کیلی فورنیا: امریکی ریاست کیلی فورنیا اور پنجاب کو سسٹر اسٹیٹ قرار دینے کا فیصلہ کرلیا گیا اور تمام پارلیمانی لیڈرز نے سسٹر ریاست قرار دینے کے بل کی حمایت کردی۔
تفصیلات کے مطابق گورنر پنجاب چوہدری محمدسرورکے دورہ امریکا میں امر یکی ریاست کیلی فورنیا اور پنجاب کوسسٹر اسٹیٹ قرار دینے کا فیصلہ کرلیا جبکہ کیلی فورنیا اسمبلی گیلری میں گورنر چوہدری سرور کی موجود گی میں مذکورہ بل بھی پیش کیا گیا۔
تمام پارلیمانی لیڈرز نے پنجاب اور کیلی فورنیا کو سسٹر ریاست قرار دینے کے بل کی حمایت کی اور کیلی فورنیا نے پنجاب میں صحت ،تعلیم سمیت دیگر شعبوں میں اصلاحات کیلئے تعاون کا اعلان کیا۔
A Bill has been moved in #California State Assembly by majority of its members to declare #Punjab & California as "Sister States". This is indeed a Landmark in Pakistan/US relations as California's Econ is largest in US w SiliconValley&fastest growing industry esp Agriculture 1/2 pic.twitter.com/Yy1uuk9zVN
— Mohammad Sarwar (@ChMSarwar) June 2, 2021
گورنر پنجاب نے کیلی فورنیا اور پنجاب کو سسٹر اسٹیٹ قرار دینے کے فیصلے کو سراہا۔
اسپیکر کیلی فورنیا اسمبلی ودیگرممبران نے گورنر پنجاب چوہدری سرور کا بھر پور استقبال کیا ، گورنرپنجاب کےہمراہ قونصل جنرل لاس اینجلس عبد الجبار ،ڈیموکرٹیک رکن آصف محمودموجود تھے۔
اس موقع پر گورنرچوہدری سرور نے کہا دونوں صوبےایک دوسرے کےتجربات سے فائدہ حاصل کریں گے ، وزیر اعظم کی قیادت میں پاکستان سفارتی محاذ پربھی کامیاب ہورہاہے۔
چوہدری محمدسرور کا کہنا تھا کہ پاکستان دنیا میں امن کیلئے کردار ادا کر رہا ہے، دنیا ہماری معاشی ترقی کو تسلیم کر رہی ہے۔
