Tag: امریکہ
-
امریکہ کا امداد کو شکیل آفریدی سے مشروط کرنا درست نہیں،دفتر خارجہ
پاکستان کا کہنا ہےکہ امریکہ کا امداد کو شکیل آفریدی سے مشروط کرنا درست نہیں، ترجمان دفتر خارجہ کا کہنا ہے کہ شکیل آفریدی نے ملکی قوانین کی خلاف ورزی کی، ان کا فیصلہ عدالت ہی کرے گی۔
دفترخارجہ کے جاری کردہ بیان میں کہا گیا ہے کہ شکیل آفریدی پاکستانی شہری ہے اور اس پر ملکی قوانین کو سبوتاژ کرنے کا الزام ہے، شکیل آفریدی کی جانب سے کئے جانیوالے اقدام کے باعث ملک میں پولیو مہم کوشدید نقصان پہنچا۔
ترجمان دفترخارجہ کا کہنا تھا کہ امریکہ کی جانب سے منظور کردہ بل میں پاکستان کو دی جانیوالی مجوزہ تینتس ملین ڈالرامداد کو شکیل آفریدی کی رہائی تک روکے رکھنے پر سخت مایوسی ہوئی ہے اور امریکی امداد کو شکیل آفریدی کے معاملے سے مشروط کرنا دونوں ممالک کے درمیان جاری تعاون کے منافی اقدام تصور ہوگا۔
ترجمان دفتر خارجہ کا کہنا تھا کہ شکیل آفریدی کا کیس عدالت میں ہے اور اس کا فیصلہ عدالت ہی نے کرنا ہے، ترجمان دفترخارجہ کا کہنا ہے کہ پاکستان امریکہ سے باہمی احترام، دلچسپی اور قریبی تعاون پر تعلقات کو فروغ دینے کیلئے کوشاں ہے، انھوں نے توقع ظاہر کی کہ امداد کی فراہمی کا معاملہ تعمیری انداز میں آگے بڑھے گا۔
-
امریکہ نے پاکستانی امداد ڈاکٹر شکیل آفریدی کی رہائی سے مشروط کردی
امریکا نے آئندہ بجٹ میں پاکستان کو دہشتگردی کے خلاف رقم روکنے کا اشارہ دے دیا، کانگریس میں پیش کردہ بل میں تین کروڑ تیس لاکھ ڈالرز کی امداد کو ڈاکٹر شکیل آفریدی کی رہائی سے مشروط کیا گیا ہے۔
ارکان کی متفقہ رضا مندی سے تیار کردہ بل میں کہا گیا ہے کہ اگر پاکستان شکیل آفریدی پراسامہ بن لادن کی تلاش کے حوالے سے عائد تمام الزامات واپس لے کر انہیں رہا نہیں کرتا تو پاکستان کو دی جانے والی تین کروڑ تیس لاکھ ڈالرز کی امداد روک لی جائے۔
معروف تجزیہ کار حسن عسکری کا کہنا ہے کہ اِس بل کی منظوری کا امکان کم ہے، بل میں دہشت گردی کے خلاف جنگ کے لئے دی جانے والی امداد کی ادائیگی کی مدت کو ایک سال بڑھانے کی بات بھی کی گئی ہے لیکن وزیر خارجہ اور وزیر دفاع کو کانگریس کو یہ بھی بتانا ہوگا کہ پاکستان القاعدہ، تحريک طالبان پاکستان، حقانی نیٹ ورک اور کوئٹہ شوریٰ کے خلاف کارروائی میں کیا مدد کررہا ہے۔
ایک اور شرط کے مطابق دہشت گردی کے خلاف جنگ میں کام کرنے والے امریکی اہل کاروں کو پاکستانی ویزا سے مستثنی قرار دینے کا بھی مطالبہ کیا گیا ہے، تجزیہ کار حسن عسکری کا کہنا ہے کہ کہ پاکستان کو اس معاملے پر واضح موقف اختیار کرنا چاہئیے، ان شرائط کے بعد پاکستان اور امریکا کے تعلقات میں موجود کشیدگی میں اضافے کا خدشہ ہے ۔
-
کیلیفورنیا:جسٹن بیبر کے گھر پر پولیس کا چھاپہ، 2دوست گرفتار
معروف پاپ سنگر جسٹین بیبر کے گھر پر پولیس نے چھاپے کے دوران نشہ آور اشیاء برآمد کرکے دوافراد کو گرفتار کرلیا۔
امریکی شہر لاس اینجلس میں واقع معروف پاپ اسٹار کے گھر پر پولیس نے چھاپے مار کر گھر سے کوکین برآمد کرکے جسٹن بیبر کے دو دوستوں کو دھر لیا، پولیس کارروائی کے وقت جسٹن گھر موجود نہ تھے جس سے وہ گرفتار ہونے بچ گئے جبکہ ان کے دو دوستوں کو پولیس نے گرفتار کر لیا۔
جسٹن بیبر پر اپنے پڑوس کے گھر پر انڈا پھینکنے کا الزام تھا، گھر کی تلاشی کے دوران بھاری مقدار میں کوکین برآمد ہوئی، پولیس کا کہنا ہے کہ اگر جرم ثابت ہوتا ہے تو جسٹن بیبر کو بیس ہزار ڈالر کے جرمانے کا سامنا کرنا بھی پڑسکتا ہے۔
-
سفارتی تنازع:امریکہ اور بھارت میں تعلقات کی بہتری کیلئے مذاکرات
سفارتی تنازع کو ایک ماہ گزرنے کے بعد امریکہ اور بھارت کے درمیان تعلقات کی بہتری کیلئے دونوں ممالک کے درمیان مذاکرات کا آغاز ہوگیا۔
امریکی محکمہ خارجہ کے جاری بیان کے مطابق واشنگٹن میں ڈپٹی سیکریٹری اسٹیٹ ولیم برنز سے بھارتی سفارتکار شبیا مینم جے شنکر نے ملاقات کی، جس میں دونوں ممالک نے تعلقات کی بہتری پر زور دیا ہے۔
ملاقات میں دونوں رہنماؤں میں نئی دہلی کے امریکی اسکول میں تربیت کے طریقوں اور بھارت میں ویزا معاملات میں بے ظابطگیوں پر بات چیت ہوئی ہے، اس موقع پر دونوں رہنماؤں نے آئندہ تعلقات میں بہتری اور دوطرفہ مسائل کو سفارتی چینل کے ذریعے حل کرنے کے عزم کا اعادہ کیا ہے۔
یاد رہےکہ امریکہ میں بھارتی خاتون سفارکار کیجانب سےاپنی ملازمہ کو جعلی دستاویزات کے ذریعے ویزہ جاری کروانے کے معاملے پردونوں ممالک کے سفارتی تعلقات خراب ہوئے تھے۔
