Tag: امریکی وزیر خارجہ

اسلام آباد : ترجمان دفتر خارجہ ڈاکٹر فیصل نے کہا ہے کہ پاکستان نے ملک کے طول و عرض میں دہشت گردوں کے خلاف بڑے پیمانے پر کامیاب آپریشن کیے ہیں جب کہ دہشت گردی کے خلاف جنگ میں پاکستانی عوام اور افواج نے بڑی قربانیاں پیش کیں ہیں۔

وہ امریکی وزیر خارجہ ریکس ٹیلرسن کے بیان پر ردعمل دے رہے تھے، ترجمان دفتر خارجہ پاکستان کا کہنا تھا کہ امریکی وزیر خارجہ کے تبصرے اورسوچ سے پاکستان اتفاق نہیں کرتا ہے اور زمینی حقائق بھی ان کے الزامات سے یکسر مختلف ہیں۔

ترجمان دفتر خارجہ نے کہا کہ پاکستان کی سیکیورٹی فورسز کی جانب سے ملک بھر میں کی گئی کارروائیوں اور انسداد دہشت گردی آپریشنز میں قابل ذکر کامیابیاں حاصل ہوئی ہیں جس کے لیے پاک فوج کے جوانوں نے اپنی جانیں قربان کی ہیں۔

ترجمان دفتر خارجہ ڈاکٹر فیصل نے کہا کہ پاکستان دہشت گردی کا شکار ملک ہے جس نے پچاس ہزار سے زیادہ جانوں کا نذرانہ پیش کی ہیں چنانچہ دہشت گردوں کے خلاف بھرپور آپریشن پاکستان خود اپنے قومی مفاد میں کر رہا ہے۔

اسی سے متعلق : دہشت گرد کابل کے بجائے اسلام آباد کو نشانہ بنا سکتے ہیں، امریکی وزیرخارجہ

انہوں نے مزید کہا کہ پاکستان اپنی سرزمین کو دہشت گردی اور انتہاپسندی سے پاک کرنے کے لیے پُرعزم ہے اور اب وقت آگیا ہے کہ پاکستان کی قربانیوں کا عالمی سطح پر اعتراف کیا جائے۔

خیال رہے امریکی وزیر خارجہ ریکس ٹیلرسن نے گزشتہ روز اپنے ایک بیان میں پاکستان سے ڈومور کا مطالبہ کرتے ہوئے دیشت گردوں کے خلاف سخت کارروائیوں کا مطالبہ کیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

واشنگٹن: وزیراعظم میاں محمد نواز شریف اور امریکی وزیر خارجہ جان کیری کے درمیان ملاقات ہوئی ہے۔ملاقات میں افغانستان کی صورت حال،مسئلہ کشمیر سمیت دیگر معاملات پر تبادلہ خیال کیا گیا۔

واشنگٹن میں وزیر اعظم نواز شریف اور امریکی وزیر خارجہ جان کیری سے ملاقات ہوئی، امریکی وزیر خارجہ جان کیری کا اس موقع پر کہنا تھا امریکہ پاکستان کی دہشت گردی کے خلاف جنگ کو قدر کی نگاہ سے دیکھتا ہے، پاکستان افغانستان کے مصالحتی عمل میں اپنا مثبت کردار ادا کرے۔

جان کیری کا کہنا تھا افغانستان اور پاکستان سے دہشتگردوں کی محفوظ پناہ گاہیں ختم کرنے کی ضرورت ہے ،امریکہ پاک افغان خطے میں امن دیکھنا چاہتا ہے۔

وزیر اعظم نواز شریف اور جان کیری کے درمیان پاک بھارت تعلقات پربھی تفصیلی بات ہوئی،وزیر اعظم نواز شریف کا کہنا تھا پاکستان بھارت کے ساتھ امن چاہتا ہے مگربھارت مذاکرات سے پیچھے ہٹ رہا ہے، بھارت پاکستان میں تخریبی کاروائیوں میں بھی ملوث ہے۔

وزیر اعظم نواز شریف کا جان کیری سے گفتگومیں کہنا تھا پاک بھارت امن کیلئے مسئلہ کشمیر کا حل انتہائی ضروری ہے۔