Tag: امریکی ریاست ٹیکساس

اکیلے پن سے تنگ بوڑھے شخص نے سچا پیار ڈھونڈنے اور شادی کرنے کے لیے بل بورڈ پر اشتہار لگوادیا۔

امریکی ریاست ٹیکساس میں رہنے والے 70 سالہ شہری نے اپنے لیے سچی محبت اور شریک سفر ڈھونڈنے کے لیے دلچسپ طریقہ اختیار کیا۔ بوڑھے نے اپنی شادی کا اشتہار سڑک پر موجود بڑے سائز کے بل بورڈ پر لگوادیا جس کے لیے وہ ہفتہ وار 320 پاؤنڈ کی بھاری رقم بھی ادا کرتا ہے۔

بڑے سے بل بورڈ پر اس نے ایک ساتھی کی خواہش کا اظہار کیا ہے جبکہ اس شخص نے بل بورڈ پر اپنی تصویر بھی آویزاں کروائی ہے۔

سویٹ واٹر نامی علاقے میں لگایا گیا یہ اشتہار کافی مشہور ہوچکا ہے اور کئی خواتین کی توجہ حاصل کررہا ہے۔ ال گلبرٹی نامی شخص کو صرف دو ہفتوں میں 400 سے زیادہ کالز اور 50 ای میلز موصول ہوچکی ہیں۔

20 فٹ اونچے بل بورڈ پر ال گلبرٹی کی ایک تصویر دکھائی گئی ہے جس کے متن کے ساتھ لکھا گیا ہے کہ ’سویٹ واٹر میں رہنے والا اکیلا شخص خاتون کے ساتھ شادی کا خواہشمند ہے۔‘

پہلے شادی شدہ اور بچوں کے والد اس بوڑھے شخص کا کہنا ہے کہ زیادہ تر کالیں لوگوں کی طرف سے اس کے پیسے کی وجہ آئی ہیں، لیکن وہ پُرامید ہیں کہ انھیں جلد ہی ’مس رائٹ‘مل جائے گی۔

انھوں نے کہا کہ کہ وہ برطانیہ بھی چلے جائیں گے اگر انھیں اپنی زندگی کی محبت مل گئی۔ مجھے صرف دو ہفتوں میں 400 سے زیادہ کالز اور شاید 40 یا 50 ای میلز موصول ہوئی ہیں۔

واشنگٹن: امریکا کی جنوبی ریاستوں میں بارشوں اور طوفان نے تباہی مچادی جس کے نتیجے میں 8 افراد ہلاک اور 30 سے زائد زخمی ہوگئے۔

غیرملکی خبررساں ادارے کے مطابق امریکا کی جنوبی ریاستوں ٹیکساس، آرکناس، لوزینا اور جارجیا میں بارشوں نے سیلابی صورت حال اختیار کرلی جس کے نتیجے میں 8 افراد ہلاک اور 30 سے زائد زخمی ہوگئے، ہلاک ہونے والوں میں تین بچے بھی شامل ہیں۔

رپورٹ کے مطابق زیادہ تر ہلاکتیں درختوں کے جڑوں سے اکھڑ جانے کے باعث پیش آنے والے حادثات کے نتیجے میں ہوئیں یا پھر اچانک آنے والے سیلاب کے سبب ہلاکتیں ہوئیں۔

امریکی ریاست ٹیکساس میں فرینکلن نامی قصبہ ٹورنادو سے تباہ ہوگیا، اسی طرح ریاست میسیسپی کے ہیملٹن نامی چھوٹے سے شہر میں طوفانی ہواؤں کے باعث درجنوں گھر زمیں بوس ہوگئے۔

طوفانی ہواؤں کی یہ لہر اب ریاست نیویارک اور ملکی دارالحکومت واشنگٹن کی طرف بڑھ رہی ہے۔

ریسکیو اداروں کے ترجمان کا کہنا ہے کہ مشرقی ٹیکساس کے تاریخی مقام پر ثقافتی میلے کے دوران بگولے نے تباہی مچادی جس کے نتیجے میں ایک خاتون ہلاک اور 24 افراد زخمی ہوگئے۔

مزید پڑھیں: امریکا: طوفان کے باعث ندی نالوں میں طغیانی، کئی علاقے سیلاب کی زد میں آگئے، دو افراد ہلاک

واضح رہے کہ گزشتہ ماہ امریکا کی وسطی ریاستوں میں طوفان کے باعث ندی نالوں میں طغیانی کے نتیجے میں 2 افراد ہلاک ہوگئے تھے۔

خیال رہے کہ گذشتہ سال مئی میں امریکا میں طوفانی بارشوں اور سیلاب نے تباہی مچادی تھی، جبکہ دوسری جانب برطانیہ میں بھی شدید بارشوں کے باعث سڑکیں تالاب بنی اور ایک شخص ہلاک ہوگیا تھا۔