واشنگٹن : امریکی وزیرِخارجہ نے کہا ہے کہ دہشتگردی کے خاتمے کیلئے پاکستان کے ساتھ مل کام کر رہے ہیں۔
واشنگٹن میں امریکی مالیاتی کمیٹی سے خطاب میں جان کیری کا کہنا تھا کہ سانحہ پشاور کے بعد انتہاء پسندوں کے خاتمے کیلئے امریکی حکومت نے پختہ عزم کرلیا ہے اور دہشتگردی کے خاتمے کیلئے پاکستان کے ساتھ مل کر کام کررہے ہیں ۔
ان کہنا ہے کہ امریکہ پاکستان میں شعبہ صحت ، تعلیم اور دیگر شعبہ جات میں بہتری کے لیے تین اعشاریہ چارملین ڈالر دینے کا ارادہ رکھتا ہے ۔
امریکی وزیرِخارجہ نے کہا کہ پاکستان کے ساتھ ملکر ایسے دہشت گرد گروپوں کے خلاف کام کر رہے ہیں جو دونوں ملکوں کی سکیورٹی کےلئے خطرہ ہیں۔
جان کیری نے کہا کے دہشتگردوں کو شکست متحد ہوکر دی جاسکتی ہے۔
انہوں نے یہ بھی کہا کہ انتہا پسندوں کے خلاف جنوبی اور وسطی ایشیا میں لڑائی جاری ہے، افغانستان کے ساتھ سکیورٹی معاملات پر مشاورت جاری رکھیں گے۔ نئی افغان حکومت کی امداد کیلئے 1.5ارب ڈالر کی درخواست کریں گے۔
