Tag: امریکی صدر ٹرمپ

واشگنٹن: امریکی صدر ڈونلڈ ٹرمپ نے اپنی بیٹی ایوانکا ٹرمپ سے متعلق خبروں کو جھوٹی اور جعلی قرار دے دیا۔

غیرملکی خبررساں ادارے کے مطابق امریکی صدر ڈونلڈ ٹرمپ بیٹی کے دفاع میں سامنے آگئے، ٹرمپ نے اپنی صاحبزادی ایوانکا ٹرمپ کی جانب سے سرکاری کاموں کے لیے ذاتی ای میل اکاؤنٹ استعمال کرنے کی خبر کو جھوٹی اور من گھڑت قرار دے دیا۔

امریکی صدر ڈونلڈ ٹرمپ نے کہا کہ سابق سیکریٹری آف اسٹیٹ ہیلری کلنٹن اور ٹاپ وائٹ ہاؤس ایڈوائزر ایوانکا ٹرمپ کی ای میلز کا موازنہ کرنا غلط ہے، ایوانکا کی تمام ای میلز صدارتی ریکارڈ پر ہیں، انہوں نے ہیلری کی طرح ای میلز کو ڈیلیٹ نہیں کیا ہے۔

دوسری جانب ڈیموکریٹس نے سرکاری کاموں کے لیے ذاتی ای میل اکاؤنٹ استعمال کرنے پر تحقیقات کا مطالبہ کردیا ہے۔

یہ پڑھیں: ایوانکا ٹرمپ نے انوکھی خواہش کا اظہار کردیا

امریکی میڈیا کے مطابق ایوانکا ٹرمپ نے گزشتہ سال حکومتی کاموں کے لیے کابینہ حکام، وائٹ ہاؤس مشیروں اور معاونین کو اپنے ذاتی ای میل اکاؤنٹ سے سیکڑوں ای میل بھیجیں۔

امریکی میڈیا کا کہنا ہے کہ ذاتی اکاؤنٹ سے سرکاری کاموں کے لیے ای میلز بھیج کر ایوانکا ٹرمپ نے صدارتی ریکارڈز ایکٹ کی خلاف ورزی کی ہے۔

واضح رہے کہ اس سے قبل سابق وزیر خارجہ ہیلری کلنٹن پر بھی ذاتی ای میل اکاؤنٹ کے استعمال کا الزام لگایا گیا تھا جس پر انہیں شدید تنقید کا سامنا رہا، اس وقت ڈونلڈ ٹرمپ نے بطور صدارتی امیدوار اس معاملے کو اُٹھاتے ہوئے ہیلری کلنٹن کو بددیانت بھی قرار دیا تھا۔

واشنگٹن: امریکی صدر ڈونلڈ ٹرمپ کو پریس کانفرنس کے دوران خاتون صحافی کی تضحیک کرنے پر تنقید کا سامنا ہے۔

تفصیلات کے مطابق امریکی صدر ڈونلڈ ٹرمپ نے وائٹ ہاؤس میں پریس کانفرنس کے دوران اپنے روایتی مضحکہ خیز انداز کو برقرار رکھا، اس بار ان کے طنز کا نشانہ ایک خاتون صحافی سسیلیا ویگا تھیں، امریکی صدر کے غیرمتوقع ردعمل پر خاتون صحافی حیران اور پریشان رہ گئیں۔

امریکی صدر پریس کانفرنس کے لیے آئے تو انہوں نے خاتون صحافی سسیلیا ویگا کی جانب اشارہ کرتے ہوئے سوال پوچھنے کو کہا جیسے ہی خاتون صحافی سوال پوچھنے کھڑی ہوئیں تو ٹرمپ زیر لب بڑ بڑاتے ہوئے بولے کہ ’صحافی حیران ہیں کہ انہیں سوال پوچھنے کے لیے منتخب کیا گیا ہے۔‘

امریکی صدر زیر لب خاتون صحافی پر طنز کرتے رہے جبکہ امریکی صدر کے ساتھ کھڑے محافظ اور اسٹاف اراکین مسکراتے رہے، غیرمعمولی صورت حال پر خاتون صحافی پریشانی میں مبتلا دکھائی دیں۔

سسیلیا ویگا اپنے سوال میں امریکی صدر کے ٹویٹ کی وضاحت چاہ رہی تھی لیکن صدر ٹرمپ مسلسل خاتون صحافی کو ٹوکتے رہے اور کینیڈا، امریکا، مسیکیکو تجارتی معاہدے کے علاوہ کسی اور سوال کا جواب دینے سے صاف انکار کردیا، امریکی صدر نے دوسری خاتون صحافی کے ساتھ بھی یہی رویہ اپنائے رکھا۔

امریکی صدر ڈونلڈ ٹرمپ کے خاتون صحافی کے ساتھ طنزیہ اور غیرسنجیدہ رویہ رکھنے کی یہ ویڈیو سوشل میڈیا پر وائرل ہوگئی اور ٹرمپ پر خوب تنقید کی جارہی ہے، صارفین نے ٹرمپ کے رویے پر اعتراض کرتے ہوئے کہا ہے کہ امریکی صدر خواتین کی عزت کرنا نہیں جانتے۔

واضح رہے کہ امریکی خاتون اول میلانیا ٹرمپ نے ایک تقریب میں کہا تھا کہ ڈونلڈ ٹرمپ خواتین کی عزت کرتے ہیں جس پر تقریب میں موجود شرکاء قہقہہ لگانے پر مجبور ہوگئے تھے۔