Tag: امریکی خاتون

کراچی : امریکی خاتون کو جھانسہ دے کر نوجوان ندال میمن کے فلیٹ سے فرار ہونے کی فوٹیج سامنے آگئی، نوجوان نے فرار ہوتے ہوئے گاڑی نے موٹرسائیکل کو ٹکر بھی ماری۔

تفصیلات کے مطابق امریکی خاتون کے پاکستان آنے کے واقعے پر نوجوان احمدندال میمن کے فلیٹ سے فرارہونے کی فوٹیج سامنے آگئی۔

امریکی خاتون کو جھانسہ دے کر فیملی کے ہمراہ احمد ندال فرار ہوا اور فرار ہوتے ہوئے گاڑی نے موٹرسائیکل کو ٹکربھی ماری۔

احمد ندال گاڑی نمبراے آ ر ایف 670 میں فرار ہوا ، سلوررنگ کی گاڑی نوجوان کے نام پر ہے۔

ندال میمن گاڑی ڈرائیورکر رہا تھا اور شام ساڑھے 4 بجے فلیٹ سے روانہ ہوا اور گارڈن اورنبی بخش پولیس کے سامنے فرار ہوا۔

خیال رہے امریکی خاتون اونیجا اینڈریو نے گارڈن میں واقع پاکستانی لڑکے ندال میمن کے گھرپر ڈیرہ ڈال لیا اور فلیٹس کے پارکنگ ایریا میں کرسی ڈال کربیٹھ گئیں۔

اپارٹمنٹ کی یونین کی جانب سے ان کو واپس جانے کا کہا جا رہا ہے لیکن وہ انکاری ہیں۔

صحافی نے سوال کیا کہ آپ یہاں کیا کر رہی ہیں اور پرواز کیوں نہیں لی؟ تو انہوں نے جواب دیا کہ میں یہاں گھوم رہی ہوں اس سے تمہیں کیا مطلب؟

کراچی: پاکستانی نوجوان کی محبت میں گرفتار امریکی خاتون نے بالآخر اُس لڑکے کا گھر ڈھونڈ لیا جس سے وہ شادی کرنا چاہتی ہیں۔

امریکی خاتون مبینہ طور پر شادی کا جھانسہ دینے والے نوجوان سے شادی کیلیے کراچی میں موجود ہیں۔ آج انہوں نے گارڈن میں اُس لڑکے کا گھر ڈھونڈ لیا اور بلڈنگ کی پارکنگ میں موجود ہیں۔

اپارٹمٹ کی یونین کی جانب سے ان کو واپس جانے کا کہا جا رہا ہے لیکن وہ انکاری ہیں۔

انہوں نے میڈیا سے گفتگو میں فرمائش کی کہ مجھے پاکستانی پاسپورٹ اور ہر ہفتے 2 ہزار ڈالر چاہئیں۔ صحافی نے سوال کیا کہ آپ یہاں کیا کر رہی ہیں اور پرواز کیوں نہیں لی؟ تو انہوں نے جواب دیا کہ میں یہاں گھوم رہی ہوں اس سے تمہیں کیا مطلب؟

مبینہ طور پر ان کو کراچی کے 19 سالہ نوجوان نے شادی کا جھانسہ دے کر پاکستان بلایا ہے۔ گزشتہ روز خاتون کا کہنا تھا کہ یہاں شادی کرنے آئی ہوں اور شادی کر کے ہی رہوں گی۔

یہ بھی پڑھیں: امریکی خاتون کا واپس جانے سے انکار، ایئرپورٹ پر ہنگامہ آرائی

امریکی خاتون کے واپسی سے انکار پر امریکی قونصل خانے کی 2 رکنی ٹیم کراچی ایئرپورٹ پہنچی تھی اور ایئرپورٹ حکام اور خاتون اونیجا سے ملاقات کی تھی۔

ایئرپورٹ حکام نے بتایا تھا کہ اونیجا تاحال واپس جانے سے انکاری ہیں اور احمد میمن نامی لڑکے سے ملنا چاہتی ہیں۔

قونصل خانے کی ٹیم کا کہنا تھا کہ اگر خاتون نہ جانا چاہے تو زبردستی نہیں کر سکتے کیونکہ ایسا کرنا غیر قانونی ہوگا اور زبردستی بھیجا تو خاتون وہاں امریکی حکومت اور قونصل خانے پر کیس کر سکتی ہیں۔ کوشش یہی ہے کہ اونیجا کو راضی کر کے واپس بھیجا جائے۔

بعد ازاں اونیجا نوجوان کی تلاش میں ایئرپورٹ سے روانہ ہوگئی تھیں، ایئرپورٹ انتظامیہ اور ویجلنس نے خاتون کو ٹیکسی کروا کے روانہ کیا تھا۔

وزارت داخلہ نے ان کے ویزے میں 12 فروری 2025 تک توسیع کر رکھی ہے۔