Tag: امریکی صدر

سیئول: امریکی صدر ڈونلڈ ٹرمپ شرارت سے باز نہ آٗئے، اپنی بیٹی ایوانکا ٹرمپ کو حسینہ اور وزیر خارجہ مائیک پومپیو کو درندہ کہہ دیا۔

غیرملکی خبررساں ادارے کے مطابق امریکی صدر ڈونلڈ ٹرمپ جنوبی کوریا میں امریکی فوجی اڈے پر اپنے فوجیوں سے خطاب کے لیے پہنچے تھے اس موقع پر ٹرمپ کی بیٹی ایوانکا اور وزیر خارجہ مائیک پومپیو بھی پہنچے۔

امریکی صدر نے مشہور ہالی ووڈ فلم بیوٹی اینڈ دی بیسٹ کا نام استعمال کرتے ہوئے مائیک پومپیو کا تعارف کے لیے بیسٹ اور اپنی بیٹی کے لیے بیوٹی کا لفظ استعمال کیا۔

امریکی وزیر خارجہ مائیک پومپیو جو خوشی سے آگے کی جانب بڑھ رہے کہ ٹرمپ کے اس جملے کے استعمال پر جھینپ گئے۔

Trump welcomes Mike Pompeo and Ivanka to the stage: "Mike Pompeo is here, where’s Mike?… And you know who else I have? Has anyone ever heard of Ivanka? Alright, come up Ivanka. Come on. She’s going to steal the show. What a beautiful couple … beauty and the beast.” pic.twitter.com/BG1VyogLcy

— John Hudson (@John_Hudson) June 30, 2019

واضح رہے کہ امریکی صدر ڈونلڈ ٹرمپ شمالی کوریا کے سربراہ کی دعوت پر جنوبی اور شمالی کوریا کے غیرفوجی علاقے میں پہنچے تھے، وہ پہلے امریکی صدر ہیں جنہوں نے شمالی کوریا میں قدم رکھا ہے۔

شمالی کوریا کےچیئرمین کم جون ان نے ٹرمپ کو جنوبی اور شمالی کوریا کے درمیان واقع غیر فوجی علاقے میں ملاقات کی دعوت دی تھی جسے ٹرمپ نے قبول کرتے ملاقات کی تھی۔

شمالی کوریا کے سربراہ کا کہنا تھا کہ ’دوبارہ ملاقات کرکے خوشی ہوئی، امید نہیں تھی کہ اس مقام پر ملیں گے‘۔

اس موقع پر امریکی صدر کا کہنا تھا کہ’یہ بہت مثبت اور اچھی ملاقات ہے، یہ بات زیادہ اہمیت کی حامل ہے کہ ہم دونوں روز اوّل سے ایک دوسرے کو پسند کرتے ہیں‘۔

واشنگٹن: امریکی صدر ڈونلڈ ٹرمپ نے سوشل میڈیا ویب سائٹس گوگل، فیس بک اور ٹویٹر کو مقدمے کی دھمکی دے دی۔

غیرملکی خبررساں ادارے کے مطابق امریکی صدر ڈونلڈ ٹرمپ نے گوگل، فیس بک اور ٹویٹر کو دھمکی دیتے ہوئے کہا ہے کہ کمپنیاں ڈیموکریٹکس کی حامی، ری پبلکنز کے خلاف تعصب کا مظاہرہ کررہی ہیں۔

امریکی صدر کا کہنا ہے کہ ٹویٹر نے لوگوں کے لیے مجھے فالو کرنا مشکل بنادیا ہے اور گوگل میری حکومت روکنے کے لیے کام کررہا ہے۔

امریکی صدر ڈونلڈ ٹرمپ کے آفیشل ٹویٹر اکاؤنٹ پر فالوورز کی تعداد 61.4 ملین ہے اور وہ اپنا پیغام شیئر کرنے کے لیے سب سے زیادہ ٹویٹر کا استعمال کرتے ہیں۔

صدر ٹرمپ کی انتظامیہ کا کہنا تھا کہ وہ اس معاملے پر میں ضابطے متعارف کرنے پر غور کررہے ہیں۔

واضح رہے کہ گزشتہ سال اگست میں بھی امریکی صدر نے سماجی رابطے کی ویب سائٹس کو دھمکیاں دیتے ہوئے کہا تھا کہ یہ ویب سائٹس تکلیف دہ حدود میں داخل ہورہی ہیں، سماجی ویب سائٹس بہت زیادہ احتیاط برتنا ہوگی۔

اس سے قبل امریکی صدر ٹرمپ کا کہنا تھا کہ گوگل پر ٹرمپ نیوز سرچ کریں تو جعلی میڈیا کی خبریں سامنے آتی ہیں، دوسرے لفظوں میں انہوں نے میرے اور دوسرے کے لیے دھاندلی کی۔

یاد رہے کہ ٹرمپ کا کہنا تھا کہ سوشل میڈیا ریپبلکنز اور قدامت پرستوں کے بارے میں تعصب رکھتا ہے اور وہ ایسا ہر گز نہیں ہونے دیں گے۔