Tag: امریکی محکمہ خارجہ کے ترجمان

واشنگٹن : امریکا کا کہنا ہے کہ پاکستان کی نئی حکومت کے ساتھ ملکرکام کریں گے لیکن انتخابات میں بےضابطگیوں کی مکمل تحقیقات ہوتی دیکھنا چاہتے ہیں۔

تفصیلات کے مطابق امریکی محکمہ خارجہ کے ترجمان میتھیو ملر نے پریس بریفنگ میں کہا کہ پاکستان میں نئی حکومت بن گئی اور ہم یقیناً اس حکومت کےساتھ مل کرکام کریں گے۔

میتھیوملر کا کہنا تھا کہ پاکستان میں مسابقتی الیکشن ہوا،کروڑوں لوگوں نےاپنی آوازسنائی، انتخابات میں بےضابطگیوں کی رپورٹس سامنےآئی ہیں،جن کی مکمل تحقیقات ہوتی دیکھناچاہتےہیں۔

گذشتہ روز ترجمان امریکی محکمہ خارجہ میتھو ملر نے پریس بریفنگ کے دوران وزیر اعظم شہبازشریف کے انتخاب پر ردعمل دیتے ہوئے کہا تھا کہ وزیراعظم شہبازشریف کیساتھ مشترکہ مفادات کوآگےبڑھانےپرمرکوزرہیں گے۔

ترجمان امریکی محکمہ خارجہ کا کہنا تھا کہ امریکاپاکستان کےساتھ اتحادکوقدرکی نگاہ سےدیکھتاہے، پاکستان کےساتھ دیرینہ شراکت داری ہے، خوشحال اور جمہوری پاکستان کوامریکاکےمفادات کےلیےاہم سمجھتے ہیں۔

واشنگٹن: امریکا نے قرضوں سے آزادی کیلئے پاکستان کی کوششوں کی حمایت کرتے ہوئے کہا کہ پاکستان کی نئی حکومت کو فوری طور پرمعاشی صورتحال کوترجیح دینا ہوگی۔

تفصیلات کے مطابق امریکی محکمہ خارجہ کے ترجمان میتھیو ملر نے پریس بریفنگ کے دوران کہا ہے قرضوں سے آزادی کیلئے پاکستان کی کوششوں کی حمایت کرتے ہیں، پاکستان معاشی استحکام کیلئےآئی ایم ایف سے کام جاری رکھے۔

میتھیو ملر کا کہنا تھا کہ پاکستان کی معیشت کی طویل مدتی صحت استحکام کیلئےاہم ہے ، پاکستان کی نئی حکومت کو فوری طور پرمعاشی صورتحال کوترجیح دینا ہوگی۔

آئندہ کئی ماہ کی پالیسیاں پاکستانیوں کیلئےمعاشی استحکام کیلئے انتہائی اہم ہوں گی پاکستان آئی ایم ایف اورمالیاتی اداروں سےمل کرمیکرواکنامک ریفارمزکیلئےکام کرے۔

واشنگٹن‌: امریکی محکمہ خارجہ کے ترجمان میتھیو ملر کا کہنا ہے کہ خطے کی سیکیورٹی کیلئے پاکستان کے ساتھ کام کرنے کیلئے تیار ہے۔

تفصیلات کے مطابق امریکی محکمہ خارجہ کے ترجمان میتھیو ملر کی پریس بریفنگ کے دوران سوال کیا گیا کہ افغانستان سے پاکستان میں دہشت گردی کے واقعات پر امریکا کیا تعاون کرسکتا ہے؟

جس پر میتھیوملر نے کہا کہ خطے کی سیکیورٹی پر پاکستان کے ساتھ کام کرنے کیلئے تیار ہیں، پاکستان کےساتھ خطے کی سیکورٹی اور دفاعی تعاون پر بات ہوئی ، انسداد دہشت گردی پر پاکستان کے ساتھ مشترکہ اقدامات کیے ہیں۔

گذشتہ روز امریکی سیکریٹری خارجہ انٹونی بلنکن نے کے پی میں سیکیورٹی پوسٹ پردہشت گردحملےکی شدیدمذمت کرتے ہوئے کہا تھا کہ مجرموں کو کٹہرے میں لانے کو یقینی بنانے میں پاکستانی عوام کےساتھ ہیں اور متاثرین سے تعزیت کرتے ہیں۔

خیال رہے سیکیورٹی فورسز نے خیبر پختونخواہ کے مختلف علاقوں میں انٹیلی جنس بیسڈ آپریشنز کئے، جس کے دوران مجموعی طور پر ستائیس دہشت گرد مارے گئے جبکہ 25 جوان بھی شہید ہوئے تھے۔

نیویارک : امریکی محکمہ خارجہ کے ترجمان مارگریٹ میک لاؤڈ کا کہنا ہے کہ امریکا پاکستان کیساتھ تعلقات اپنے طور پر دیکھتا ہے کسی اور کی نظر سے نہیں۔

تفصیلات کے مطابق امریکی محکمہ خارجہ ترجمان مارگریٹ میک لاؤڈ نے اے آر وائی سے اردو میں خصوصی گفتگو کی، مارگریٹ میکلاؤڈ نے بات چیت کا آغاز "آداب” سے کیا۔

امریکی ترجمان نے ہر سوال کا جواب اردو میں خوبصورتی سے دیا، پاک امریکا تعلقات سے متعلق سوال کے جواب میں مارگریٹ میک لاؤڈ نے کہا امریکا اور پاکستان کے بہت سےمشترکہ مفادات ہیں ، دونوں ممالک بہت سے شعبوں میں تعاون کرتے ہیں۔

امریکی محکمہ خارجہ کی ترجمان کا کہنا تھا کہ امریکا پاکستان کیساتھ تعلقات اپنے طور پر دیکھتا ہے کسی اور کی نظر سے نہیں، جمہوریت میں انتخابات انتہائی ضروری ہیں۔

انھوں نے مزید کہا کہ آج کل عالمی مالیاتی ادارےکےسدھار کی بات ہورہی ہے ، زراعت، توانائی، پانی اور ماحولیاتی تعاون کر رہے ہیں۔