ARYNews.tv | Urdu – Har Lamha Bakhabar

Tag: امریکہ

  • امریکہ میں مسلمان طالب علم دہشت گردی کے الزام میں اسکول سے گرفتار

    امریکہ میں مسلمان طالب علم دہشت گردی کے الزام میں اسکول سے گرفتار

    ٹیکساس: امریکی پولیس نے کم عمر مسلمان طالب علم کو ہنر کی سزا دیتے ہوئے دہشت گردی کے الزام میں اسکول سے گرفتار کر لیا ہے۔

    تفصیلات کے مطابق امریکی ریاست ٹیکساس کے میک آرتھر اسکول میں استاد نے مسلمان طالب علم کے ہاتھ میں گھڑی کو بم قرار دے کر پولیس کو طلب کر لیا ۔

    امریکی پولیس کے ترجمان جیمز میکیولین نے بتایا کہ  14سالہ احمد محمد کو دہشت گردی کے الزام میں گرفتار کر لیا، پولیس حکام کا کہنا ہے کہ احمد محمد کی گھڑی ہاکس بم سے مشاہبت رکھتی ہے ۔

    پولیس نے تفتیش کرتے ہوئے احمد محمد سے پو چھا کہ کیا وہ بم بنانا چاہتے تھے جس پر احمد محمد نے کہا کہ اس نے صرف ایک گھڑی بنانے کی کوشش کی تھی ۔

    محمد احمد نے بتایا کہ پولیس افسران نے تفتیش کے دوران اس پر زور دیا کہ یہ گھڑی نہیں بلکہ ہاکس بم ہے ۔

  • امریکہ میں پاکستانی طلبہ کی تعداد 3.4 فیصد اضافہ

    امریکہ میں پاکستانی طلبہ کی تعداد 3.4 فیصد اضافہ

    کراچی : تارہ ترین اعداد و شمار کے مطابق سال 2013-14 میں تقریبا 11000 پاکستانی طلبہ امریکہ میں تعلیم حاصل کررہے ہیں ،جبکہ یہ اعداد 2012-13 کے بہ نسبت 3.4 فیصد زیادہ ہے۔

    اسلام آباد کے مقامی ہوٹل میں منعقدہ تقریب سے خطاب میں ان کا کہنا تھا کہ یو ایس ایجوکیشن فاؤنڈیشن کی شاندار تعلیمی خدمات کی بدولت دونوں مما لک کی عوام کے مابین تعلقات میں بہتری آئی ہے۔

    تفصیلات کے مطابق دِی یونائیٹڈ اسٹیٹس ایجوکیشنل فاوٴنڈیشن پاکستان نے تعلیم کی غرض سے امریکہ جانے والے طالب علموں کے لئے تعارفی اجلاس منعقد کیا۔

    جس میں اس سال کراچی سے 40طالب علم گریجویٹ اور انڈر گریجویٹ تعلیم حاصل کرنے کے لئے امریکہ جائیں گے، اس سے قبل یہ تعارفی اجلاس اسلام آباد اور لاہور میں بھی منعقد کیا گیا جہاں سے  180 طلبہ سیلف فنڈڈ اور اسکالر شپ کے ذریعے اس سال امریکہ جائیں گے۔

    یو ایس ایجوکیشن فاؤنڈیشن پاکستان کی ایگزیکٹو ڈائریکٹر ریٹا اختر نے کہا کہ امریکہ قابل اور محنتی پاکستانی طلباء کو ہر طرح کی مدد فراہم کر نے کے لیے تیار ہے۔ پاکستانی طلباء امریکہ کے متنوع اور انفرادیت پسند ماحول میں اچھا اضافہ ثابت ہو نگے۔

    پاکستان میں ’دِی یونائیٹڈ اسٹیٹس ایجوکیشنل فاوٴنڈیشن‘ ایک ایسا ادارہ ہے جو پاکستانی طلباٴ کو امریکہ میں اعلیٰ تعلیم حاصل کرنے کے حوالے سے مدد اور مواقع فراہم کر رہا ہے۔

    امریکی کلچرل اتاشی ان کا کہنا تھا کہ یو ایس ایجوکیشن فاؤنڈیشن سے 5 ہزار سے زائد پاکستانی طلباء سکالر شپس اور تعلیمی مشاور ت کی صورت میں مستفید ہو چکے ہیں ۔ امریکہ میں اس وقت پاکستانی طلباء کی تعداد 11 ہزار تک پہنچ گئی ہے جو گزشتہ سال سے 3.4 فیصد زیادہ ہے۔ تقریب کا مقصد 80 سے زائد طلباء کو روانگی سے قبل امریکی معاشرے، ثقافت ، تعلیمی ماحول اور دیگر قوانین سے متعلق آگاہ کر نا تھا۔

  • امریکہ: مشرقی علاقوں میں برف باری،معمولات زندگی متاثر

    امریکہ: مشرقی علاقوں میں برف باری،معمولات زندگی متاثر

    واشنگٹن: امریکا کے مشرقی علاقوں میں برف باری نے لوگوں کے معمولات منجمد کردئیے ہیں، امریکا کی مشرقی اور جنوبی ریاستیں شدید برفانی طوفان کے باعث سخت سردی اور ہواؤں کی لپیٹ میں ہیں۔

    امریکی محکمہ موسمیات کے مطابق رواں ماہ آنے والے چوتھے برفانی طوفان نے امریکا کی کئی ریاستوں کومنجمدکردیا ہے۔ سڑکوں پربرف جمع ہے اورگھراورگاڑیاں برف سےپوری طرح ڈھک چکی ہیں،بجلی کانظام متاثرہے،جبکہ برفانی طوفان کے باعث سترہ سوسےزائد پروازیں منسوخ ہوچکی ہیں۔

    واشنگٹن میں برف باری کےبعدمکانات، سڑکوں اوردرختوں پرہرجانب برف دکھائی دےرہی ہے۔ شہرکےتالاب بھی انتہائی سردموسم کے باعث جم چکے ہیں۔

     ریاست آرکنساس میں طوفان کےبعد ژالہ باری اور برف باری نے شہری نظام بری طرح متاثرکیاہے، آرکنساس کے شمالی حصوں میں پندرہ سینٹی میٹر سے زائد برف پڑچکی ہے، سخت سردی کے باعث اب تک دو افراد کی ہلاکت کی تصدیق ہوئی ہے۔

  • جنرل درانی کے بیانات کا حقیقت سے کوئی تعلق نہیں، امریکہ

    جنرل درانی کے بیانات کا حقیقت سے کوئی تعلق نہیں، امریکہ

    واشنگٹن :امریکہ نے آئی ایس آئی کے سابق چیف جنرل اسد درانی کے اسامہ بن لادن کے حوالے سے بیانات کو مسترد کرتے ہوئے ایک بار پھر پاکستان پر اپنے اعتماد کا اظہار کر دیا ہے۔ امریکی محکمہ خارجہ کی ترجمان جین ساکی کے مطابق سابق آئی ایس آئی چیف کے بیانات کا حقیقت سے کوئی تعلق نہیں۔

    جین ساکی نے کہا کہ اسامہ بن لادن آپریشن کے حوالے امریکی صدر اور وزیرِ خارجہ کے بیانات ریکارڈ پر موجود ہیں، امریکہ کے پاس ایسی کوئی وجہ نہیں کہ یقین کیا جائے کہ پاکستانی حکومت اسامہ بن لادن کی پناہ گاہ کے حوالے سے کوئی علم رکھتی تھی اور ہم آج بھی اسی بات پر یقین رکھتے ہیں۔

    جب جین ساکی سے پوچھا گیا کہ کیا جنرل درانی کیا اس حوالے غلط بیانی سے کام لے رہے ہیں تو جین ساکی کا کہنا تھا کہ جی ہاں بالکل ایسا ہی ہے۔

    واضح رہے کہ آئی ایس آئی کے سابق چیف لیفٹیننٹ جنرل ریٹائرڈ اسد درانی  نے ایک عرب ٹی وی چینل کو انٹرویو دیتے ہوئے کہا کہ ممکن ہے کہ آئی ایس آئی نے القاعدہ کے سربراہ اسامہ بن لادن کو مئی 2011 میں ان کی ہلاکت سے قبل پناہ دے رکھی ہو۔

    اسد درانی کا کہنا تھا کہ انھیں آئی ایس آئی کی جانب سے دیئے جانے والے بیان پر شک ہے کہ اسامہ بن لادن کی موت اور  رہائش گاہ کے بارے میں کوئی علم نہیں تھا، انھوں نے کہا کہ  قوی امکان ہے کہ آئی ایس آئی  کو اسامہ کی موجودگی کا علم تھا۔

     آئی ایس آئی کے سابق چیف کا کہنا تھا کہ اس بات کا بھی امکان ہے کہ پاکستانیوں نے کسی معاہدے کے تحت امریکہ کو اسامہ کی رہائش کا پتہ دیا ہو۔

    واضح رہے کہ آئی ایس آئی کا اسامہ کی موت کے بعد یہ مؤقف تھا کہ اس نے اسامہ بن لادن کو پناہ نہیں دی تھی اور نہ ہی 2011 کے حملے میں کوئی حصہ لیا تھا۔

    اسامہ بن لادن کو امریکی فوج کے خصوصی دستے نے مئی سنہ 2011 میں شمالی پاکستان کے شہر ایبٹ آباد میں ایک خفیہ آپریشن کے دوران ہلاک کر دیا تھا۔

    یاد رہے کہ جنرل اسد درانی سنہ 1990 سے 1992 کے دوران آئی ایس آئی کے سربراہ رہے

  • امریکی ریاست لاس انجلس میں خواتین کیلئے پہلی مسجد تعمیر

    امریکی ریاست لاس انجلس میں خواتین کیلئے پہلی مسجد تعمیر

    لاس انجلس : امریکی ریاست لاس انجلس میں خواتین کیلئے پہلی مسجد تعمیر کردی گئی ہے ۔امریکا میں مقیم مسلمان خواتین کیلئے لاس انجلس میں مسجد کھول دی گئی۔

    مذکورہ  مسجد امریکا میں پہلی خاتون مسجد ہے ۔مسجد میں امام نے جمعے کی نماز پڑھائی جس میں سینکڑوں خواتین نے شرکت کی۔ نماز کی ادائیگی کے لئے مسجد آنے والی خواتین کے لیے اضافی سہولیات بھی شامل ہیں ۔

    نمازی خواتین کے ساتھ آنے والے ان کے بچوں کے لیے بھی کمرہ تعمیر کیا گیا ہے۔اس موقع پر خواتین کا کہنا تھا کہ ہم اپنا زیادہ تر وقت گھر سے باہر گزارتے ہیں ۔ اس دوران ادائیگی نماز کے لیے مسجد کا قیام خوش آئند ہے۔

  • امریکہ نے ملا فضل اللہ کو مارنے یا پکڑنے کی یقین دہانی کرادی

    امریکہ نے ملا فضل اللہ کو مارنے یا پکڑنے کی یقین دہانی کرادی

    اسلام آباد: سینیٹ کی دفاعی کمیٹی نے اجلاس میں شرکت نہ کرنے پر وزیرِ دفاع کو تنقید کا نشانہ بنایا، کمیٹی کو بتایا گیا کہ امریکہ نے ملا فضل اللہ کو مارنے یا پکڑنے کی یقین دہانی کرائی ہے۔

    سینیٹ کی قائمہ کمیٹی کے اجلاس میں سیکرٹری دفاع نے کمیٹی کو آرمی چیف جنرل راحیل شریف کے دورہ امریکہ پر بریفنگ دی، ذرائع کے مطابق اجلاس میں خطے کی سیکورٹی اور افغانستان کے مستقبل پر بریفنگ دی گئی۔

    سیکریٹری دفاع کا کہنا تھا کہ پاکستان نے خطے کی سیکورٹی کے حوالے سے امریکہ کو اعتماد میں لیا اور امریکہ نے ملا فضل اللہ کو مارنے یا پکڑنے کی مکمل یقین دہانی کرائی ہے۔

    اس موقع پر چئیرمین کمیٹی مشاہد حسین نے بتایا کہ امریکہ رواں سال پاکستان کو اتحادی سپورٹ فنڈ کے ایک ارب ڈالر دے گا، دفاعی حکام کے مطابق امریکی افواج رواں سال کے آخر تک افغانستان میں رہیں گی۔

    کمیٹی کے اجلاس میں وزیرِ دفاع کی عدم شرکت پر ارکان کمیٹی کا کہنا تھا کہ وزیرِ دفاع کمیٹی کو اہمیت نہیں دیتے، دفاعی حکام کا کہنا تھا کہ افغانستان کا اعلٰی سطح کا دفاعی وفد اگلے ماہ پاکستان آئے گا۔

    انھوں نے کہا کہ پاک امریکہ دفاعی مشاورتی اجلاس میں پاکستان نےاگلے پانچ برس کے سیکورٹی وژن سے امریکہ کو آگاہ کیا، پاکستان، افغانستان اور امریکہ کے درمیان خفیہ معلومات کے تبادلے کا نظام بہتر ہوا، امریکہ معمول کے سیکورٹی چیلنجز سے نمٹنے کے لیے پاکستان کو اسلحہ اور سیکورٹی آلات دے گا۔

  • امریکہ میں لٹیروں کی فائرنگ سے پاکستانی طالب علم جاں بحق

    امریکہ میں لٹیروں کی فائرنگ سے پاکستانی طالب علم جاں بحق

    شکاگو: امریکہ میں لٹیروں کی فائرنگ سے پاکستانی طالب علم جاں بحق ہوگیا ہے ۔

    امریکی ریاست شکاگو میں ڈکیتی مزاحمت کے دوران تئیس سالہ طالب علم مطاہر رؤف جاں بحق ہوگیا ہے،مقتول اپنے بھائی کے ہمراہ راگر پارک میں چہل قدمی کررہا تھا کہ نامعلوم مسلح افراد نے انہیں لوٹنے کی کوشش کی مزاحمت پر لوٹیروں نےفائرنگ کردی جس کے نیتجے میں تئیس سالہ مطاہر موقع پر جاں بحق ہوگیا۔

    فائرنگ کے بعد ملزمان فرار ہونے میں کامیاب ہوگئے،واقعے کی اطلاع ملتے پولیس کی بڑی تعداد نے جائے وقوع پر پہنچ کر شواہد اکٹھے کرکے تفتیش شروع کردی ہے ۔ مقتول طالب علم لویولا یونی ورسٹی میں زیرتعلیم تھا۔

  • امریکہ کا افغان صدر کے دورۂ پاکستان کا خیر مقدم

    امریکہ کا افغان صدر کے دورۂ پاکستان کا خیر مقدم

    واشنگٹن: امریکہ نے افغان صدر اشرف غنی کے دورۂ پاکستان کو خوش آئند اور وقت کی ضروت قرار دیا ہے۔

    ترجمان امریکی محکمہ خارجہ جین ساکی کا کہنا ہے کہ افغان صدر کی پاکستان کی سیاسی اور عسکری قیادت سے ملاقات وقت کی اہم ضرورت ہے جبکہ امریکہ پاک افغان تعلقات کی بہتری کا خیر مقدم کرتا ہے۔

    جین ساکی کا مزید کہنا تھا کہ دہشتگردی کیخلاف جنگ میں دونوں ممالک اپنا کردار ان ملاقاتوں کے بعد بہتر طریقے سے انجام دے سکیں گے اور امریکہ آپریشن ضربِ عضب اور دہشتگردی کیخلاف پاکستان اور افغان حکومت کی کارروائیوں کی بھرپور تائید کرتا ہے۔

  • امریکاکے وسط مدتی انتخابات، ریپبلکن نے سینیٹ پر بھی کنٹرول حاصل کرلیا

    امریکاکے وسط مدتی انتخابات، ریپبلکن نے سینیٹ پر بھی کنٹرول حاصل کرلیا

    واشنگٹن: امریکاکے وسط مدتی انتخابات میں ریپبلکنز نے حکمراں ڈیموکریٹس کوپیچھے چھوڑدیا۔

    امریکا میں ہونے والے وسط مدتی انتخابات میں ریپبلکن پارٹی نے سینیٹ پر بھی کنٹرول حاصل کر لیا، ریپبلکن جماعت کو ایوان نمائندگان میں پہلے ہی سے اکثریت حاصل ہے۔ ریپبلکن پارٹی کے سینیٹر اور اقلیتی رہنما میک کونل نے کینٹکی سے اپنی سیٹ دوبارہ جیت لی۔ جس پر ان کے سینیٹ میں اکثریتی رہنما بننے کا امکان ہے، صدر اوباماکی مقبولیت کاگراف اس وقت کم ترین سطح پر ہے،اسی وجہ سے ڈیموکریٹکس شکست کھاتے نظر آئے۔

     ریپبلکنز نے مونٹانا، ویسٹ ورجینیا،کولوراڈوساؤتھ ڈکوٹا، ارکنساس ،نارتھ کیرولیناکی نشستوں پرکامیابی حاصل کی۔۔ سینیٹ میں رپبلکن کی برتری کے بعد یہ سوال بھی اہم ہو گا کہ آیا اوباما انتظامیہ میں کوئی تبدیلی آئے گی یا نہیں کیونکہ رپبلکن کے کنٹرول میں ایوان نمائندگان کے وائٹ ہاؤس کے ساتھ تعلقات اچھے نہیں رہے اور اب سینیٹ بھی ری پبلکن کے کے کنڑول میں آرہا ہے۔

  • امریکہ میں مڈ ٹرم انتخابات، ریپبلکنز کی واضح برتری

    امریکہ میں مڈ ٹرم انتخابات، ریپبلکنز کی واضح برتری

    امریکہ : امریکی مڈٹرم انتخابات میں کئی ریاستوں میں پولنگ کا عمل مکمل ہوگیا ہے اورغیرحتمی وغیر سرکاری نتائج آنا شروع ہوگئے ہیں ۔

    ابتدائی نتائج کے مطابق ریپبلکنس کو ڈیموکریٹس پر واضح برتری حاصل ہے اور ریپبلکنس کو کانگریس میں حکمرانی کیلئے مزید دو نشستوں کی ضرورت ہے، موجودہ اپوزیشن لیڈر ریپبلکنس کےمک میک کونل کے چیئرمین سینٹ بننے کے امکانات روشن ہوگئے ہیں۔

    دوسری جانب امریکی صدراوباما نے مڈ ٹرم انتخابات کے نتائج آنے کے بعد ریپبلیکنز اور ڈیموکریٹس لیڈروں کا اجلاس جمعے کو طلب کرلیا ہے۔

    ریپبلکنز کی واضح برتری کے بعد پارٹی کےامیدوارمیک کونل کےچیئرمین سینیٹ بننےکےامکانات بھی روشن ہیں ،ان کا کہنا ہے کہ کہ وہ امریکہ کو نئی سمت میں لیکر جائیں گے.

    امریکا میں ہر دو سال بعد ایوان نمائندگان کی تمام اور سینٹ کی ایک تہائی نشستوں پر انتخابات ہوتے ہیں، امریکی ایوانِ نمائندگان میں کل چار سو پینتیس نشستیں ہیں جبکہ سینیٹ میں نشستوں کی تعداد سو ہے، سینٹ میں ڈیمو کریٹس کی اکیس اور ری پبلکنز کی پندرہ خالی کردہ نشستوں پر ووٹ کاسٹ کئے گئے جبکہ ایوان نمائندگان کی تمام چار سو پینتیس نشستوں پرانتخابات ہورہے ہیں۔