ARYNews.tv | Urdu – Har Lamha Bakhabar

Tag: امریکی صدر

  • امریکی نیوز چینل سی این این کی ریٹنگ نیچے جانے پر ٹرمپ کی مبارک باد

    امریکی نیوز چینل سی این این کی ریٹنگ نیچے جانے پر ٹرمپ کی مبارک باد

    واشنگٹن: امریکی نیوز چینل سی این این کی ریٹنگ نیچے کی جانب گامزن ہے جس پر امریکی صدر ڈونلڈ ٹرمپ نے طنز کرتے ہوئے مبارک باد پیش کی ہے۔

    غیرملکی خبررساں ادارے کے مطابق امریکی نیوز چینل سی این این کی ریٹنگ میں مسلسل کمی آرہی ہے، اس رجحان نے امریکی صدر ڈونلڈ ٹرمپ کو مبارک باد کی ٹویٹ پر مجبور کردیا جو سی این این کی جانب سے تنقید کے عتاب کا شکار رہے ہیں۔

    ٹرمپ نے گزشتہ روز مذکورہ رپورٹ پر تبصرہ کرتے ہوئے اپنی ٹویٹ میں صرف ایک لفظ ’مبارک باد‘ لکھا۔

    میڈیا سے متعلق تحقیقاتی ادارے کی رپورٹ کے مطابق گزشتہ ہفتے سی این این کی ریٹنگ نچلی ترین سطح پر تھی، 8 سے 12 اپریل کے دوران چینل کے مرکزی پروگراموں کو صرف 6.9 لاکھ افراد نے دیکھا ان میں 1.8 لاکھ کی عمر 25 سے 54 برس کے درمیان تھی۔

    سی این این کے مقابلے میں گزشتہ ہفتے ایم ایس این بی سی چینل کے پروگراموں کو 16 لاکھ ناظرین نے دیکھا، اسی طرح فوکس نیوز نے 24 لاکھ ناظرین کو اپنی جانب متوجہ کیا۔

    فوکس نیوز گزشتہ ہفتے امریکی چینلوں کی ریٹنگ میں سرفہرست رہا جبکہ سی این این 15ویں پوزیشن پر آکر ڈسکوری اور فوڈ نیٹ ورک جیسے کم دیکھے جانے والوں چینلوں سے بھی نیچے چلا گیا۔

    یاد رہے کہ سی این این کی ریٹنگ 2016 کے صدارتی انتخابات میں روسی مداخلت کے حوالے سے خصوصی تحقیق کار روبرٹ مولر کی رپورٹ جاری ہونے کے بعد سے مسلسل نیچے آرہی ہے، اس رپورٹ کے نتائج نے ٹرمپ کے خلاف امریکی چینل کی مہم کو پلٹ کر رکھ دیا تھا۔

  • لیبیا بحران، صدر ٹرمپ کا خلیفہ حفتر سے رابطہ، امن کی بحالی پر زور

    لیبیا بحران، صدر ٹرمپ کا خلیفہ حفتر سے رابطہ، امن کی بحالی پر زور

    واشنگٹن: لیبیا میں جاری جنگی صورت حال کے پیش نظر امریکی صدر ڈونلڈ ٹرمپ نے لیبیائی جنرل خلیفہ حفتر سے ٹیلی فونک رابطہ کیا اس دوران امن کی بحال پر تبادلہ خیال ہوا۔

    تفصیلات کے مطابق لیبیا کے دارالحکومت پر قبضہ کرنے کے لیے جنرل خلیفہ حفتر کی فورسز اور نو منتخب جمہوری حکومت کے درمیان گمسان کی لڑائی جاری ہے جس کے نتیجے میں اب تک سینکڑوں لوگ ہلاک ہوچکے ہیں۔

    امریکی وائٹ ہاؤس کی جانب سے جاری کردہ بیان میں کہا گیا ہےکہ امریکی صدر ڈونلڈ ٹرمپ نے لیبیا کے جنگی سردار خلیفہ حفتر کے ساتھ ٹیلی فون پر بات چیت کی، اس دوران خطے میں امن وسلامتی کی فوری طور پر بحالی پر زور دیا۔

    ڈونلڈ ٹرمپ نے خفتر کے لیبیا میں انسداد دہشت گردی اور خام تیل کے ذخائر کی حفاظت کے حوالے سے ادا کیے گئے غیرمعمولی کردار کا اعتراف کیا۔

    دونوں رہنماؤں کے درمیان ہونے والی ملاقات میں لیبیا میں مکمل طور پر جمہوری سیاسی نظام کو نافذ کرنے سے متعلق بھی تبادلہ خیال کیا گیا۔

    دوسری جانب فرانس نے لیبیا میں جنرل خلیفہ حفتر کی فوج کی حمایت اور مدد کے تاثر کو بے بنیاد قرار دیا ہے، فرانسیسی حکام نے وضاحت کی ہے کہ لیبیا میں متحارب فریقین کے درمیان جنگ کا حصہ نہیں، جنرل حفتر کی معاونت سے متعلق خبریں بے بنیاد ہیں۔

    لیبیا میں خلیفہ حفتر کی فوج کی مدد کی خبریں بے بنیاد ہیں، فرانس

    خیال رہے کہ اقوام متحدہ کے خصوصی مندوب برائے لیبیا غسان سلامے کا کہنا تھا کہ اگر لیبیا کے تنازعے پر قابو نہ کیا گیا تو یہ جنگل کی آگ کی طرح پھیل جائے گا، خلیفہ حفتر کو عالمی سطح پر لیبیا کے تنازعے پر تقسیم کے باعث ہمت ملی کہ وہ طرابلس پر حملہ کردے۔

  • امریکی صدر ٹرمپ کا سعودی فرمانروا پر بغیر ثبوت نازیبا الزام

    امریکی صدر ٹرمپ کا سعودی فرمانروا پر بغیر ثبوت نازیبا الزام

    واشنگٹن: امریکا صدر ٹرمپ نے میلانیا ٹرمپ سے متعلق سعودی فرمانروا پر مضحکہ خیز الزام عائد کرتے ہوئے مبینہ دعویٰ کیا جس کو امریکی مبصرین بھی سچا ماننے سے انکاری ہیں۔

    امریکی میگزین کی رپورٹ مطابق رواں ہفتے شائع ہونے والی کتاب ’’دی ہل ڈائی آن : دی بیٹل فار کانگریس اینڈ دی فیوچر آف ٹرمپ امریکا‘‘ میں مصنف جیک شرمین اور انا پالمر نے لکھا کہ ٹرمپ نے مبینہ دعویٰ گزشتہ برس کے آخر میں ایک تقریب کے دوران کیا۔

    کتاب میں بتایا گیا ہے کہ رپبلکن نمائندہ گان کے اعزاز میں نجی ہوٹل میں ایک تقریب کا انعقاد کیا گیا تھا جس میں ٹرمپ نے مبینہ دعویٰ کیا کہ ’میلانیا ائیرپورٹ پر اترنے کے بعد ہاتھ بھی نہیں ملانا چاہتی تھی مگر شاہ سلمان نے زبردستی مصافحے کے لیے اُن کی طرف ہاتھ بڑھایا اور پھر مجبورا میری اہلیہ کو ہاتھ ملانا پڑا‘۔

    مزید پڑھیں: میلانیا ٹرمپ کا دورہ سعودی عرب ،سر سے اسکارف غائب

    کتاب میں بتایا گیا ہے کہ ’امریکی صدر نے یہ بھی دعویٰ کیا کہ شاہ سلمان نے میلانیا سے ہاتھ ملانے کے بعد اُس پر تین بار بوسہ دیا‘۔

    دی ہل ڈائی آن میں لکھا گیا ہے کہ ٹرمپ نے جو تقریر وہاں بیان کی ، ایسا واقعہ کبھی بیان نہیں ہوا۔

    امریکی صدر نے دعویٰ کیا کہ میلانیا کی سیکریٹری نے انہیں آگاہ کیا تھا کہ اگر انہوں نے شاہ سلمان کی طرف مصافحے کے لیے ہاتھ بڑھایا تو وہ اس عمل سے گریز کریں گے اس لیے میلانیا نے ہاتھ ہی نہیں بڑھایا۔

    ٹرمپ نے بتایا کہ ’جب ہمارا طیارہ سعودی سرزمین پر اترا اور ہم باہر نکلے تو میں نے شاہ سلمان سے ہاتھ ملایا مگر اُن کی تعظیم میں جھکا نہیں، اس کے بعد انہوں نے میلانیا کی طرف بھی ہاتھ بڑھایا جس پر میری اہلیہ نے اُن سے ہاتھ ملایا’۔ یاد رہے کہ امریکی صدر کے دورہِ سعودی عرب کی ویڈیوز آن ریکارڈ موجود ہیں جس میں کہیں بھی بوسے کا منظر نہیں اور بالخصوص ٹرمپ جس بات کا حوالہ دے رہے ہیں وہ شواہد کہیں بھی موجود نہیں ہیں۔

    یہ بھی پڑھیں: امریکی صدر کا دورہ سعودی عرب

    کتاب میں مصنف نے  اپنی بچت کا راستہ تلاش کرتے ہوئے آخر میں اس تقریر اور نصنیف کے حوالے کو عجیب انداز اختیار کیا جس سے اندازہ ہوتا ہے کہ نشریاتی ادارہ ٹرمپ سے خوف زدہ ہے۔ رپورٹ میں کہا گیا ہے کہ ٹرمپ نے اپنی اہلیہ اور شاہ سلمان کا یہ واقعہ مذاق کے طور پر بیان کیا یا وہ سنجیدہ تھے اس حوالے کچھ بھی کہنا قبل از وقت ہوگا کیونکہ ٹرمپ لوگوں کو محظوظ کرنے کے لیے واقعات کو بڑھا چڑھا پر بیان کرتے ہیں۔

    اسے بھی پڑھیں: صدر بننے کے بعد ٹرمپ اب تک 5 ہزار بار جھوٹ بول چکے ہیں: امریکی رپورٹ

    اسی سے متعلق: امریکی میڈیا نے ایک بار پھر صدر ٹرمپ کو جھوٹا قرار دے دیا

    یاد بھی یاد رہے کہ امریکی نشریاتی ادارے نے گزشتہ برس ایک رپورٹ جاری کی تھی جس میں ٹرمپ کو جھوٹا شخص قرار دیا گیا تھا، اس رپورٹ میں تاریخوں کے ساتھ بیانات دیے گئے تھے اور پھر اُن کے مکرنے کے حوالے بھی شائع کیے گئے تھے۔

  • امریکی صدر نے سیکرٹ سروس کے سربراہ رینڈ الف ایلس کو عہدے سے ہٹادیا

    امریکی صدر نے سیکرٹ سروس کے سربراہ رینڈ الف ایلس کو عہدے سے ہٹادیا

    واشنگٹن: امریکی صدر ڈونلڈ ٹرمپ نے سیکرٹ سروس کے سربراہ رینڈ الف ایلس کو عہدے سے ہٹانے کے احکامات جاری کردئیے۔

    غیرملکی خبررساں ادارے کے مطابق امریکی صدر ڈونلڈ ٹرمپ نے اپنے قائم مقام چیف آف اسٹاف مک ملوینی کو سیکرٹ سروس چیف رینڈ الف ایلس کی برخاستگی کے احکامات دئیے ہیں اور جیمز مرے کو ان کی جگہ نیا سربراہ نامزد کیا ہے۔

    رینڈ الف کی برطرفی گزشتہ ماہ ہونے والے ایک واقعے کی وجہ سے ہوئی جس میں ایک چینی خاتون نے فلوریڈا میں ٹرمپ کے گالف کلب میں گھسنے کی کوشش کی تھی، خاتون سے متعدد چینی پاسپورٹس اور جدید ڈیوائسز ملی تھیں۔

    واضح رہے کہ چند روز قبل امریکی صدر ڈونلڈ ٹرمپ کی امیگریشن پالیسی سے اختلاف پر سیکریٹری ہوم لینڈ سیکیورٹی کرسجن نیلسن نے استعفیٰ دیا تھا اور ٹرمپ نے کمشنر کسٹمز و سرحدی تحفظ کیون مک کو قائم مقام وزیر داخلہ مقرر کیا ہے۔

    مزید پڑھیں: امیگریشن پالیسی پر اختلافات، امریکی وزیرداخلہ مستعفی ہوگئیں

    خیال رہے کہ 7 اپریل کو امریکی صدر ڈونلڈ ٹرمپ نے میکسیکو بارڈر فورس کے افسران و اہلکاروں سے خطاب کرتے ہوئے کہا تھا کہ امریکی نظام میں اب غیرقانونی تارکین وطن کے لیے کوئی گنجائش نہیں ہے۔

    میکسیکو سے آنے والے تارکین وطن کو مخاطب کرتے ہوئے ٹرمپ نے کہا تھا کہ وہ امریکا پر بوجھ نہ بنیں، امریکی قوانین اور نظام میں بڑے پیمانے پر تبدیلی لائی جارہی ہے، تارکین وطن امریکا میں جرائم میں اضافے کا سبب بنتے ہیں۔

    اس سے قبل بھی امریکی صدر نے کہا تھا کہ میکسیکو کی سرحد پر ہر صورت دیوار تعمیر کی جائے گی، دیوار کی فنڈنگ کے بغیر کوئی معاہدہ نہیں ہوگا۔

  • امریکہ نے ’’ایرانی پاسداران انقلاب‘‘ کو دہشت گرد تنظیم قرار دے دیا

    امریکہ نے ’’ایرانی پاسداران انقلاب‘‘ کو دہشت گرد تنظیم قرار دے دیا

    واشنگٹن : امریکی صدر ڈونلڈ ٹرمپ نے ایرانی پاسداران انقلاب کو دہشت گرد تنظیم قرار دیتے ہوئےاس کے اثاثے بھی منجمد کرنے کا اعلان کردیا۔ ایران نے بھی امریکی فوج کو دہشت گرد تنظیم قرار دے دیا۔

    تفصیلات کے مطابق امریکا نے ایرانی پاسداران انقلاب کو دہشت گرد تنظیم قرار دے دیا ہے، پاسداران انقلاب کو دہشت گرد قرار دیئے جانے کے ساتھ اس پر پابندیاں بھی عائد کی گئی ہیں جن کے تحت ایرانی مسلح فوج کے اثاثے منجمد کیے جائیں گے۔

    بین الاقوامی خبر رساں ادارے کے مطابق امریکی شہریوں پر پاسداران انقلاب کے ساتھ کاروبار کرنے پر بھی پابندی ہوگی، دوسری جانب امریکی پابندی کے جواب میں ایران نے بھی امریکی فوج کو دہشت گرد تنظیم قرار دے دیا ہے۔

    امریکی صدر ڈونلڈ ٹرمپ نے کہا ہے پاسداران انقلاب ریاستی آلہ کار کے طور پر دہشت گردی کے فروغ میں فعال کردار ادا کررہی ہے، پہلی بار امریکا نے کسی دوسرے ملک کے ریاستی ادارے کو دہشت گرد قرار دیا ہے۔

    ڈونلڈ ٹرمپ کے بیان میں مزید کہا گیا ہے کہ ایران نے اپنے دہشت گردانہ عزائم کو پایہ تکمیل تک پہنچانے کے لیے پاسداران انقلاب کو شام، لبنان، یمن اور لیبیا میں استعمال کیا جس کے ٹھوس شواہد موجود ہیں۔

    غیر ملکی خبر رساں ادارے کا کہنا ہے کہ اسلامی پاسداران انقلاب کی بنیاد 1979 میں رکھی گئی تھی جس کا مقصد دشمنان اسلام سے لڑنا اور انقلابی رہنماؤں کی سیکیورٹی تھا اور اب بھی روایتی فوجی یونٹ کے بجائے سیکیورٹی کی ذمہ داری پاسدران انقلاب کی ہے۔

    غیر ملکی میڈیا کا کہنا تھا کہ پاسداران انقلاب کو ایران کی مسلح افواج میں اہم مقام حاصل ہے جس میں خاص معاشی فوائد بھی دیئے گئے۔

  • امریکا میں غیرقانونی تارکین وطن کے لیے مزید کوئی گنجائش نہیں، ٹرمپ

    امریکا میں غیرقانونی تارکین وطن کے لیے مزید کوئی گنجائش نہیں، ٹرمپ

    واشنگٹن: امریکی صدر ڈونلڈ ٹرمپ نے کہا ہے کہ امریکا مکمل طور پر بھر چکا ہے اور اب غیرقانونی تارکین وطن اور پناہ گزینوں کے رہنے کے لیے کوئی جگہ باقی نہیں بچی۔

    غیرملکی خبررساں ادارے کے مطابق امریکی صدر ڈونلڈ ٹرمپ نے میکسیکو بارڈر فورس کے افسران و اہلکاروں سے خطاب کرتے ہوئے کہا کہ امریکی نظام میں اب غیرقانونی تارکین وطن کے لیے کوئی گنجائش نہیں ہے۔

    ڈونلڈ ٹرمپ نے میکسیکو سے آنے والے تارکین وطن کو مخاطب کرتے ہوئے کہا کہ وہ امریکا پر بوجھ نہ بنیں، امریکی قوانین اور نظام میں بڑے پیمانے پر تبدیلی لائی جارہی ہے، تارکین وطن امریکا میں جرائم میں اضافے کا سبب بنتے ہیں۔

    امریکی صدر نے کہا کہ اب سب سے پہلے امریکا کے نعرے کو اپنانا ہوگا، میکسیکو کی دیوار امریکا کے حقوق کی ضمانت ہے جس کے لیے میں نے طویل جدوجہد کی ہے اور کانگریس میں شدید مخالفت کا سامنا کیا۔

    مزید پڑھیں: میکسیکوکی سرحد پرہرصورت دیوارتعمیرکی جائے گی‘ ڈونلڈ ٹرمپ

    انہوں نے کہا کہ دیوار کی تعمیر کے لیے میں نے ایمرجنسی کا نفاذ کیا اور حفاظتی دیوار کو ہر صورت مکمل کرکے ہی دم لوں گا۔

    گولان پہاڑیوں کے حوالے سے ٹرمپ کا کہنا تھا کہ گولان کی پہاڑیوں پر اسرائیل کی بالادستی تسلیم کرنے کا متنازع فیصلہ تاریخ پر مختصر مباحثے کے نتیجے میں کیا۔

    یاد رہے کہ اس سے قبل بھی امریکی صدر نے کہا تھا کہ میکسیکو کی سرحد پر ہر صورت دیوار تعمیر کی جائے گی، دیوار کی فنڈنگ کے بغیر کوئی معاہدہ نہیں ہوگا۔

  • امریکی صدر یہودیوں کو مسلم دشمنی پر اکسانے لگے

    امریکی صدر یہودیوں کو مسلم دشمنی پر اکسانے لگے

    واشنگٹن : امریکی صدر ڈونلڈ ٹرمپ نے مسلم رکن کانگریس الہان عمر پر طنز کرتے ہوئے کہا کہ یہودی کمیونٹی کو ڈیموکریٹس رکن کانگریس سے تعلقات ختم کردینے چاہیئے۔

    تفصیلات کے مطابق امریکی کانگریس کی رکن منتخب ہونے والی مسلمان خاتون الہان عمر کو اسرائیل کے اسرائیل اور ٹرمپ کے خلاف بیان دینے کے بعد سے ٹرمپ اور ان کے حامی مختلف طریقوں سے اذیت پہنچانے کی کوشش کررہے ہیں۔

    امریکی صدر ڈونلڈ ٹرمپ نے امریکی شہر لاس ویگاس میں خطاب کے دوران الہان عمر کو شدید تنقید و طنز کا نشانہ بناتے ہوئے کہا کہ ’الہان عمر کا خاص شکر گزار ہوں، اوہ! میں بھول گیا، وہ تو اسرائیل کو پسند نہیں کرتی، میں بھول گیا مجھے معاف کردیں۔

    امریکی ڈونلڈ ٹرمپ نے مسلمان مخالف نظریات آشکار کرتے ہوئے کہا کہ یہودی کمیونٹی کو ڈیموکریٹس رکن کانگریس سے تعلقات ختم کردینے چاہیے۔

    خیال رہے کہ الہان عمر کو اسرائیل مخالف بیان دینے پر ایک سفید فام دہشت گرد نے قتل کی دھمکیاں دی تھیں جسے ایف بی آئی نے نیویارک سے گرفتار کیا تھا۔

    ایف بی آئی کے مطابق گرفتار شخص پیٹرک کیرلینو نے بیان دیا کہ وہ صدر ڈونلڈ ٹرمپ کوپسند کرتا ہے اور امریکی حکومت میں شامل مسلمانوں سے نفرت کرتا ہے۔

    امریکی محکمہ انصاف کا کہنا تھا کہ سالہ پیٹرک کیرلینو نے 21 مارچ کو فون کال پر الہان عمر کو قتل کی دھمکی دی تھی۔

    غیر ملکی خبر رساں ادارے کے مطابق امریکی محکمہ انصاف کا کہنا تھا کہ ٹرمپ حامی دہشت گرد نے الہان عمر کو دہشت گرد کہہ کر مخاطب کیا تھا۔

    یاد رہے نومبر 2018 میں ہونے والے امریکی وسط مدتی انتخابات میں الہان امریکی تاریخ میں پہلی بارکانگریس کی رکن منتخب ہونے والی دومسلمان خواتین میں سے ایک ہیں۔

    الہان عمر نے ریاست منی سوٹا سے کامیابی حاصل کی تھی، انھوں نے 72 فیصد ووٹ حاصل کئے جبکہ ان کے مدمقابل ری پبلکن امیدوار صرف 22 فیصد ووٹ حاصل کرسکے تھے۔

  • امریکی میڈیا نے ایک بار پھر صدر ٹرمپ کو جھوٹا قرار دے دیا

    امریکی میڈیا نے ایک بار پھر صدر ٹرمپ کو جھوٹا قرار دے دیا

    واشنگٹن: امریکی صدر ڈونلڈ ٹرمپ ایک اور تنازعے کا شکار ہوگئے، امریکا میڈیا نے اہم سوالات اٹھا دیے.

    فریڈ ٹرمپ

    تفصیلات کے مطابق تنازعات کے  لیے مشہور امریکی صدر  ایک اور اسکینڈل کا شکار ہوگئے.

    امریکی میڈیا نے دعویٰ کیا ہے کہ صدر نے  اپنے والدکی شہریت سے متعلق پھر جھوٹ بولا اور  لوگوں کو گمراہ کیا۔

    خیال رہے  امریکی صدر ڈونلڈ ٹرمپ نےکہا تھا کہ ان کے والد جرمن تھے.

    البتہ امریکا میڈیا کا کہنا ہے کہ ٹرمپ کے والد فریڈ  ٹرمپ نیویارک میں پیدا ہوئے، ادھر ہی پلے بڑھے.

    امریکی میڈیا کے مطابق صدرٹرمپ نے ایک سال میں چوتھی بار یہ دعویٰ کیا ہے.

    واضح رہے کہ صدر ٹرمپ کی والدہ اسکاٹ لینڈ سے تعلق رکھتی تھیں، ادھر ٹرمپ اپنے والدین کے یوریی یونین سے تعلق کا بھی عجیب و غریب دعویٰ کر چکے ہیں.

    مزید پڑھیں: امریکی صدر ٹرمپ کا اوپیک سے تیل کی پیداوار بڑھانے کا مطالبہ

    یاد رہے کہ 28 مارچ 2019 کو امریکی صدر نے اپنے ٹویٹ میں عالمی مارکیٹ میں تیل کی قیمتوں میں کمی کے لیے تیل برآمد کرنے والے ممالک کی تنظیم اوپیک سے پیداوار بڑھانے کا مطالبہ کیا تھا۔

    اس بیان کے بعد امریکا میں خام تیل کے مستقبل کے سودوں کے لیے تیل کی قیمت میں ایک ڈالر فی بیرل تک کمی واقع ہوگئی تھی.

  • 2045 میں امریکی صدر کون ہوگا؟ مستقبل سے آنے کا دعویٰ کرنے والے نے بتادیا

    2045 میں امریکی صدر کون ہوگا؟ مستقبل سے آنے کا دعویٰ کرنے والے نے بتادیا

    واشنگٹن : مستقبل سے آنے کا دعویٰ کرنے والے شخص کو جھوٹ پکڑنے والی مشین نے پاس کردیا جس سے پتہ چلتا ہے کہ ٹائم ٹریولر کو مستقبل کے امریکی صدر کا معلوم ہے۔

    تفصیلات کے مطابق امریکا میں ایک شخص نے دعویٰ کیا تھا کہ وہ 2045 سے زمانہ حال میں آیا ہے اور وہ مستقبل میں امریکا کا صدر ہے، حقیقت جاننے کےلیے امریکی صحافیوں نے مذکورہ شخص کا جھوٹ پکڑنے والی مشین کے ذریعے ٹیسٹ لیا جیسے ٹائم ٹریولر نے پاس کرلیا۔

    مستقبل سے آنے والے شخص نے دعویٰ کیا تھا کہ وہ 2045 کے امریکی صدر کو جانتا ہے اور کمانڈر انچیف اسے ملک کا عظیم ترین صدر قبول کریں گے۔

    ٹائم ٹریولر کا کہنا ہے کہ وہ دسمبر 2019 کو پیدا ہوا ہے اور وہ مستقبل کے بہت سے معاملات اور واقعات سے بخوبی آگاہ ہے۔

    غیر ملکی خبر رساں ادارے کا کہنا ہے کہ مذکورہ شخص نے ایپکس ٹی وی کے ہمراہ جھوٹ پکڑنے والی مشین پر ٹیسٹ دینے کےلیے راضی ہوا تھا تاکہ لوگوں کو حقیقت بتاسکے۔

    سوشل میڈیا پر جاری ویڈیو میں دیکھا جاسکتا ہے کہ ٹائم ٹریولر نے کہا کہ ’میں 2045 سے آیا ہوں اور جھوٹ پکڑنے والی مشین نے سچ کی نشاندہی کی۔

    ویڈیو میں واضح ہے کہ ٹائم ٹریولر مسلسل کہہ رہا تھا اس کے ہاتھ میں چپ ہے اور 2045 تک خلائی مخلوق زمین پر پہنچ چکے ہوں گے۔

    ٹائم ٹریولر نے صحافیوں کی جانب سے مستقبل کے امریکی صدر سے متعلق پوچھے گئے سوال پر کہا کہ مارٹن لوتھر کی پوتی یولنڈا رینی کنگ کے پاس اقتدار ہوگا۔

    ٹائم ٹریولر نے دعویٰ کیا کہ ’یولنڈا رینی کنگ‘ 2045 میں امریکا کی صدر ہوں گی اور متحدہ ریاست ہائے امریکا کی عظیم ترین صدر کے طور پر جانی جائیں گی۔

    غیر ملکی خبر رساں ادارے کا کہنا ہے کہ جھوٹ پکڑنے والی مشین نے ٹائم ٹریولر کے اس بیان کو بھی سچ بتایا۔

    مزید پڑھیں : مستقبل میں لوگ زیر سمندر شہروں میں زندگی بسر کریں گے، ٹائم ٹریولر کا دعویٰ

    مستقبل سے آنے کا دعویٰ کرنے والے نوجوان کی بریگزٹ کے بارے میں پیشگوئی

    خیال رہے کہ گزشتہ برس نو برس کی عمر میں یولنڈا رینی ہزاروں مظاہرین سے واشنگٹن ڈی سی میں خطاب کرتے ہوئے گن کنٹرولز کا مطالبہ کیا تھا۔

    یولنڈا نے کہا تھا کہ ’میرے دادا کا خواب تھا کہ ان کے چاروں پوتے رنگت سے نہ پہنچانے جائیں بلکہ اپنے کردار اور کام سے پہنچانے جائیں۔

    ان کا کہنا تھا کہ بس بہت ہوا، میرا خواب ہے کہ دنیا کو بندوقوں سے آزاد ہونا چاہیے۔

    غیر ملکی خبر رساں ادارے کا کہنا ہے کہ یولنڈا رینی کنگ سنہ 2045 میں 36 برس کی ہوں گی۔

  • پاک امریکا تعلقات بہت اچھے ہیں: ڈونلڈ ٹرمپ

    پاک امریکا تعلقات بہت اچھے ہیں: ڈونلڈ ٹرمپ

    واشنگٹن: امریکی صدر ڈونلڈ ٹرمپ کا کہنا ہے کہ پاکستان اور امریکا کے درمیان تعلقات بہت اچھے ہیں۔

    تفصیلات کے مطابق پاکستان نے خطے میں امن وسلامتی کی خاطر طالبان کو مذاکرات کی میز پر لانے میں بھی اہم کردار ادا کیا جس کا امریکا معترف ہے۔

    امریکی وائٹ ہاؤس کے مطابق صدر ٹرمپ نے کہا ہے کہ پاکستان سے بہت بہتر تعلقات ہیں، امریکی حکام جلد پاکستانی حکام سے ملاقات بھی کریں گے۔

    پاکستان نے قیام امن کی خاطر امریکا اور طالبان کے درمیان مذاکرات میں اہم کردار ادا کیا، دونوں فریقین سلسلہ وار ملاقاتیں کررہے ہیں۔

    غیر ملکی میڈیا کا کہنا ہے کہ طالبان اور امریکا نے مذاکرات میں دو اہم نکات پر اتفاق کرلیا ہے جسے حتمی شکل دینے کے لیے ڈرافٹ بھی تیار کی جارہی ہے۔

    خیال رہے کہ گذشتہ برس نومبر میں بھی امریکی صدر ڈونلڈ ٹرمپ نے پاکستان کے خلاف ہرزہ سرارئی کرتے ہوئے کہا تھا کہ ہم نے پاکستان کی امداد اس لیے بند کی کیونکہ پاکستان نے ہمارے لیے کچھ نہیں کیا، امریکا نے پاکستان کو سالانہ 1.3 بلین ڈالر کی امداد دی۔

    ڈونلڈ ٹرمپ نے پاکستان کو دی جانے والی اربوں ڈالرز کی امداد بند کردی

    بعد ازاں وزیر اعظم عمران خان نے ٹرمپ کے بیان پر ردعمل دیتے ہوئے کہا تھا کہ امریکی صدر کے غلط بیانات زخموں پر نمک چھڑکنے کے مترادف ہیں، امریکی جنگ کا خمیازہ مالی و معاشی عدم استحکام کی شکل میں بھگتا ہے۔