ARYNews.tv | Urdu – Har Lamha Bakhabar

Tag: امریکی خاتون

  • ٹک ٹاک صارفین نے خاتون کو چائے بنانے کا طریقہ سکھا دیا

    ٹک ٹاک صارفین نے خاتون کو چائے بنانے کا طریقہ سکھا دیا

    ایک امریکی خاتون کے چائے بنانے کے طریقے نے چائے کے دیوانوں کو پریشان کردیا۔

    ویڈیو شیئرنگ ایپلی کیشن ٹک ٹاک پر شیئر کی گئی اس ویڈیو میں ایک خاتون بتا رہی ہیں کہ ان کی الیکٹرک کیٹل میں کچھ مسئلہ ہے جس کی وجہ سے یہ چائے نہیں بنا رہی۔

    اس کے بعد وہ دکھاتی ہیں کہ جب کیٹل میں پانی ابلتا ہے تو وہ خود بخود ہی باہر بہنے لگتا ہے، خاتون کا خیال تھا کہ یہ کیٹل کی خرابی کی وجہ سے ہورہا ہے۔

    تاہم سوشل میڈیا صارفین نے انہیں بتایا کہ ایسا اس وجہ سے ہورہا ہے کہ کیونکہ انہوں نے کیٹل میں ٹی بیگز بھی ڈال دیے ہیں۔

    سوشل میڈیا صارفین نے انہیں بتایا کہ الیکٹرک کیٹل میں صرف پانی ڈال کر گرم کیا جاتا ہے۔

    تاہم خاتون کو یہ ماننے میں بے حد دشواری کا سامنا تھا کہ کیٹل میں چائے بنانے کے لیے صرف پانی کو ہی ابالا جائے۔

  • 2 ماہ میں کروڑوں روپے جیتنے والی خاتون

    2 ماہ میں کروڑوں روپے جیتنے والی خاتون

    واشنگٹن: امریکی ریاست میری لینڈ سے تعلق رکھنے والی خاتون نے دو ماہ میں دوسری بار 50 ہزار ڈالر کی لاٹری جیت لی۔

    تفصیلات کے مطابق کہتے ہیں کہ قسمت کی دیوی کبھی بھی اور کہیں بھی کسی پر بھی مہربان ہو سکتی ہے اور ایسا ہی کچھ میری لینڈ سے تعلق رکھنے والی 64 سالہ خاتون ماؤنت ایری کے ساتھ ہوا جب انہوں نے دو ماہ کے دوران دوسری بار ہزاروں ڈالرز کی لاٹری جیتی۔

    ماؤنت ایری نے بتایا کہ انہوں نے لاٹری کی ٹکٹ لٹل جارج سہولت اسٹور سے خریدی تھی۔ انہوں نے بتایا کہ اس سے قبل بھی وہ 50 ہزار ڈالر کی لاٹری جیت چکی ہیں۔

    امریکی شہری ماؤنت ایری کا مزید کہنا تھا کہ وہ لاٹری میں جیتی ہوئی رقم کو اپنی فیملی کی دیکھ بھال اور کاروبار کے لیے استعمال کرنے کا ارادہ رکھتی ہیں۔

    اس سے قبل گزشتہ ماہ امریکا میں کینسر کے خلاف جنگ لڑنے والے شخص نے چند ڈالر کا لاٹری کا ٹکٹ خریدا تھا جس نے اسے کروڑوں روپے کا مالک بنا دیا تھا۔ امریکی ریاست نارتھ کیرولینا کے رہائشی رونی فوسٹرپیٹ نے 2 لاکھ ڈالر (3 کروڑ سے زائد پاکستانی روپے) کی لاٹری جیتی تھی۔

    امریکی شہری نے لاٹری ٹکٹ سے 24 کروڑ 56 لاکھ ڈالر جیت لیے

    یاد رہے کہ گزشتہ سال ستمبر میں امریکی شہری منگل نے اپنی ناقابل یقین قسمت کے باعث امریکا کی پاور بال نامی لاٹری کے ٹکٹ سے 24 کروڑ 56 لاکھ ڈالر کی خطیر رقم انعام میں جیتی تھی۔

  • والد کی قبر ٹیکسلا میں ہے، ڈی پورٹ نہ کیا جائے: امریکی خاتون

    والد کی قبر ٹیکسلا میں ہے، ڈی پورٹ نہ کیا جائے: امریکی خاتون

    اسلام آباد: پاکستان میں غیر قانونی طور پر 12 سال گزارنے والی امریکی معمر خاتون نے کہا ہے کہ ان کے والد کی قبر ٹیکسلا میں ہے، ڈی پورٹ نہ کیا جائے۔

    تفصیلات کے مطابق 80 سالہ بزرگ امریکی خاتون کو آج پی آئی اے کی پرواز پی کے 701 سے مانچسٹر روانہ کیا جائے گا، خاتون مرے موڈ نے ڈی پورٹ ہونے سے انکار کرنے کے بعد ایئر پورٹ کو مسکن بنا لیا ہے۔

    بزرگ خاتون نے بیان دیا ہے کہ ان کے والد کی قبر پنجاب کے تاریخی شہر ٹیکسلا میں ہے اس لیے وہ پاکستان سے نہیں جائیں گی، تاہم آج انھیں واپس مانچسٹر بھیجنے کی کوشش کی جائے گی۔

    خاتون کا ایف آئی اے اہل کاروں سے یہ بھی کہنا تھا کہ وہ ان کے وکیل سے بات کریں، تاہم ایف آئی اے کا کہنا تھا کہ اگر کوئی وکیل ہے تو انھیں یہاں آ کر اجازت نامہ دکھانا چاہیے۔

    یہ بھی پڑھیں:  بلیک لسٹ امریکی خاتون نے پاکستان میں ہنگامہ کھڑا کردیا

    امریکی خاتون 2001 میں 6 ماہ کے ویزے پر پاکستان آئی تھیں، تاہم انھوں نے ویزا مدت ختم ہونے کے باوجود 12 سال پاکستان میں غیر قانونی طور پر گزارے، آخر کار 2013 میں خاتون کو بلیک لسٹ کر کے پاکستان سے ڈی پورٹ کر دیا گیا۔

    گزشتہ روز وہ ایک بار پھر پی آئی اے کی پرواز پی کے 702 کے ذریعے مانچسٹر سے اسلام آباد پہنچی تھیں، امیگریشن کے وقت معلوم ہوا کہ ان کا نام بلیک لسٹ میں شامل ہے، چناں چہ انھیں ڈی پورٹ کیا گیا تاہم وہ پی آئی اے عملے کی غلطی سے بجائے ڈی پورٹ ہونے کے ہوٹل پہنچ گئیں، جس پر ایف آئی اے نے فوری ایکشن لیا۔

    خیال رہے کہ ایف آئی اے نے امر یکی سفارت خانے کے عملے کو بھی ائیر پورٹ طلب کیا تھا، امریکی سفارتی عملہ بھی ڈی پورٹ ہونے والی خاتون مسافر کو واپس بھیجنے کی کوشش میں مصروف رہا۔

  • اسکول میں صفائی کرنے والی خاتون برسوں بعد پرنسپل بن گئیں

    اسکول میں صفائی کرنے والی خاتون برسوں بعد پرنسپل بن گئیں

    ہر انسان کی زندگی معجزوں سے بھری پڑی ہے، بعض اوقات زندگی میں ایسے ایسے معجزے رونما ہوتے ہیں جو کسی انسان کی پوری زندگی بدل دیتے ہیں۔

    امریکی خاتون پام ٹلبرٹ کی زندگی بھی ایسا ہی ایک معجزہ لگتی ہے تاہم یہ معجزہ انہوں نے اپنی انتھک محنت، لگن اور جذبے سے کیا۔ امریکی ریاست لوزیانا کی یہ خاتون آج اس اسکول میں بطور اسسٹنٹ پرنسپل کام کر رہی ہیں جہاں کبھی وہ خاکروب کی ملازمت کیا کرتی تھیں۔

    پام نے لوزیانا کے ایک اسکول میں صفائی کرنے اور بس ڈرائیور کی ذمہ داری نبھائی، یہی نہیں وہ ایک مرض کی وجہ سے لکھنے اور پڑھنے میں بھی مشکلات کا شکار تھیں۔

    وہ بتاتی ہیں کہ بعض وفعہ وہ کوئی معمولی سا لفظ بھی نہیں پڑھ پاتی تھیں جس کے بعد وہ فرسٹریشن کا شکار ہو کر کئی گھنٹوں تک روتی رہتی تھیں۔

    پام نے اپنی تعلیم بھی ادھوری چھوڑ دی تھی۔ جب ان کے یہاں بچوں کی پیدائش ہوئی تو پام نے بچوں کی کتابوں کے ذریعے پھر سے لکھنے پڑھنے سے اپنا رشتہ جوڑا۔

    انہی کتابوں کی وجہ سے وہ پھر سے پڑھنے کی جانب مائل ہوئیں اور اپنی تعلیم کا ادھورا سلسہ دوبارہ جوڑا۔ جلد ہی لوزیانا کی سدرن یونیورسٹی سے انہوں نے بیچلرز اور پھر ماسٹرز کی ڈگری حاصل کرلی۔

    پھر اسی ادارے سے انہوں نے اپنے بیٹے کے ساتھ پی ایچ ڈی بھی کرلیا۔

    پام اب اسی اسکول کی اسسٹنٹ پرنسپل بن چکی ہیں جہاں کبھی وہ صفائی کی ملازمت کیا کرتی تھیں۔ وہ اپنی زندگی کے بارے میں کہتی ہیں، ’معجزے رونما ہوتے ہیں، یقین نہیں آتا تو میری زندگی دیکھ لیں جو کسی معجزے سے کم نہیں‘۔

    وہ اپنے بچوں کی بھی بے حد شکر گزار ہیں جن کے حوصلہ دلانے کی وجہ سے ہی وہ آج اس مقام پر ہیں۔ ’میرے بچے میرے استاد ہیں، اگر وہ مجھے ہمت نہ دیتے تو میں آج یہاں نہ ہوتی‘۔

  • امریکی خاتون نومولود بچہ اسمگل کرنے کے الزام میں گرفتار

    امریکی خاتون نومولود بچہ اسمگل کرنے کے الزام میں گرفتار

    منیلا: فلپائن میں امریکی خاتون کو نومولود بچہ اسمگل کرنے کے الزام میں گرفتار کرلیا گیا۔

    غیرملکی خبررساں ادارے کے مطابق فلپائن میں نومولود بچہ اسمگل کرنے کی کوشش کرنے والی امریکی خاتون کو گرفتار کرلیا گیا، جرم ثابت ہونے پر خاتون کو دس سال کی سزا ہوسکتی ہے۔

    بیالیس سال کی جنیفر ٹالبٹ منیلا ایئرپورٹ سے امریکا جانے والی پرواز پر بچے کو چھپا کر سوار ہونے کی کوشش کررہی تھی۔

    رپورٹ کے مطابق امریکی خاتون کو روانگی گیٹ پر روک لیا گیا، سی سی ٹی وی فوٹیج میں دیکھا گیا کہ خاتون کے بیگ میں بچہ موجود تھا۔

    ملزمہ کی جانب سے بچے کی ماں بن کر جعلی دستاویز پیش کیے، انسانی اسمگلنگ کا جرم ثابت ہونے پر امریکی خاتون کو دس سال قید کی سزا ہوسکتی ہے۔

    نیشنل بیورو انویسٹی گیشن کے ترجمان مارلون ٹولیدو نے کہا کہ امریکی خاتون مورمون گرجا گھر گئی اور وہاں سے بچہ اغوا کرکے ایئرپورٹ کے لیے روانہ ہوئی تھی۔

    مارلون ٹولیڈو کے مابق خاتون نے منیلا ایئرپورٹ پہنچنے کے بعد بغیر دستخط شدہ دستاویزات دکھائیں۔

    رپورٹ کے مطابق نومولود بچے کی شناخت اینڈریو کے نام سے ہوئی ہے، بچے کے والدین کو بھی شامل تفتیش کرلیا گیا ہے تاہم انہیں گرفتار نہیں کیا گیا ہے۔

    پولیس کا کہنا ہے کہ ہوسکتا ہے کہ بچے کے والدین نے نومولود کو اس بچے کو فروخت کیا ہو تبھی امریکی خاتون اس کو لے کر روانہ ہورہی ہو، کیس کی ہر زاویے سے تحقیقات کی جائیں گی۔

  • تیز رفتاری کے ریکارڈ توڑنے کا عزم رکھنے والی امریکی خاتون حادثے میں ہلاک

    تیز رفتاری کے ریکارڈ توڑنے کا عزم رکھنے والی امریکی خاتون حادثے میں ہلاک

    واشنگٹن:امریکی چینل کی میزبان اور کار ریس ڈرائیور جیسی کامبس تیز رفتار ڈرائیونگ کے تمام ریکارڈز توڑنے سے پہلے ہی حادثے کا شکار ہو گئیں۔

    تفصیلات کے مطابق 36سالہ جیسی کومبس لینڈ اسپیڈ ریکارڈ بنانے کیلئے کوشاں تھیں۔وہ امریکا کی ریاست اوریگون میں طاقتور جیٹ کی شکل والی کار میں سوار تھیں کہ حادثے کا شکار ہو گئیں اور موقع پر ہی دم توڑ دیا۔

    جیسی کامبس 1976میں’ کیٹی او نیل ‘ کے قائم کردہ 512میل فی گھنٹہ کی رفتار سے بنایا گیا ’ویمنز لینڈ اسپیڈ ریکارڈ ‘ توڑنے کا عزم رکھتی تھیں،ریکارڑ توڑنے کی کوشش میں جیسی کومبس امریکا میں ’ڈرائی لینڈ بیڈ‘ کے مقام پر زندگی سے ہاتھ دھو بیٹھیں۔

    غیر ملکی خبر رساں ادارے کا کہنا تھا کہ گزشتہ سال انتقال کرنے والی 72سالہ کیٹی او نیل نے تین پہیوں والی سواری پر اپنا ریکارڈ بنایا تھا تاہم جیسی کومبس چار پہیوں والی جیٹ نما کار میں ریکارڈ توڑنے کی خواہاں تھیں۔

    اس سے قبل جیسی کامبس 2013 میں 398 میل فی گھنٹہ کی رفتار سے ،چار پہیے پر تیز رفتار خاتون‘ کا اعزاز حاصل کر چکی ہیں ، اس کے بعد انہوں نے اس رفتار کو آگے بڑھایا ، لیکن ان کی پرفارمنس کا ریکارڈ گنیز بک آف ورلڈ ریکارڈ سے دور رہا۔

    خبر رساں ادارے کا کہنا تھا کہ موت سے کچھ روز قبل جیسی کامبس اپنے انسٹاگرام پر کیٹی او نیل کے ریکارڈ کو توڑنے کی خواہش کا اظہار کرتی نظر آئیں۔

    ریس ٹریک کے علاوہ جیسی کومبس نے 2009 سے 2010 تک ڈسکوری چینل کے ایک پروگرام میتھبسٹرز کی میزبانی کی ، شو کے موجودہ میزبان نے اظہار تعزیت کرتے ہوئے لکھا کہ جیسی کامبس ایک حادثے میں ہلاک ہوگئیں ، میں بہت غمزدہ ہوں ، وہ نہایت عمدہ بلڈر ، انجینئر اور ڈرائیورتھیں۔

    انہوں نے مزید لکھا کہ جیسی کامبس اپنی حیرت انگیز مثال سے دوسروں کی حوصلہ افزائی کے لئے ہر روز جدوجہد کرتی تھیں ، انہوں نے یہ بھی لکھا کہ ایک بہترین ساتھی کی عدم موجودگی انہیں محسوس ہوگی۔

  • لاکھوں ڈالر کا انعام اپنی دوست کی امداد کا نتیجہ ہے، امریکی خاتون

    لاکھوں ڈالر کا انعام اپنی دوست کی امداد کا نتیجہ ہے، امریکی خاتون

    واشنگٹن : اپنی دوست کی مدد کرنے والی ایک امریکی خاتون کی تقریباً تین لاکھ ڈالر کی لاٹری نکل آئی ہے جو پاکستانی روپوں میں تقریباً 4 کروڑ 62 لاکھ روپے بنتی ہے۔

    تفصیلات کے مطابق امریکی ریاست نارتھ کیرولاینا کے شہر ولمنگٹن کی رہائشی خاتون ڈیبرا ڈینٹن اپنی دوست کا بہت خیال رکھتی ہیں اور اس کے گھر کا سودا سلف تک لا کر دیتی ہیں حتیٰ اگر کہیں جانا ہو تو ڈیبرا انہیں ٹرانسپورٹ کی سہولت بھی فراہم کرتی ہیں۔

    امریکی خبر رساں ادارے کا کہنا تھا کہ دو ہفتے قبل ڈیبرا اپنے دوست کے ہمراہ کچھ خریداری کےلیے گئیں جہاں انہوں ایک لاٹری دوست کو ایک لاٹری اس کی فرمائش پر خرید دی اور ایک لاٹری اپنے لیے بھی خرید لی جو ان کےلیےقسمت کی چابی ثابت ہوئی۔

    حیران کن طور پر اگلے ہی روز لاٹری جیتنے والے خوش نصیبوں کا اعلان ہوا جیک پاٹ جیتنے والی خوش نصیب ڈیبرا ڈینٹن پائیں۔

    امریکی خاتون کا کہنا تھا کہ پہلے تو مجھے یقین نہیں آیا میں کہ تین لاکھ ڈالر کی خطیر رقم ایک لاٹری ٹکٹ میں جیت گئیں ہوں لیکن تصدیق کے بعد معلوم ہوا کہ پہلے انعام کی حقدار میں میں ہی قرار ہائی ہوں۔

    ڈیبرا نے خبر رساں ادارے سے گفتگو کرتےہوئے کہا کہ میں اپنے کامیابی کا ذمہ دار اپنی دوست کے ساتھ کی جانے والی بھلائی کو سمجھتی ہوں جس کا مجھے صلا ملا ہے۔

  • سری لنکن پولیس نے غلطی سے امریکی خاتون کو حملہ آور بنا دیا

    سری لنکن پولیس نے غلطی سے امریکی خاتون کو حملہ آور بنا دیا

    کولمبو : سری لنکن پولیس نے ایسٹر دھماکے کی تحقیقات کے دوران غلطی سے امریکی خاتون کو گرجا گھروں اور ہوٹلوں میں شدت پسندانہ کارروائیاں کرنے والا حملہ آور بنا دیا۔

    تفصیلات کے مطابق امریکی ریاست میری لینڈ کی رہنے والی عمارہ مجید کے لیے جمعہ کی صبح ایک ڈراؤنے خواب کی طرح تھی جب انہوں نے انٹرنیٹ پر ہر طرف اپنی تصویر دیکھی جس میں سری لنکن پولیس نے ان کو اتوار کو گرجا گھروں پر حملہ کرنے والے چھ شدت پسندوں کی فہرست میں شامل کیا تھا۔

    غیر ملکی خبر رساں ادارے کا کہنا تھا کہ عمارہ مجید نے فوری طور پر اپنے ٹوئٹر اکاونٹ کا سہارا لیا اور ٹویٹ کیا کہ مجھے آج صبح سری لنکن پولیس نے جھوٹ بولتے ہوئے داعش کے ان دہشت گردوں میں سے ایک قرار دیا ہے جنہوں نے ایسٹر کے موقع پر حملے کیے۔

    غیر ملکی میڈیا کا کہنا تھا کہ ’کیا ہی چیز ہے جاگنے پر دیکھنے کے لیے‘ عمارہ مجید نے اپنے ٹوئٹر اکاونٹ سے ایک اور ٹویٹ کیا جس میں سری لنکن پولیس کی جانب سے ان سے معافی مانگنے کی تصویر بھی منسلک کی۔

    سری لنکا حملے: خود کش حملہ آور کا برطانیہ و آسٹریلیا میں تعلیم حاصل کرنے کا انکشاف

    خیال رہے کہ سری لنکن پولیس ذرایع نے بھی کہا ہے کہ حملہ آوروں میں سے دو کا تعلق کولمبو کے ایک دولت مند تاجر کے گھرانے سے تھا، ان دو بھائیوں نے دو الگ ہوٹلوں پر حملے کیے تھے۔

    یہ بھی پڑھیں:  انٹرپول کا سری لنکا میں دھماکوں کی تحقیقات کیلئے ماہرین بھیجنے کا اعلان

    سری لنکا کے وزیر اعظم نے حملوں سے متعلق مؤقف ظاہر کیا ہے کہ ایسے حملے بیرونی مدد کے بغیر ممکن نہیں ہیں، داعش نے حملوں کی ذمہ داری قبول کی لیکن شواہد نہیں دیے۔

    سری لنکن صدر نے ملک کی سیکورٹی کی مکمل تعمیر نو کا عندیہ بھی دیا ہے، دفاعی فورسز کے سربراہان تبدیل کیے جانے کا امکان ہے۔

    واضح رہے کہ سری لنکا میں تین روز کا سوگ منایا جا رہا ہے، ایسٹر کے موقع پر ہونے والے سری لنکا دھماکوں میں ہلاکتوں کی تعداد 359 ہو گئی ہے۔

  • امریکی خاتون نے نامعلوم وجوہات کی بناء بیٹے کے ہمراہ خودکشی کرلی

    امریکی خاتون نے نامعلوم وجوہات کی بناء بیٹے کے ہمراہ خودکشی کرلی

    میامی : امریکی خاتون نے نامعلوم وجوہات کی بناء پر فلوریڈا کی بلند و بالا رہائشی عمارت سے کمسن بیٹے کو پھینکنے کے بعد خود بھی چھلانگ لگاکر خودکشی کرلی۔

    غیر ملکی خبر رساں ادارے کا کہنا ہے کہ امریکا کی ریاست فلوریڈا کے دارالحکومت میامی میں خودکشی کے واقعے میں ہلاک ہونے والی خاتون کی شناخت 37 سالہ سولانگی ورجینیا کے نام سے ہوئی ہے۔

    ذرائع کے مطابق خاتون چھلانگ لگانے سے قبل اپنے پانچ سالہ بیٹے لوسینیو میتوس کو 20 ویں منزل سے نیچے پھینک دیا تھا۔

    غیر ملکی خبر رساں ادارے کا کہنا ہے کہ سولانگی میتوس چھتی منزل سے مردہ حالت میں برآمد ہوئی جبکہ لوسینیو سوئمنگ پول کے قریب انتہائی تشویشناک حالت میں ملا جسے پولیس نے فوری طور پر استعمال مستقل کیا تاہم وہ جانبر نہیں ہوسکا۔

    پانچ سالہ بچے کو قتل کرنے کے بعد خود بھی خودکشی کرنے والی خاتون کے اہل خانہ کا کہنا تھا کہ سولانگی نے خودکشی سے متعلق کوئی اشارہ نہیں دیا نہ ایسی کوئی وجوہات تھیں جس کی بناء پر خودکشی کی نوبت آئے۔

    غیر ملکی خبر رساں ادارے کا کہنا تھا کہ فلوریڈا پولیس نے واقعے کی تحقیقات کا آغاز کر دیا ہے۔

    عینی شاہدین کا کہنا تھا کہ ہم یہ دیکھ کر حیران رہ گئے کہ کیسے خاتون نے مبینہ طور پر اپنے بیٹے کو بے دردی سے قتل کردیا، خاتون کی پڑوسی پیٹریکا نے بتایا کہ میں اپنے گھر میں تھی لیکن جب میں نے نیوز میں یہ دل دہلانے والے خبر دیکھی تو حیران رہ گئی۔

  • ایف آئی اے نے بغیر ویزہ اسلام آباد آنےوالی امریکی خاتون کو ڈی پورٹ کردیا

    ایف آئی اے نے بغیر ویزہ اسلام آباد آنےوالی امریکی خاتون کو ڈی پورٹ کردیا

    اسلام آباد : امیگریشن حکام نے بغیر ویزہ اسلام آبادایئرپورٹ پہنچنے والی امریکی خاتون کو ڈی پورٹ کردیا۔

    تفصیلات کے مطابق امریکی شہری سونیا سیتا پیرز بدھ کے روز غیر ملکی پرواز کے ذریعے اسلام آباد انٹرنیشنل ایئرپورٹ پہنچی تھی، جو بغیر ویزے کے پاکستان داخل ہونا چاہتی تھی۔

    ذرائع کا کہنا ہے کہ امریکی خاتون قطر ایئرلائن کے ذریعے دوحہ سے اسلام آباد آئی تھی، جب فیڈرل انویسٹی گیشن ایجنسی (ایف آئی اے) کے اہلکاروں نے سونیا کا پاسپورٹ چیک تو معلوم ہوا کہ مذکورہ خاتون بغیرویزہ پاکستان پہنچی ہے۔ امیگریشن حکام خاتون کو اسی فلائٹ سے واپس روانہ کردیا۔

    خیال رہے کہ اس سے قبل بھی امیگریشن حکام کی جانب سے بغیر ویزہ پاکستان آنے والے امریکی شہریوں کو ڈی پورٹ کیا گیا ہے۔

    یاد رہے کہ سنہ 2016 میں بھی ایک امریکی خاتون بغیر ویزہ پاکستان پہنچی تھی جسے امیگریشن حکام نے ایئرپورٹ سے ہی واپس بھیج دیا تھا۔