ایک انتہائی افسوسناک واقعے میں 12 سالہ بچی نے آئی فون پر ہونے والی لڑائی کے بعد اپنی 8 سالہ کزن کو موت کی نیند سلا دیا۔
امریکی ریاست ٹینیسی میں یہ دل دہلادینے والا واقعہ پیش آیا، پیر کے روز ڈیمیریا ہولنگز ورتھ نامی لڑکی کو اسکی 12 سالہ کزن نے قتل کیا، حکام نے بالغ نہ ہونے کی وجہ سے مذکورہ قاتل لڑکی کی شناخت ظاہر نہیں کی ہے۔
استغاثہ نے بتایا کہ جس لڑکی کو قتل کے الزام میں گرفتار کیا گیا ہے وہ اگلے ہفتے 13 سال کی ہو جائے گی۔
ہولنگز ورتھ کا تعلق جنوبی کیرولائنا سے ہے، اس کی ماں نے بتایا کہ دونوں لڑکیاں گرمیوں میں اپنی دادی کے ہاں رہنے گئی تھیں، ماں نے بتایا کہ دونوں میں آئی فون پر جھگڑا ہوا جو اس کی بیٹی کی موت کا باعث بنا۔
متاثرہ ماں نے بتایا کہ میں وہاں اپنے بچے کو لینے جانا چاہیے تھا، لیکن وہ گرمیوں میں مزے کر رہے تھے اور مجھے نہیں لگتا تھا کہ وہ میری بیٹی کو مار دے گی۔
واقعے کے دو دن بعد، ہوم سیکیورٹی فوٹیج سے پتا چلا کہ ہولنگز ورتھ کو اس کی کزن منہ پر تکیہ رکھ کر قتل کررہی ہے جبکہ مقتول لڑکی اس دوران سورہی تھی۔
پراسیکیوٹر فریڈرک ایجی نے کہا کہ ویڈیو میں دکھایا گیا ہے کہ 12 سالہ بچی اپنے پورے وزن کے ساتھ بستر پر بیٹھی ہوئی ہے جبکہ 8 سالہ بچی سو رہی ہے اور قاتل لڑکی گدے سے اسکے چہرے کو ڈھانپ رہی ہے۔
12 سالہ لڑکی پر فرسٹ ڈگری قتل کا الزام عائد کیا گیا ہے، پراسیکیوٹر نے کہا کہ وہ جمعہ کی سماعت پر جج سے درخوات کریں گے کہ اس کیس کو بالغ عدالت میں منتقل کیا جائے۔
