Tag: امریکی صدر

واشنگٹن: امریکی صدر ڈونلڈ ٹرمپ کا کہنا ہے کہ ترک حکمران خطرناک راستے پرگامزن رہے تو ان کی ملکی معیشت تباہ کردیں گے۔

تفصیلات کے مطابق امریکی صدر ڈونلڈ ٹرمپ کا کہنا ہے کہ شام میں ترکی کے اقدام سے انسانی بحران جنم لے رہا ہے، ترک افواج کی کارروائی سے شہریوں اور خطے کے امن واستحکام کو خطرہ ہے۔

ڈونلڈ ٹرمپ نے کہا کہ ترکی کی معیشت کوفوری تباہ کرنے کے لیے تیار ہیں، ترک حکمران خطرناک راستے پرگامزن رہے تو ان کی ملکی معیشت تباہ کردیں گے۔

امریکی صدر ڈونلڈ ٹرمپ نے کہا کہ ترکی سے اسٹیل کی درآمد پرٹیرف 50 فیصد بڑھایا جائے گا۔

دوسری جانب امریکی نائب صدر کا کہنا ہے کہ ترکی کو شام پر حملے کے لیے امریکا نے گرین سگنل نہیں دیا، امریکی صدرکی ترک ہم منصب سے ٹیلی فون پر بات چیت ہوئی ہے۔

مائیک پنس نے کہا کہ ڈونلڈٹرمپ نے طیب اردگان کو شام میں فوری جنگ بندی کا کہا ہے، شام میں ترکی کے اقدام سے داعش کو شکست دینے کا مشن متاثر ہوا۔

امریکی صدر ڈونلڈ ٹرمپ نے ترکی کے خلاف پابندیوں کا حکم نامہ جاری کر دیا، امریکا نے ترک وزیردفاع، وزیرداخلہ اور وزیرتوانائی پر پابندی عائد کر دی۔

یاد رہے کہ گزشتہ دنوں امریکی صدر ڈونلڈ ٹرمپ نے ترکی کو خبردار کیا تھا کہ اگر انقرہ حکومت کے خلاف معاشی پابندیاں لگانی پڑیں تو لگائیں گے۔

واشنگٹن: امریکی صدر ڈونلڈ ٹرمپ نے ٹوئٹ کرتے ہوئے کہا ہے کہ مجھے اس لیے منتخب کیا گیا تاکہ نہ ختم ہونے والی جنگوں کا خاتمہ کر دوں۔

تفصیلات کے مطابق امریکی صدر نے سماجی رابطوں کی ویب سائٹ ٹویٹر پر اپنے پیغام میں کہا ہے کہ جنگوں میں امریکی فوج کو پولیس کا کام کرنا پڑ رہا ہے۔

ڈونلڈ ٹرمپ کا کہنا تھا کہ ان کے اقدام سے سب سے زیادہ چین اور روس نا خوش ہیں، دونوں ممالک ہمیں جنگوں میں دھکیلنا چاہتے ہیں، جب اقتدار سنبھالا تو فوج کم زور ہو رہی تھی، اب زیادہ طاقت ور ہے، مضحکہ خیز جنگیں اب ختم ہو رہی ہیں۔

انھوں نے کہا اب ہم زیادہ اہم اور بڑے معاملات پر توجہ مرکوز کر رہے ہیں، میں ہمیشہ جانتا تھا کہ ہم واپس جا کر زیادہ اہم معاملات پر کام کر سکتے ہیں۔

یہ بھی پڑھیں:  ایس 400 کی خریداری کے بعد ٹرمپ انتظامیہ ترکی کے خلاف پابندیوں پر متفق

ٹرمپ نے ایک اور ٹوئٹ کے ذریعے ترکی کو ایک بار پھر دھمکی دیتے ہوئے کہا ہے کہ اگر وہ میری دانست میں ایسا کچھ کرتا ہے جو حدود سے متجاوز ہو، تو میں پہلے کی طرح ترکی کی معیشت کو مکمل طور پر ختم اور تباہ کر دوں گا۔

انھوں نے کہا کہ یورپ اور دیگر ممالک دیکھیں کہ امریکا نے ان کی توقعات کے بالکل برعکس کس طرح داعش کے جنگ جوؤں اور ان کے گھر والوں کو پکڑا، اب دوسروں کی باری ہے کہ وہ اپنے علاقوں کی حفاظت کریں۔

واشنگٹن : امریکی صدر ڈونلڈ ٹرمپ کا کہنا ہے کہ 18 سال سے جاری جنگ کے خاتمے کے لیے طالبان سے ہونے والی بات چیت مکمل طور پر ختم ہوچکی ہے۔

تفصیلات کے مطابق امریکی صدر ڈونڈ ٹرمپ نے وائٹ ہاؤس میں صحافیوں سے بات چیت کرتے ہوئے کہا کہ جہاں تک میرا تعلق ہے یہ مذاکرات ختم ہوچکے ہیں۔

امریکی صدر کا کہنا تھا کہ ہماری میٹنگ کیمپ ڈیوڈ میں طالبان رہنماؤں سے ہونے والی خفیہ ملاقات طے شدہ تھی، میٹنگ بلانے کا آئیڈیا بھی میرا تھا اور اس کو منسوخ کرنے کا بھی، یہاں تک میں نے کسی اور سے اس پر تبادلہ خیال نہیں کیا تھا۔

ڈونلڈ ٹرمپ کا کہنا تھا کہ میں نے کیمپ ڈیوڈ میٹنگ کو اس بنیاد پر منسوخ کردیا کیونکہ طالبان نے کچھ ایسا کیا تھا جو انہیں بالکل نہیں کرنا چاہیے تھا۔

امریکا نے افغان طالبان سے امن مذکرات معطل کردیے

یاد رہے کہ دو روز قبل امریکی صدر ڈونلڈ ٹرمپ نے طالبان کے ساتھ امن مذاکرات منسوخ کردیے تھے۔ انہوں نے یہ اعلان سماجی رابطے کی ویب سائٹ ٹویٹر پر کیا تھا۔

امریکی صدر نے اپنے پیغام میں کہا تھا کہ طالبان سے مذاکرات کابل حملے کے بعد منسوخ کیے گئے ہیں جس میں ایک امریکی فوجی سمیت 12 افراد ہلاک ہوئے تھے۔

ڈونلڈ ٹرمپ کا کہنا تھا کہ طالبان دوران مذاکرات غیرضروری بالا دستی چاہتے ہیں، طالبان جنگ بندی نہیں کرسکتے تو انہیں مذاکرات کا بھی کوئی اختیار نہیں ہے۔