اسلام آباد: وزیر اعظم کے مشیر برائے سیاسی امور رانا ثنا اللہ نے بانی پاکستان تحریک انصاف (پی ٹی آئی) اور نومنتخب امریکی صدر ڈونلڈ ٹرمپ کو ایک جیسا قرار دے دیا۔

اے آر وائی نیوز کے پروگرام ’خبر‘ میں رانا ثنا اللہ نے کہا کہ بانی پی ٹی آئی اور ڈونلڈ ٹرمپ کے درمیان بہت مماثلت ہے، ڈونلڈ ٹرمپ جھوٹ بولتا رہا، غیر قانونی کام کرتا ہے اور کیپیٹل ہل پر حملہ کروایا۔

’ڈونلڈ ٹرمپ جو 4 سال امریکی صدر رہے اسٹیبلشمنٹ کے ساتھ پیش پیش رہے۔ یوٹرن لینا، جھوٹ بولنا اور دوسروں کا مذاق اڑانا بانی پی ٹی آئی اور نومنتخب امریکی صدر میں ایک جیسا ہے۔‘

امریکا چاہے تو عافیہ صدیقی کے بدلے بانی پی ٹی آئی کو لے جائے، رانا ثنا اللہ

رانا ثنا اللہ نے کہا کہ ڈونلڈ ٹرمپ کے صدر بننے سے ہم بالکل پریشان نہیں ہیں، عام بات ہوتی رہی ہے کہ ٹرمپ جیتے گا تو کیا ہوگا، کاملا ہیرس جیتے گی تو کیا ہوگا۔

وزیر اعظم کے مشیر سیاسی امور نے مزید کہا کہ پی ٹی آئی کی خام خیالی ہے کہ ڈونلڈ ٹرمپ آکر ان کی مدد کرے گا، وزیر اعظم شہباز شریف کو یقین ہے ٹرمپ بانی کے بارے میں بات نہیں کریں گے۔

اسلام آباد: گورنر سندھ کامران ٹیسوری کا کہنا ہے کہ نومنتخب امریکی صدر ڈونلڈ ٹرمپ کی جیت پر پاکستان میں مٹھائی بانٹنے والوں کا منہ کروا رہے گا۔

کامران ٹیسوری نے اپنے بیان میں کہا کہ ڈونلڈ ٹرمپ امریکا کے صدر بنے ہیں انہیں اور امریکا کو مبارک ہو، پاکستانیوں کو پاکستان اور اپنے لوگ مبارک ہوں۔

انہوں نے کہا کہ ڈونلڈ ٹرمپ کی جیت کا پاکستان میں جشن منانے والے خوش فہمی میں نہ رہیں، بیگانے کی شادی میں عبداللہ دیوانا مثال سنی تھی آج دیکھ بھی لی، خواہ مخواہ دیوانا ہونے والوں کو دیکھ کر افسوس ہوا ترس آیا۔

ان کا کہنا تھا کہ ڈونلڈ ٹرمپ کی جیت پر ڈھول بجانے والے پاکستانیوں کو صرف تھکان ملے گی، خدا کرے نومنتخب صدر امریکا کی معیشت بہتر بنائیں اور دنیا میں امن لائیں۔

قبل ازیں، گورنر سندھ نے آذربائیجان کی نگوروکاراباخ جنگ میں تاریخ ساز فتح کی مناسبت سے تقریب میں شرکت کی جہاں آذربائیجان کے سفر اور دیگر سفارتی عملے نے ان کا پرتپاک خیر مقدم کیا۔

تقریب میں کامران ٹیسوری کا کہنا تھا کہ جمہوریہ آذربائیجان کی قوم کو تاریخ ساز فتح پر مبارکباد پیش کرتا ہوں، پاک آذربائیجان دوطرفہ تعلقات کئی دہائیوں پر محیط ہیں۔

انہوں نے کہا کہ آذربائیجان سے تجارت میں اضافے کے خواہشمند ہیں، آذربائیجان کے انویسٹرز کو صوبے میں سرمایہ کاری کی دعوت دیتا ہوں، ایس آئی ایف سی منصوبہ سرمایہ کاروں کو ہر ممکن تعاون فراہم کرے گا۔

اسلام آباد: وزیر اعظم کے مشیر برائے سیاسی امور رانا ثنا اللہ کا کہنا ہے کہ امریکا چاہے تو عافیہ صدیقی کے بدلے بانی پی ٹی آئی کو لے جائے۔

اے آر وائی نیوز کے پروگرام ’خبر‘ میں رانا ثنا اللہ نے کہا کہ بانی پی ٹی آئی کی رہائی کیلیے امریکی دباؤ ایک مفروضہ ہے، اگر امریکا کی جانب سے کوئی کال آئی تو سوال اٹھے گا مگر یہ تو کہتے تھے ہم کوئی غلام ہیں؟

رانا ثنا اللہ نے کہا کہ ذاتی رائے ہے اگر نومنتخب امریکی صدر ڈونلڈ ٹرمپ بانی پی ٹی آئی کو مانگے تو جانے دینا چاہیے، شکیل آفریدی کیلیے امریکا نے بہت کوشش کی لیکن حکومت نے اسے رہا نہیں کیا۔

یہ بھی پڑھیں:

• بانی پی ٹی آئی کا ملٹری ٹرائل ہوگا یا نہیں؟
• خواجہ آصف نے بانی پی ٹی آئی کے ملٹری ٹرائل کا اشارہ دے دیا
• بانی پی ٹی آئی کا ملٹری ٹرائل ہو سکتا ہے، خواجہ آصف

وزیر اعظم کے مشیر نے کہا کہ بانی ملک سے باہر جاتے ہیں تو ان کی سیاست ختم ہو جائے گی، وہ ملک سے باہر جائیں گے تو واپسی کیلیے 10، 12 سال لگتے ہیں، جیل سے نکل کر باہر جائیں گے تو ان کی پارٹی تتر بتر ہو جائے گی۔

انہوں نے کہا کہ کسی شخص کو عدالتی نظام کے تحت سزا ہوئی ہے تو امریکا کو کہہ سکتے ہیں ہم کوئی غلام ہیں؟ امریکا بانی کی مدد کیلیے آتا ہے تو پھر دیکھا جائے گا، اگر امریکا بانی کی رہائی کی بات کرتا ہے تو ہم بھی کہہ سکتے ہیں ہم کوئی غلام ہیں؟

ان کا کہنا تھا کہ بانی اور ڈونلڈ ٹرمپ کے درمیان بہت مماثلت ہے، ڈونلڈ ٹرمپ جھوٹ بولتا رہا، غیر قانونی کام کرتا ہے اور کیپیٹل ہل پر حملہ کروایا۔

’ڈونلڈ ٹرمپ جو 4 سال امریکی صدر رہے اسٹیبلشمنٹ کے ساتھ پیش پیش رہے۔ یوٹرن لینا، جھوٹ بولنا اور دوسروں کا مذاق اڑانا بانی پی ٹی آئی اور نومنتخب امریکی صدر میں ایک جیسا ہے۔ ٹرمپ کے صدر بننے سے ہم بالکل پریشان نہیں ہیں۔ عام بات ہوتی رہی ہے کہ ٹرمپ جیتے گا تو کیا ہوگا، کاملا ہیرس جیتے گی تو کیا ہوگا۔‘

پروگرام میں رانا ثنا اللہ کا مزید کہنا تھا کہ کسی نے ڈونلڈ ٹرمپ پر تنقید کی ٹوئٹس ڈیلیٹ کی ہیں تو نہیں کرنی چاہیے۔ وزیر اعلیٰ پنجاب مریم نواز کی نومنتخب صدر پر تنقید بالکل درست ہے جبکہ مبارکباد سفارتی آداب ہیں۔

سابق وفاقی وزیر نے کہا کہ پی ٹی آئی کی خام خیالی ہے کہ ڈونلڈ ٹرمپ آکر ان کی مدد کرے گا، وزیر اعظم شہباز شریف کو یقین ہے ٹرمپ بانی کے بارے میں بات نہیں کریں گے۔

لندن: رہنما پاکستان تحریک انصاف (پی ٹی آئی) زلفی بخاری نے بانی کی طرف سے ڈونلڈ ٹرمپ کو امریکی صدارتی انتخاب میں جیت پر مبارکباد پیش کر دی۔

زلفی بخاری نے سماجی رابطوں کی سائٹ ایکس (سابق ٹوئٹر) پر لکھا کہ بانی اور پی ٹی آئی کی جانب سے ڈونلڈ ٹرمپ اور جے ڈی وانس کو جیت مبارک ہو۔

سابق وفاقی وزیر نے لکھا کہ ڈونلڈ ٹرمپ کی تمام چیلنجز کا مقابلہ کر کے صدارتی انتخاب میں کامیابی تاریخی واپسی ہے۔

ٹرمپ کی کامیابی کے بعد احسن اقبال نے تنقیدی پوسٹیں ہٹا دیں

قبل ازیں، چیئرمین پی ٹی آئی بیرسٹر گوہر خان نے اپنے بیان میں کہا کہ جمہوریت اسے ہی کہتے ہیں جو امریکا میں ہوا ہے، ووٹرز نے کسی رکاوٹ اور خوف کے بغیر اپنا حق استعمال کیا۔

بیرسٹر گوہر خان نے ڈونلڈ ٹرمپ کو صدر منتخب ہونے پر مبارکباد دیتے ہوئے کہا کہ رات کے اندھیرے میں ہمارے ایم این ایز کو اٹھایا جا رہا ہے، تونسہ سے ایم این اے کو گم کیا گیا ہے۔

دوسری جانب، سیکریٹری اطلاعات شیخ وقاص اکرم بولے کہ اب یہ سلسلہ بند ہونا چاہیے ورنہ نظام نہیں چل پائے گا۔