انڈونیشیا میں امریکی باسکٹ بال کھلاڑی کو غیر قانونی منشیات اسمگل کرنے کی کوشش کے الزام میں پولیس نے گرفتار کرلیا۔
غیر ملکی ذرائع ابلاغ کے مطابق انڈونیشیا میں امریکی باسکٹ بال کھلاڑی کو منشیات اسمگل کرنے کی کوشش کے الزام میں حراست میں لیا گیا ہے اور منشیات کے لیے انتہائی سخت قوانین والے ملک میں سزا یافتہ اسمگلروں کو بعض اوقات فائرنگ اسکواڈ کے ذریعے موت کی سزا دے دی جاتی ہے۔
رپورٹس کے مطابق جکارتہ ائیرپورٹ پر امریکی ریاست ٹیکساس کے شہر ڈیلس سے تعلق رکھنے والے 34 سالہ جیرڈ ڈوین شا سے 869 گرام بھنگ برآمد ہوئی، اس موقع پر انہیں فوری گرفتار کرلیا گیا۔
2022 سے امریکی کھلاڑی انڈونیشین باسکٹ بال لیگ میں شریک ہورہا ہے جبکہ گرفتاری کے بعد انڈونیشیا کی باسکٹ بال لیگ نے مذکورہ کھلاڑی پر تاحیات پابندی عائد کر دی ہے۔
قبل ازیں انڈین پرییئر لیگ (آئی پی ایل) کی سابق چیمپئن ممبئی انڈینز کے سابق کرکٹر شیوالک شرما کو زیادتی کیس میں راجستھان پولیس نے گرفتار کرلیا تھا۔
بھارتی میڈیا رپورٹ کے مطابق 26 سالہ شیوالک کو راجستھان پولیس نے حراست میں لینے کے بعد عدالت میں پیش کیا جہاں انہیں پولیس کی کسٹڈی میں دے دیا گیا۔
خاتون نے الزام عائد کیا کہ شیوالک نے شادی کے جھوٹے بہانے سے ان کے ساتھ تعلقات قائم کیے، دونوں کی ملاقات دو برس قبل ودورا میں ہوئی جس کے بعد فون پر گفتگو کا سلسلہ شروع ہوا۔
خاتون نے مزید بتایا کہ اگست 2023 میں شرما کے والدین نے جودھ پور کا دورہ کیا، جہاں دونوں خاندانوں نے بات چیت کی اور زبانی طور پر رسمی منگنی پر رضامندی ظاہر کی۔
تاہم شرما نے مبینہ طور پر بعد میں ان سے تعلق ختم کرلیا، خاتون نے دھوکا دہی اور ریپ کی شکایت درج کروائی۔
ماؤنٹ ایورسٹ پر مہم جوئی کے دوران 2 کوہ پیما ہلاک
شیوالک شرما کی خدمات گزشتہ ایڈیشن میں ممبئی انڈینز نے 20 لاکھ روپے میں حاصل کی تھیں مگر کسی میچ میں نہیں کھلایا، پھر میگا نیلامی سے قبل انھیں ریلیز کردیا۔
