Tag: امریکہ

واشنگٹن : بھارت کی نیوکلیئرسپلائرزگروپ کی رکنیت کی خواہش پوری نہ ہونے کاامکان،امریکی اخبار کاکہناہےکہ بھارت رکنیت کااہل نہیں ہے.

تفصیلات کے مطابق امریکی اخبار نےاپنے اداریئے میں اعتراف کیا کہ اوباما انتظامیہ بھارت کو این ایس جی میں شامل کرنے کی شدید خواہشمند ہے،لیکن بھارت اب بھی ان اڑتالیس ممالک کے گروپ میں شامل ہونے کا اہل نہیں جو غیر عسکری مقاصد کے لیے جوہری مواد کی خریدوفروخت کرتے ہیں.

امریکی اخبار کاکہناہےکہ صدراوبامابھارت کی نیوکلیئرسپلائرزگروپ کی رکنیت کےلیےلابنگ کرنےمیں مصروف ہیں،نیوکلیئر سپلائرز گروپ میں بھارت کی رکنیت سے متعلق درخواست پر سماعت رواں ماہ ہوگی.

امریکی اخبار کے مطابق گروپ کی رکنیت حاصل کرنے کی صورت میں بھارت پاکستان کی رکنیت کی راہ میں رکاوٹیں کھڑی کرسکتاہے،تاہم چین کی مخالفت بھارت کی رکنیت کی خواہش کوپورا ہونے سےروک سکتی ہے.

امریکی اخبار کے مطابق 2008 میں بش انتظامیہ سے ایک معاہدے کےتحت بھارت اس ضمن میں بعض ذمے داریوں اور لائحہ عمل پر عمل کرنے کے لیے رضامند تھا،جن پر نیوکلیئرسپلائرزگروپ کے سارے ممالک پہلے ہی عمل کررہے ہیں.

یاد رہے گذشتہ دنوں نائب ترجمان امریکی محکمہ خارجہ مارک ٹونرکاواشنگٹن میں نیوز بریفنگ میں کہنا تھا کہ صدر اوباما کے مطابق بھارت نیو کلئیر سپلائر گروپ کا ممبر بننے کی اہلیت رکھتا ہے.

واضح رہے کہ اس سے قبل بھارت کی جانب سے نیوکلیئر سپلائر گروپ کی ممبرشپ پر چین کا کہناتھا کہ اگر بھارت ممبر بنے گا تو پاکستان کو بھی بنانا چاہیے ورنا دونوں ممالک سے کسی کو بھی ممبر شپ نہ دی جائے.

واشنگٹن : امریکی صدارت کاخواب دیکھنے والے افراد سے متعلق نیا سروے  سامنے آگیا،ڈیموکریٹک پارٹی کی امیدوار ہلیری کلنٹن ڈونلڈ ٹرمپ سے آگے نکل گئیں.

تفصیلات کے مطابق امریکہ میں صدارت کے خواہشمند افراد سےمتعلق نئےسروےمیں ایک ہزار چار سو اکیس افرادسےرائے لی گئی۔ سروےکےمطابق ہلیری کلنٹن کی مقبولیت میں ایک مرتبہ پھر اضافہ ہوگیاہے.

دوسری جانب ری پبلکن صدارتی امیدوار ارب پتی تاجر ڈونلڈ ٹرمپ سےپیچھے رہ گئے ہیں،سروےمیں چھیالیس فیصدووٹرز نےہلیری کلنٹن کی حمایت کا اعلان کیا جبکہ پینتیس فیصد نےفیصلہ ڈونلڈ ٹرمپ کےحق میں سنایا.

سروےمیں شامل انیس فیصد ووٹرز نےہلیری کلنٹن اور ڈونلڈ ٹرمپ میں سےکسی کی بھی حمایت سےانکارکیا.

یاد رہے گذشتہ ماہ سی این این سے بات کرتے ہوئے سابقہ سیکریٹری خارجہ اور امریکا میں جاری صدارتی الیکشن میں امیدوار ہیلری کلنٹن نے ڈونلڈ ٹرمپ کو تنقید کا نشانہ بناتے ہوئے کہا تھاکہ ٹرمپ کا جارحانہ کردار اور نفرت آمیز اندازِ گفتگو، امریکہ میں قائم جمہوریت اور جاری معاشی ترقی کے لیے خطرہ ہے.