ARYNews.tv | Urdu – Har Lamha Bakhabar

Tag: امریکہ

  • سویڈن کا فلسطین کو آزاد ریاست کے طور پر تسلیم کرنےاعلان

    سویڈن کا فلسطین کو آزاد ریاست کے طور پر تسلیم کرنےاعلان

    استوكهولم: اہم یورپی ملک سویڈن نے فلسطین کو آزاد ریاست کے طور پر تسلیم کرنے اعلان کردیا۔

    سویڈن جو تاریخی طور پر غیرجانبدار ممالک کی فہرست میں صف اول کا ملک ہے نے ایک مرتبہ پھر انسان دوستی کا ثبوت دیتے ہو ئے فلسظین کوعلیحدہ ریاست کے طور پر تسلیم کرنے کا اعلان کر دیا فلسطینی حکام نے سویڈن کے اعلان کو تاریخی قرار دیا ہے سویڈن یورپی یونین کا اہم مغربی یورپ کا پہلا ملک ہے جس نے فلسطین کو باقاعدہ طور پر علیحدہ ریاست کے طور پر تسلیم کیا ہے۔

    فلسطینی صدر محمود عباس نے سویڈن کے فیصلے کو جرات مندانہ اور تاریخی قرار دیتے ہوئے دوسرے ممالک سے بھی اس تقلید کرنے کا کہا ہے۔ سو یڈن کا یہ فیصلہ ایک ایسے وقت سامنے آیا ہے کہ جب اسرا ئیلی ریا ست فلسطین کے نہتے عوام کو اپنے ظلم و رتشدد کا نشانہ بنا ئے ہو ئے ہے ہیں اور اسرائیل نے مسجد اقصی اور دیگر عبا دت گا ہوں میں مسلما نوں کے جا نے پر پابندی عائد کردی ہے مسجد اقصی کو مسلمان کعبہ اور مسجدِ نبوی کے بعد تیسرا مقدس ترین مقام مانتے ہیں۔

  • بھارت کی امریکہ کوبھاشا دیامیر ڈیم میں سرمایا کاری سے روکنے کی کوشش

    بھارت کی امریکہ کوبھاشا دیامیر ڈیم میں سرمایا کاری سے روکنے کی کوشش

    دہلی : ہندوستان نے امریکہ کودیا میر بھاشا ڈیم کے منصوبے میں سرمایہ کاری نہ کرنے کی تجویز دے دی ہے۔

    بھارت صرف باڈر پر ہی پاکستان کیلئے مشکلات کھڑی نہیں کررہا ہے بلکہ دیگر معاملات میں بھی وہ پاکستان کیلئے پریشانی کا باعث بنتا جا رہا ہے،  اب بھارت دیا میر بھاشا ڈیم کے پچھے پڑگیا ہے ۔

    سفارتی ذرائع سے بھیجی گئی شکایت میں ہندوستان نے امریکی انتظامیہ سے کہا ہے کہ وہ یہ یقین دہانی کرائیں کہ امریکی کمپنیاں اس منصوبے میں سرمایہ کاری نہیں کریں گی۔

    ہندوستان کا دعویٰ ہے کہ یہ ڈیم پاکستان اور ہندوستان کے مابین متنازعہ علاقے میں تعمیر کیا جارہا ہے، پاکستان اس ڈیم کو گلگت بلتستان کے خطے میں تعمیر کرنے کا ارادہ رکھتا ہے۔

    امریکہ نے دیامر بھاشا ڈیم کیلئے کانفرنس کرائی تھی، جس کا مقصد دیا میر بھاشا منصوبے کے لیے فنڈز اکھٹا کرنا تھا، اسحاق ڈار نے میڈیا سے بات کرتے ہوئے اس منصوبے پر ہندوستانی اعتراض کو غیر متعلقہ قرار دیا ہے۔

  • داعش کے خلاف امریکہ کو ہوائی اڈے نہیں دیئے، ترکی

    داعش کے خلاف امریکہ کو ہوائی اڈے نہیں دیئے، ترکی

    ترکی : ترکی کے نائب وزیرِاعظم نے امریکا کو شدت پسند تنظیم داعش کے کیخلاف کارروائی کیلئے ہوائی اڈے دینے کی تردید کردی ہے۔

    میڈیا سے گفتگو میں یالچین اکدوگان کا کہنا تھا کہ شام اور عراق میں داعش کے خلاف کارروائی کے لیے امریکی فوج کو ترکی کے فضائی اڈے استعمال کرنے کی اجازت دینے کے بارے میں واشنگٹن سے کوئی سمجھوتہ طے نہیں پایا۔

    ان کا کہنا تھا کہ امریکی حکام کے ساتھ اس حوالے سے مذاکرات کا سلسلہ جاری ہے اور ملکی مفاد کو مدِ نظر رکھ کر ہی اس بارے میں کوئی فیصلہ کیا جائے گا۔

    گذشتہ روز امریکا کی قومی سلامتی کی مشیر سوزن رائس نے بتایا تھا کہ عراق اور شام میں دولتِ اسلامیہ کے خلاف لڑنے کے لیے ترکی اتحادی فورسزکو فوجی اڈے فراہم کرے گا۔

    امریکا عراق اور شام میں داعش کے خلاف فضائی حملے کر رہا ہے، داعش کے جنگجوؤں نے گذشتہ مہینوں کے دوران عراق اور شام کے بہت سےعلاقوں پر قبضہ کر لیا ہے۔

  • کنٹرول لائن پر مُسلسل بھارتی جارحیت پر امریکہ کا اظہارِ تشویش

    کنٹرول لائن پر مُسلسل بھارتی جارحیت پر امریکہ کا اظہارِ تشویش

    واشنگٹن: امریکہ نے کنٹرول لائن پر بھارتی جارحیت پرتشویش کا اظہار کرتے ہوئے مذاکرات پر زور دیا ہے، امریکی محکمہ خارجہ کا کہنا ہے کہ مودی اوباما ملاقات کے باوجود کشمیر پر مؤقف تبدیل نہیں ہوا۔

    بھارتی فوج کی جانب سے کنڑول لائن پر سیز فائر کی مسلسل خلاف ورزیوں پر امریکی محکمہ خارجہ نے تشویش کا اظہار کیا ہے، محکمہ خارجہ کی ترجمان جین ساکی کہنا تھا کہ مودی اوبامہ ملاقات کے باوجود کشمیر پر امریکی مؤقف تبدیل نہیں ہوا ہے ۔

    ترجمان نے زور دیا کہ دونوں ممالک تعطل کا شکار سیکریٹری سطع کے مذاکرات کا دوبارہ آغاز کریں کیونکہ اسی طرح سے خطے میں امن و سلامتی کو یقینی بنایا جاسکتا ہے۔.

    ترجمان کی کشمیر پر امریکی مؤقف کی وضاحت اس لئے اہم ہے کہ مودی اوبامہ ملا قات کے بعد بھارتی میڈیا نے اسے کشمیر کے حوالے سے ایک اہم کامیابی قرار دے رہا تھا  اور نواز شریف کی اوبامہ سے ملا قات نہ ہونے کو ایک دلیل کے طور پر استمال کیا جارہا تھا۔

  • سویڈن نے فلسطین کو تسلیم کرنے کا اعلان کردیا

    سویڈن نے فلسطین کو تسلیم کرنے کا اعلان کردیا

    اسٹاک ہوم: سویڈن کی بائیں بازو سے تعلق رکھنے والی نو منتخب حکومت نے ریاستِ فلسطین کو تسلیم کرنے کا اعلان کردیا ہے،اعلان نئے وزیراعظم اسٹیفن لوف وین کی جانب سے کیا گیا اوراس طرح یورپین یونین کے نمایاں ممالک میں سویڈن فلسطین کو تسلیم کرنے والا پہلا ملک بن جائے گا۔

    اقوام متحدہ کی جنرل اسمبلی نے دوہزار بارہ میں فلسطین کو متنازع آزاد ملک کا درجہ دیا تھا لیکن یورپین یونین اوراوراس کے بیشتر ممالک نے تاحال فلسطین کو تسلیم نہیں کیا ہے۔

    سویڈن کے وزیرِاعظم نے پارلیمنٹ میں اپنے افتتاحی خطاب میں کہاکہ فلسطین اوراسرائیل کے درمیان تنا زعہ صرف دو علیحدہ مملکتوں کی صورت میں ہی حل ہوسکتا ہے۔

    ان کا کہنا تھا کہ دو مملکتی حل صرف اورصرف دوںوں کی باہمی رضامندی اورمسئلے کا پرامن حل نکالنے کی صورت میں ممکن ہے۔ انہوں نے فلسطینیوں کے لئے خیر سگالی کے جذبات کا اظہار بھی کیا ہے۔

    مزید ازاں سویڈن کو اپنے اس فیصلے کی نتیجے میں اسرائیل، یورپین یونین اور امریکہ کی جانب سے شدید تنقید کا سامنا کرنا پڑسکتا ہے۔

    اگر سویڈن کی نومنتخب حکومت فلسطین کو تسلیم کرنے کے فیصلے پر قائم رہی تو یورپین یونین کے ممبرممالک میں سویڈن فلسطین کو تسلیم کرنے والا پہلا ملک بن جائے گا۔

  • دوہزارچودہ کے بعد10ہزارامریکی فوجی افغانستان میں موجود رہیں گے

    دوہزارچودہ کے بعد10ہزارامریکی فوجی افغانستان میں موجود رہیں گے

    کابل : دوہزار چودہ میں افغانستان سے غیرملکی فوجیوں کے انخلاء کے بعد بھی دس ہزارامریکی فوجی افغانستان میں موجود رہیں گے، معاہدے پر دستخط آج ہوں گے۔

    امریکی میڈیا کے مطابق افغانستان سے دوہزارچودہ میں غیرملکی فوجوں کے مکمل انخلاء کے بعد بھی دس ہزارامریکی فوجی افغانستان میں موجود رہیں گے، امریکی فوجی امن وامان کی بحالی میں افغان حکام کی مدد کریں گے اور تین لاکھ سے زائد افغان سیکورٹی اہلکاروں کو تربیت فراہم کریں گے۔

    افغانستان کے سابق صدرحامد کرزئی نے اقتدار کے آخری دنوں میں معاہدے پردستخط کرنے سے انکارکردیا تھا، جس کے بعد دونوں ملکوں کے تعلقات تناؤ کا شکارہوگئے تھے۔

    افغانستان میں اس وقت چوبیس ہزارامریکی فوجی موجود ہیں، پلان کے مطابق امریکا دو ہزار پندرہ تک آدھے سے زیادہ فوجی جبکہ دوہزارسترہ تک تمام فوجی افغانستان سے واپس بلالے گا۔

  • امریکہ داعش کیخلاف عرب ممالک کیساتھ اتحاد بنائے گا،اوباما

    امریکہ داعش کیخلاف عرب ممالک کیساتھ اتحاد بنائے گا،اوباما

    واشنگٹن : امریکی صدر باراک اوباما نے کہا ہے کہ وہ آئی ایس آئی ایس سے نمٹنے کےلئے مشرق وسطی کے ممالک کے ساتھ مل کر اتحاد تشکیل دے رہے ہیں۔

    امریکی صدر باراک اوباما نے غیر ملکی خبر رساں ادارے سے گفتگو میں کہا ہےکہ آئی ایس آئی ایس ایک سرطان کی شکل اختیا کرگیا ہے، جس سے نمٹنے کے لئے مشرق وسطی کے ممالک کے ساتھ مل کر ایک وسیع تر اتحاد تشکیل دے رہے ہیں اور اس مقصد کےلئے امریکی وزیر خارجہ جان کیری بہت جلد خطے کا اہم دورہ کریں گے۔

    دوسری جانب القاعدہ کی ذیلی تنظیم نصرت فرنٹ کی شام اور اسرائیل کی ملحقہ سرحد پر واقع گولان کی پہاڑیوں پر قبضے کے لئے شامی فوج سے شدید لڑائی جاری ہے۔

  • اسکواش کے لیجنڈ کھلاڑی ہاشم خان امریکہ میں چل بسے

    اسکواش کے لیجنڈ کھلاڑی ہاشم خان امریکہ میں چل بسے

    اسکواش کے لیجنڈ کھلاڑی ہاشم خان امریکہ میں انتقال کرگئے،اسکواش کی دنیا میں پاکستان کی پہنچان بنانے والے لیجنڈ کھلاڑی ہاشم خان امریکہ میں انتقال کرگئے۔ہاشم خان یہ نام کسی تعارف کا محتاج نہیں۔ جہانگیر خان اور جان شیر خان کا اسکواش میں اپنا ہی الگ مقام ہے لیکن اس کھیل کی جب بھی تاریخ لکھی جائے گی وہ ہاشم خان کے ذکر کے بغیر ادھوری رہے گی۔

    ہاشم خان پشاور کے نواحی علاقے نواں کلی میں پیدا ہوئے وہ برٹش اوپن جیتنے والے پہلے پاکستانی تھے۔ اسکواش کی دنیا میں انہوں نے پاکستان کی ایک الگ پہچان بنائی۔ انھوں نے اپنے کیریئر میں انیس سو اکیاون سے انیس سو اٹھاون تک سات مرتبہ برٹش اوپن جیتا۔ ہاشم خان امریکہ میں علالت کے بعد حرکت قلب بند ہوجانے کی وجہ سے انتقال کرگئے۔ لیجنڈ کھلاڑی جہانگیر خان نے ہاشم خان کے انتقال پر گہرے دکھ اور افسوس کا اظہار کیا ہے۔

  • روس نے امریکہ اور مغربی ممالک سے اشیاء کی درآمد پر پابندی لگادی

    روس نے امریکہ اور مغربی ممالک سے اشیاء کی درآمد پر پابندی لگادی

    ماسکو: روس نے امریکہ، کینڈا، اسٹریلیا اور ناروے سے گوشت،مچھلی , پھلوں اور ڈیری آئٹمز کی درآمد پر پابندی عائد کردی۔

    روس نے امریکہ، کینڈا، اسٹریلیا اور ناروے سے گوشت،مچھلی , پھلوں اور ڈیری آئٹمز کی درآمد پر پابندی عائد کردی ہے، غیر ملکی خبر رساں ادارے کے مطابق روس نے جوابی کارروائی کے تحت امریکہ سمیت کینڈا اسٹریلیا اور ناروے سے گوشت، پھل، مچھلی اور ڈیری پراڈیکٹس کی درآمد پر پابندی عائد کر دی ہے ۔

    روس کی جانب سے یہ فیصلہ مغربی ممالک کی جانب سے لگائی گئی پابندیوں کی جواب میں کیا گیا ہے،مغربی ممالک نے یوکرینی باغیوں کی حمایت کرنے پر روس پردرآمدی پابندی عائد کی تھیں، اس فیصلے کے باعث مغربی ممالک کےزرعی شعبے اور روسی عوام کو کافی نقصان ہونے کا خدشہ ہے، اس سے پہلے رواں سال کےآغاز میں روس نے امریکہ سے گوشت کی درآمد پر پابندی لگائی تھی۔ روس امریکی مرغی کا دوسرا بڑا خریدار ہے، روس ایک سال میں تینتالیس ارب روپے کی خوراک درآمد کرتا ہے۔

  • امریکہ کا غزہ میں اقوامِ متحدہ کے شیلٹر پر حملہ ناقابلِ قبول قرار

    امریکہ کا غزہ میں اقوامِ متحدہ کے شیلٹر پر حملہ ناقابلِ قبول قرار

    واشنگٹن: امریکہ نے غزہ میں اسرائیل کی جانب سے اقوامِ متحدہ کے شیلٹر پر کیا جانے والا حملہ مکمل طور پر ناقابلِ قبول قرار دے دیا۔

    امریکہ کی جانب سے اسرائیل پر کی جانے والی یہ اب تک کی سب سے شدید تنقید ہے، امریکہ نے کہا ہے کہ غزہ میں عام شہریوں کی اموات کی تعداد ’بہت زیادہ‘ ہے، امریکہ نے اسرائیل پر زور دیتے ہوئے کہا کہ وہ انسانی زندگیاں بچانے کے لیے مزید اقدامات کرے۔

    اس سے پہلے اقوامِ متحدہ کی حقوقِ انسانی کی سربراہ نیوی پلے نے اسرائیل پر الزام عائد کرتے ہوئے کہا ہے کہ اسرائیل غزہ میں جاری فوجی کارروائی کے دوران جان بوجھ کر بین الاقوامی اصولوں کی خلاف ورزی کر رہا ہے، انھوں نے کہا کہ اسرائیل کو اسکولوں، اسپتالوں، گھروں اور اقوامِ متحدہ کی عمارات پر حملے کرنے پر ممکنہ طور پر جنگی جرائم کا مرتکب قرار دیا جانا چاہیے۔

    اقوامِ متحدہ کی حقوقِ انسانی کی سربراہ نے امریکہ کو اسرائیل پر اپنا اثرو رسوخ استعمال کرنے پر ناکامی، غزہ میں جاری لڑائی کو رکوانے اور اسرائیل کو بھاری ہتھیار فراہم کرنے پر شدید تنقید کا نشانہ بنایا۔