Tag: امریکی محکمہ خارجہ

  • امریکہ پاکستان کو بم پروف گاڑیاں اور پرزہ جات فراہم کریگا

    امریکہ پاکستان کو بم پروف گاڑیاں اور پرزہ جات فراہم کریگا

    واشنگٹن :امریکی محکمہ خارجہ نے پاکستان کو بم پروف گاڑیاں اور اس کے پرزہ جات فروخت کرنے کی اجازت دے دی ہے۔

    امریکی ڈیفنس سیکورٹی ایجنسی کے اعلامیے کے مطابق امریکا ،پاکستان کو بم حملوں سے بچاؤ کی ایک سو ساٹھ گاڑیا ں اوران کےپرزہ جات فروخت کریگا۔ پاکستان کو گاڑیاں اور دیگرسامان ایک سواٹھانوے ملین ڈالرمیں بیچا جائے گا۔

    امریکی حکومت اس جنگی سازوسامان کےحوالےسے پاکستانی حکام کوخصوصی تربیت فراہم کرنےکیلئےاپنےماہرین کوپاکستان بھیجےگی۔

    اعلامیہ کے مطابق پاکستان نےامریکا سے بم حملوں سے بچاؤ کی گاڑیاں اوردیگرسامان حاصل کرنےکی درخواست کی تھی۔

  • امریکہ طالبان سے غافل نہیں، امریکی محکمہ خارجہ

    امریکہ طالبان سے غافل نہیں، امریکی محکمہ خارجہ

    واشنگٹن: امریکی محکمہ خارجہ کی ترجمان میری ہارف کا کہنا ہے کہ امریکہ افغانستان اور پاکستان میں دہشت گردی ختم کرنے کے لئے اپنا کردارادا کررہا ہے، خطے میں دہشت گردی روکنے کیلئے اب بھی وسائل بروئے کارلا ئے جارہے ہیں۔

    غیرملکی صحافیوں کو بریفنگ دیتے ہوئے امریکی محکمہ خارجہ کی ترجمان میری ہارف نے کہا کہ عراق میں داعش کے خلاف امریکہ کی جارحانہ کاروائیوں کا مطلب یہ نہ لیا جائے کہ امریکہ افغانستان اوراس کے سرحدی علاقوں میں موجود دہشت گردوں سے غافل ہے۔

    امریکی محکمہ خارجہ کی ترجمان کا کہنا تھا کہ الظواہری کے علاوہ القائدہ کے تمام بڑے دہشت گرد اسی خطے میں مارے گئے ہیں، دنیا کے مختلف حصوں میں موجود دہشت گرد نہ صرف امریکہ بلکہ پوری دنیا کیلئے خطرہ ہیں،انہوں نے ایک بار پھر واضح کیا کہ داعش کے خلاف فوجی کاروائیوں میں ایران سے تعاون نہیں کیا جائے گا۔

    ایک سوال پرامریکی محکمہ خارجہ کی ترجمان کا کہنا تھا کہ داعش میں 80 سے زائد ممالک کے شدت پسند موجود ہیں جن میں امریکی اوریورپی باشندے بھی شامل ہیں۔

  • امریکا کی متاثرینِ سیلاب کیلئے امداد کی پیشکش

    امریکا کی متاثرینِ سیلاب کیلئے امداد کی پیشکش

    واشنگٹن: امریکا نے کہا ہے کہ پاکستان نے متاثرینِ سیلاب کیلئے مدد کی درخواست کی تو بھرپور امداد کریں گے۔

    امریکی محکمہ خارجہ کی ترجمان میری ہاف نے میڈیا بریفنگ میں کہا ہے کہ پاکستان نے سیلاب سے ہونے والی تباہی کے بعد انفرااسٹرکچر اور متاثرین کی بحالی کے لئے مدد نہیں مانگی۔

    انکا کہنا ہے کہ اگر پاکستان نے مدد کی درخواست کی تو امریکا متاثرین کے لئے تمام وسائل فراہم کرے گا۔

    انہوں نے کہا ہے کہ کشمیرمیں سیلاب میں گھیرے افراد کو مدد فراہم کرنے کے لئے پاکستان اور بھارت کی جانب سے ایک دوسرے کو جو پیش کش کی گئی وہ خوش آئند ہے۔

    دونوں ملک براہ راست رابطوں سے باہمی مسائل حل کرسکتے ہیں، امریکا پاکستان اور بھارت کے تعلقات کی بحالی کے لئے تمام اقدامات کی حمایت کرے گا۔

  • پاکستان میں کسی بھی غیر آئینی اقدام کے خلاف ہے, امریکہ

    پاکستان میں کسی بھی غیر آئینی اقدام کے خلاف ہے, امریکہ

    واشنگٹن : امریکی محکمہ خارجہ نے کہا ہے کہ امریکہ پاکستان میں کسی بھی ایسے غیر آئینی اقدام کے خلاف ہے جس سے جمہوریت کی بساط لپیٹی جائے۔

    محکمہ خارجہ میں پریس بریفنگ کے دوران صحافیوں کے سوال کا جواب دیتے ہوئے ترجمان میری ہارف کا کہنا تھا کہ امریکہ بارہا کہ چکا ہے کہ وہ اسلام آباد میں جاری دھرنوں کی صورتحال کا احتیاط سے جائزہ لے رہا ہے۔

    میری ہارف کا کہنا تھا کہ امریکہ پاکستان کی سیاسی قوتوں کے درمیان معاملات بات چیت کے ذریعے حل کرنے کی حوصلہ افزائی کرتا ہے، انہوں نے بتایا کہ پاکستان میں امریکی سفیر پاکستانی حکام سے رابطے میں ہیں۔

  • جمہوریت کےاستحکام کے لئے فریقین مذاکرات کریں، امریکا

    جمہوریت کےاستحکام کے لئے فریقین مذاکرات کریں، امریکا

    واشنگٹن: امریکا نے کہا ہے کہ پاکستان میں جمہوریت کے استحکام کے لئے حکومت اور احتجاجی جماعتوں کو مذاکرات کے ذریعے اختلافات حل کرنے چاہئیں۔

    امریکی محکمہ خارجہ کی ترجمان جین پساکی نے میڈیا بریفنگ میں بتایا کہ اسلام آباد میں سفارت خانہ عملے کی سیکورٹی خدشات کی بناء پر بند کیا گیا ہے، سفارت خانہ دوبارہ کھولنے کے بارے میں ابھی حتمی طور پر کچھ نہیں کہا جاسکتا۔

    پاکستان میں سابق امریکی سفیر کیمرون منٹرکے بیان پر کہا کہ پاکستان میں فوجی بغاوت کا امکان ہے اورامریکا کی جانب سے پاکستان پر ممکنہ پابندیاں عائد کرنے کے بارے میں جین پساکی نےکہا کہ امریکا پاکستان کی صورتحال کا بغورجائزہ لے رہا ہے۔

    امریکی حکام پاکستانی ہم منصبوں سے رابطے میں ہیں تاہم مستبقل کی صورتحال کے بارے میں پیش گوئی نہیں کی جاسکتی، امریکا فریقین سے بات چیت نہیں کررہا، اس لئے نتائج کا درست تجزیہ پیش نہیں کیا جا سکتا،جمہوریت کو مستحکم کرنے کے لئے حکومت اور احتجاجی گروپوں کو اختلافات بات چیت سے دورکرنے چاہئیں۔

  • تشدد سے پاکستان میں نظام کی تبدیلی کی حمایت نہیں کرتے، امریکی محکمہ خارجہ

    تشدد سے پاکستان میں نظام کی تبدیلی کی حمایت نہیں کرتے، امریکی محکمہ خارجہ

    واشنگٹن: امریکی محکمہ خارجہ نے کہا ہے کہ تشدد سے پاکستان میں نظام کی تبدیلی کی حمایت نہیں کرتے۔

    پاکستانی سیاسی حالات پر امریکی محکمہ خارجہ کے مؤقف میں کوئی تبدیلی نہیں ہوئی، امریکا مسلسل 7روز سے فریقین کے مابین مذاکرات اور پرامن حل پر زور دے رہا ہے۔

    امریکی محکمہ خارجہ کسی قسم کے تشدد اور طاقت کے استعمال کی مخالفت کرتا ہے اور تشدد یا طاقت کے ذریعے سیاسی نظام کی تبدیلی کی مخالفت کرتا ہے۔ یاد رہے کہ 7روز قبل ہندوستانی صحافیوں کے سوال کے جواب میں امریکی محکمہ خارجہ کی ترجمان میری ہارف نے کہا تھا کہ نوازشریف پاکستان کے منتخب وزیراعظم ہیں اور ان کا انتخاب بحیثیت وزیراعظم ان کی پاکستان کی نمائندگی کے حق کا ثبوت ہے۔

  • پاکستان میں تمام معاملات آئینی طریقے سے حل ہونے چاہئیں، امریکہ

    پاکستان میں تمام معاملات آئینی طریقے سے حل ہونے چاہئیں، امریکہ

    واشنگٹن : امریکی محکمہ خارجہ کا کہنا ہے کہ پاکستان میں تمام معاملات آئینی طریقے سے حل ہونے چاہئیں۔

    امریکی محکمہ خارجہ کی ترجمان جین پساکی نے نیوز بریفنگ کے دوران بتایا کہ امریکا پاکستان کی سیاسی صورتحال کا بغور جائزہ لے رہا ہے، ترجمان کا کہنا تھا کہ فریقین ایسے تمام اقدامات سے گریز کریں ، جن سے تشدد کا خطرہ ہو، پر امن احتجاج جمہوری حق ہے لیکن اس حق کو احتیاط سے استعمال کریں۔

    جین پساکی کا کہنا تھا کہ ایسے معاملات سے گریز کیا جائے، جس سے حالات مزید خراب ہوں، تمام معاملات آئینی طریقے سے حل کئے جائیں۔

  • امریکا کی پاکستان کے لئے سفری وارننگ جاری

    امریکا کی پاکستان کے لئے سفری وارننگ جاری

    واشنگٹن : امریکا نے پاکستان کے لئے ٹریول ایڈوائزری جاری کرتے ہوئے اپنے شہریوں کو پاکستان کے غیرضروری سفرسے گریز کرنے کی ہدایت کی ہے۔

    امریکی محکمہ خارجہ کی جانب سے جاری بیان میں کہا گیا ہے کہ پاکستان میں موجود دہشت گرد امریکی شہریوں کے لئے خطرہ ہیں۔ دہشت گرد شہریوں اورغیرملکیوں کو نشانہ بنا رہے ہیں، اغوا برائے تاوان کی وارداتوں میں بھی اضافہ ہوا ہے۔

    محکمہ خارجہ کا کہنا تھا کہ ایسی اطلاعات ہیں کہ دہشت گرد امریکی اور مغربی شہریوں پر حملے کرسکتے ہیں، اس لئے امریکی شہری پاکستان کا سفراختیار کرنے سے گریز کریں اور پاکستان میں رہائش پذیر امریکی بڑے مجمع سے دور رہیں۔

  • امریکا نے یوکرائن میں روسی مداخلت کے شواہد جاری کردیئے

    امریکا نے یوکرائن میں روسی مداخلت کے شواہد جاری کردیئے

    واشنگٹن : امریکی محکمہ خارجہ نے یوکرائن میں روسی مداخلت کے شواہد میڈیا میں جاری کر دیئے گئے ہیں ۔

    امریکی محکمہ خارجہ نے یوکرائن میں روسی مداخلت کے حوالے سے تصاویر پر مبنی شواہد فراہم کرتے ہوئے تفصیلات جاری کی ہیں، محکمہ خارجہ کے مطابق یوکرائنی فورسز اور علیحدگی پسندوں کے درمیان جھڑپ کے دوران روس کی سرحد سے فورسز پر راکٹ فائر کیے گئے۔

    محکمہ خارجہ کا کہنا ہے کہ روس کی جانب سے علیحدگی پسندوں کو بھاری اسلحے کی فراہمی جاری ہے، جو یوکرائن کی خود مختاری کی کھلی خلاف ورزی ہے۔ اس سے قبل روس نے شواہد نہ ہونے پر الزامات کی تردید کی تھی۔

  • طارق فاطمی کی امریکی محکمہ خارجہ میں اہم ملاقات

    طارق فاطمی کی امریکی محکمہ خارجہ میں اہم ملاقات

    واشنگٹن :امریکی محکمہ خارجہ نے آپریشن ضرب عضب سے پہلے دہشت گردوں کے محفوظ مقام پر منتقل ہونے پر تشویش کا اظہار کر دیا ہے۔

    واشنگٹن سے اے آر وائی نیوز رپورٹر جہانزیب علی کے مطابق مشیر خارجہ طارق فاطمی نے امریکی محکمہ خارجہ کے افسران سے اہم ملاقات کے دوران کہا کہ فوجی آپریشن ہر تنظیم کے دہشت گرد کے خلاف ہے۔

    امریکی محکمہ خارجہ کے اہلکاروں سے ملاقات میں طارق فاطمی نے یاد دلایا کہ دہشت گردی کے خلاف جنگ میں سب سے زیادہ نقصان پاکستانی قوم کا ہوا اور پاکستان کسی شدت پسند تنظیم یا دہشت گرد کی پشت پناہی نہیں کر رہا، شمالی وزیرستان میں فوجی آپریشن تمام دہشت گردوں کے خلاف ہے۔

    ملاقات میں پاکستان سے دہشت گردوں کی بڑی تعداد کی افغانستان منتقلی پر بھی تفصیلی بات چیت ہوئی، طارق فاطمی نے خدشات کا اظہار کیا کہ شدت پسند افغانستان میں دوبارہ سے منظم ہوکر پاکستان کے خلاف کاروائیوں کا آغاز کرسکتے ہیں، اس لئے غیر ملکی افواج اور افغان فورسز کو ان کے خلاف فوری کارروائی کا آغاز کرنا چاہیے۔

    دوسری جانب امریکی محکمہ خارجہ نے شدت پسندوں کی منتقلی کو افغانستان کی سلامتی کیلئے خطرہ قرار دیا۔