امریکی میڈیا نے دعویٰ کیا ہے کہ موجودہ امریکی صدر جوبائیڈن صدارت چھوڑنے سے پہلے یوکرین کیلئے ہتھیاروں میں اضافہ چاہتے ہیں۔

جوبائیڈن کی مدت صدارت جلد اختتام پذیر ہونے والی ہے جس کے بعد ڈونلڈ ٹرمپ دوسری باری امریکا کے اعلیٰ ترین عہدے پر براجمان ہونگے، ٹرمپ کی صدرات سے قبل ہی جوبائیڈن چاہے ہیں کہ روس کے خلاف برسرپیکار یوکرین کیلئے ہتھیاروں میں اضافہ کیا جائے۔

امریکی میڈیا کا کہنا ہے کہ موجودہ امریکی صدر بائیڈن یوکرین کیلئے ہتھیاروں میں اضافے کی منصوبہ بندی کررہے ہیں۔

یوکرین کا روس پر امریکی میزائلوں سے حملہ پاگل پن ہے: ڈونلڈ ٹرمپ

بائیڈن انتظامیہ کا مقصد یہ ہے کہ ٹرمپ کے اقتدار سنبھالنے سے پہلے یوکرین کےلیے ہتھیاروں میں اضافہ ہو، بائیڈن اپنے دور کے آخری ہفتے میں یوکرین کیلئے ہتھیاروں میں نمایاں اضافے کے خواہشمند ہیں۔

امریکی میڈیا کے مطابق امریکی محکمہ دفاع چند ہفتے میں یوکرین کیلئے ہتھیاروں کی بڑی کھیپ منتقل کرنے کی کوشش کررہا ہے۔

https://urdu.arynews.tv/russia-intensify-attacks-on-ukraine-before-trump/

نیویارک: امریکی صدر جوبائیڈن نے کہا ہے کہ غزہ میں جنگ بندی معاہدے کی فوری ضرورت ہے، مسئلہ فلسطین کا حل دو ریاستی حل ہے۔

بطور امریکی صدر جنرل اسمبلی کے اجلاس سے آخری خطاب جوبائیڈن کا کہنا تھا کہ فلسطینیوں کو اپنی ریاست میں رہنے کا حق ملنا چاہیے، غزہ میں صورتحال خراب ہے مگرسفارتی حل اب بھی ممکن ہے، غزہ کے شہری اور یرغمالی ہولناک صورتحال سے گزر رہے ہیں۔

جوبائیڈن نے کہا کہ مغربی کنارے میں معصوم فلسطینیوں پر تشدد کو کو روکنا ہوگا، مسئلہ فلسطین کا حل دو ریاستی حل ہے، غزہ میں ہزاروں فلسطینی اور بچے انتہائی مشکل حالات سے گزر رہے ہیں۔

انھوں نے کہا کہ مشرق وسطیٰ میں جنگ کسی کے مفاد میں نہیں، یقینی بنانا ہوگا کہ ایران جوہری ہتھیار حاصل نہ کرسکے، بطور صدر میں نے افغانستان میں جنگ ختم کرنے کا فیصلہ کیا۔

امریکی صدر نے کہا کہ میں جب امریکی صدر بنا تو اس وقت مسائل اور غیریقینی صورتحال تھی، صرف غزہ نہیں بلکہ سوڈان میں بھی بحران کو ختم کرنا ہوگا۔

انھوں نے کہا کہ دنیا میں آرٹیفشل انٹیلی جنس کیلئے قوانین بنارہے ہیں، اقتدار میں رہنےکی خواہش سے زیادہ عوام کو اہمیت دینے کی ضرورت ہے۔

امریکی صدر نے کہا کہ دنیا کو ماحولیاتی تبدیلیوں کا سامنا ہے، ہمیں نہیں بھولنا چاہیے کہ چیزوں کو بہتر کرسکتے ہیں، دنیا کو اس وقت ماحولیاتی تبدیلیوں سمیت دیگر چیلنجز کا سامنا ہے، ہمیں جارحیت کے خلاف ایک ساتھ کھڑا ہونا چاہیے، دہشت گردی، موسمیاتی تبدیلی سے ہمیں ملکر نمٹنا ہوگا۔

جوبائیڈن کا کہنا تھا کہ یوکرین میں پیوٹن کی جنگ ناکام ہو چکی ہے، اقوام متحدہ کے چارٹر کے مطابق یوکرین کو امن کا حق ہے، چین کے ساتھ معاشی مقابلے میں ذمہ داری کا مظاہرہ کرنا ہوگا۔

واشنگٹن : امریکی صدر جو بائیڈن نے لاکھوں تارکین وطن کے لیے بڑا اعلان کردیا، صدارتی اعلان کے نتیجے میں 5 لاکھ افراد کوشہریت ملے گی۔

تفصیلات کے مطابق صدر جو بائیڈن نے امریکی شہریوں سے شادیاں کرنے والے غیر قانونی تارکین وطن کو شہریت دینے کا اعلان کردیا۔

امریکی صدر نے کہا کہ وہ بارڈر امیگریشن پر سیاست کرنے میں کوئی دلچسپی نہیں رکھتے، ان کی دلچسپی مسائل حل کرنے میں ہے۔

نئے پروگرام سے ایسے غیر قانونی تارکین وطن فائدہ اٹھانے کے اہل ہوں گے، جنہیں سترہ جون تک امریکا میں دس سال مکمل ہوچکے ہوں۔

حکام کا کہنا ہے کہ امریکی شہریوں سے شادیاں کرنے والے تقریباً پانچ لاکھ غیرقانونی تارکین وطن اس پروگرام کے لیے اہل ہوں گے۔

اس نئے پروگرام کے تحت پچاس ہزار کے قریب اکیس سال سے کم عمر کے امریکی شہریت کے حامل بچوں کے والدین بھی امریکی شہریت کے لیے اہل ہوں گے۔