ARYNews.tv | Urdu – Har Lamha Bakhabar

Tag: امریکی ریاست

  • سیاحوں کی گاڑی خوفناک حادثے کا شکار، 7 افراد ہلاک

    سیاحوں کی گاڑی خوفناک حادثے کا شکار، 7 افراد ہلاک

    امریکی ریاست آئڈاہو میں ایک ہولناک ٹریفک حادثے میں سات افراد ہلاک جبکہ متعد افراد زخمی ہو گئے۔

    آئڈاہو اسٹیٹ پولیس کے مطابق یہ افسوسناک واقعہ یلو اسٹون نیشنل پارک کے قریب ہنری پر پیش آیا ہے جہاں ایک سیاحتی وین اور پک اپ ٹرک آپس میں ٹکرا گئے۔

    مسافر وین میں 14 افراد سوار تھے جس میں سے 6 غیر ملکی شامل تھے جبکہ ٹرک ڈرائیور موقع پر ہی جان کی بازی ہار گئے۔

    رپورٹ کے مطابق حادثہ اتنا خوفناک تھا کہ دور سے فضا میں بلند شعلے اور کالا دھواں دیکھا گیا، حادثے کے بعد ہائی وے کو کئی گھنٹے کے بعد دوبارہ کھول دیا گیا، پولیس کا کہنا ہے کہ حادثے کی وجوہات تاحال معلوم نہیں ہو سکیں اور اس کی تحقیقات جاری ہیں۔

    حادثے کے بعد دو زخمیوں کو اسپتال منتقل کیا گیا، جہاں ان کی حالت مستحکم بتائی جاتی ہے۔ اسپتال انتظامیہ کے مطابق تین دیگر زخمیوں کو طبی امداد دے کر فارغ کر دیا گیا، جبکہ دو مریضوں کو مزید علاج کے لیے ایسٹرن آئڈاہو ریجنل میڈیکل سینٹر منتقل کیا گیا ہے۔

    https://urdu.arynews.tv/us-military-contracted-plane-crashes-4-killed/

  • امریکا میں بس الٹنے سے 7 افراد ہلاک، درجنوں زخمی

    امریکا میں بس الٹنے سے 7 افراد ہلاک، درجنوں زخمی

    امریکی ریاست مسیسپی میں بس الٹنے سے سات افراد ہلاک اور 37 زخمی ہوگئے۔

    غیر ملکی میڈیا رپورٹ کے مطابق امریکی ریاست مسیسپی میں بس الٹنے سے 7 افراد ہلاک ہوگئے، یہ حادثہ ٹائر میں خرابی کے باعث پیش آیا، مرنے والوں میں ایک 6 سالہ لڑکا اور اس کی 16 سالہ بہن بھی شامل ہیں۔

    مسیسپی ہائی وے پیٹرول کا کہنا ہے کہ حادثہ بووینا کے قریب وارن کاؤنٹی میں پیش آیا، زخمیوں کو وکسبرگ اور جیکسن کے اسپتالوں میں منتقل کردیاگیا۔

    حکام کے مطابق بس میں 47 افراد سوار تھے، جن میں سے بیشتر کا تعلق لاطینی امریکا سے ہے، حکام کا مزید کہنا ہے کہ دیگر ہلاک افراد کی شناخت کے لیے کام جاری ہے۔

  • امریکی خاتون نے 5 سالہ بچے کو نہایت ظالمانہ طریقے سے مار دیا

    امریکی خاتون نے 5 سالہ بچے کو نہایت ظالمانہ طریقے سے مار دیا

    ڈکوٹا: امریکی ریاست جنوبی ڈکوٹا میں ایک خاتون نے نہایت ظالمانہ طریقے سے 5 سالہ بچے کو جان سے مار دیا۔

    غیر ملکی میڈیا کے مطابق ساؤتھ ڈکوٹا کی 21 سالہ خاتون جولیا لی کارٹر نے گھر میں پانچ سالہ بچے کے پیٹ میں لاتیں مار کر اور اس کے پیٹ پر زور سے پاؤں مار کر اسے قتل کر دیا۔

    یہ افسوس ناک واقعہ جنوبی ڈکوٹا کے شہر میچل میں تین دن قبل پیش آیا، پولیس کا کہنا تھا کہ پیر کو ایک خاتون کی کال آئی، اس نے بتایا کہ بچہ سانس نہیں لے رہا ہے، اس کے بعد وہ پیس اسپتال گئی، جہاں بچے کو مردہ قرار دیا گیا۔

    پولیس نے اکیس سالہ خاتون کو گرفتار کر کے اس کے خلاف فرسٹ ڈگری قتل، اور بچے پر ظالمانہ تشدد کی دفعات کے تحت مقدمہ درج کر دیا۔

    ماں نے نومولود بچے کو کھڑکی سے باہر کیوں پھینکا؟

    میچل حکام کا کہنا تھا کہ پانچ سالہ بچے کو جب 23 جون کو اسپتال کی ایمرجنسی میں لایا گیا تو وہ سانس نہیں لے رہا تھا، اسپتال عملے نے جان بچانے والے طبی اقدامات کیے تاہم بچہ مر چکا تھا۔

    بعد ازاں، آٹوپسی سے اس بات کا تعین ہوا کہ بچہ پیٹ میں شدید چوٹیں لگنے سے ہلاک ہوا، موت بھی قتل قرار دی گئی، پولیس کا کہنا تھا کہ خاتون کارٹر نے بھی اعتراف کیا کہ اس نے بچے کے پیٹ میں 5 مرتبہ لات ماری، اور پھر زمین پر پڑے ہوئے بچے کے پیٹ پر زور سے پیر مارا۔

    پولیس کے مطابق خاتون کارٹر بچے کے ساتھ ایک ہی گھر میں رہائش پذیر تھی، بچے کے ساتھ اس کا تعلق اور بچے کو مارنے کی وجہ معلوم نہیں ہو سکی ہے۔

  • جج کا بیٹا دوست کے گھر جاتے ہوئے لاپتہ

    جج کا بیٹا دوست کے گھر جاتے ہوئے لاپتہ

    امریکی ریاست مزوری میں سابق گورنر کا بھانجا اور جج کا بیٹا دوست کے گھر جاتے ہوئے لاپتہ ہوگیا۔

    مقامی امریکی نشریاتی ادارے کے مطابق 25 سالہ الیگزنڈر ہولڈن رات کے ڈھائی بجے دوست کے گھر جانے کے لیے اپنے گھر سے نکلا۔ ہولڈن کی گرل فرینڈ پیری کے مطابق وہ اسے کہہ کر نکلا کہ وہ رات اپنے دوست کے گھر پر گزارنے جارہا ہے۔

    پیری کا کہنا ہے کہ ہولڈن کے دوست کا گھر اس کے گھر سے کچھ فاصلے پر واقع تھا اور درمیان میں ایک رننگ ٹریک پڑتا تھا۔ ہولڈن ایک میراتھون رنر تھا چنانچہ وہ اس ٹریک کو بھاگ کر عبور کیا کرتا تھا۔

    اس کے مطابق ہولڈن کے ساتھ ممکنہ طور پر اسی ٹریک پر کوئی ناخوشگوار واقعہ پیش آیا ہے۔

    25 سالہ ہولڈن ریاست مزوری کے جج کا بیٹا ہے جبکہ اس کے انکل باب ہولڈن مزوری کے گورنر بھی رہ چکے ہیں۔ واقعے کے بعد جج نے پولیس کو بتایا کہ اس سے قبل ایسا کبھی نہیں ہوا کہ ان کا بیٹا گھر سے بغیر بتائے غائب ہوگیا ہو۔

    مقامی پولیس نے اپنے ٹویٹر اکاؤنٹ پر ہولڈن کی تصویر اور حلیہ پوسٹ کرنے کے بعد لوگوں سے مدد مانگی ہے کہ انہیں اس بارے میں کوئی اطلاع موصول ہو تو وہ فوراً پولیس کو اطلاع دیں۔

  • امریکا میں بھی پولیس انکاؤنٹر، 2 ڈاکوؤں سمیت 4 افراد ہلاک

    امریکا میں بھی پولیس انکاؤنٹر، 2 ڈاکوؤں سمیت 4 افراد ہلاک

    فلوریڈا: امریکا میں ایک پولیس انکاؤنٹر میں 2 ڈاکوؤں سمیت چار افراد ہلاک ہو گئے۔

    تفصیلات کے مطابق امریکی ریاست فلوریڈا میں پولیس نے ڈاکوؤں کا پیچھا کرتے ہوئے ٹرک پر فائرنگ کر دی، جس کے نتیجے میں ٹرک میں سوار 2 ڈاکوؤں سمیت 4 افراد ہلاک ہو گئے۔

    امریکی پولیس کا کہنا ہے کہ ملزمان جیولری شاپ میں واردات کے بعد فرار ہو رہے تھے، اطلاع پر پولیس موقع پر پہنچ گئی، پولیس نے ڈاکوؤں کا پیچھا کرتے ہوئے ان پر فائرنگ کر دی، جس سے دو ڈاکو مارے گئے۔

    مارے گئے افراد میں ٹرک ڈرائیور بھی شامل تھا جسے ڈاکوؤں نے اغوا کر لیا تھا، جب کہ موقع واردات پر ایک کار میں موجود شخص بھی فائرنگ کی زد میں آ گیا تھا۔

    یہ بھی پڑھیں:  امریکا میں مسلسل فائرنگ کے واقعات، آج بھی 3 افراد ہلاک

    پولیس کے مطابق ڈاکوؤں کا پیچھا میامی سے میرامار تک کیا گیا، جہاں پارک وے پر شدید ٹریفک جام کی وجہ سے ڈاکوؤں کو جا لیا گیا، اور شدید فائرنگ میں چار افراد مارے گئے۔ ڈاکوؤں نے جیولری شاپ سے فرار ہوتے ہوئے ایک یو پی ایس ٹرک ہائی جیک کر لیا تھا۔

    حکام نے ڈاکوؤں کے علاوہ بے گناہ افراد کی ہلاکت پر ان کے اہل خانہ سے اظہار تعزیت کرتے ہوئے کہا کہ اس سلسلے میں کچھ نہیں کہا جا سکتا، اور بھی کئی سوال ہیں جن کا جواب ان کے پاس نہیں۔

  • امریکی ریاست پنسلوانیا میں فائرنگ، چھ پولیس افسر زخمی

    امریکی ریاست پنسلوانیا میں فائرنگ، چھ پولیس افسر زخمی

    واشنگٹن : امریکی ریاست پنسلوانیا میں مسلح شخص نے فائرنگ کرنے چھ پولیس افسران کو زخمی کردیا، پولیس نے طویل جدوجہد کے بعد ملزم کو گرفتار کرلیا۔

    غیر ملکی خبر رساں ادارے کے مطابق فائرنگ کا افسوس ناک واقعہ امریکی ریاست پنسلوانیا کے شہر فلاڈیلفیا میں اس وقت پیش آیا جب پولیس اہلکار منشیات فروش کو گرفتار کرنے پہنچے۔

    غٖیر ملکی خبر رساں ادارے کا کہنا تھا کہ منشیات فروش نے پولیس کو دیکھتے ہی ان پر فائرنگ شروع کردی جس کے نتیجے میں چھ افسران زخمی ہوگئے۔

    امریکی میڈیا کا کہنا تھا کہ پولیس نے مسلح شخص سے ہتھیار ڈالنے کا مطالبہ کیا تو مذکورہ شخص نے طویل مؤقف اختیار کیا۔

    سوشل میڈیا پر ایک ویڈیو جاری ہوئی ہے جس میں ملزم کو ہاتھ اٹھائے گھر سے باہر آتے دیکھا جاسکتا ہے، امریکی میڈیا نے ملزم کا نام مورائس ہل بتایا ہے۔

    بی بی سی کی رپورٹ کے مطابق ملزم کے وکیل شاکا جانسن نے ملزم اور پولیس کے درمیان مذاکرات کرانے میں مدد کی۔

    پولیس کا کہنا ہے کہ کمانڈو ٹیم نے مسلح شخص کے گھر سے دو پولیس افسر اور تین دیگر افراد کو ریسکیو کیا۔

    مقامی خبر رساں ادارے کا کہنا تھا کہ مسلح شخص نے دعویٰ کیا کہ وہ پورے واقعے کی فیس بُک پر لائیو اسٹریمنگ کررہا تھا۔

    امریکا میں فائرنگ، دو افراد ہلاک، ایک پولیس اہلکار زخمی

    یاد رہے کہ رواں ماہ کی یکم تاریخ کو امریکی ریاست مسیسپی میں واقع معروف شاپنگ مال وال مارٹ میں بھی فائرنگ ہوئی تھی جس کے نتیجے میں دو افراد ہلاک اور ایک پولیس اہلکار زخمی ہوگیا تھا۔

    امریکا میں فائرنگ کے مختلف واقعات، 16 افراد ہلاک

    خیال رہے کہ گذشتہ ماہ جون میں امریکا میں چوبیس گھنٹے کے دوران ملک کی مختلف ریاستوں میں فائرنگ کے اکسٹھ واقعات ریکارڈ ہوئے تھے۔

  • سمندری طوفان ’مائیکل‘ آج امریکی ریاست فلوریڈا سے ٹکرائے گا

    سمندری طوفان ’مائیکل‘ آج امریکی ریاست فلوریڈا سے ٹکرائے گا

    واشنگٹن : امریکی ریاست فلوریڈا سے خطرناک طوفان آج ٹکرائے گا، امریکی حکام نے ہوریکین مائیکل کے خطرے کے پیش نظر ریاست میں ایمرجنسی نافذ کرتے ہوئے شہریوں کو محفوظ ماقات پر منتقل ہونے کا حکم دے دیا۔

    تفصیلات کے مطابق امریکی ریاست کیرولینا کے بعد ریاست فلوریڈا کو بھی خوفناک سمندری طوفان نے گہرے میں لے لیا، محکمہ موسمیات کا کہنا ہے کہ آگ فلوریڈا سے ٹکرانے والا سمندر طوفان ہوریکین مائیکل مزید شدت اختیار کرگیا ہے۔

    امریکی خبر رساں ادارے کا کہنا ہے کہ خطرناک سمندری طوفان ہوریکین مائیکل کے باعث ریاست میں 130 کلومیٹر فی گھنٹہ کی رفتار سے ہوائیں چلنا شروع ہوگئی اور طوفان کسی وقت شہر سے ٹکرا جائے گا۔

    امریکی حکام کی جانب سے شہریوں کو وارننگ جاری محفوظ مقامات پر منتقل ہونےکی ہدایات جاری کردی گئی جس کے بعد 3 لاکھ 70 ہزار سے زائد افراد محفوظ مقام کی جانب منتقل ہورہے ہیں۔

    امریکی خبر رساں اداروں کا کہنا ہے کہ سیلاب اور طوفانی بارشوں کے نتیجے میں وسطی امریکا میں 13 افراد ہلاک ہوچکے ہیں۔

    امریکی حکام نے خطرناک سمندری طوفان کے پیش نظر فلوریڈا میں جارجیا اور الاباما کی طرح ایمرجنسی نافذ کردی ہے۔ محکمہ موسمیات کا کہنا ہے کہ مستقبل قریب میں فلوریڈا سے ٹکرانے والا طوفان مائیکل کیٹیگری 4 میں تبدیل ہوگیا ہے جو انتہائی خطرناک ہے۔

    امریکی میڈیا کا کہنا کہ مائیکل کے باعث ریاست میں شدید تباہی اور انسانی جانوں کو خطرات لاحق ہوگئے ہیں۔

    خیال رہے کہ گذشتہ ماہ امریکی ریاست شمالی کیرولینا کے سمندر سے اٹھنے والے خطرناک طوفان ’فلورنس‘ امریکا کے مشرقی ساحل پر اپنی تباہ کاریوں کا آغاز کرتے ہوئے شیرخواربچے سمیت 14 افراد کو ہلاک کیا تھا۔ طوفان اور بارش کے باعث ہزاروں گھر اور گلیوں میں پانی بھر گیا تھا جبکہ متاثرہ علاقے کے شہری بجلی سے بھی محروم ہوگئے تھے۔

  • امریکی ریاست ہوائی میں طوفان کا خطرہ، ہنگامی حالت کا اعلان

    امریکی ریاست ہوائی میں طوفان کا خطرہ، ہنگامی حالت کا اعلان

    ہوائی : امریکی ریاست ہوائی میں طوفان کے خطرے کے پیش نظر ہنگامی حالت کا اعلان کردیا گیا ہے اور شہریوں کو دو ہفتے کا راشن پانی جمع کرنے کی بھی ہدایت کی ہے۔

    تفصیلات کی مطابق امریکی ریاست ہوائی میں طوفان کا خطرہ ہے جس کے باعث صدر ٹرمپ نے قومی ہنگامی حالات کا اعلان کر دیا اور انتظامیہ کی جانب سے شہریوں کو 2 ہفتے کا راشن پانی جمع کرنے کی ہدایت جاری کی گئی ہے۔

    امریکی میڈیا کے مطابق ریاست ہوائی میں آج اور کل سرکاری دفاتر بند رہیں گے۔

    حکام کا کہنا ہے کہ طوفان کیٹگری 3 کا ہے، تاہم اب بھی بڑے طوفان کا خدشہ ہے، طوفان ہونولولو کے جنوب میں 260 میل دور ہے، ہوائی میں 30 سینٹی میٹر بارش ہوچکی ہے۔

    طوفان کا انتباہ اوہائیو، مایوئی اور ہوائی کاؤنٹی کے لیے ہے۔

    امریکی محکمہ موسمیات کے مطابق سمندری طوفان لَین اس وقت انتہائی طاقتور طوفانوں کی کیٹگری پانچ میں پہنچ گیا ہے جبکہ اس کے ساتھ چلنے والی ہواؤں کی رفتار300 کلومیٹر فی گھنٹہ سے زائد ہے۔

    امریکی حکام نے ہوائی کے علاقے کے لوگوں کو خبردار کیا ہے کہ سمندری طوفان کے ٹکرانے سے قبل ہر ممکن احتیاطی تدابیر اختیار کر لیں کیونکہ یہ شدید نقصان کا باعث بن سکتا ہے۔

    دوسری جانب امریکی میڈیا کو نیشنل اوقیانوس اور ماحولیاتی منتظم نے بتایا کہ بادلوں میں طوفانی لائن کو دیکھا گیا ہے، طوفانی لائن بحر اوقیانوس کے اوپر موجود ہے جو ایک خطرناک طوفان کی علامت ہے۔

    نیشنل اوقیانوس اور ماحولیاتی منتظم کے مطابق اس طوفانی لائن سے شدید بارشوں کا سلسلہ اور بڑے پیمانے پرتیز و تند ہواؤں اور شدید بارش کے باعث سیلاب کی صورتحال ہیدا کرنے والا یہ طوفانی بادلوں کی لائن امریکی جزیروں کے قریب ہوتا جارہا ہے۔

    امریکی پیش گوئی کرنے والوں نے خبردار کیا ہے کہ یہ طوفان بگ جزیرہ شدید نقصان پہنچا سکتا ہے۔

  • امریکا میں سلاد کے پتے کھانے سے ایک شخص ہلاک، سینکڑوں بیمار پڑ گئے

    امریکا میں سلاد کے پتے کھانے سے ایک شخص ہلاک، سینکڑوں بیمار پڑ گئے

    واشنگٹن: امریکا کے مختلف علاقوں میں ’رومین لیٹس‘ نامی سلاد کے پتے کھانے سے ایک شخص ہلاک اور سینکڑوں  بیمار پڑ گئے۔

    تفصیلات کے مطابق گذشتہ روز امریکا کے مختلف علاقوں میں سلاد کے پتوں میں مخصوص بیکٹیریا ہونے کے باعث کھانے والے سینکڑوں شہری سخت بیمار ہوگئے جن میں سے ایک شخص کی ہلاکت کی تصدیق کی جاچکی ہے، جبکہ بیمار افراد کو علاج معالجے کے لیے اسپتال منتقل کیا جاچکا ہے۔

    امریکی حکام کی جانب سے لوگوں کو یہ ہدایت دی گئی ہے کہ اگر انہوں نے کہیں سے بھی ’رومین لیٹس‘ نامی سلاد کے پتے خریدے ہیں تو اسے فوراً پھینک دیں، یہ سلاد اس وقت تک استعمال نہ کریں جب تک انہیں یہ یقین نہ ہو جائے کہ اسے ریاست ایری زونا کے علاقے یوما میں نہیں اگایا گیا ہو۔

    پپیتے کے بیج بے شمار فائدوں کا باعث

    دوسری جانب ماہرین امریکی ریاست ایری زونا میں قائم دو درجن فارموں کا معائنہ کر رہے ہیں اور ان کی پیداوار کے نمونوں کا تجزیہ بھی کیا جارہا ہے جبکہ طبی ماہرین کا کہنا ہے کہ سلاد میں موجود ’ای کولی‘ نامی بیکٹیریا کا حملہ بہت شدید ہوتا ہے اور اس کے نتیجے میں زیادہ تر مریضوں کو اسپتال داخل ہونا پڑتا ہے۔

    پپیتہ:ہزاروں خوبیوں سے لبریز،زود ہضم پھل

    خیال رہے کہ اس سے قبل امریکا میں ’ای کولی‘ بیکٹیریا نے 2006 میں وبائی شکل اختیار کی تھی، 2006 میں اس بیکٹیریا نے 200 سے زیادہ لوگوں کو بیمار کر دیا تھا، جبکہ ماضی میں ہونے والے حملے کے بعد یہ اس بیکٹیریا کا دوسرا بڑا حملہ ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • امریکی ریاست میری لینڈ میں فائرنگ، 3 ہلاک، دو زخمی

    امریکی ریاست میری لینڈ میں فائرنگ، 3 ہلاک، دو زخمی

    ایج ووڈ: امریکی ریاست میری لینڈ میں فائرنگ کے باعث تین افراد ہلاک اور دو زخمی ہوگئے جن کی حالت تشویش ناک بتائی جاتی ہے۔

    تفصیلات کے مطابق امریکی ریاست میری لینڈ کے شہری ایج ووڈ میں واقع آفس پارک میں نامعلوم شخص کی جانب سے فائرنگ کا واقعہ پیش آیا ہے جس کے نتیجے میں 3 افراد ہلاک اور 2 زخمی ہوگئے۔

    ایج ووڈ پولیس نے کہا ہے کہ واقعہ بدھ کی صبح پیش آیا اور اب تک کی اطلاعات کے مطابق حملہ آور 37 سالہ لبیب پرنس نامی ایک شخص ہے جس نے پارک میں موجود افراد پر فائر کھول دیا، ملزم کی تلاش میں چھاپے مارے جارہے ہیں۔

    Image: Suspect at large Radee Labeeb Prince
    پولیس کو اس مشکوک شخص کی تلاش

    اینٹی ٹیرر فورس کے مطابق اسپیشل ایجنٹ جائے وقوع کا معائنہ کررہے ہیں تاکہ مقامی پولیس کی مدد کی جاسکے۔

    پولیس کے مطابق واقعے کے فوری بعد شہر کے پانچ اسکول بند کردیے گئے، طلبا کو اندر محصور کردیا گیا اور کسی بھی شخص کے اسکول میں داخلے کو بھی منع کردیا گیا تاکہ مزید کوئی ناخوشگوار واقعہ پیش نہ آسکے۔

    پولیس کا مزید کہنا ہے کہ واقعے کی ہر زاویے سے تفتیش جاری ہے، حملہ آور کون تھا اور اس فائرنگ کا مقصد کیا تھا جلد سب کچھ واضح ہوجائےگا۔

    خیال رہے کہ امریکا میں اسکولوں کے اندر فائرنگ کے کئی واقعات پیش آچکے ہیں اسی لیے پولیس نے سب سے پہلے نزدیک واقعے تمام اسکول بند کرادیے کہ کہیں حملہ آور پارک میں فائرنگ کرکے کسی اسکول میں داخل نہ ہوجائے۔