Tag: امریکی صدر ٹرمپ

واشنگٹن : امریکی صدر ٹرمپ نے جنگی منصوبہ لیک ہونے کی خبروں کو بے بنیاد اور میڈیاٹرائل قرار دے دیا۔

تفصیلات کے مطابق امریکی صدرٹرمپ جنگی منصوبہ لیک ہونے پر انتظامیہ کے دفاع میں میدان میں آگئے۔

امریکی صدر نے کہا کہ جنگی منصوبہ لیک ہونے کی خبریں بے بنیاد اور میڈیاٹرائل ہے، حوثیوں کے ٹھکانوں پر کامیاب حملے کیے، بائیڈن نے حملے نہیں کیے وہ اپنے دور میں سوتے رہے۔

ایک سوال پر ٹرمپ نے کہا یمن حملہ سے متعلق چیٹ لیک ہونے کی ذمے داری مشیر قومی سلامتی نے قبول کی ہے، مگرہوسکتا ہے سگنل ایپ میں ہی خرابی ہو۔

صدرٹرمپ نے میڈیا سے گفتگو میں معاملے کا ذمہ دار سوشل میڈیا ایپ کو قرار دیتے ہوئے کہا کہ سوشل میڈیا ایپ سگنل رابطے کا مؤثر ذریعہ نہیں ہے، حوثیوں پرحملے جاری رکھیں گے۔

دوسری جانب ڈیموکریٹ رہنما ڈاکٹر آصف قدیر نے کہا کہ سوشل ایپ پر ایسی معلومات کا لیک ہونا نیشنل سیکیورٹی کامسئلہ ہے، جس کی تحقیقات ہونا ضروری ہے۔

یاد رہے اٹلانٹک میگزین کے ایڈیٹرانچیف جیفری گولڈبرگ نے دعوی کیا تھا کہ انہیں یمن پر حملے سے متعلق دو گھنٹے پہلے ہی پتاچل گیا تھا کیونکہ انہیں ایک ایسے مسیجنگ گروپ پر شامل کیا گیا، جہاں وزیر دفاع پیٹ ہیگسیتھ نےتمام تر منصوبہ ٹیکسٹ پیغام میں غلطی سے بھیجا تھا۔

یوکرین کے صدر زیلنسکی نے بڑا یوٹرن لےلیا، امریکی صدر کی جانب سے فوجی امداد بند کرنے کے بعد زیلنسکی کے ہوش ٹھکانے آگئے۔

زیلنسکی نے ایکس پر پیغام جاری کرتے ہوئے لکھا کہ میں امن کےلیے یوکرین کے عزم کا اعادہ کرنا چاہتا ہوں، ہم میں سے کوئی بھی نہ ختم ہونے والی جنگ نہیں چاہتا، یوکرین دیرپا امن کیلئے جلد مذاکرات کی میز پر آنے کےلیے تیار ہے۔

یوکرینی صدر نے 2 دن پہلے کہا تھا کہ وہ روس کیساتھ جنگ ختم ہوتے نہیں دیکھ رہے، امریکا کی جانب سے فوجی امداد کی بندش کے بعد یوکرینی صدر نے بیان بدل لیا۔

یوکرینی صدر زیلنسکی نے ایکس پر پیغام میں کہا کہ یوکرین سے زیادہ کوئی امن نہیں چاہتا، دیرپا امن کیلئے صدر ٹرمپ کی مضبوط قیادت میں کام کرنے کیلئے تیار ہوں، ہم جنگ کے خاتمے کےلیے تیزی سے کام کرنے کےلیے تیار ہیں۔

زیلنسکی نے کہا کہ پہلے مرحلے میں قیدیوں کی رہائی اور فضائی جنگ بندی پر بات ہوسکتی ہے، جنگ بندی معاہدے پر متفق ہونے کیلئے امریکا کے ساتھ کام کرنا چاہتے ہیں

قدر کرتے ہیں کہ امریکا نے یوکرین کی خودمختاری کو برقرار رکھنے میں کتنی مدد کی، وہ لمحہ یاد ہے صدر ٹرمپ نے یوکرین کو جیولن فراہم کیے، ہم شکر گزار ہیں، وائٹ ہاؤس میں ہماری ملاقات اس طرح نہیں ہوئی جس طرح ہونی چاہیے تھی۔

یوکرینی صدر ولادیمیر زیلنسکی نے کہا کہ افسوسناک ہے کہ وائٹ ہاؤس میں جو کچھ ہوا، یہ چیزیں درست کرنے کا وقت ہے، چاہتے ہیں مستقبل میں تعاون تعمیری ہو۔

زیلنسکی نے کہا کہ معدنیات اور سلامتی معاہدے پر یوکرین دستخط کرنے کےلیے تیار ہے، معاہدے کو سیکیورٹی اور ٹھوس حفاظتی ضمانتوں کی جانب قدم کےطور پر دیکھتے ہیں۔

نومنتخب امریکی صدر ڈونلڈ ٹرمپ نے کہا ہے کہ یوکرین جنگ کی وجہ سے پیوٹن روس کو تباہ کررہے ہیں، انھیں مذاکرات کی میز پر آنا چاہیے۔

انتخابی مہم کے دوران ٹرمپ 24 گھنٹے کے اندر روس یوکرین جنگ بند کرانے کا دعویٰ کرتے رہے ہیں، تاہم اب امریکی صدر ٹرمپ نے کہا ہے کہ میرے پاس یوکرین تنازع کے حل کیلئے ابھی وقت ہے، یوکرین جنگ جاری رہی تو روس بڑی مصیبت میں پڑجائےگا۔

ڈونلڈ ٹرمپ نے کہا کہ پیوٹن کو یوکرین جنگ کے خاتمے کے لیے مذاکرات کی میز پر آنا چاہیے، پیوٹن کو روس کو بچانے کیلئے ایک معاہدہ کرنا چاہیے۔

امریکی صدر کا کہنا تھا کہ پیوٹن سے دوبارہ ملنے کا ارادہ ہے پہلی مدت میں بھی اچھے تعلقات تھے، یوکرین کے صدر زیلنسکی بھی جنگ کے خاتمے کیلئے معاہدہ چاہتے ہیں۔

دریں اثنا روسی صدر ولادیمیر پیوٹن نے کہا ہے کہ ٹرمپ انتظامیہ کیساتھ بات چیت کیلئے تیار ہیں، روسی وزارت خارجہ کا کہنا ہے کہ یوکرین سے متعلق امریکا کی کوئی خاص تجویز موصول نہیں ہوئی۔

خیال رہے کہ روس یوکرین جنگ میں اس وقت ایک دوسرے پر حملوں میں تیزی آگئی ہے، روس نے دعویٰ کیا ہے کہ یوکرین کے 55 ڈرون مار گرائے جن میں سے نصف کو سرحد پر تباہ کیاگیا، مشرقی یوکرین کے ڈونیٹسک علاقے کے گاؤں کا کنٹرول سنبھال لیا ہے۔

یوکرین کا دعویٰ ہے کہ ڈرونز نے لسکی قصبے کے قریب روسی آئل ڈپو کو نشانہ بنایا، مغربی روسی شہر سمولینسک میں ہوابازی پلانٹ کو بھی نشانہ بنایا، روس کی جانب سے لانچ 141 ڈرونز میں سے 93 کو مار گرایا۔

https://urdu.arynews.tv/trumps-announcements-only-us-interests-considered-russian-fm/