Tag: امریکی وزیر دفاع

واشنگٹن: امریکی وزیر دفاع جیمز میٹس نے کہا ہے سعودی صحافی جمال خاشقجی کے قتل پر کچھ کہنے سے پہلے مزید شواہد درکار ہیں۔

غیرملکی خبررساں ادارے کے مطابق امریکی وزیر دفاع جیمز میٹس نے صحافیوں سے گفتگو کرتے ہوئے کہا کہ یقین ہے کہ جمال خاشقجی کے قتل کی حقیقت جاننے کے لیے مزید شواہد حاصل کرلیں گے۔

جیمز میٹس نے کہا کہ فی الحال علم نہیں کہ آگے کیا ہوگا اور کسے اس قتل کا ذمہ دار ٹھہرایا جائے گا۔

ادھر استنبول میں ترک عدالت نے سعودی ولی عہد کے سابق مشیر احمد العسیری اور سعود القحطائی کے وارنٹ جاری کردئیے ہیں، عدالتی دستاویز میں ملزمان کو قتل کا منصوبہ ساز قرار دیا گیا ہے۔

احمد العسیری انٹیلی جنس کے سربراہ جبکہ سعود القحطائی ولی عہد کے اہم مشیر تھے، سعودی عرب کی جانب سے اپنے سفارت خانے میں قتل کے اعتراف کے بعد دونوں کو برطر کردیا گیا تھا۔

مزید پڑھیں: سعودی صحافی کے قتل میں محمد بن سلمان کا ہی کردار تھا، امریکی سینیٹرز

دوسری جانب امریکی میڈیا نے دعویٰ کیا تھا کہ سی آئی اے کے پاس اس بات کے شواہد موجود ہیں کہ سعودی ولی عہد سعود القحطائی کے ساتھ رابطے میں تھے، سعود القحطائی کے بارے میں کہا جاتا ہے کہ ان کی نگرانی میں جمال خاشقجی کا قتل ہوا۔

خیال رہے کہ 2 اکتوبر میں سعودی صحافی جمال خاشقجی استنبول میں سعودی سفارت خانے گئے تھے جہاں انہیں قتل کردیا گیا تھا۔

بیس اکتوبر کو سعودی عرب نے باضابطہ طور پر یہ اعتراف کیا تھا کہ صحافی جمال خاشقجی کو استنبول میں قائم سفارت خانے کے اندر جھگڑے کے دوران قتل کیا گیا۔

واشنگٹن: امریکی وزیر دفاع کا کہنا تھا کہ آئندہ دنوں میں افغان سیکورٹی فورسزاورطالبان میں شدید لڑائی دیکھائی دے رہی ہے،طالبان افغانستان میں پھر قوت پکڑرہے ہیں۔

واشنگٹن میں ایک نیوز بریفنگ سے خطاب کرتے ہوئے امریکی وزیر دفاع کا کہنا تھا کہ طالبان سے افغان سیکورٹی فورسز بہتر انداز میں مقابلہ کر رہی ہیں جبکہ افغان فورسز کی صلاحیتوں میں گزشتہ دنوں کافی بہتری آئی ہے۔

ایک سوال پر ایش کارٹر نے کہا کہ اتحادی افواج افغان فورسز کی فضائی صلاحیتوں میں بھی بہتری لا رہی ہیں۔ امریکی وزیر دفاع کے مطابق افغان فورسز کی فنڈنگ کیلئے آئندہ بجٹ میں تجاویز تیار کی جارہی ہیں جبکہ اس فنڈنگ میں اتحادی ممالک بھی اپنا حصہ ڈالیں گے۔

انہوں نے اس خبر کی تردید کی کہ جنرل کیمبل نے افغانستان میں مزید امریکی فوجی دستے بھیجنے کی درخواست کی ہے۔ پریس کانفرنس میں ایش کارٹر سے متعدد بار پوچھا گیا کہ طالبان کیخلاف کاروائیوں میں کیا امریکی فوج حصہ لے گی تاہم امریکی وزیر دفاع ان سوالوں کو ٹالتے رہے اور افغان فورسز کی صلاحیتوں پر ہی اپنی توجہ مرکوز رکھی۔