Tag: امریکی مندوب

  • امریکی اڈوں یا شہریوں پرحملہ ہوا تو رد عمل تباہ کن ہوگا، امریکی مندوب

    امریکی اڈوں یا شہریوں پرحملہ ہوا تو رد عمل تباہ کن ہوگا، امریکی مندوب

    نیویارک : اقوام متحدہ میں امریکی مندوب ڈوروتھی شیا کا کہنا ہے کہ ایران کے پاس جوہری ہتھیار نہیں ہونےچاہئیں، امریکی اڈوں یاشہریوں پرحملہ ہواتورد عمل تباہ کن ہوگا۔

    تفصیلات کے مطابق اقوام متحدہ میں امریکی سفیر ڈوروتھی شیا نے سلامتی کونسل سے خطاب میں کہا کہ ایران پر حملے کر کے اپنےاتحادی اسرائیل کی مدد کی، دنیا بالخصوص مشرق وسطیٰ میں عدم استحکام کی جڑکوسبق سکھایا۔

    امریکی مندوب نے بتایا کہ گزشتہ روز ایران میں جوہری تنصیبات کو نشانہ بنایاگیا، حملوں کا مقصد ایران کی جوہری صلاحیت کو روکنا تھا، ایران دہشت گردی کا اسپانسر ہے ، دنیا کومحفوظ بنانا تھا، ایران کو کسی صورت ایٹمی ہتھیار بنانے کی اجازت نہیں دے سکتے۔

    ان کا کہنا تھا کہ ایران 40 سال امریکا اور اسرائیل کے خلاف نعرے لگا رہا ہے، ایران امریکا اور اسرائیل کو ختم کرنے کے نعرے لگاتا ہے،ایران خطے میں کشیدگی بڑھانےکےاقدامات سے بازرہے۔

    مزید پڑھیں : سلامتی کونسل میں چین اور روس کی ایران پر امریکی حملے کی شدید مذمت

    ڈوروتھی شیا نے مزید کہا کہ ایران سے ان کے خطے کے ممالک کو بھی خطرہ ہے، ایران نے اسرائیل پر میزائلوں اور پراکسیوں سے حملہ کیا،ایرانی پراکسیز امریکی شہریوں کے قتل میں بھی ملوث ہیں، ایرانی پراکسیز نےعراق اور افغانستان میں امریکیوں کو قتل کیا اور حالیہ مذاکرات میں ایران کی نیت اچھی نہیں نظر آئی۔

    ان کا کہنا تھا کہ واضح ہے ایرانی رجیم کے پاس جوہری ہتھیار نہیں ہونےچاہئے، امریکی اڈوں یا شہریوں پر حملہ ہوا تو اس کاتباہ کن ردعمل ہوگا۔

  • یروشلم کےحق میں ووٹ نہ دیا تو امداد بند کردیں گے، ٹرمپ

    یروشلم کےحق میں ووٹ نہ دیا تو امداد بند کردیں گے، ٹرمپ

    واشنگٹن : امریکی صدر ڈونلڈ ٹرمپ نے کہا ہے کہ اقوام متحدہ میں آج ہونے والی ووٹنگ میں جن ممالک نے یروشلم کو دارالخلافہ تسلیم کرنے کے حق میں ووٹ نہ دیا تو اس ملک کی امداد بند کریں گے۔

    اس بیان سے قبل اقوام متحدہ میں امریکا کی مستقل مندوب نکی ہیلی نے سماجی رابطے کی ویب سائٹ ٹویٹر پر اپنے پیغام میں سخت لب و لہجہ اپناتے ہوئے مخالفین کو آڑے ہاتھوں لیا تھا۔

    اُن کا کہنا تھا کہ اقوام متحدہ میں ہمیشہ امریکا سے زیادہ توقعات وابستہ کی جاتی ہیں اور امریکا ان توقعات پر پورا بھی اترتا ہے لیکن جب امریکا اپنی عوام اور مفادات کو مدنظر رکھتے ہوئے کوئی فیصلہ کرتا ہے تو اعتراض کیا جاتا ہے۔

    انہوں نے مزید کہا تھا کہ ہمیں ایسے لوگوں کی جانب سے اعتراض کی امید توقع نہیں رکھتے جنہیں امریکا امداد دیتا رہا ہے لیکن ایک ایسے انتخاب پر جس کا ہمیں پورا حق ہے اس پر اعتراض کی اجازت نہیں دی جائے گی۔


     امریکی ہٹ دھرمی برقرار، بیت المقدس پر قرارداد ویٹو


    نیکی ہیلی نے دھمکی آمیز لہجے میں کہا تھا کہ جمعرات کو اقوام متحدہ میں امریکا کے یروشلم کو اسرائیل کا دارالخلافہ تسلیم کرنے کے خلاف ووٹ دیا جائے گا اور ہمارے آئینی حق پر شدید تنقید بھی کی جائے گا اور ایسے کرنے والے ممالک کے نام ہم نوٹ کریں گے۔

    دوسری جانب امریکی صدر ڈونلڈ ٹرمپ نے نکی ہیلی کے بیان کی تائید کرتے ہوئے اپنے مخصوص قابل اعتراض لب و لہجے میں کہنا تھا کہ بیت المقدس کے معاملے پر ووٹنگ سے پہلے امریکی صدر دھمکیوں پر اترآئے ہیں۔

    انہوں نے اقوام متحدہ میں اپنی مستقل مندوب سے ایک قدم آگے بڑھتے ہوئے مزید کہا کہ یروشلم کے خلاف ووٹ دینے والے ممالک کی امداد میں کٹوتی یا مکمل طور پر بند کردی جائے گی۔

    امریکی صدر ڈونلڈ ٹرمپ کا کہنا تھا کہ اقوام متحدہ کی جنرل اسمبلی میں آج بیت المقدس کے معاملے پر ووٹنگ ہوگی اور امریکا سے امداد لینے والے ممالک کو پتہ چل جائے گا، ہم تمام صورت حال کا بہ غور جائزہ لے رہے ہیں۔

    یاد رہے امریکی صدر ڈونلڈ ٹرمپ نے متنازعہ علاقے یروشلم کو اسرائیل کا دارالخلافہ تسلیم  کرتے ہوئے امریکی سفارت خانے کی تل ابیب سے یروشلم منتقل کرنے کا اعلان کیا تھا جب کہ امریکا یروشلم کے خلاف آنے والی قرارداد کو اقوام متحدہ میں پہلے ہی ویٹو کرچکا ہے۔