ڈینورایئرپورٹ پر امریکی ایئرلائنز کے جیٹ طیارے میں اچانک آگ بھڑک اُٹھی، طیارے سے ایک سو اٹھتر مسافروں کو با حفاظت باہر نکال لیا گیا۔
بین الاقوامی خبر رساں ادارے کی رپورٹ کے مطابق طیارہ ڈیلاس سے کولوراڈو جارہا تھا کہ انجن میں آگ بھڑک اٹھی، مسافر جان بچانے کیلئے طیارے کے پنکھ پر کھڑے ہوگئے۔
امریکی طیارہ گیٹ سی تھرٹی ایٹ پر موجود تھا، جیٹ طیارے میں آگ لگنے سے ہرسمت دھواں پھیل گیا۔ آگ لگنے کے واقعے میں کسی جانی نقصان کی اطلاع نہیں ملی ہے۔
اس سے قبل امریکا میں فائٹر جیٹ سان ڈیگو ہاربر کے قریب سمندر میں گر کر کا تباہ ہوگیا تھا، دونوں پائلٹس جہاز سے نکلنے میں کامیاب ہوگئے تھے۔
مچھلی پکڑنے والے جہاز نے دونوں پائلٹ کو پانی سے نکالا، حادثے کی تحقیقات جاری ہیں۔عینی شاہدین کی جانب سے حاصل کی گئی ویڈیو میں دکھایا گیا ہے کہ جیٹ تیز رفتاری سے پانی میں گرتا ہوا دکھائی دے رہا ہے۔
این بی سی سان ڈیاگو کی رپورٹ کے مطابق طیارے کو الیکٹرانک اٹیک اسکواڈرن وی اے کیو 135 کو تفویض کیا گیا تھا جو این اے ایس واشنگٹن میں واقع ہے۔
سان ڈیاگو کوسٹ گارڈ کے ترجمان نے حادثے سے دونوں پائلٹ کے بچ جانے کی تصدیق کی ہے۔
ایچ اینڈ ایم لینڈنگ چارٹر فشنگ بوٹ کے جنرل منیجر فرینک ارسیٹی نے کہا کہ پریمیئر کشتی کے کپتان نے حادثے کو دیکھا اور مدد کے لیے جہاز کا رخ موڑ دیا۔
امریکا میں دوبارہ آگ بھڑک اُٹھی، ایمرجنسی نافذ
انہوں نے کہا کہ ہمارا عملہ جان بچانے کی کوششوں میں تربیت یافتہ ہے انہوں نے پائلٹوں کو اٹھایا جو پانی میں موجود تھے۔
امریکی بحریہ کا کہنا ہے کہ پائلٹوں کو یونیورسٹی آف کیلیفورنیا سان ڈیاگو ہل کرسٹ میڈیکل سینٹر منتقل کیا گیا جہاں ان کی حالت خطرے سے باہر بتائی گئی ہے۔
