Tag: امریکی جاسس

لاہو : اسلام آباد میں پکڑے جانیوالے امریکی شہری میتھیو سے تفتیش کے دوران معلوم ہوا ہے کہ وہ اس سے پہلے بھی دوبار پاکستان آیا اور پاکستانی اعلیٰ حکام سے شہریت کے لیے رجوع کیا تھا۔

تفصٰلات کے مطابق حساس اداروں نے میتھیو کو پاکستانی شہریت دینے کے خلاف اپنے تحفظات کا اظہار کیا جس پر میتیھوکو پاکستانی شہریت نہ مل سکی تھی تا ہم میتھیو دوبارہ بھیس بدل کر پاکستان میں داخل ہواتھا۔

ذرائع نے دعویٰ کیا ہے کہ میتھیو نے ایک پاکستانی خاتون سے شادی بھی کی ہوئی ہے، اس کے بچے بھی ہیں جس کی بنیاد پر میتھیوپاکستانی شہریت لینا چاہتا تھا ، تاہم اس دوران وہ ایک خفیہ جاسوسی مشن پرغیر قانونی طور پر گولڑہ شریف کے علاقہ میں ایک حساس مقام پر گیا ، جس پر حساس اداروں کی رپورٹ پر اس کے خلاف ایک مقدمہ گولڑہ شریف میں بھی درج ہوا۔

اسی سے متعلق : اسلام آباد سےامریکی شہری گرفتار

میتھیو 2008 سے 2012 تک پاکستان میں موجود تھا اور اس پر پہلا کیس 2011 میں جیکب آباد میں درج ہوا تھا جس کے بعد عدالت نے اسےپاکستان چھوڑنے کا حکم دیا تھا جب کہ حساس اداروں نے بھی میتھیو کی سرگرمیوں پر سوالات اُٹھائے تھے۔

بعدازاں خفیہ اداروں کو معلوم ہوا کہ میتھیونے اسلام آباد میں ایک خاتون سے شادی بھی کی جن سے میتھیو کے بچے بھی ہیں اور اسی بنیاد پر میتھیو نے پاکستانی شہریت کے لیے دفتر خارجہ سے رجوع بھی کیا تھا تا ہم حساس اداروں کے اعتراض پراسے شہریت نہیں دی گئی تھی۔

تا ہم حال ہی میں میتھیو دوبارہ پاکستان مین داخل ہونے پر اسلام آباد گیست ہاؤس سے گرفتار کر لیا گیا تھا اس نے اپنے بورڈنگ کارڈ میں غلط اندراج کر کے ایئرپورٹ حکام کو دھوکہ دیا تھا۔