔ یہ بھی ایک روایت ہے کہ لوگ عید کے روز بڑی مقدار میں چاول اور دوسری اجناس خریدتے ہیں جو وہ غریب خاندانوں کے گھروں کے باہر چھوڑ آتے ہیں۔ شام کے وقت عید کے میلے اس تہوار کی رونق کچھ اور بڑھا دیتے ہیں۔
سعودی عرب میں دیہاتوں میں اونٹوں کی ریس کا بھی رواج ہے۔
:ایران
خواتین کی نماز عید کا اجتماع
ایران میں عید الفطر کو ’عید فطر‘ کہا جاتا ہے۔
:مصر
مصر میں عید الفطر کا تہوار 4 روز تک منایا جاتا ہے۔ عید کے دن کے آغاز پر بڑے بچوں کو لے کر مساجد کا رخ کرتے ہیں جبکہ خواتین گھر میں اہتمام کرتی ہیں۔ عید کی نماز کے بعد ہر کوئی ایک دوسرے کو عید کی مبارک باد دیتا ہے۔
پہلے دن کو خاندان دعوتوں میں مناتے ہیں جبکہ دوسرے اور تیسرے دن سینما گھروں، تھیٹروں اور پبلک پارکس کے علاوہ ساحلی علاقوں میں ہلا گلا کیا جاتا ہے۔ بچوں کو عام طور پر نئے کپڑوں کا تحفہ دیا جاتا ہے جبکہ خواتین اور عورتوں کے لیے بھی خصوصی تحائف کا اہتمام کیا جاتا ہے۔
:ملائیشیا
ملائیشیا میں عید کی تقریبات رسم و رواج کی وجہ سے بڑی رنگین ہوجاتی ہیں۔
ملائیشیا میں عید کا مقامی نام ’ہاری ریا عید الفطری‘ ہے جس کا مطلب ہے منانے والا دن۔ ملائیشیا میں عید کے دن لوگ خصوصی رنگ برنگے لباس زیب تن کرتے ہیں اور گھروں کے دروازے ہمیشہ کھلے رکھے جاتے ہیں تاکہ خاندان، ہمسائے اور دوسرے ملنے والے لوگ آجا سکیں۔
عید پر روایتی آتش بازی کا مظاہرہ بھی کیا جاتا ہے۔ اس آتش بازی کو دیکھنے کے لیے چھوٹے بڑے بچے، عورتیں بازاروں کا رخ کرتے ہیں۔ ملائیشیا میں عید کے موقع پر بچوں کو عیدی دی جاتی ہے جیسے ’دوت رایا‘ کہا جاتا ہے۔
یہاں عید پر خصوصی ڈش کے طور پر ناریل کے پتوں میں چاول پکائے جاتے ہیں جسے مقامی زبان میں ’کٹو پٹ‘ کہا جاتا ہے۔
:انڈونیشیا
انڈونیشیا میں عید کو مختلف ناموں سے جانا جاتا ہے، مثلاً ’ہری رایا‘، ’ہری اوتک‘، ’ہری رایا آئیڈیل‘ اور ’ہری رایا پوسا‘۔ ہری رایا کے معنی خوشی کا دن کے ہیں۔ عید پر انڈونیشیا اور ملائیشیا میں سب سے زیادہ چھٹیاں ملتی ہیں۔ آخری عشرے میں بینک، سرکاری اور نجی ادارے بند ہوتے ہیں۔
انڈونیشیا میں عید سے قبل رات کو ’تیکرائن‘ کہا جاتا ہے۔ اس رات لوگوں کے ماشا اللہ کہنے سے ماحول گونج اٹھتا ہے جبکہ گلیوں اور بازاروں میں نعرہ تکبیر بھی لگائے جاتے ہیں۔
اس موقع پر گھروں کے دروازوں اور کھڑکیوں میں موم بتیاں، لالٹینیں اور دیے جلا کر رکھے جاتے ہیں جو بہت خوبصورت نظارہ پیش کرتے ہیں۔
:فلسطین
فلسطین میں عید کے موقع پر ’کک التماز‘ نامی گوشت کی میٹھی ڈش تیار کی جاتی ہے جو گرما گرم کافی کے ساتھ مہمانوں کو پیش کی جاتی ہے۔
:بنگلہ دیش
دیگر مسلمان ممالک کی طرح یہاں بھی دن کا آغاز نماز سے ہوتا ہے اور اس کے بعد رشتہ داروں سے ملاقاتیں ہوتی ہیں۔ عید کے موقع پر زکوٰة اور فطرانہ بھی دیا جاتا ہے۔
بنگلہ دیش میں عید کے روز شیر خورمہ بنتا ہے جسے ’شی مائی‘ کہا جاتا ہے۔ عید پر نئے لباس پہنے جاتے ہیں جبکہ گھروں میں خصوصی دعوتوں کا اہتمام ہوتا ہے اور خواتین اپنا ایک ہاتھ مہندی سے سجاتی ہیں۔
:عراق
عراق میں عید کے موقع پر ہونے والا فیسٹیول
عراق میں لوگ صبح نماز عید ادا کرنے سے پہلے ناشتے میں بھینس کے دودھ کی کریم اور شہد سے روٹی کھاتے ہیں۔
:افغانستان
عید الفطر افغانستان کے مسلمانوں کے لیے خصوصی اہمیت کا حامل دن ہے جسے تین دن تک پورے جوش و خروش سے منایا جاتا ہے۔ پشتو بولنے والی برادری عید کو ’کوچنائی اختر‘ پکارتے ہیں۔
عید کے موقع پر مہمانوں کی تواضع کرنے کے لیے جلیبیاں اور کیک بانٹا جاتا ہے جسے ’واکلچہ‘ کہا جاتا ہے۔ افغانی عید کے پہلے دن اپنے گھروں پر پورے خاندان کے ساتھ وقت گزارتے ہیں۔
:امریکہ
امریکہ میں مسلمان عید کی نماز کی ادائیگی کے لیے اسلامک سینٹرز میں اکٹھے ہوتے ہیں اور اس موقع پر پارک میں بھی نماز کی ادائیگی ہوتی ہے۔ مخیر حضرات اس موقع پر بڑی بڑی پارٹیوں کا بھی اہتمام کرتے ہیں۔
اسلامک سینٹرز میں عید ملن پارٹیوں کا انعقاد ہوتا ہے۔ عید کی تقریبات 3 دن تک جاری رہتی ہے۔ بڑے بچوں کو عیدی دیتے ہیں جبکہ خاندان آپس میں تحائف کا تبادلہ بھی کرتے ہیں۔
:برطانیہ
برطانوی وزیر اعظم ڈیوڈ کیمرون اسلامک سینٹر میں مسلمانوں سے عید ملتے ہوئے ۔ فائل فوٹو
برطانیہ میں عید الفطر قومی تعطیل کا دن نہیں مگر یہاں بیشتر مسلمان صبح نماز ادا کرتے ہیں۔ اس موقع پر مقامی دفاتر اور اسکولوں میں مسلم برادری کو حاضری سے استثنیٰ دیا جاتا ہے۔ جنوبی ایشیائی مرد جبہ اور شیروانی میں ملبوس نظر آتے ہیں جبکہ خواتین شلوار قمیض سے عید کا آغاز کرتی ہیں اور مقامی مساجد میں نماز ادا کر کے دوسروں سے ملا جاتا ہے۔
عید کے موقع پر مسلمان اپنے رشتے داروں اور دوستوں سے میل ملاقات کر کے عید کی مبارکباد دیتے ہیں جبکہ اپنے پیاروں میں روایتی پکوان اور مٹھائیاں بھی تقسیم کی جاتی ہیں۔
:چین
سرکاری اعداد و شمار کے مطابق عوامی جمہوریہ چین میں مسلمانوں کی آبادی 1 کروڑ 80 لاکھ ہے۔ عید کے روز مسلم اکثریتی علاقوں میں سرکاری چھٹی ہوتی ہے۔ ان علاقوں کے رہائشی مذہب سے بالاتر ہو کر ایک سے تین روز تک کی سرکاری چھٹی کر سکتے ہیں۔
دبئی: متحدہ عرب امارات نے اپنے شہریوں کو ہدایت کی ہیں کہ وہ بیرون ملک قومی لباس نہ پہنیں،یہ ہدایات اماراتی تاجرکو امریکہ میں حراست میں لیے کے بعد کی گئیں تھی.
تفصیلات کے مطابق جمعے کو روایتی عرب لباس میں ملبوس ایک اماراتی تاجر احمد المنہالی کو امریکی ریاست اوہائیو کے شہر ایوون کے ایک ہوٹل سے میں حراست میں لے لیا گیا تھا.
عرب امارات کی وزارتِ داخلہ نے ہفتے کے روز ایک ہدایت نامہ جاری کیا جس میں شہریوں پر زور دیا گیا ہے کہ وہ بیرون ملک لباس کے سلسلے میں محتاط رہیں.
عربی میں نشر ہونے والے بیان میں اوہائیو کے واقعے کی جانب اشارہ کیے بغیر کہا گیا ہے کہ عرب امارات کے شہریوں کو چاہیے کہ وہ اپنے تحفظ کی خاطر ملک سے باہر روایتی لباس پہننے سے گریز کریں.
مقامی میڈیا کے مطابق اماراتی تاجر سے بعد میں ایوون کے میئر اور پولیس کے سربراہ نے منہالی سے معذرت کی تھی.
یاد رہے کہ اماراتی تاجر کو دولت اسلامیہ سے وفاداری کے شبہ کی وجہ سے حراست میں لیا گیا تھا.
واشنگٹن : ڈیموکریٹک پارٹی کی صدارتی امیدوار اورسابق سکریٹری خارجہ ہیلری کلنٹن سے وفاقی تحقیقاتی ادارے ایف بی آئی کی ذاتی ای میلز کے حوالے سے پوچھ گچھ کی گئی.
تفصیلات کے مطابق وفاقی تحیقاتی ادارے ایف بی آئی نے ڈیموکریٹک پارٹی کی صدارتی امیدوار سے ان کے دور کے بارے میں سوالات کیے جب وہ سیکرٹری خارجہ کے عہدے فائز تھیں.
ہیلری کنٹن کے ترجمان کےمطابق سابق سیکریٹری خارجہ اور ڈیموکریٹک پارٹی کی صدارتی امیدوار نے رضاکارانہ طور پر ایف بی آئی کو انٹرویو دیا.
یاد رہےایف بی آئی ہیلری کلنٹن اور اُن کے ساتھیوں سے سیکریٹری خارجہ کے دور میں ذاتی ای میل ایڈریس کے ذریعے حساس معلومات کے تبادلے کے بارے میں تحقیقات کر رہی ہے.
ہیلری کلنٹن کے مطابق انہوں نے حساس معلومات کے لیے ذاتی ای میلز استعمال نہیں کیا،انہوں نے ذاتی ای میل ایڈریس کا استعمال اپنی سہولت کے لیے کیا کیونکہ مختلف ٹیلی فونز اور ٹیبلٹ کے بجائے بلیک بیری کا استعمال زیادہ آسان تھا.
یاد رہے کہ امریکی محکمۂ خارجہ کی ایک تحقیقاتی رپورٹ میں ہیلری کلنٹن سمیت دوسرے سیکریٹری خارجہ پر ای میلز کی سکیورٹی کے ناقص نظام کا الزام عائد کیا گیا ہے.
واضح رہے کہ ہیلری کلنٹن امریکہ میں صدارتی دوڑ میں ڈیموکریٹک جماعت کی ممکنہ اُمیدوار ہیں اور صدارتی اُمیدوار کے لیے اُن کی باقاعدہ نامزدگی کا اعلان جولائی کے آخر میں ہوگا.
واشنگٹن : پینٹاگون میں امریکی وزیردفاع ایش کارٹرکی جانب سےافطار ڈنر کااہتمام کیا گیا.
تفصیلات کے مطابق پینٹاگون میں امریکی وزیردفاع ایش کارٹر نے تقریب سے خطاب کرتے ہوئے کہنا تھاکہ ہزاروں امریکی مسلمان فوجی، سیلرز اور میرین امریکا کے دفاع میں مصروف ہیں.
ایش کارٹر کا مزید کہنا تھا کہ امریکی مسلمان سروس مین محب وطن کی صف میں کھڑے ہیں.
ترک شہر استنبول کےایئرپورٹ پر ہونے والے حملےسےمتعلق امریکی وزیردفاع کاکہناتھاکہ استنبول ایئرپورٹ پر حملہ ایساہی ہے جیسےہم سب کو نشانہ بنایاگیا ہے،مشکل کی گھڑی میں امریکی عوام ترکی کےساتھ کھڑے ہیں.
