Tag: امریکی محکمہ خارجہ

واشنگٹن: امریکی محکمہ خا رجہ کےترجمان مارک ٹونر کا کہنا ہے کہ پاکستان د ہشت گردی کے خلاف سنجیدہ اور موثر کارروائیاں کررہاہے۔

تفصیلات کے مطابق واشنگٹن میں میڈیا بریفنگ کے دوران امریکی محکمہ خارجہ کے ترجمان مارک ٹونر کا کہنا تھا کہ پاکستان
دہشت گردی کے خلاف سنجیدہ کارروائیاں کررہاہےاور اس کے خاتمے میں کامیابیاں بھی حاصل کررہا ہے۔

مارک ٹونر نے کہا کہ امریکہ کی توجہ انسدادِدہشت گردی کےلیے پاکستان کی صلاحیتیں بڑھانے پرمرکوزہے تاہم پاکستان کو تمام دہشت گرد گروہوں کےخلاف بلاتفریق کارروائی کرناہوگی ۔

پاک بھارت سوال سے متعلق ان کا کہنا تھا کہ امریکہ دونوں ملکوں کی ایک دوسرے کے خلاف بیان بازی سے بخوبی آگاہ ہے اور تعلقات معمول پر لانے کےلیے دونوں ملکوں کو مذاکرات کی میز پر ہی آنا ہوگا۔

امریکی محکمہ خارجہ کے ترجمان مارک ٹونر نے مزیدکہا کہ پاک روس یا امریکہ بھارت فوجی مشقیں جوابی کارروائی یاکسی گریٹ گیم کاحصہ نہیں ہیں۔

واضح رہے کہ ایک بار پھر امریکہ نے اس بات پر زور دیا کہ پاکستان ان گروپوں کے خلاف بھی کارروائی کرے جو اس کےپڑوسی ممالک کو نشانہ بنا رہے ہیں۔

واشنگٹن: امریکہ نے پاکستان پر کسی بھی قسم کی پابندیوں پر غور کی سختی سے تردید کی اور دہشت گردوں کے تمام محفوظ ٹھکانوں کو ختم کرنے پر بھی زور دیا ہے۔

تفصیلات کےمطابق واشنگٹن میں امریکی محکمہ خارجہ کے ترجمان مارک ٹونرنے پریس بریفنگ کےدوران کہنا تھا کہ پاکستان کے خلاف پابندیاں لگانے پر غور نہیں ہو رہا۔

انہوں نے کہا کہ حال ہی میں پاکستان نے پاک افغان سرحدی علاقے میں بعض کارروائیاں کی ہیں جو حوصلہ افزا ہیں اور پاکستا ن کو ایسی کارروائیاں بڑھانا ہوں گی۔

امریکی محکمہ خارجہ کے ترجمان مارک ٹونر نے کہا کہ پڑوسی ملکوں کو نشانہ بنانے والے جنگجوؤں سمیت تمام دہشت گردوں کے خلاف بلا تفریق آپریشن کرنا ہو گا۔

ترجمان امریکی محکمہ خا رجہ مارک ٹونر نےصحافیوں کو بریفنگ کے دوران بتایا کہ پاکستان کے خلاف پابندیاں لگانے پر کسی قسم کا کوئی غور نہیں کیا جا رہا ہم پاکستان کے ساتھ مل کر کام کررہے ہیں۔

مزید پڑھیں: پاکستان نے دہشت گردی سے بہت نقصان اٹھایا،جان کیری کا اعتراف

یاد رہے کلہ گزشتہ ہفتے امریکی وزیرخارجہ نےاعتراف کیاتھاکہ پاکستان نے دہشت گردی سے بہت نقصان اٹھایا،پچاس ہزار پاکستانی دہشت گردی کا نشانہ بنے،ہم سب کو پاکستان کی حمایت کرنی چاہیے۔

واضح رہے کہ امریکی محکمہ خارجہ کے ترجمان نے کہا کہ ہم نے پاکستان پر واضح کر دیاہے انہیں تمام دہشت گر گروپوں کے خلاف کاررروائی کرنے کی ضرورت ہے۔

واشنگٹن : امریکا کا کہنا ہے کہ پر تشدد اور انتہاپسندی پر مبنی واقعات کی روک تھام کےلیے پاکستان اور افغانستان کو مل کر کام کرنا چاہیے.

تفصیلات کے مطابق امریکی محکمہ خارجہ کی ترجمان الیزبتھ ٹروڈو کا پریس بریفنگ کا کہنا تھاکہ کابل میں امریکی یونیورسٹی پر حملے
کے حوالے سے کہا تھا کہ اس بارے میں ابھی کچھ نہیں کہا جاسکتا تاہم امریکا اس بات کی حوصلہ افزائی کرتا ہے کہ پاکستان اور افغانستان دونوں مل کر کام کریں تاکہ مستقبل میں اس طرح پرتشدد واقعات رونما نہ ہوں.

امریکا نے اس حوالے سے پاکستان کی اعلیٰ ترین قیادت کے ساتھ اپنی تشویش کا اظہار کیا ہے اور اس ضرورت پر زور دیا ہے کہ وہ انتہاپسندوں کو محفوظ پناہ گاہیں فراہم نہ کرے.

امریکی محکمہ خارجہ کے ترجمان نے حکومت پاکستان پر یہ بھی زور دیا ہے کہ وہ اپنے وعدوں پر عمل کرتے ہوئے دہشت گردگروپوں میں امتیاز نہ برتے.

ترجمان الیزبتھ ٹروڈوکا کہنا تھا کہ جنرل راحیل شریف پہلے ہی کہہ چکے ہیں کہ وہ اس سلسلے میں کوئی امتیاز نہیں کریں گے اور یہ حملہ یہ ظاہر کرتا ہے کہ ہمیں اس سلسلے میں ابھی مزید اقدامات کرنے کی ضرورت ہے .

*طالبان ہتھیار ڈال کر امن عمل میں شریک ہوں،امریکا

واضح رہے کہ گزشتہ ہفتے امریکا کا کہنا تھا کہ طالبان کو ہتھیار پھینک کر آئین تسلیم کرتے ہوئے افغان عمل کا حصہ بننا چاہیے.