Tag: امریکہ

واشنگٹن : بالی ووڈ معروف اداکارہ انجیلنا جولی جواپنی اداکاری کے ساتھ ساتھ فلاحی کاموں کے لیے بھی بہت مقبول ہیں، اداکارہ نے مسلمانوں کے بارے ڈونلڈ ٹرمپ کے بیان پر افسوس کا اظہار کیا ہے.

تفصیلات کے مطابق بالی ووڈ کی اداکارہ انجیلنیا جولی سے ڈونلڈ ٹرمپ کے مسلمانوں کے رویے کے بارے میں پوچھا گیا تو انہوں نے اپنی آنکھیں بند کیں اور کہا کہ وہ سمجھتی ہیں کہ ٹرمپ بیان مسلمانوں کی دل آزاری ہوئی ہے.

امریکی اداکارہ کا کہنا تھا کہ امریکا میں دنیا بھر سے آنے والے لوگوں کے لیے آزادی ہے خاص طور پر مذہبی آزادی کی امریکہ ضمانت دیتا ہے، اور یہ ملک دنیا بھر کے لوگوں کے لیے بنا ہے.

ہالی ووڈ کی اداکارہ نے امریکی صدارتی امیدوار کی جانب سے مسلمانوں کے بارے میں ایسے بیان پر کہا کہ ایسے خیالات تکلیف دہ ہیں.

واضح رہے کہ اس سے قبل برطانوی وزیراعظم ڈیوڈ کمیرون کی جانب سے ڈونلڈ ٹرمپ کو مسلمان مخالف بیان پر تنقید کا نشانہ بناتے ہوئے کہا تھا کہ ان کا یہ بیان احمکانہ ہے.

نیو جرسی: امریکہ کی ریاست نیوجرسی میں اسمتھ خاندان نے بیالیس کروڑ چھیانوے لاکھ ڈالرز کی لاٹری جیت لی.

تفصیلات کے مطابق نیوجرسی کےاسمتھ خاندادن نےگزشتہ ہفتے چھ ڈالرز کے دولاٹری ٹکٹ خریدے تھے.پاور بال جیک پاٹ لاٹری کی قرعہ انداز ی میں اسمتھ خاندان نے بیالیس کروڑ چھیانوے لاکھ ڈالرزکاانعام جیت لیاہے۔

جیک پاٹ کی حالیہ رقم امریکی تاریخ کی نویں بڑی انعامی رقم ہے جوقسط وار جیتنے والےشخص کو دی جاتی ہے تاہم اسمتھ خاندان نے لاٹری کی رقم ایک ساتھ حاصل کرنے کافیصلہ کیاہے۔یکمشت ادائیگی کی مد میں اسمتھ خاندان کو اٹھائیس کروڑ چالیس لاکھ ڈالرز ملیں گے.

پریس کانفرنس کرتے ہوئے انعام یافتہ آرتھرکاکہناتھاکہ انہیں یقین نہیں آیاکہ وہ انعام جیت چکی ہیں وہ ہمیشہ سے ہی اپنے خاندان اور کمیونٹی کےلیے کچھ کرنا چاہتی تھیں انہوں نےانعام کی رقم کو کمیونٹی کی فلاح وبہبود کیلئے خرچ کرنے کااعلان کیا۔

واشنگٹن : امریکی خفیہ ادارے کے مطابق ڈونلڈ ٹرمپ کے سابق ملازم کی طرف سے فیس بک پر صدر اوباما کے قتل کے حوالے سے کی گئی پوسٹ سے آگاہ ہیں، جس پر تفتیش کی جائے گی.

تفصیلات کے مطابق 84 سالہ انتھونی سینیکل کی جانب سے دھمکی آمیز متعدد پوسٹ فیس بک پر کی گئی، جس میں صدر اوباما کو قتل کرنے کے بارے میں لکھا گیا تھا. انتھونی نے17 سال کے لئے ممکنہ ریپبلکن امیدوار کے ملازم کے طور پر خدمات انجام دیں.

انتھونی نے بدھ کی روز آن لائن فیس بک پر پوسٹ کی جسے صرف ان کے دوستوں کی جانب سے ہی دیکھا جاسکتا تھا، جس میں انہوں نے لکھا کہ میں اوباما کو اور اس کے کردار کو زیرو سمجھتا ہوں،امریکی افواج اسےاس کی پہلی مدت میں ہی ماردیتی.

اپریل 2015 میں بھی انتھونی کی جانب سے آن لائن پوسٹ کی گئی تھی، جس میں انہوں نے لکھا تھا کہ امریکہ کو اس حکومت سے جان چھڑانی چاہیے.

امریکہ کی خفیہ ایجنسی صدر اوباما کی سیکورٹی کی ذمہ دار ہے، انہوں نے کہا کہ انتھونی کی طرف سے کی گئی پوسٹ کے بارے میں آگاہ ہیں، اور اسکی تحقیقات کی جائیگی.

ڈیوس سیلو: امریکہ نے رومانیہ میں آٹھ سو ملین ڈالرز کی لاگت سےبنائے گئے میزائل ڈیفنس اسٹیشن کو فعال کردیا.

تفصیلات کے مطابق امریکہ نے رومانیہ میں ڈیفنس اسٹیشن کو فعال کردیا، سسٹم کو فعال کرنے کا مقصد نیٹو کو کم اور درمیانے فاصلے پر مار کرنے والے میزائلوں سے محفوظ بنانا ہے.

میزائل ڈیفنس اسٹیشن کوفعال کرنےکیلئےرومانیہ کےجنوب میں تقریب منعقدکی گئی۔تقریب میں سینئرامریکی اورنیٹوحکام نے شرکت کی۔

امریکہ کاکہناہے میزائل سسٹم سےیورپ کومشرق وسطیٰ سےآنےوالےمیزائلوں سےمحفوظ بناناہے۔

روس امریکی اقدام کوخطرےکےطورپردیکھتاہے۔تاہم نیٹواورامریکی حکام نے اس بات پر زور دیا ہے کہ رومانیہ میں یہ شیلڈ اور اس طرح کی شیلڈ کا پولینڈ میں ہونا روس کی سالمیت کے لیئے خطرہ نہیں ہے.

روس کے حکام کا کہنا ہے کہ اس کی دہلیز پر اس طرح کا ڈیفنس سسٹم نصب کرنا اس کی سیکورٹی کے لیئے خطرہ ہے.

امریکہ نے2013 میں رومانیہ میں ڈیفنس سسٹم پر کام کا آغاز کیا تھا،اس سسٹم پر 800 ملین ڈالرز کی لاگت آئی ہے.

واضح رہےکہ مغرب اور روس کے درمیان تعلقات 2014 میں یوکرائن کے جنوبی کریمیا جزیرہ نما علاقے پر قبضے کے بعد سے خراب ہوئے تھے.

واشنگٹن : امریکی صدر کا کہنا تھا کہ ڈونلڈ ٹرمپ کے ماضی کی جانچ پرٹال کی جائے، اوباما کا کہنا تھا کہ امریکی صدارت کوئی ٹی وی پروگرام نہیں ہے.

تفصیلات کے مطابق امریکی صدر اوباما سے جب ریپبلکن صدارتی امیدوار ڈونلڈ ٹرمپ کے بارے میں پوچھا گیا تو انہوں نے میڈیا سے بات کرتے ہوئے کہا ہم مشکل دور سے گزر رہے ہیں اور امریکی صدارت ایک اہم منصب ہے یہ تفریح نہیں ہے.

امریکی صدر کا کہنا تھا کہ امریکی صدارت کے مقابلے کے امیدواروں کا معیار اور انکی مکمل جانچ پرٹال انتہاہی ضروری ہے اور ہر امیدوار کے لئے صدارتی منصب کےمعیار پر پورا اُترنا انتہائی اہم ہے.

ڈونلڈ ٹرمپ کو اپنی پارٹی سمیت امریکہ میں لوگوں کی جانب سے ان کی پیش کردہ سخت پالیسیوں پر تنقید کا نشانہ بنایاجارہا ہے، انہوں نے اپنی بیشتر تقاریر میں کہا تھا کہ اگروہ امریکی صدر منتخب ہوتے ہیں تو وہ امریکہ میں مسلمانوں کے داخلے پر بابندی عائد کریں گے، اس کے علاوہ انہوں نے کہا تھا کہ وہ ایک دیوار تعمیر کروائیں گے تاکہ میکسیکو سے ہجرت کرکے آنے والے لوگوں کے داخلے کو امریکہ میں روکا جاسکے.

امریکی صدر کا کہنا تھا کہ ڈونلڈٹرمپ کے ماضی کی جانچ پرٹال کی ضرورت ہے اور ان کی جانب سے ماضی میں دیئے گئے بیانات کو بھی نظر انداز نہیں کیا جاسکتا.