امریکا میں لوگوں کا گھروں میں جانوروں کا پالنا عام شوق ہے لیکن ان دنوں شہری اپنے پالتو جانوروں کو چھوڑ رہے اور شیلٹر ہوم میں دے رہے ہیں۔
امریکی میڈیا کے مطابق امریکا میں بڑھتی مہنگائی کے باعث لوگ اپنے روزمرہ کے اخراجات پورے کرنے کے لیے مشکلات کا شکار ہو گئے ہیں اور مہنگائیکی وجہ سے وہ اپنے پالتو جانور چھوڑنے پر مجبور ہو رہے ہیں۔
رپورٹ کے مطابق حالیہ دنوں میں امریکا میں شیلٹرز میں پالتو جانوروں کی ’’اونر سرینڈر‘‘ کی شرح میں تیزی سے اضافہ دیکھنے میں آیا ہے۔
امریکی ریاست نارتھ کیرولائنا، چارلوٹ میں پالتو جانور چھوڑنے کے واقعات میں 43 فیصد تک اضافہ ہوا ہے۔
رپورٹ میں بتایا گیا ہے کہ جانوروں کے تحفظ کے مراکز چھوڑے گئے جانوروں سے بھر گئے ہیں اور شیلٹر انتظامیہ جگہ کی کمی کے باعث لوگوں کو مجبوراً ان کے جانور واپس کر رہے ہیں۔
امریکی شہریوں کا کہنا ہے کہ بڑھتی مہنگائی کی وجہ سے وہ اب پالتو جانوروں کا خرچہ ہیں اٹھا سکتے۔
امریکا میں جانوروں کا مہنگا علاج اور خوراک پالتو جانوروں کو چھوڑنے کی سب سے بڑی وجہ بتائی جا رہی ہے اور جانوروں کے تحفظ کے ادارے اس نئے بحران کی وجہ سے پریشان ہیں۔
