Tag: امریکی محکمہ خارجہ

واشنگٹن: امریکی محکمہ خارجہ کے نائب ترجمان نے کہا ہے کہ پاکستان خطے میں سب سے اہم شراکت داروں میں سے ایک ہے۔

تفصیلات کے مطابق امریکی محکمہ خارجہ کے نائب ترجمان ویدانت پٹیل نے پریس کانفرنس کرتے ہوئے کہا کہ حکومت پاکستان کے ساتھ تعاون جاری ہے۔ پاکستان سے سیکیورٹی اور تجارت کے شعبے میں خاص شراکت داری ہے۔

ترجمان امریکی محکمہ خارجہ نے کہا کہ پاکستان سے مضبوط رشتہ ہے، اسے مزید مضبوط بنانے کی کوشش کرینگے۔

ویدانت پٹیل کا مزید کہنا تھا کہ سکھ رہنما پر حملے کا معاملہ امریکی محکمہ انصاف دیکھ رہا ہے، وہ ہی اس پر تبصرہ کرسکتے ہیں۔

ترجمان امریکی محکمہ خارجہ سے بھارت سے آسٹریلوی صحافی کی ملک بدری پر بھی سوال کیا گیا، جس پر نائب ترجمان امریکی محکمہ خارجہ نے کہا کہ جمہوریت میں ایک آزاد پریس کا لازمی کردار ہے۔

ویدانت پٹیل نے کہا کہ ہم باقاعدگی سے پریس کے سوالات کا سامنا کرتے ہیں، آسٹریلوی صحافی کے معاملے پر ہندوستان میں حکام کو تبصرے کیلئے چھوڑتا ہوں۔

واشنگٹن: امریکی محکمہ خارجہ کے ترجمان میتھیو ملر نے کہا ہے کہ ہم نے بدقسمتی سے یہودیوں کیخلاف دشمنی میں اضافہ دیکھا ہے.

ترجمان امریکی محکمہ خارجہ کا پریس کانفرنس کرتے ہوئے کہنا تھا کہ ہم نے مسلم مخالف جذبات میں بھی اضافہ دیکھا، اس بارے میں ہم یہاں اور دنیا بھر میں ناقابل یقین حد تک فکرمند ہیں، ہم کسی کو کسی بھی شکل میں نفرت پھیلاتے ہوئے نہیں دیکھنا چاہتے۔

میتھیو ملر نے کہا کہ تنازع کے جلد خاتمے اور پائیدار حل تلاش کرنے کی کوشش کررہے ہیں، تنازع کا حل مسلمانوں، یہودیوں، عیسائیوں اور خطے کے ممالک کے مفاد میں ہے۔

انھوں نے کہا کہ مسئلہ فلسطین کا دوریاستی حل ہی آگے کا راستہ ہے۔ جانتے ہیں دوریاستی حل ناقابل یقین حد تک مشکل ہے۔ دوریاستی حل ناقابل یقین حدتک تاریک نظر آتا ہے

امریکی محکمہ خارجہ نے کہا کہ فلسطینی عوام سے مفاہمت کا راستہ تلاش کرنا اسرائیلی وسیع ترسلامتی مفاد میں ہے، مسئلہ حل نہیں ہوا تو اسرائیل کے سیکیورٹی خدشات 7 اکتوبر سے پہلے جیسے ہونگے۔

ترجمان نے کہا کہ غزہ کی صورتحال پر دنیا بھر میں بڑھتی نفرتیں باعث تشویش ہے۔ وزیرخارجہ نے متعدد مواقعوں پرغزہ صورتحال پر بات کی۔

میتھیو ملر نے کہا کہ جب تنازعے پر فریقین کا غیرانسانی رویہ دیکھتے ہیں تو ایک لائسنس مل جاتا ہے۔ غزہ کی موجودہ صورتحال کسی کےمفادمیں نہیں ہے۔