واشنگٹن : امریکی صدر ڈونلڈ ٹرمپ عہدہ سنبھالنےکے بعد ارب پتی افراد کی فہرست میں تنزلی کے بعد 248 ویں نمبر پر آگئے ہیں جب کہ صدر بننے سے قبل وہ 156 ویں نمبر پر براجمان تھے.

تفصیلات کے مطابق صدر بننے کے بعد ڈونلڈ ٹرمپ کے اثاثوں میں نمایاں کمی واقع ہوئی ہے جس کے بعد وہ امیر ترین امریکیوں کی فہرست میں 92 درجے تنزلی کے بعد 156 سے 248 ویں پوزیشن پر آگئے ہیں جب کہ محض ایک سال کے دورِ صدارت کے دوران ٹرمپ کے اثاثوں میں ساٹھ کروڑ ڈالر کی نمایاں کمی واقع ہوئی ہے.

ذرائع کے مطابق یہ اعداد و شمار جریدے فوربس میں شائع ہوئے جس نے حال ہی میں چار سو امیر ترین امریکی شخصیات کی 36 ویں سالانہ فہرست جاری کی ہے جس کے مطابق گزشتہ برس کی نسبت امریکی صدر اور ریئل اسٹیٹ ٹائیکون ڈونلڈ ٹرمپ کے اثاثوں میں ساٹھ کروڑ ڈالر کی کمی ہوئی ہے.

دوسری جانب عام تاثر یہ ہے کہ پاکستان میں معمولی سا اقتدار ملنے کے بعد سیاسی رہنماؤں کے اثاثوں میں دن دگنی اور رات چوگنی کے مصداق حیران کن حد تک اضافہ ہوجاتا ہے اور یہی نہیں پاکستانی حکمرانوں کے اپنے کاروبار مین تو بڑھوتی ہوتی رہتی ہے لیکن قومی ادارے تنزلی کا شکار رہتے ہیں.

ایسی صور تحال میں جب کہ پاکستانی حکمراں غیرقانونی اثاثہ جات بنانے کے الزام میں پاناما کیس اور اب نیب ریفرنس میں پیشیاں بھگت رہے ہیں وہاں  امریکی صدر ڈونلڈ ٹرمپ کے اقتدار میں آنے کے بعد سے اثاثوں میں اضافے کے بجائے کمی پاکستانی سیاستدانوں کے بڑھتے اثاثوں پر سوالیہ نشان ہیں.

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

واشنگٹن: نو منتخب امریکی صدر ڈونلڈ ٹرمپ نے کہا ہے کہ لوگوں کو اپنے خیالات کے اظہار کا مکمل حق حاصل ہے، حکومت مخالف مظاہروں پر اتفاق نہیں مگر پرامن مظاہرے جمہوریت کا حسن ہیں۔

سماجی رابطے کی ویب سائٹ ٹوئٹر پر نومنتخب صدر نے اپنی مخالفت میں ہونے والے مظاہروں پر ردعمل دیتے ہوئے کہا کہ ’’احتجاجی مظاہرے دیکھ رہا ہوں مگر مظاہرین کو یہ بات سمجھنی چاہیے کہ ابھی تو میرا انتخاب ہوا ہے‘‘۔

Watched protests yesterday but was under the impression that we just had an election! Why didn’t these people vote? Celebs hurt cause badly.

— Donald J. Trump (@realDonaldTrump) January 22, 2017

انہوں نے کہا کہ مظاہرہ کرنے والوں نے مجھے ووٹ نہیں دیا مگر اتنی بڑی تعداد میں لوگ ووٹنگ کے وقت پر کہاں تھے؟، مظاہرہ کرنا ہرشخص کا حق ہے مگر اس میں موجود مشہور شخصیات مقصد کو بری طریقے سے نقصان پہنچاتی ہیں‘‘۔

پڑھیں: ’’ امریکی خواتین ٹرمپ کے خلاف سڑکوں پر آگئیں ‘‘

ٹرمپ نے اپنے ایک اور ٹوئیٹ میں کہا کہ ’’ اگرچہ میں مظاہروں سے اتفاق نہیں کرتا مگر امریکا میں لوگوں کو اپنے خیالات کے اظہار کا مکمل حق حاصل ہے یہی وجہ ہے کہ پرامن مظاہرے ہماری جمہوریت کا حسن ہیں۔

Peaceful protests are a hallmark of our democracy. Even if I don’t always agree, I recognize the rights of people to express their views.

— Donald J. Trump (@realDonaldTrump) January 22, 2017

خیال رہے ٹرمپ کے خلاف گزشتہ روز امریکا کی مختلف ریاستوں میں خواتین کی بڑی تعداد نے احتجاج کیا، اس مظاہرے میں خواتین کے حقوق کی علمبردار خواتین سمیت پاپ گلوکارہ میڈونا سمیت دیگر معروف شخصیات نے شرکت کی۔ ٹرمپ مخالف مظاہروں کا مقصد نومنتخب امریکی صدر کے حلف لینے پر اظہار برہمی تصور کیا جارہا ہے۔