Tag: امریکی قومی سلامتی کے مشیر

واشنگٹن : امریکی قومی سلامتی کے مشیر جیک سلیوان نے کہا ہے کہ امریکی بیڑہ حماس کیخلاف نہیں اسرائیل کی حفاظت کیلئے بھیجا گیا ہے۔

تفصیلات کے مطابق واشنگٹن میں امریکی قومی سلامتی کے مشیر جیک سلیوان نے نیوز کانفرنس کرتے ہوئے اسرائیل اور حماس کشیدگی کے حوالے سے کہا کہ امریکی بیڑہ خطے میں دوسرے کرداروں، دیگر ریاستوں اورغیرریاستی عناصر کو پیغام کیلئے بھیجا گیا ہے۔۔

جیک سلیوان کا کہنا تھا کہ امریکی بیڑہ حماس کیخلاف نہیں اسرائیل کی حفاظت کیلئے بھیجا گیا ہے ، بائیڈن نے ہمیں کسی بھی منظرنامے کیلئے تیاری کاحکم دیا ہے۔

امریکی قومی سلامتی کے مشیر نے ایک مرتبہ پھر ایران پرتنقید کرتے ہوئے کہا کہ شروع سےکہہ رہےہیں ایران حماس کےحملےمیں شریک ہے، حماس کے عسکری ونگ کے لیے فنڈنگ ایران فراہم کرتاہے، تصدیق نہیں کرسکتا ایران کو حماس کے حملے کا علم تھا یا نہیں۔

یاد رہے امریکا نے فلسطینی تنظیم حماس سے نمٹنے کیلئے اپنا جنگی بحری بیڑہ اسرائیل کے نزدیک بھیجنے کا اعلان کیا تھا، اس حوالے سے امریکی وزیرِ دفاع لائیڈ آسٹن نے کہا تھا کہ امریکا اس بات کو یقینی بنانے کے لیے کام کرے گا کہ اسرائیل کے پاس اپنے دفاع کے لیے جو ضرورت ہے وہ موجود ہو۔

واشنگٹن: امریکی قومی سلامتی کے مشیر جان بولٹن نے کہا ہے کہ مقتول سعودی صحافی جمال خاشقجی کی آڈیو ٹیپ نہیں سنی اور نہ ہی سننا چاہتا ہوں کیونکہ مجھے عربی نہیں آتی ہے۔

غیرملکی خبررساں ادارے کے مطابق امریکی قومی سلامتی کے مشیر جان بولٹن نے صحافیوں سے سوال کیا آپ بتائیں مجھے جمال خاشقجی کی آڈیو ٹیپ کیوں سننی چاہئے یہاں بیٹھے کتنے افراد کو عربی آتی ہے؟ جب عربی سمجھ ہی نہیں آتی تو سن کر کیا کرنا ہے۔

دوسری جانب کینیڈین وزیراعظم جسٹن ٹروڈو نے کہا تھا کہ کینیڈین انٹیلی جنس نے سعودی صحافی جمال خاشقجی کے قتل کی ریکارڈنگ سنی ہے۔

واضح رہے کہ ترک صدر رجب طیب اردوان نے کہا تھا کہ ترکی نے سعودی صحافی جمال خاشقجی کی ریکارڈنگ امریکا، برطانیہ سمیت کئی ممالک کو فراہم کی ہیں۔

مزید پڑھیں: امریکا، ہمیشہ سعودی عرب کا اتحادی رہنا چاہتا ہے، ڈونلڈ ٹرمپ

یاد رہے کہ امریکی صدر ڈونلڈ ٹرمپ کا کہنا تھا کہ ہوسکتا ہے جمال خاشقجی کے قتل سے متعلق سعودی ولی عہد کو کچھ پتا نہیں ہو تاہم سعودی عرب کی مدد کے بغیر اسرائیل کو بڑی مشکلات کا سامنا کرنا پڑتا۔

ٹرمپ کا کہنا تھا کہ امریکا ہمیشہ سعودی عرب کا اتحادی رہنا چاہتا ہے کیونکہ سعودیہ امریکا، اسرائیل اور دیگر ممالک کے لیے مفید ہے۔

خیال رہے کہ 2 اکتوبر میں سعودی صحافی جمال خاشقجی استنبول میں سعودی سفارت خانے گئے تھے جہاں انہیں قتل کردیا گیا تھا۔

بیس اکتوبر کو سعودی عرب نے باضابطہ طور پر یہ اعتراف کیا تھا کہ صحافی جمال خاشقجی کو استنبول میں قائم سفارت خانے کے اندر جھگڑے کے دوران قتل کیا گیا۔