Tag: امریکی سفیر

کراچی: قمرزمان کائرہ نے کہا ہے کہ پرامن احتجاج سیاسی جماعتوں کا جمہوری حق ہے، احتجاج کے آئینی حق پر کوئی پابندی نہیں لگنی چاہئے۔

قمرزمان کائرہ نے پیپلزپارٹی کی سینٹرل ایگزیکٹیو کمیٹی کے اجلاس کے بعد میڈیا سے بات کرتے ہوئے کہا کہ پیپلزپارٹی کسی غیر آئینی عمل کو برداشت نہیں کرے گی، قمرزمان کائرہ کا کہنا تھا کہ سیاسی معاملے کا حل سیاسی انداز میں چاہتے ہیں۔

ان کا کہنا تھا کہ الیکشن کمیشن کی تشکیل نو اور نئے انتخابات کی اشد ضرورت ہے، تھرڈ امپائر اب صرف عوام ہیں،حکومت عوام کےمسائل حل کرنے کے وعدے پر ناکام ہوچکی ہے، چھ ماہ میں لوڈشیڈنگ کرنے کا صرف دعویٰ کیا گیا، الیکشن کے نتائج جمہوریت کی وجہ سے تسلیم کئے تاہم دھاندلی کی تحقیقات پیپلز پارٹی کا بھی مطالبہ ہے، سانحہ ماڈل ٹاﺅن سے متعلق گفتگو کرتے ہوئے ان کا کہنا تھا کہ عوامی تحریک کے چودہ کارکنان شہید ہوئے ہیں، عدالتی حکم کے مطابق ایف آئی آر درج کی جائے۔

کراچی: بجلی کی طویل بندش کیخلاف پیپلزپارٹی نے گزری میں کےالیکٹرک کےدفترکے سامنے احتجاج کیا جس میں کارکنوں کی بڑی تعداد نے شرکت کی، مظاہرین سے خطا ب میں شرجیل میمن کاکہناتھا وزیراعظم اور چوہدری نثار فوج کو عوام سے لڑانے کی سازش کررہے ہیں جس کومیاب نہیں ہونے دیں گے۔

ان کا کہنا تھا سندھ کے عوام کوووٹ نہ دینے کی سزا دی جارہی ہے، شرمیلا فاروقی کاکہناتھا وزیراعظم الیکشن سے پہلے کیے گئے وعدے پورے کریں، وزیراعلیٰ پنجاب کامینار پاکستان پرپنکھاجھلنے کاڈرامہ بھی کھل کرسامنے آگیا حکمرانوں نے کراچی کو کربلا بنا دیاہے، نثارکھوڑو کاکہناتھا سندھ کے عوام جانتے ہیں نواز لیگ ان کے ساتھ ایسا ہی سلوک روا رکھے کی، مظاہرین سے تاج حیدر سمیت دیگررہنماؤں نے بھی خطاب کیا، مظاہرے میں ایم کیوایم کے اراکین اسمبلی خالد احمد اورعدنان احمد نے بھی شرکت کی۔

گجرات:  پیپلز پارٹی کے مرکزی رہنما قمر زمان کائرہ کا کہنا ہے کہ پیپلز پارٹی میدان میں آگئی تو ن لیگ کی حکومت چند روز میں گھر چلی جائے گی۔

قمر زمان کائرہ کا کہنا تھاکہ ابھی تو عمران خان اور طاہرالقادری میدان میں اترے ہیں اور نون لیگ کی ٹانگیں کانپنا شروع ہو گئی ہیں، پیپلز پارٹی میدان میں آگئی تو نون لیگ کی حکومت چند روز میں گھر چلی جائے گی، قمر زمان کائرہ کا کہنا تھاکہ ن لیگ نےلوڈشیڈنگ کے نام پر احتجاجی ریلیاں نکالیں، مگر پیپلز پارٹی بدترین لوڈشیڈنگ کے باوجود نظام کو بچانے کی کوشش کر رہی ہے۔